Изведувачот побарал да се урнат столбовите кои стојат повеќе од 25 години, а претставуваат 50 проценти од проектот за пругата Бељаковце-Крива Паланка. Тоа, според премиерот Христијан Мицкоски, би чинело многу скапо и затоа се бара друго решение кое би било побрзо и поевтино.

– Ние со пруга генерално сме затворени од Скопје до Кичево што е дел од Коридорот 8, потоа од Куманово до Бељаковце и од Бељаковце сега се гради втората секција до Крива Паланка. Тука е потпишан договор. Таа пруга е ветувана уште од времето на Бранко Црвенковски. Кога одите кон Кратово, по патот има столбови кои се кренати како носачи и стојат така, зјаат празни. Тие се стари повеќе од 25-30 години. Изведувачот вели, а тоа му го овозможила тендерската документација кога е поднесуван тендерот, најдобро е да ги урнеме и од почеток да градиме нови или пак да ги доработиме на начин на кој што ние сметаме и потоа да продолжиме со проектот, бидејќи тие столбови се практично 50 проценти од проектот. Другото е тунел 30 проценти и останатото е рамен дел околу 20 проценти. Овие 50 проценти се главната дилема. Ако го прифатиме тоа што го предлага изведувачот, тогаш треба да го дуплираме проектот. Дали имаме право на тоа? Немаме право. Затоа што ќе ја направиме убедливо најскапата пруга во историјата на железниците. Дури и онаа на Алпите нема да чини толку колку што би чинела нашето. Не по наша вина. Ќе повторам, но тоа е наследство од минатото и вие морате со тоа да се носите. Затоа, Градежниот факултет, директорот на Македонски железници и инфраструктура, министерот за транспорт работат континуирано, многу напорно за да обезбедат техничко решение кое што ќе биде брзо и евтино, а да биде задржан квалитетот – објасни Мицкоски синоќа во емисијата „Објектив“ на Македонската телевизија.

Премиерот нагласи дека постои проблем кај третата делница што треба да ја поврзе Крива Паланка со границата со Бугарија, бидејќи таа завршува на граница што ја поврзува тунел кој е половина на наша страна а половина на бугарска страна.

– Замислете, треба да потрошите пола милијарда евра за 22 километри пруга, од Крива Паланка до половина тунел и ќе заврши на пола тунел. И ние рековме, чекајте дечки ние не сме толку богати да ги трошиме овие пари, тоа се пари на граѓаните. Ајде да седнеме да се разбереме, да видиме дали бугарската страна воопшто сака нивната половина да ја изгради и дали воопшто сака од нивната половина да ги изгради тие два-три километри да се приклучи на постојната пруга и дали воопшто сака да ја модернизира постојната пруга од Ѓуешево до Софија. Тие ставија приоритет на друга пруга за модернизација тоа е од Софија до Бургас. Со Договорот потпишан во Вашингтон на НАТО Самитот во 2024 година се обврзаа дека ќе го градат Коридорот 8, и тие и Албанија. Од друга страна, Албанија нема мрднато со прст. Таму сега прават пруга која ќе ги поврзе Бари и Драч. Ние ќе ги поврземе Куманово и Крива Паланка за возови, но сепак нашиот интерес е во карго транспортот – рече тој.

Мицкоски нагласи дека постои комплетно игнорирање од бугарска страна.

– Овој викенд ќе има министерски состанок во Истанбул на министрите за транспорт на земјите од регионот и од Европа, и замислете бугарскиот колега нема да оди откако дознава дека нашиот министер и потпретседател на Владата ќе оди. А целта е да се разговара за овие коридори. Ние имаме комплетно бојкотирање од таа страна и игнорирање на овој проект. Ние сме подготвени било каде да седнеме и да прифатиме тие како ќе кажат, само нека градат, бидејќи Коридорот 8 е наш приоритет и приоритет за НАТО, ги поврзува Јадранско и Јонско Море со Црно Море заедно со Коридорот 10. Ќе ја составиме оваа стратешка целина за нас како држава за идните генерации да им оставиме капитал – рече тој.

Околу патната инфраструктура, Мицкоски потенцира дека Коридорите 10 и 8 од наша страна ги имаме затворено.

