– Не да се спротивставиме, туку да ја објасниме ситуацијата дека сето тоа не можеме да го спроведеме, зашто не можеме да најдеме место за сите тие луѓе, она што ни беше најтешко да прифатиме е да менуваме систематизација за да прифатиме и детективи да ставиме во ДПИ. Затоа одлучивме и разговаравме на највисоко ниво и сме доставиле писмо уште веднаш по добивањето на сите тие 35 рамковно распоредени лица, до премиерот, видепремиерот, препратено е писмото на сите страни. На обвинувањата дека не сум ги примил затоа што биле Албанци, велам дека не сум националист, живеам и работам со нив и во самиот менаџерски тим имавме и Албанци. Не сакам да се остави впечатокот дека сум кавгаџија – рече Пауновски.

Тој потенцираше дека до ден денес не добил одговор, ниту телефонски се слушнал со премиерот.

– За секое ново вработување мора да се обратите со Министерството за информатичко општество и до Министерството за политички систем за да се види по балансерот кој и какви кадри треба да се примат – вели Пауновски.

Екс директорот на ДПИ рече дека сите кои седеле дома, биле пуштени на работа, им се обезбедило обука и сите кои ги задоволиле критериумите билее пратени на терен и имале каде да се сместат.

– Другите 35 во местата каде што бараа да бидат сместени, немавме слободно место каде да ги сместиме – рече Пауновски.

Пауновски рече дека откако дошол на местото директор на ДПИ немал примено луѓе кои немале соодветни квалификации, туку претходните биле наследени и за сите гледал да најде работа.

– Дел од тие теолози и еколози ги ставале како помлади инспектори, а тие не го работеле тоа и на барањето да се пуштат на терен, тие изјавиле дека не сакале да одат на терен и веднаш биле прераспоредувани да одат во администрацијата – рече Пауновски.

The post Пауновски за ТВ24: Не сум националист и не сум кавгаџија, не дозволив рамковни вработувања оти немаше место appeared first on plusinfo.mk.

Владата денеска на седница на предлог на Комисија за именување ја именуваше Анета Симеска Димоска за в.д. директор на Државниот пазарен инспекторат, орган во состав на Министерството за економија.

Од владината прес-служба информираат дека Анета Симеска Димоска е дипломиран инженер технолог и магистер по бизнис администрација со специјалност за комерцијална ревизија на финансиски извештаи во услови на примена на информациските технологии. Има 28-годишно работно искуство, од кои 19 години како државен пазарен инспектор, а од 2017 до 2020 година беше пратеник во Собранието.

Симеска-Димоска доаѓа на местото на Стојко Пауноски, кој беше разрешен од Владата на 27 април 2021 година, поради, како што соопшти тогаш Владата, непрофесионално однесување.

Разрешувањето на Пауновски следеше откако јавно кажа дека не може да ги преземе во ДПИ 32-цата вработени преку програмата К-5 што му ги определи Владата, туку само оние кои имаат соодветно образование.

The post Владата ја постави Анета Симеска Димоска на местото на Стојко Пауновски appeared first on plusinfo.mk.

Според Пауновски, таква лабораторија е набавена во 2019 година од страна на Владата, но на Пазарниот инспекторат никогаш не му била дадена, поради што и не ја користел.

„Ги негирам изнесените невистини од страна на министерот за економија Крешник Бектеши дека иако сме имале акредитирана лабораторија, не сме ја користеле. Вистината е дека таква лабораторија беше набавена во 2019 година од страна на Владата, а јас, премиерот Зоран Заев и министерот Крешник Бектеши ја промовиравме заедно во јавноста како проект кој ќе ни помогне да вршиме квалитетна и независна контрола на нафтените деривати. Тоа требаше да биде револуција бидејќи дотогаш (и се уште), нафтената индустрија во земјава, иако претставува еден од најголемите загадувачи на животната средина, повеќе од една деценија е оставена сама да си го контролира квалитетот на горивата. Лаборатијата никогаш не ни беше дадена и не е употребувана од наша страна, бидејќи министерот за економија не дозволи таа да оди под владение на Пазарниот инспекторат. За тоа две години се води и спор помеѓу Инспекторатот и Бирото за метеорологија, на кого и беше доделена лабораторијата“, наведува Пауновски.

