Двајца државјани на Сирија, на возраст од 26 и 22 години, се уапсени од полицијата под сомнение дека организирале и спроведувале криумчарење на мигранти кај Богородица. Како што информира МВР, осомничените А.А. (26) и И.К. (22) се товарат за кривично дело „Криумчарење мигранти“ по член 418-б од Кривичниот законик.

Вчера околу 17:40 часот, полициски службеници од Полициската станица за граничен надзор Богородица пронашле 13 мигранти (11 од Египет и 2 од Сирија) во близина на локалниот пат меѓу селата Богородица и Стојаково. Само еден час подоцна, во 18:30 часот, уште 11 мигранти од Египет биле откриени кај една фабрика во селото Стојаково.

Според информациите од МВР, мигрантите биле превезени со патничко возило „мерцедес“, а по откривањето биле спроведени во Прифатниот транзитен центар „Винојуг“ во Гевгелија.

„Во службените разговори, мигрантите изјавиле дека групата ја водел А.А. (26), а му помагал И.К. (22), двајцата од Сирија“, се вели во соопштението на МВР.

Осомничените биле лишени од слобода околу 20:00 часот, по што се задржани за понатамошна постапка. За случајот бил известен јавен обвинител од Основното јавно обвинителство за гонење организиран криминал и корупција, и против двете лица ќе биде поднесена соодветна пријава.

The post ДВАЈЦА СИРИЈЦИ УАПСЕНИ ЗА КРИУМЧАРЕЊЕ Спречен обид за шверц на 24 мигранти од Египет и Сирија appeared first on plusinfo.mk.

„На 28.07.2023 во 06.45 часот било пријавено дека околу 04.30 часот  во с.Стојаково во двор од куќа едно лице фрлило плински боци и опожарило патничко возило „Ауди А6″, сопственост на В.В.. Се преземаат мерки за расчистување на случајот“ – известуваат од МВР.

The post „ПЛИНСКИ НАПАД“ ВО СТОЈАКОВО Фрлил плински боци и опожарил Ауди appeared first on plusinfo.mk.

Поливијата соопшти дека А.П.(54) од с.Стојаково, управувувал со автомобил „сеат леон“, со гевгелиски регистарски ознаки кој излетал од патот. Во автомобилот била и неговата сопруга. Тој починал откако пристигнала екипа на Итна медицинска.

Нема информација за здравствената состојба на неговата сопруга.

Извршен бил увид на местото на незгодата од увидна екипа од Полициската станица Гевгелија и Јавен обвинител, по чија наредба телото на починатиот било дадено за обдукција.

The post Загина жител на Стојаково, со автомобил излета од пат appeared first on plusinfo.mk.