– Тешко ќе оди изградбата на клучката од Требениште кон Ќафасан. Затоа што е дел од УНЕСКО, не дозволуваат да се гради. Даваме некоја опција старите два патни правци кои ги поврзуваат Охрид и Струга да бидат во една насока. Бараме некоја модификација. Ако веќе тоа пречи, барем овие да се реновираат и да се направат барем до Струга, па ќе видиме како до Ќафасан и со тоа ние Коридорот 8 генерално ќе го затвориме – рече премиерот Мицкоски.

Владата пресметала дека пруга која не е брза, а е побрза од сегашната, карго возот просечно ќе се движи со повеќе од 110 километри на час, ќе се зголеми бројот на композициите кои ќе транзитиарат, а со проширениот капацитет на пристаништето во Грција и со брзата пруга ќе се зголеми и бројот на композиции кои ќе транизитираат дневно.

0Сето тоа во одредена мера ќе доведе до десеткратно зголемување на приходите на Македонска железница инфраструктура и транспорт. Само „Коско“ ќе го зголеми својот транзит на контејнери за пет проценти – рече Мицкоски и додаде дека економската оправданост можеби во нема да се случи во неговиот мандат, но дека треба да се држиме до оваа стратегија.

The post ИЗВЕДУВАЧОТ БАРА ДА СЕ УРНАТ СТОЛБОВИТЕ ЗА ПРУГАТА КОИ СЕ ЗАПУШТЕНИ ПОВЕЌЕ ОД 25 ГОДИНИ Власта бара поевтино техничко решение appeared first on plusinfo.mk.

Новиот министер за здраство, Азир Алиу, на денешната прес-конференција во Владата рече дека ќе се заложи за здравствен систем базиран на 5 столба кои ќе го трансформираат здравството во поправеден и поефикасен сервис за граѓаните.

Алиу посочи дека ќе се фокусира на неколку клучни насоки, на спроведување на програмата 2024-2028, решавање на наталожените проблеми од изминатите години и на воспоставување нова култура на стратешко и долгорочно планирање во Министерството со акцент на Националните стратегии како суштински документ, со цел, како што посочи, да се изгради стабилен, политички независен здравствен систем.

Секој столб ќе го зајакне здравството

– За да ги реализираме овие цели, ќе градиме систем, базиран на 5 столба што ќе го трансфорираат здравството во поправееден и во поефикасен сервис за граѓаните. Ќе изградиме мапа на здравствени потреби по региони и по општини, што ќе покаже каде недостигат здравствени работници опрема или функционални центри. Со вториот столб – транспарентност и отчетност во здравтвените услуги – ќе креираме платформа за следење на перформансите на здраствениот ситем, секој граѓанин ќе има можност да види каде се третира побрзо, каде резултатите се најдобри и каде има потреба од унапредување. Третиот столб е професионален развој и зајакнување на човечките ресурси, секојдневно ќе го зајакнуваме обучувањето на лекарите и медицинските сестри и јасно ќе ги разграничиме клиничките од менаџерските услуги. Четвртиот столб е одржливо финанисирање и фокус на превенција. Ќе го напуштиме слепото финансирање, болниците ќе бидат поддржани според популацијата што ја покриваат и резултатите, што се постигнуваат, ќе ги следиме во реално време. Исто така ќе има и дигитализација која подразбира и поврзување со здравствениот систем на ЕУ – рече Алиу.

Најави национална програма „Порано подобро – превенцијата започнува со тебе“, со која секој граѓанин којшто има над 40 години ќе има право на бесплатни прегледи за рано откривање дијабетес, кардиоваскуларни заболувања , хипертензија и други. Истакна дека ова ќе се спроведе на тој начин што ќе има онлајн платформа на којашто граѓаните ќе можат да се пријавуваат.

Кочани ќе биде во фокусот

Алиу воедно рече дека Кочани е во фокус на неговото работење и најави дека утре ќе оствари средба со директорката на болницата во Кочани, а во наредните денови и со граѓаните во Кочани, со цел да ги увиди нивните реални потреби.