Министерот за економија Крешник Бектеши денеска, одговорајќи на новинарско прашање зошто немал сознанија дека во земјава се увезува опасен мазут, рече дека Пазарниот инспекторат ја користел државната мобилна лабораторија само еднаш во последните две години.

– Како Министерство пред две години набавивме независна мобилна лабораторија која е во сопственост на Бирото за метрологија на државата. Директорот на Државниот пазарен инспекторат до овој момент ја користел само еднаш во последните две години. Јас не би сакал да го користам зборот дека во тоа истражување директорот лажел, но кажал многу невистини имајќи предвид дека токму оваa мобилна лабораторија можело да се користи да се направат такви проверки, а тој ниеднаш ниту се обратил во Министерство за економија, ни во Бирото за метрологија, не ни ја известил Владата ако имал такви сознанија – истакна Бектеши.

The post Разрешениот Пауновски контра Бектеши: Лабораторијата никогаш не ни беше дадена appeared first on plusinfo.mk.

Делегатот Владимир Митревски од СДСМ, според објавените аудио снимки, му посочил на Заев:

– Го разрешивте Стојко Пауновски зошто работеше според закон, тоа е катастрофална грешка. Целата одговорност од разговорите со луѓето, од тоа колку го познавам и го знам Стојко Пауновски, сметам дека направивме сериозна грешка, поради тоа што наш директор кој во такви тешки услови се однесуваше така како што се однесуваше и работеше, го разрешивме само поради тоа што не сакаше во општини каде што има прекумерен број вработени да прими уште, не знам која бројка, навистина е дестимулативно за другите – вели тој во снимката.

Делегати на Kонгресот од Куманово, пак, реагирале затоа што градоначалникот на Куманово, Максим Димитриевски не бил кандидат за член на ЦО и побарале да се стави точка на дневен ред со дополнување на кандидатите.

Борис Станковски од ОО СДСМ Куманово посочил дека состојбите ескалираат во партијата и дека раководството го елиминирало Димитриевски од Централниот одбор.

– Дали поради тоа што градоначалникот Димитриевски имаше свои ставови и размислувања е причината поради што тој не е ставен на оваа листа на членови за ЦО на СДСМ? Зашто нема никаква логика, како што кажав, се прават некои нелогични работи во последно време. Не е време за суети, не е време за хајки, треба сите заедно да се обединиме, да го решиме проблемот, што е како е, во кого е проблемот. Во Централата ли е во Скопје, во општинската организација ли е и барам од работното претседателство името на Максим Димитриевски да го стави на листата предлог кандидати за ЦО, а до делегатите да се изјаснат дали се за или против – вели Станковски во објавената снимка.

The post Делегати го искарале Заев што го разрешил Пауновски и што се дистанцирал од Димитриевски appeared first on plusinfo.mk.

The post ПО СТОЈКО: И Љупче пред разрешување затоа што ѝ пркосел на жедта appeared first on plusinfo.mk.

Претходно, премиерот Зоран Заев истакна дека на состанокот со инспекторите ги слушнал аргументите, и истите ќе бидат презентирани во Владата, каде ќе се донесе одлука за Пауновски.

Инаку премиерот деновиве најави дека Пауновски ќе биде разрешен поради „пркосот“ и одбивањето да вработи 35 рамковни.

Еве што мислат твитерџиите за ваквиот потег на власта:

Разрешен Стојко Пауновски! Срам да им е!

— Julijana Dimitrovska (@beba19581) April 27, 2021

Со разрешувањето на Стојко Пауновски, само се докажа фактот дека вистинскиот премиер во државава е Артан Груби, а не Зоран Заев!!

— Командант Марк (@milanzng) April 27, 2021

Со разрешувањето на Стојко Пауновски СДС сврте голем дел од членството против самата партија и раководството. Тоа ќе се види на наредните избори кога и да се.

— КроКо (@DonRoko1) April 27, 2021

Го разрешија поради непрофесионално однесување и кршење на етички кодекс?! Со тоа само потврдија дека единствен важечки кодекс на власта е лигавоста, а единствена професионална вештина е полтронството. #ТоЈеФакатhttps://t.co/593VunViYl

— effo (@Effo_Antivirus) April 27, 2021

Политика не трпи људи како што е г-дин СТОЈКО ПАУНОВСКИ

— V.Jacobson (@v1adimir7) April 27, 2021

Секој ден,
нови епизоди – пиздарии, од Сдс и Заев. Но, ова последново со разрешувањето на Пауновски, Заев „Сам себе убио“.

