Компанијата сооопшти дека е разрешен директорот на РЕК Битола Златко Ќурчиевски, а на негово место за в.д. директор е назначен Пеце Матевски, досегашен директор на Термоелектрана. Во слободно време Матевски е хармоникаш во своја група во Битола. Настапувал со групата „Бон-тон“, бил дел од „Три бенд“, а свирел во ресторани и на свадби.

Во РЕК Осломеј разрешен е директорот Златко Пиперкоски и на негово место за в.д. директор е назначен Стојан Мицкоски, досегашен технички директор во Рудници.

Во следните денови, додаваат од ЕЦМ, ќе бидат извршени и други кадровски поместувања внатре во комбинатите, со цел подобрување на процесот на производство и соочување со предизвиците од енергетската криза.

Од ЕСМ не образложија кои се причините за разрешување на директорите на двете најголеми енергетски компании во земјава.

Земјава е во сериозна енергетска криза поради намалено производство на електрична енергија. Во последните месеци се регистрирани и чести исклучувања поради дефекти на капацитетите, а исто така е намалено и производството на јаглем за термоелектраните.

The post РАЗРЕШЕНИ ДИРЕКТОРИТЕ НА РЕК БИТОЛА И РЕК ОСЛОМЕЈ Новиот в.д. директор Матевски во слободно време е хармоникаш appeared first on plusinfo.mk.