Во Исламабад денеска се одржаа одделни средби меѓу американски и ирански претставници и пакистанскиот премиер Шехбаз Шариф, пред најавените мировни преговори меѓу двете страни.

Потпретседателот на Џеј Ди Венс се сретна со Шариф, а на состанокот присуствуваа и американскиот специјален претставник Стив Виткоф и Џаред Кушнер.

WATCH: U.S. Vice President JD Vance meets with Pakistani leadership in Islamabad.

Direct talks between the U.S. and Iran are expected to begin soon. pic.twitter.com/dO2OFiBb5g

— Donald J Trump Posts TruthSocial (@TruthTrumpPost) April 11, 2026

Според кабинетот на пакистанскиот премиер, Шариф изразил надеж дека разговорите ќе придонесат кон воспоставување траен мир во регионот.

Претходно во текот на денот, како што јавува Би-Би-Си, се одржал и одделен состанок меѓу иранската делегација и Шариф, при што, според извори од пакистанската влада, дел од разговорите се одвивале и за време на заеднички ручек.

Дипломатски извори наведуваат дека пакистанските претставници најверојатно ќе продолжат да одржуваат одделни и наизменични средби со двете делегации, со цел да се процени дали постои простор за напредок по клучните точки од предлозите на страните.

The post ДИПЛОМАТСКА ДРАМА ВО ИСЛАМАБАД Иран и САД на одделни средби со премиерот Шариф пред мировните преговори appeared first on plusinfo.mk.

Американските сили со недели нанесуваат сериозни удари врз воените капацитети на Иран на ниво што ретко се гледа, рече денеска американскиот претседател Доналд Трамп на состанокот на неговиот кабинет и повтори дека САД убедливо победуваат во конфликтот.

Тој го повтори своето претходно тврдење дека Иран сака да постигне договор.

– Тие бараат договор. Не јас – рече тој, додавајќи дека Иранците се „лоши борци, но одлични преговарачи“.

Трамп го повика Иран да се согласи на договор со кој ќе се стави крај на американските и на израелските напади, предупредувајќи дека во спротивно ќе следат уште напади.

– Техеран има можност трајно да се откаже од своите нуклеарни амбиции и да тргне по нов пат. Ќе видиме дали сакаат да го сторат тоа. Ако не, ние ќе бидеме нивниот најлош кошмар. Во меѓувреме, ќе продолжиме да ги уништуваме – рече Трамп.

Претседателот, исто така, рече дека Иран има план да ја преземе контролата врз Блискиот Исток и ја наведе заканата од развој на нуклеарно оружје како клучна причина за воените напади.

Тој повторно ги критикуваше сојузниците, особено Обединетото Кралство и НАТО.

Конкретно се осврна на Обединетото Кралство, наведувајќи дека Лондон понудил да испрати носачи на авиони и додаде дека британските воени бродови се играчки во споредба со американските.

– НАТО не направи ништо, разочаран сум од тоа. Пред 25 години реков дека НАТО е тигар од хартија, бидејќи ние ќе им дојдеме на помош, но тие нема да ни дојдат на помош. Сега тие сакаат да дојдат, кога Иран ќе биде уништен. Требаше да се вклучите на почетокот или дури и пред да започне војната – рече тој.

Зборувајќи за иранскиот ракетен напад врз воената база Диего Гарсија, рече дека Техеран испалил ракета со долг дострел, иако претходно се веруваше дека нема таква способност.

Специјалниот претставник на американскиот претседател, Стив Виткоф, рече дека постојат индикации дека Техеран е заинтересиран за постигнување договор за прекин на конфликтот.

Виткоф потврди дека САД презентирале план од 15 точки како рамка за мировен договор и додаде дека на почетокот на преговорите било сосема јасно дека Иран нема да се согласи на договор што би ги исполнил целите на Вашингтон.

– На крајот, му кажавме на Иран уште една работа: немојте повторно да проценувате погрешно – истакна Виткоф.

Тој го повтори претходното тврдење дека иранските преговарачи ѝ кажале на американската страна дека имаат доволно ураниум за „11 атомски бомби“.

Американскиот потпретседател Џеј Ди Венс ги повтори тврдењата на Трамп дека иранската војска е уништена и додаде дека ова им дава опција на САД да дејствуваат.

– Ова се опции што ќе обезбедат Иран никогаш да не добие нуклеарно оружје – рече Венс.

Американскиот потпретседател оправдувањето за конфликтот, исто така, го темели на заканата од иранската нуклеарна програма.

Американскиот државен секретар Марко Рубио изјави дека верува оти земјите ширум светот, дури и оние кои сега малку се жалат, всушност треба да им бидат благодарни на САД. Војната против Иран, додаде тој, е потег во корист на светот, со цел да се спречи Иран да се здобие со нуклеарно оружје.