— Че Гевара (@CheGuev21277156) April 27, 2021

После ова разрешување на Пауновски, многу одвратни ми станаа овие сдс активистите што премолчеа, или што цело време дефокусираат со твитчиња за Грујо. Крај ќе има да знаете, лапајте кинта дур има, после ќе ве бркаат по улици ко кучиња

— Шпенди (@Shpendi_Kasapot) April 27, 2021

Ај, речи Стојко!
-Стојко.
-Стојко не е тука го отпуштија, ДУИ, шефовите на Заев.

Почнува како виц, завршува како критика на јебеното општество.

— Рок Пророк (@zurkacot) April 28, 2021

Стојко немал мотор!

— Gjorgji (@GjorgjiRisteski) April 28, 2021

The post Твитер-реакции за разрешувањето на Пауновски: „Стојко нема мотор!“ appeared first on plusinfo.mk.

Претходно премиерот Зоран Заев истакна дека на состанокот со инспекторите денеска ги слушнал аргументите, и истите ќе бидат презентирани во Владата, каде ќе се донесе одлука за Пауновски. Инаку премиерот деновиве најави дека Пауновски ќе биде разрешен поради „пркосот“ и одбивањето да вработи 35 рамковни.

Пауновски беше на став дека на Државниот пазарен инспекторат не му требаат административци, туку инспектори и дека нема да стави потпис на решенијата и по цена да биде разрешен.

The post Владата го разреши директорот Стојко Пауновски appeared first on plusinfo.mk.

Стојко крена глас! И тоа е добро. Не е важно зошто сега и дали можеби доцни. Дали на Стојко му дојде „преку Заев“ и се освестил дека има карактер или пак е дел од внатрепартиски борби и прегрупирања? Но, јавноста што отворено го поддржа очекува да се појават и нови „Стојковци“. Ете тоа е важното!

А тие нови, потенцијални „Стојковци“ притаени се, распоредени по партиски клуч и список од општински штаб, на стотици раководни места во државата, молчат, извршуваат и слугуваат. Тие се уште се само „Стојковци“ кога си разговараат самите со себе, шепотејќи си дека „не ја бива работата“ и дека нивната партија „не го остварува тоа што го ветила“. А јавно си траат и потврдно климаат со глава на „шефот“, чувајќи си ја сигурната буџетска платичка, додека многу поквалитетни кадри се надвор, без работа или вработени како келнери и таксисти.

Важно е и дека Стојко уште еднаш потсети на главниот проблем на Македонија во последните 15-тина години во Владата, во министерствата и во државните институции се вработуваа(т) партиски кадри, без трошка соодветно образование и работни способности, а исчезнаа професионалците, способните организатори и менаџери од средно ниво, оние кои се носители на сите процеси во секоја нормална држава. Се ѕида секојдневно администрацијата со партиски вработувања, кои и по промената на власта, остануваат, а способните ги нема. Тие ги избркавме по цела Европа, Австралија и Америка. Тие не ни требаа, затоа што мораше да се ослободи место за лепачи на плакати, викачи по плоштади и фејсбук лајкувачи.

Важна е и реакцијата на премиерот. Најави пред некој ден, а речиси сигурно денес Стојко ќе биде разрешен од функцијата. Дали така треба да постапи? Со тоа „шефот“ ќе покаже сила, ќе ги замолчи сите идни Стојковци, но за жал и ќе покаже дека повеќе не е подготвен да трпи критики и различни мислења. А на министрите и директорите ќе им покаже дека повеќе не му се соработници и партнери, туку послушници и извршители. Ќе им се обраќа со вперен прст кон нив: „Се сеќавате ли како помина Стојко!?“ А тоа ќе значи постепено поставување на мека диктатура каде шефот знае сѐ, а другите треба да слушаат. Додуша на шефот од време на време еден друг шеф од Мала Речица ќе му каже како треба и толку. Сите други ќе стојат мирно. Е за тоа ли се боревме бе друже Заев?

А народот? Е тој ќе си чека некои подобри времиња, понародски политики, а дотогаш спасот ќе го бара во иселување надвор од Македонија. И ако на Стојко му дојде „преку Заев“, на сите нам ни е „преку Стојко“ од нивното владеење – и од актуелното на СДСМ и од тоа претходното на ВМРО-ДПМНЕ. ​

The post Има ли и други „Стојковци“ во Заевото друштво? appeared first on plusinfo.mk.