– Дефинтивно Кочани ни е во фокус, има работна група во Владата, исто така, и ние имаме работна група во Министерството. Овие денови ќе бидеме во Кочани, нема да одиме на средби со новинари, туку одиме да се видиме со граѓаните и лично да ни кажат кои се нивните потреби. Утре имам и средба со диркеотрката на болницата во Кочани затоа ќе почнам од таму. Од прв ден видов дека како Министерство немаме работна група за менаџирање со кризни ситуации и веднаш креирав активности за тоа да се случи и ќе видите дека наскоро за месец дена ќе имаме работни групи за сите можни катастрофи – дали природни или предизвикани од човечки фактор, рече Алиу.

Во однос на петтиот, односно последниот столб, министерот оцени дека е централен и многу важен столб.

– Петтиот столб, кој е централен во здравствениот систем, е столбот за дигитализација. Тој е во сржта на секоја промена во која ја поставуваме технологијата како цел. Градиме целосен систем на електронско здравство, вклучувајќи електронска здравствена картичка, дигитални рецепти и упатувања, како и платформи за ефикасно поврзување на пациентите со лекарите – изјави Алиу.

Министерот додаде дека ќе бидат воведени меѓународни стандарди сѐ со цел, во иднина да се овозможиинтеграција со европската мрежа.

Новиот министер за здравство исто така најави брифинзи со новинари секоја среда, а секоја недела прес-конференции на кои ќе ги најавува следните активности.

Во однос на обвинувањата од неговиот претходник, Арбен Таравари, дека не е лекар, а дека ќе извршува функција на министер за здравство, Алиу истакна дека без разлика што не е лекар, може да придонесе во развој на здравствениот систем, бидејќи, како што рече, „јас нема да оперирам срце, туку ќе креирам систем во кој лекарите ќе можат да прават операција на срце, со соодветни материјали, апаратура и со простории“.

„Клиниката за онкологија личи на сѐ, само не на болница за такви пациенти“

Алиу најави дека ќе се дисперзираат базичните услуги за онколошките пациенти низ државава, онаму каде што и со закон можат да се дозволат.

– Ќе ги дисперзираме услугите, тие што се базични и што можат со закон да се дозволуваат ќе бидат достапни за граѓаните за најблиску каде што живеат. Но, од друга страна, мора да бидеме сигурни дека лековите, што треба да ги примаат, ќе бидат чувани во соодветни услови, така што целата програма ќе има услови за следење, односно „трекинг систем“ – рече Алиу.

Тој посочи дека како министер за здравство, се срами од инфраструктурните услови на Клиниката за онкологија.

– За жал, лично ја видов сликата таму, ако влезете во чекална на Онкологија тоа личи на сѐ, само не на Клиника којашто треба да лекува такви пациенти. Прво што најавувам е креирање на достоинствени услови за чекалните бидејќи таму нема ниту столчиња за седење. И сите треба да се срамиме со таква инфраструктура, а и јас како министер за здравство –  нагласи Алиу.

Решение за недостигот на хормонска терапија за пациентите на Онкологија

Во однос на недостигот на таблетарната хормонска терапија за онколошките пациенти и до каде е процедурата, тој рече дека решението е 6 месеци пред истекот на договорот со постоечкиот тендер и компанија, секоја клиника да мора да го отвори и да го затвори тој процес.

– За жал процедурите се такви во државата што ако нешто се случува во процесот на тендерирање, ќе треба да се чека и ова ни беше една од точките како може да се надмине овој проблем и најдовме решение, решението е секоја клиника, секоја институција, да мора да го отвори и да го затвори тој процес 6 месеци пред истекот на договорот со постоечкиот тендер и компанија. Што ќе се случи, ако случајно во тој период, заради, еве како што ни се случи сега, заради икс причини, правни, или човечки или други фактори, да имаме време да се отвори тендерот уште еднаш и да не се појави тој недостиг на лекови кај пациентите, така што гледате дека лесно можат да се решаваат проблемите, само треба работа и волја – рече Алиу.

Тие што работат со години треба да имаат решен статус

Во однос на договорците на дело, министерот рече дека имал средба со директори на клиники на која било посочено дека сите се соочуваат со предизвици во однос на човековиот фактор – недостиг на кадар, лекари, медицински сестри и на техничари.

