СДСМ повторно лаже за состојбите во сточарството, а Државниот завод за статистика забележува повисоки субвенции и позитивни резултати вели ВМРО-ДПМНЕ во соопштение до јавноста.

„Времето на СДСМ, сточарите го паметат и по 17 месеци неисплатени субвенции за предадено млеко. Напредокот во делот на сточарството го потврдуваат и статистичките податоци на Државниот завод за статистика.

За прв пат по 10 години во 2025-та година бележиме зголемување на произведените количини на кравјото млеко за 2,7% во споредба со 2024-та година. Зголемување имаме и во производство на овчото млеко за 4% повеќе во однос на 2024-та година.

Наспроти деструкцијата и хаосот што владееле во минатото, денеска имаме и зголемување на субвенциите во делот на сточарството. Финансиската поддршка за предадено млеко се зголеми и тоа:

– кравјо од 5 на 6 денари.

– овчо и козјо од 6 на 7 денари.

Се зголеми и финансиската поддршка од 4.000 на 6.000 денари за товни раси на говеда и зголемување од 3.000 на 4.500 денари за сите остананати раси или мешавини од различни раси.

За обележани грла овци постари од 12 месеци, има зголемување на поддршката од 2.000 на 3.000 денари, исто така и за обележани грла кози постари од 12 месеци, се зголеми поддршката од 2.000 на 3.000 денари.

По неколку години застој, се креираше нова мерка за зголемување на бројот на основното стадо во која висината на поддршката е за 30% повисока од основните мерки за пријавен број на обележани говеда, овци и кози.

Со ова фармерите ќе се поттикнат за зголемување на бројот на основните стада. СДСМ го уништи сточарството во Македонија со нивните штетни политики. Политиките на Владата предводена од ВМРО-ДПМНЕ се насочени кон создавање на модерно и конкурентно земјоделство“, вели ВМРО-ДПМНЕ.

The post СДСМ ЛАЖЕ, СУБВЕНЦИИТЕ ВО СТОЧАРСТВОТО СЕ ПОВИСОКИ Сточарите паметат кога 17 месеци не беа исплатени appeared first on plusinfo.mk.

Нема кратење на субвенциите со новата Програма за директни плаќања туку воведување ред и правична распределба на парите за земјоделците, рече денеска министерот за земјоделство, шумарство и водостопанство Цветан Трипуновски на седницата за пратенички прашања.

Тој нагласи дека измените во Програмата за директни плаќања за 2026 година не значат кратење на субвенциите, туку воведување ред и правична распределба на средствата што ги обезбедува државата.

-Целта е финансиската поддршка да заврши кај вистинските земјоделци -рече Трипуновски.

Тој појасни дека Програмата предвидува зголемување на минималните прифатливи прагови за користење субвенции.

– И тоа кај овошните и лозовите насади од 0,2 на 0,5 хектари, додека кај житните култури прагот е зголемен на 0,7 хектари. Во сточарството е предвидено минимум три крави, 30 кози, 30 овци и 30 пчелни семејства – рече Трипуновски.

Трипуновски рече и дека една од новините е и обврската најмалку 30% од произведениот род да биде предаден во регистрирани откупни или преработувачки капацитети. Со тоа ќе се спречат злоупотреби од лица кои поседуваат земјиште го даваат под наем, не произведуваат, а користат субвенции.

– Се зајакнува теренската контрола преку вклучување на капацитетите на Државниот инспекторат за земјоделство како поддршка на Платежната агенција. Посебен фокус ќе има кај долгогодишните насади и сточарството – вели Трипуновски.

Министерот рече и дека измениите за субвенционнирање на земјодлеците нема да се применуваат веднаш. Земјоделците кои моментално не ги исполнуваат новите услови ќе имаат преоден период од 2 години за да се усогласат.

-Манипулациите дека малите земјоделци ќе останат без субвенции се неточни. Напротив, даваме време и поддршка за нивен раст и окрупнување, со цел поголема рентабилност и зголемено производство – рече Трипуновски.

The post ТРИ КРАВИ, 30 ОВЦИ И 30 КОЗИ СЕ НОВИОТ МИНИМУМ ЗА СУБВЕНЦИЈА Трипуновски вели дека 2 години е периодот за усогласување со новите правила appeared first on plusinfo.mk.

Денеска е извршена исплата на средства во вкупен износ од 335.963.096 денари (5,4 милиони евра) кон 1.211 сточари, согласно Програмата за финансиска поддршка во земјоделството за 2024 година, соопшти Министерството за земјоделие, водостопанство и шумарство.

„Во врска со корисниците на кои не им се исплатени средства по основ на субвенции за 2023 година, информираме дека е потребно истите да се обратат до Агенцијата за финансиска поддршка во земјоделството и руралниот развој, со цел да се изврши детална проверка и разгледување на секој поединечен случај. Грижата за земјоделците продолжува“, соопшти министерството.