Заев рече дека не станува збор за негово премислување во однос на разрешувањето на Пауновски, бидејќи не смее да дозволи еден од директорите на 237 институции во кои се распределени рамковните административци да ги криши законите одлуките на владата и кодексот на однесување, туку дека инспекторите му дале материјали  кои треба да ги прочита.

– Ќе ги прочитам во детали материјалите кои ми ги дадоа инспекторите па ќе го кажам мојот став пред Владата.Тие предочија аргументи вредни за размислување –  рече Заев.

Тој додаде дека инспекторите во кратки црти му кажале дека Пауновски е добар раководител

– Рекоа дека е добар човек дека го унапредил работењето на инспекторатот дека е опремен и екипиран инспекторатот кој се најде во во оваа кризата. Сфатив дека имаат коелгијален однос со колегите , но и дека има некои слабости. Сакам да ги видам документите и потоа ќе се произнесам за Пауновски. сепак сметам дека треба да се има предвид и кодексот на однесување – рече Заев.

Заев е дециден дека  коалицискиот партнер ДУИ нема никакво барање во делот на разрешување на Пауновски.

– Десет дена да се препукуватe со вицепремиерите е недозволиво. Не го добив на телефон во Брвеница кога бев, но тој можел да дигне телефон и да дојде во владата. Тој е еден од моите први партиски соработници. Беше прв човек на партијата во Тетово. Во петок се слушнавме. Соработката со него ќе продолжи каква и да е одлуката на владата денеска. Не е лесно да се реши прашањето со 1300 административците кои не работеа а земаа плата. но тоа треба да се спроведе. На купче пари доаѓаат во инспекторатот од владата засекогаш за овие вработувања – рече Заев.

Тој рече дека владата денеска ќе дискутира и ќе ја донесе конечната одлука за Пауновски.

The post Заев: Инспекторите дадоа аргументи за Пауновски кои се вредни за размислување appeared first on plusinfo.mk.

– Одлуката ќе биде донесена според јавните прописи, но нема да дозволам непочитување на законите иако Пауновски е мој пријател. Ќе ги слушнеме и сите аргументи вклучително и вработените во Државниот пазарен инспекторат и ќе биде донесена одлуката на Владата – рече Заев.

Пред тоа во 9 часот премиерот ќе се сретне со претставниците на вработените во Државниот пазарен инспекторат и ќе ја прими нивната петицијата во која тие застануваат за Пауновски.

-Утре ќе ги примам инспекторите за да ја примам петицијата и да ги видиме успесите на  Државниот пазарен инспекторат. Ние знаеме што постигна инспекторатот во овие три години и за време на пандемијата и колку во тоа придонел Пауновски, но процесот на распределба на административците кои не работеа е значаен. Потоа на седница на владата јас ќе ја потврдам својата намера за разрешување на Пауновски – рече премиерот.

Тој рече дека смета оти Пауновски не постапувал според законот и етичкиот кодекс.

– Сакам да кажам дека Пауновски е информиран за програмата К-5 со која се распределуваат административците, но тој не го сторил тоа што го барала Владата во одлуката, односно не ги усогласил актите за да можат да се прераспределат административците. Владата ќе постапи според законот. Со процесот на распределбата се решава децениски проблем. А превземањето на вработните нема импликации за буџетот, затоа што станува збор за лица кои земаат плата, а не одат на работа. Станува збор за законска обрска, за закон кој е донесен во декември 2020 година. Ова е обврска за сите, што се дел од институциите, особено за носителите на одговорните функции –  рече Заев.

Заев рече дека постои отворена можност и за промена на ставот по средбата со инспекторите и седницата на владата ако за тоа постојат аргументи.

– Сум бил цврст, но и толерантен и ќе ги слушнеме сите аргументи според кои ќе се донесе одлуката, но јас сум цврст на ставот што го кажав за негово разрешување. Сакам да се почитува законот, хиерархијата и етичкиот однос и поставеност спрема претпоставените  – рече Заев.

Премиерот прочита и делови од Законот за распределба на административците според кој Пауновски може да биде разрешен.

– Кога ќе се донесе одлуката ќе се каже и според кој закон – рече Заев.

The post Заев: Решен сум да го разрешам Пауновски, ама ќе ги слушнам и аргументите на инспекторите appeared first on plusinfo.mk.