– Тие, што работат со години, нормално дека треба да имаат решен статус, додека, пак, за другите ќе отвараме процедури, но за тоа нормално ќе ни треба време, заедно со министерката за финансии, да го видиме и аспектот на финансии и на поддршка рече Алиу, одговарајќи на новинарски прашања.

Дигитализацијата е решение за многу проблеми

Во врска со случајот со гинекологот, кој правел бесплатен ПАП тест на пациентка на друго име, рече дека сигурно тоа не е единствен пример и решението го гледа во дигитализацијата.

– Тоа е жално, јас мислам дека тоа не е ни единствен случај, јас од првиот ден се заложив, еве ќе видите секоја недела ќе зборувам за дигитализација – без дигитализација општеството ќе тоне, вториот момент е намалување на човечкиот фактор. Во тој случај, замислете да имавме таков дигитален систем во кој секој лекар во систем ќе стави дека се процесира некоја интервенција, автоматски на СМС ќе му стигне порака за тој термин. Тогаш пациентот ќе беше информиран за тој несовесен доктор во реално време, а и ќе знаеше дека е дома додека на СМС добива порака дека е на лекар. И тогаш, ако некој доктор сака да злоупотреби, системот тоа нема да му го дозволи, истакна Алиу.

Парите од Велика Британија ќе се користат и за подобрување на здравството во другите градови

Во однос на новиот Клинички центар, што го најави премиерот Христијан Мицкоски, министерот истакна дека првин ќе се работи на мапирање.

– Во оваа фаза знаете дека со договорот со Велика Британија, ние, како Министерство за здравство, имаме 1 милијарда евра за инфраструктирни проекти. Освен тоа, имаме и други фондови кои во моментот ги анализираме, инфраструктурно ние мора да се екипираме, па затоа една од работите, што веќе ќе ги почнеме од понеделник, е мапирање – бидејќи не е само Клинички центар, туку и во другите градови имаме инфрасруктура која не е достојна за таков сервис за граѓаните, така што ќе имаме јасна слика која ќе биде јавно достапна и ќе има портал со мапирана инфраструктура – рече Алиу.

Алиу беше министер за информатичко општество и администрација во 2023 и во 2024 година. Тој е дел од Алијанса за Албанците која остана во Вреди откако доскорешниот министер

The post ОНКОЛОГИЈА ЛИЧИ НА СЀ, ОСВЕН НА БОЛНИЦА Министерот Алиу најави крај на тендерските доцнења и на чекалниците без столчиња appeared first on plusinfo.mk.

Програмата за работа на Владата 2024-2028, доставена во Собранието од мандаторот Христијан Мицкоски, е претставена во шест столба на над 60 страници. Носечка цел, како што се наведува, е обнова на довербата во институциите на државна власт, елиминирање на корупцијата и обезбедување на владеење на правото, како и економското заживување со цел создавање на продуктивни и добро платени работни места.

Првиот столб – квалитетен животен стандард и нов циклус на економски раст, става акцент на стабилни јавни финансии, поддршка за конкурентен приватен сектор, поддршка за иновациите и ИКТ секторот, најавува продуктивни и високоплатени работни места, како и национален план за демографија. Се залага за развиено земјоделство и развиена и функционална инфраструктура и енергетски сектор во служба на државата.

„Наша цел е да создадеме продуктивни и добро платени работни места, да ја намалиме невработеноста и да поттикнеме средина каде што бизнисите можат да цветаат. Преку стратешки инвестиции во инфраструктурата и енергетиката ќе го подобриме квалитетот на животот на сите граѓани и ќе обезбедиме одржлив развој“, се наведува во Програмата на Владата.

Целта на Владата е до 2028 година да се намали стапката на невработеност до 7,5% и во следните четири години да се креираат 55 илјади нови работни места, задржување на рамниот данок и данок на личен доход од 10 проценти.

Доколку не се случат непредвидени политички и економски нарушувања на глобално и регионално ниво, во Програмата, се оценува дека постојат услови започнувајќи од 2025 година, растот на БДП да се движи од 3 до 5 проценти. Се планира постепено намалување на буџетскиот дефицит на ниво под 3% од БДП и се очекува во периодот 2025-2028 година просечната стапка на инфлација да изнесува меѓу 2% и 2,5% годишно.