На состанокот Трамп откри каков подарок добил од Иран, за што навести завчера. Рече дека Иран дозволува некои танкери за нафта да поминат низ Ормускиот Теснец како знак на добра волја, во контекст на преговорите за завршување на војната.

Според Трамп, Техеран дозволил 10 танкери да поминат низ стратешкиот теснец, што американскиот претседател го оцени како „подарок што покажува дека Иран е сериозен во врска со преговорите“.

– Поминаа 10 брода – рече Трамп.

Министерот за војна на САД, Пит Хегсет, на состанокот на кабинетот рече дека иранската војска е речиси целосно неутрализирана за многу краток временски период.

– Пред 27 дена Иран имаше модерна војска. Никогаш во запишаната историја воената моќ на една земја не била неутрализирана толку брзо и ефикасно – рече Хегсет.

Тој нагласи дека операцијата „Епски бес“, како што САД ја нарекуваат војната против Иран, „не е бесконечна војна“, туку решителна кампања со јасно дефинирани цели.

– Ова е материјал од учебник по историја. Ова е прашање на наследство – додаде тој.

Зборувајќи за иранскиот напад врз воената база Диего Гарсија, Хегсет рече дека Техеран испалил две неуспешни ракети кон цел оддалечена околу 4.000 километри и нагласи дека Иран претставува поширока безбедносна закана.

– Му кажувам на светот, Лондон е оддалечен 4.000 километри од Иран. А вие велите дека Иран не е закана за светот или за САД? Претседателот Трамп знае подобро – рече тој.

Хегсет, исто така, рече дека САД ќе продолжат да вршат притисок врз Иран со „преговори со бомби“ сè додека не се постигнат конкретни разговори, но нагласи дека Вашингтон сака дипломатско решение.

– Се молиме за договор и ја поздравуваме можноста за договор – заклучи тој.

ИРАН НЕ ПЛАНИРА ДА РАЗГОВАРА СО САД Техеран го отфрли американскиот мировен предлог како едностран и неправеден

The post ЌЕ ГО УНИШТИМЕ ИРАН АКО НЕ СЕ ОТКАЖЕ ОД НУКЛЕАРНАТА ПРОГРАМА Трамп откри каков подарок добил од Техеран appeared first on plusinfo.mk.

Не е фер што поранешниот американски претседател Доналд Трамп бара само од Украина да склучи договор, изјави во интервју за порталот „Аксиос“ украинскиот претседател Володимир Зеленски.

– Траен мир нема да се постигне ако победата едноставно ѝ биде предадена на Русија. Се надевам дека тоа е негова тактика, а не одлука – рекол Зеленски.

Трамп претходно изјавил дека успехот на разговорите зависи од Украина, без да ја спомне Русија. Москва и понатаму инсистира на своите максималистички територијални барања.

Русија бара целосно повлекување на украинските сили од Донбас. Зеленски возвратил дека од Киев постојано се бараат непропорционални компромиси.

– Спремен сум да разговарам за повлекување на трупите, но само ако и Русија ги повлече своите сили на еквивалентно растојание. Доколку мировен договор предвидува едноставно повлекување на украинската страна од Донбас, жртвувајќи ги суверенитетот и државјанството на луѓето кои живеат таму, верувам дека тоа би било отфрлено на референдум. Луѓето никогаш нема да го простат ова. Тие нема да ми простат мене, нема да им простат на САД. Донбас е дел од нашата земја – изјавил Зеленски.

Според него, Украинците би прифатиле замрзнување на фронтот на сегашните линии.

– Ако го ставиме тоа во мировен договор, мислам дека луѓето би го поддржале на референдум. Тоа е мое мислење. Но, Русија инсистира на целосното преземање на Донбас преку разговори или со сила – рекол Зеленски.

Тој го критикувал и главниот руски преговарач Владимир Медински.

– Ние немаме време за такви срања. Мора да одлучиме и да ја завршиме војната – порачал Зеленски.

Иако засега ништо не било решено, украинскиот претседател оценил дека е можно да се одржат претседателски избори заедно со референдум. За тоа, како што навел, би било потребно 60-дневно примирје.

Американскиот специјален пратеник Стив Виткоф изјавил дека првиот ден од мировните разговори меѓу Украина и Русија во Женева донел значаен напредок. Паралелно со тоа, украинскиот претседател Володимир Зеленски остро реагирал на пораките од Вашингтон.

The post НЕМА ДА МИ ПРОСТАТ АКО ГО ДАДЕМЕ ДОНБАС Зеленски би ги повлекол трупите само ако Путин го стори истото appeared first on plusinfo.mk.