Претставници на Сојузот на одгледувачи на овци и Конфедерацијата на слободни синдикати (КСОМ) вчера протестираа пред Владата, со предупредување дека македонското сточарство е пред колапс и најавија протести ако до петок не им бидат исплатен субвнциите.

The post ИСПЛАТЕНИ СЕ 5,4 МИЛИОНИ ЕВРА СУБВЕНЦИИ Пари добија 1.211 сточари appeared first on plusinfo.mk.

– Субвенциите требаше да се исплатат до 30 јуни, а веќе сме крајот на август. Донесовме решение да побараме оставка од овој министер кој за нас не е  министер. Истиот тој ни кажа, не ме притискајте, ќе гледам да ги исплатам субвенциите во најбрз можен рок. А тоа значи до крајот на април да ги земете субвенциите – објасни Митко Јанков, претседател на здружение „Агро центар“ од Велес.

Сточарите се жалат дека сточната храна е со астрономски цени.

– Имам само еден апел до сите политичари во Македонија, да мислат малку на оваа гранка, овчарството. Дали мислат дали целосно да го уништат или не. За време на Југославија, Македониија имаше од 2 до 3 милиони грла на овци, сега имаме само 400.000 – изјави Амет Скендер, претседател на здружение „Даши“ од Дебар.

The post ОДГЛЕДУВАЧИТЕ НА ОВЦИ ЌЕ ПРОТЕСТИРААТ Уште нема абер за субвенциите за 2021 година appeared first on plusinfo.mk.

За да се намалат катастрофалните емисии на азот, властите во Холандија пропишуваат радикално намалување на сточниот фонд, што ги наведе земјоделците на неколкунеделни протести, додека за денеска е најавена масовна блокада на пристапот до амстердамскиот аеродром Шипхол и аеродромите во Ајндховен и во Мастрихт, јави Бета.

Полицијата најави дека со сите средства ќе ги разбие блокадите, а војската е на готовност. Министерката за одбрана Касја Олонгрен изјави дека „нема да толерира трактори околу Шипхол“, пренесе Дојче веле.

За време на претходните протести, земјоделци блокираа автопати и улици. Пред владини згради во Хаг имаше и трактори и крави, беа палени бали сено, а пред домови на политичари се прскаше ѓубриво.

Во вторникот лути демонстранти стигнаа пред станот на Kристијане ван дер Вал, министерка надлежна само за темата „природата и нитратите“.

Функцијата е воведена минатата година со цел да се реши прашањето за премногу азотни соединенија што ја трујат природата. Од нив, 70 отсто потекнуваат токму од сточарството, а Владата единственото решение го виде во радикално намалување на сточниот фонд.

– Знам какви огромни последици има за фармерите. Тоа е ужасно. Но, немаме избор. Природата не може да чека – изјави Ван дер Вал, претставувајќи го планот во Парламентот во средината на јуни.

Земјата спаѓа во земјоделски колоси, каде во јужните делови бројот на свињи по квадратен километар е најголем во светот. Само САД извезуваат повеќе земјоделски производи од Холандија, гледано по вредност.

The post КРАВИ ИЗЛЕГОА ПРЕД ВЛАДАТА ВО ХАГ Лутите земјоделци испрскаа со ѓубриво домови на политичари appeared first on plusinfo.mk.

На почетокот на јуни, Ивана се врати од Белград во родниот Шабац, каде одгледува свињи, овци, кози, патки, гуски, пилиња и кокошки на нејзиниот имот. Таа таму засади домати, тиквички, краставици и сето тоа го продава, пишува „Курир“.

Таа реши да го направи овој чекор затоа што, како што вели, нема повеќе леб од пеење.

– Не постои шминка, брендирана облека и сè што се користи на сцената. Моите прасиња се газди тука, а јас им пеам. Па кога немам за кого да пеам, барем да им пеам на оние на со кои живеам – моите прасиња. А тек како тие знаат да пеат – изјави таа.

Како што се наведува, Ивана има 80 прасиња, 20 овци и многу живина, за која се грижи цел ден.

– Верувајте ми, ништо не е тешко за мене. Јас работам со елан. Продажбата е одлична, затоа што се грижиме за животните на вистински начин. Ова е бизнис и живеете од ова во овие тешки времиња. Јас им пеев на државници, криминалци, разни слоеви на општеството и воопшто не се срамам што „го закачив микрофонот на колче“ и започнав друг бизнис. Лесно ќе го земам микрофонот кога ќе биде потребно, но дојде тешкото време, којзнае кога сцената ќе започне да настапува. Ова дефинитивно е сигурно парче леб – рече пејачката.

Таа има помош од нејзиниот сопруг Бојан, кој се грижи за сè, а и помага да го нахрани добитокот. Сашиќ вели дека има одлична комуникација со патките.

– Па нормално. Се разбираме многу добро. Ги посетувам во текот на целиот ден, а успевам и да се грижам за децата – вели таа.

The post Поради кризата, пејачката Сашиќ почна да продава прасиња и зеленчук: „Не се срамам, ова е дефинитивно за парче леб“ appeared first on plusinfo.mk.