„Владата ќе ја почитува независноста на Народната банка, со очекување дека истата преку навремени мерки и активности ќе одржува ниска инфлација, стабилност на девизниот курс и ќе се грижи за ефикасен финансиски сектор“, се вели во програмата.

Во програмата се најавува обновување на брендирањето на Македонија како поволна инвестициска дестинација и светска промоција, како и формирање на единствена Агенција за странски инвестиции и извоз, преку спојување и рационализација на постоечките агенции и обезбедување one-stop-shop услуга за инвеститорите.

Владата, исто така, се обврзува да го стави демографскиот развој во прв план и предвидува зголемување на мерките и поддршката за родителите, но и системска и сеопфатна програма за поддршка на лицата кои ќе се вратат од стрнаство. Исто така, се предвидува и отворање на научен институт за демографски истражувања, миграциска и популациска политика.

–  Предвидуваме програма за грантови и поволни кредити за 150 илјади домаќинства за еден мандат за поставување на нови енергетски фасади, прозорци и врати, како и субвенции за граѓаните до 50% за набавка и инсталација на сончеви колектори, топлински пумпи и фотоволтаични електрични централи за производство на струја за сопствени потреби. Домаќинствата ќе имаат можност да го продаваат вишокот на произведена електрична енергија, по подобри услови, со промена на постојната регулатива, се предвидува во програмата на Владата.

Во делот на постигнување енергетска одржливост и независност владината програма предвидува модернизација и продолжување на работниот век на ТЕЦ „Осломеј“, гасификација на ТЕЦ „Неготино“, енергетска транзиција на РЕК Битола и финансирање на Рударско-енергетски комплекс во Источна Македонија, како и активно работење на диверзификација на изворите за производство на електрична енергија.

Владата, исто така, во програмата се обврзува на завршување со изградба на автопатите Кичево – Охрид, Скопје – Блаце и Кичево – Букојчани, како и продолжување со договорените делници од Коридорите 8 и 10.

Вториот столб – фронт против корупцијата, предвидува реформа на правосудниот систем и системска борба против корупцијата.

„Законите ќе се применуваат еднакво за сите граѓани, без оглед на нивната етничка, верска, полова и друга припадност. Владата ќе понуди нови системски решенија за трансформација на правосудните органи во вистински независни, транспарентни, одговорни и ефикасни субјекти кои се темел за едно нормално демократско општество. Ќе се посвети на ослободување на судството од стегите на извршната власт и спроведување политики за расчистување со судирот на интереси во правосудството, присутниот непотизам, партизација и кронизам“, нотирано е во владината програма.

Се предвидува распуштање и законска реформа на Судскиот совет и Советот на јавни обвинители. Во преоден период, Владата ќе иницира законски измени со кои ќе утврди строги и објективно мерливи критериуми кои треба да ги исполнат новите членови, избрани на предлог на Собранието и на претседателот на државата, преку транспарентна и јавна постапка што ќе го гарантира интегритетот и квалитетот на избраните кандидати. Владата ќе иницира процес на промена на Уставот во делот на уредување на составот на Судскиот совет и Советот на јавни обвинители.

Владата, исто така, ќе иницира донесување на целосно нов Кривичен законик по примерот на неколку нам сродни правосудни системи, Закон за јавно обвинителство, Закон за судови, Закон за Судски совет, Закон за кривична постапка, Закон за Совет на јавни обвинители и други неопходни закони.

„Ќе биде поведена постапка за ревизија и испитување на законитоста на целокупното работење на Специјалното јавно обвинителство, при што посебно внимание ќе се посвети на загрозувањето на човековите права направени во постапките, прекршување на процесните закони при постапувањето, расчистување на утврдените злоупотреби на исплатата на финансиските средства кон обвинителите, истражителите и советниците и нивно враќање во буџетот, како и испитување на непотизмот, партизацијата и кронизмот при вработувањата во СЈО“, се вели во програмата на Владата.

Третиот столб – владеење на право во институциите, предвидува реформи во политичкиот систем и јавната администрација, достапни јавни услуги – Смарт Македонија, како и развиени локални самоуправи и рамномерен регионален развој.