Во главниот град на Оман, Мускат, почнаа разговорите помеѓу шефот на иранската дипломатија Абас Арагчи и американските претставници Стив Виткоф и Џаред Кушнер. Тоа се први директни разговори по минатогодишната 12 дневна војна меѓу Иран и Израел.

Агендата на преговорите е непозната. Иран се обидува да ги ограничи преговорите на нуклеарната програма и на санкциите, а САД сакаат да разговараат и за ракетната програма на Техеран и неговата поддршка за Хамас во Појасот Газа, за Хезболах во Либан и за Хутите во Јемен.

Американскиот државен секретар Марко Рубио пред два дена изјави дека двете страни изразиле подготвеност за обновување на дипломатскиот дијалог за долгогодишниот спор за нуклеарната програма на Иран.

Арагчи денеска на платформата Икс објави дека „Иран го почнува дипломатскиот дијалог со отворени очи и без да ја заборави изминатата година“, алудирајќи на минатогодишните американски и израелски напади врз иранските нуклеарни постројки.

„Преземените обврски мора да се исполнат. Ветувањата мора да се исполнат. Рамноправноста, меѓусебното почитување и реципроцитетот на интересите не се празни фрази, туку неотповикливи услови што мора да бидат вградени како основни принципи во секој иден договор, за да биде траен“, објави Арагчи.

И покрај декларативните заложби на двете страни за дијалог, продолжува распоредување на оружјето, а изминатите денови регистрирани се и мали провокации. САД уште од почетокот на годината распоредија бродови на Блискиот Исток, а американскиот претседател Доналд Трамп се закани дека ќе го нападне Иран ако Техеран не ги запре репресиите врз демонстрантите и ако иранските власти не се вратат на преговарачката маса за нуклеарната програма. Иран соопшти дека ќе одговори на секој воен напад и предупреди дека соседните држави во кои има американски бази би можеле да бидат цел.

Иран вчера во Персискиот Залив заплени два странски танкера и приведе 15 члена на екипажот, обвинувајќи ги дека шверцувале гориво. Корпусот на исламската револуционерна гарда (ИРГЦ) вчера првпат ја распореди под земја новата балистичка ракета со среден дострел „Корамшахр 4“.

Портпаролката на Белата куќа, Керолајн Левит, синоќа изјави дека претседателот Доналд Трамп со нетрпение ги очекува американско-иранските разговори во Оман, за да утврди дали е можен договор со Исламската Република.

– Додека се водат овие разговори, би го потсетила иранскиот режим дека претседателот како врховен командант на најмоќната војска во историјата на светот има многу опции на располагање надвор од дипломатијата. Дипломатијата е секогаш првата опција за претседателот кога станува збор за справување со земјите во светот, без оглед дали се наши сојузници или наши противници – наведе Левит.

Таа додаде дека Трамп бил многу јасен во барањата кон Иран, а тоа е „нулта нуклеарна способност“.

Оман и минатата година посредуваше помеѓу Иран и САД во нуклеарните разговори, кои беа прекинати во јуни, откако Израел ги нападна иранските нуклеарни постројки, а набрзо се приклучија и американските сили.

The post АГЕНДАТА НЕПОЗНАТА, ВЛОГОТ ОГРОМЕН, СВЕТОТ ВО ИСЧЕКУВАЊЕ Почнаа американско-иранските преговори во Оман appeared first on plusinfo.mk.

Постигнат голем напредок во мировните преговори меѓу Русија и Украина, рече денеска специјалниот пратеник на претседателот на САД, Стив Виткоф.

– Време е ова да се заврши. Мислам дека ќе го завршиме ова. Охрабрен сум и оптимист. Преговорите сега се сведоа на едно прашање, па така, ако двете страни сакаат да го решат ова – ќе го решиме – рече тој на Светскиот економски форум во Давос.

Тој додаде дека се разгледани различни итерации на тоа прашање, „што значи дека е решливо“.

Виткоф смета дека создавањето на бесцаринска зона во Украина би претставувало „промена на правилата на игра“ за економијата на земјата.

Виткоф подоцна денеска ќе отпатува во Москва на состанок со претседателот на Русија, Владимир Путин, за да разговара за ставање крај на војната во Украина. Со Виткоф ќе биде и зетот на американскиот претседател Доналд Трамп, Џаред Кушнер.

Специјалниот пратеник на САД претходно најави дека ќе се разговара за планот од 20 точки за прекин на војната, за кој рече дека е готов „повеќе од 90 отсто“.

The post ВРЕМЕ Е ВОЈНАТА ДА ЗАВРШИ Постигнат е голем напредок во мировните преговори меѓу Русија и Украина appeared first on plusinfo.mk.

Американскиот специјален пратеник Стив Виткоф изјави дека САД и сојузниците на Украина од таканаречената „Коалиција на подготвените“ постигнаа значителен напредок во преговорите за клучни прашања поврзани со безбедноста и економското закрепнување на Украина.