–  Владата ќе промовира политика на разбирање и соработка во процесот на демократска реформа, залагајќи се за принципот „национален консензус“. Ќе настојуваме во водењето на политиката да се постигнува што е можно посеопфатен политички консензус при креирањето и реализацијата на проектите и политиките со долгорочно значење и вредноста за државата, се вели во програмата на Владата.

Во таа насока, Владата ќе ги поддржи сеопфатните дискусии во Собранието за: измени на Уставот со кои ќе се овозможи Собрание од 90 пратеници, како и системски и законски реформи за воведување на една изборна единица за избор на пратениците, укинување на изборниот цензус за претседател, укинување на концептот на т.н. Техничка влада, реформа на Уставниот суд и воспоставување на можност за разрешување на градоначалник.

Четвртиот столб – функционален институционален систем, става акцент на квалитетен здравствен систем и образование за иднината, чиста животна средина, социјална грижа и посветена грижа за пензионерите.

„Образованието и здравството се во срцето на нашата агенда. Ќе спроведеме реформи за подобрување на квалитетот и достапноста на образованието, подготвувајќи ги граѓаните за предизвиците на современиот свет. Нашиот здравствен систем ќе се зајакне за да обезбеди сигурна и висококвалитетна грижа за секој граѓанин. Ќе се фокусираме на социјалната кохезија, поддршката на семејствата, промовирањето на еднакви можности и заштитата на правата и слободите на сите поединци“, се вели во владината програма.

За пензионерите ќе обезбедиме по 5 000 денари повеќе за пензии во првата година од мандатот.

Петтиот столб – национални приоритети, ги исцртува приоритетите во надворешната политика, безбедноста и одбраната, културата како столб на државата, како и развиен туризам и спортот како национална гордост.

„Нашата посветеност на европските интеграции останува цврста. Ќе работиме ангажирано на усогласување на нашите политики со европските стандарди, унапредувајќи ја нашата цел за полноправно членство во Европската унија. Овој пристап ќе донесе стабилност, економски раст и засилена меѓународна соработка, обезбедувајќи подобра иднина за граѓаните“, стои во програмата на Владата за периодот 2024-2028.

Шестиот столб – права и слободи, ги става жената во центарот на македонското општество и младите во фокусот, слободни и независни медиуми, како и поддршка на граѓанскиот сектор и владина транспарентност и отчетност.

„Културата и туризмот се од витално значење за македонскиот национален идентитет и економски просперитет. Ќе инвестираме во развој на културната инфраструктура, ќе ја поддржиме уметноста и ќе го промовираме богатото наследство на домашен и на меѓународен план. Со подобрување на нашите туристички понуди и подобрување на искуството на посетителите, ќе привлечеме повеќе туристи, ќе ги зајакнеме локалните економии и ќе ги прикажеме убавината и различноста на нашата земја. Развојот на спортот е клучен за поттикнување на националната гордост  и промовирање на здрав живот. Спортот ќе биде клучен елемент во градењето на духот на заедницата и обезбедување можности за нашите млади“, се вели во програмата на Владата.

The post ПРИОРИТЕТИ ВО ПРОГРАМАТА НА НОВАТА ВЛАДА Враќање на довербата во институциите, елиминирање на корупцијата, владеење на правото, економски прогрес appeared first on plusinfo.mk.

– Ваков пример за испумпување на општински пари, покрај во општините Бутел и Кисела Вода, примери кои ги презентиравме во изминативе денови, имаме и во општина Гази Баба, а тоа договорот потпишан помеѓу фирмата „Електромикица“ и општината, од овој договор гледаме дека општината кабел ППОО – А 4х16 мм2 се нуди по цена од неверојатни 490 денари, додека ист таков кабел, но со дупло поголема големина, кабел ППОО – А 4х35 мм2 е понуден по цена од 60 денари, а овој кабел најверојатно никогаш не бил нарачан – рече Лефков.

Според него, уште поголема нелогичност и воочливост за местење на постапката се гледа во понудата на набавка на железни двостепени столбови.

– Столбовите од 4.5 метри и 6 метри се наплаќани по цена 9.120 денари, а многу поголемите столбови од 8 метри и 10 метри се нудени по цена од 360 денари, тоа е разлика од над 30 пати во корист за помалите столбови, за кои е потрошен дупло помалку материјал.Оваа набавка изобилува со разлика во цените на идентични производи, од кои едните се со енормно високи цени, додека тие кои никогаш не биле нарачани се и по 5 пати помали цени, имено сијалиците од 70 вати кои ги нарачувала општината биле понудени по цена од 9.450 денари, додека тие од 100 вати биле понудени по цена од 1.150 денари – рече Лефков.

Тој соопшти дека на овој начин во период од неколку месеци во период од мај до октомври 2021 година се испумпани над 11 милиони денари од општина Гази Баба.

Лефков ги повикува надлежните институции веднаш да отворат постапка и да ги испитаат сите детали поврзани со овој случај.

– Да се утврди каде завршувале општинските пари испумпувани преку тендери кои силно индицираат на местење – рече Лефков.

The post ИСТА ФИНТА ЗА ИСПУМПУВАЊЕ ОПШТИНСКИ ПАРИ Градоначалникот од СДСМ на Гази Баба од тендери за столбови и кабли испумпал 11 милиони денари општински пари appeared first on plusinfo.mk.

Многу е важно да се согласиме за оваа албанска платформа во политичката трка која треба да биде постојана за албанската политика, изјави денеска Бујар Османи за ТВ21.

– 1. На изборите не се тркаме со повеќе од две листи. 2. Партијата која ќе добие глас повеќе зборува во име на Албанците во другите општини. 3. Партиите и пратениците кои имаат глас помалку, даваат поддршка на првата партија која за стратешките линии ќе зборуваат во името на сите пратеници Албанци, а за дневно политички прашања ќе биде главен коректор. 4. Пратениците на партиите кои не победиле не водат разговори на страна за да ги ослабнат преговарачките позиции на победничката партија (како во 2006). 5. Можност за соработки во разни форми во интерес на граѓаните меѓу албанските политички партии – истакна Бујар Османи.

За време на предизборната кампања коалицијата Алијанса за Албанците и Алтернатива идејата на ДУИ за прв премиер Албнец е маркетиншки трик за да се привлечат повеќе гласови. По изборите од оваа коалиција најпрво велеа дека нема шанси за каква било заедничко влегување во коалциија со ДУИ за собраниско мнозинство, за да денеска претставници на АА кажат дека не ја исклучуваат можноста да учествуваат во влада со ДУИ.

The post Османи: Ова се петте столба во преговорите со албанските партии appeared first on plusinfo.mk.

Потенцира дека првиот стоб е заштитата на македонските национални интереси, вториот е силен економски развој без кој нема и заштита на националните интереси, третиот се темели на функционално владеење на правото односно на функционална правна држава и борба против организираниот криминал и корупција,четвртиот се однесува на подобрување на условите во образованието и петтиот столб е посветен на подобрување на условите во здравството и социјалната грижа.

– Имаме план во наредните четири години невработеноста да падна под 10 отсто, платите да пораснат за најмалку 25 отсто, пензиите да растат помеѓу 25 и 50 отсто зависно од висината, да се зголемат субвенциите во земјоделието, како и да се намалат даноците на рекордно ниско ниво од само 8 отсто рамен данок, данок на профит и персоналниот данок, рече Николоски.

Тој очекува во наредниот период Гевгелија да доживее процут во прекуграничната соработка затоа што моментно градот е на петто место со педесетина илјади туристи кои доаѓаат годишно и очекува таа бројка да се зголемува за 25 отсто на годишно ниво,силно да се стимулираат младите за отворање свои бизниси, како и инвестирање во туризмот и земјоделството.

Во однос на изборите Александар Николоски изрази надеж дека ќе бидат фер и демократски, но оти лично не очекува тоа да се случи затоа што на ден пред почетокот на кампањата прв пат во историјата на Македонија, без конензус со опозицијата, подвлече, без разлика кој бил во опозиција, се смени изборниот законик и буџетот за нејзино претставување во кампањата се намали за 50 отсто.

За отворањето на границите, Николоски смета дека одлуката е политичка и обична манипулација затоа што врвни стручњаци од Комисијата за здравство биле изманипулирани за партиски цели.

The post Николоски ги повика гевгеличани да одберат обнова што се темели на пет столба appeared first on plusinfo.mk.