– Постигнат е значителен напредок во неколку критични насоки, вклучително и во однос на рамката за билатерални безбедносни гаранции, како и таканаречениот „план за просперитет“ за Украина – рече Виткоф.

Тој тоа го соопшти во објава на социјалната мрежа Икс по средбата на сојузниците во Париз што се одржа вчера.

– Со Коалицијата сме согласни дека трајните безбедносни гаранции и стабилните обврски за просперитет се од суштинско значење за одржлив мир во Украина и ќе продолжиме да работиме заедно во таа насока – објави Виткоф.

Претходно, тој најави дека американската делегација ќе ги продолжи разговорите со украинската страна во Париз.

– Ќе продолжиме со разговорите со украинската делегација и се надеваме дека во блиска иднина ќе постигнеме дополнителен позитивен импулс – изјави Виткоф.

Во одделна изјава, Виткоф оцени дека страните се „многу блиску до финализирање на исклучително стабилен договор за просперитет, каков што ретко се постигнува по воени конфликти“. Тој додаде дека САД се охрабрени од „соработката и партнерскиот пристап“ меѓу учесниците на состанокот на Коалицијата на подготвените.

Украинскиот претседател Володимир Зеленски изјави дека сојузниците на Киев веќе утврдиле како ќе функционираат европските сили за одвраќање во Украина по евентуален прекин на огнот, како и кои држави ќе учествуваат во неа. Зеленски тоа го соопшти пред новинарите во Париз по завршувањето на состанокот.

Тој додаде дека Украина водела „конкретни разговори со САД“ во врска со мониторингот на можен прекин на огнот и изрази очекување дека безбедносните гаранции ќе бидат потпишани во најскоро време. Според него, гаранциите договорени во рамки на „Коалицијата на подготвените“ треба да дејствуваат паралелно и во тесна координација со гаранциите од САД.

Францускиот претседател Емануел Макрон нагласи дека поддршката од САД за безбедносните гаранции е од клучно значење за многу држави, оценувајќи дека во последните недели дошло до „промена во позицијата на Вашингтон“. Според Макрон, САД веќе го разјасниле форматот на своето учество, вклучително и во делот на надзорот на линијата на фронтот во Украина.

Поддршка за постигнатите договори изрази и високата претставничка на ЕУ за надворешна политика и безбедност Каја Калас, која изјави дека средбата на лидерите во Париз овозможила „зацврстување на безбедносните гаранции“, вклучително и преку посилна украинска армија, поддржана од мултинационални сили и со учество на САД.

Британскиот премиер Кир Стармер оцени дека земјите се „поблиску до мир во Украина отколку кога било досега“, но предупреди дека „најтешките чекори сè уште претстојат“.

АКО ИМА МИРОВЕН ДОГОВОР ВО УКРАИНА, ЛОНДОН И ПАРИЗ ЌЕ ПРАТАТ ВОЈСКА Кир Стармер и Макрон ja почнуваат годината со потпис на декларација

The post МИРОТ ВО УКРАИНА Е СЀ ПОБЛИСКУ Се договара безбедноста и закрепнувањето на земјата по примирјето appeared first on plusinfo.mk.

Главниот преговарач на Украина, Рустем Умеров, соопшти дека Киев и Вашингтон постигнале реален напредок за време на втората рунда мировни преговори во Берлин, насочени кон прекин на војната со Русија.

„Разговорите меѓу Украина и САД беа конструктивни и продуктивни, при што е постигнат вистински напредок“ објави Умеров на платформата Икс, како секретар на Советот за национална безбедност и одбрана на Украина.

Американската делегација, предводена од Стив Виткоф и Џаред Кушнер, според него, „работи исклучително конструктивно за да ѝ помогне на Украина да најде пат кон траен мировен договор“.

И специјалниот пратеник на САД Стив Виткоф потврди дека на вчерашната петчасовна средба со претседателот Зеленски е постигнат „голем напредок“ во однос на приоритетите и техничките аспекти на потенцијалниот мировен план.

The post УКРАИНА И САД СО ВИСТИНСКИ НАПРЕДОК ВО БЕРЛИН Украинскиот преговарач ги пофали Виткоф и зетот на Трамп appeared first on plusinfo.mk.

Портпаролот на Кремљ, Дмитриј Песков, денеска решително ги негираше тврдењата на германскиот канцелар Фридрих Мерц дека Владимир Путин има амбиција да го обнови Советскиот Сојуз или да нападне некоја членка на НАТО.

Изјавата ја даде на редовниот брифинг во Москва, нарекувајќи ги западните интерпретации „целосна глупост“.

– Тоа не одговара на реалноста. Владимир Путин не сака да го обнови Советскиот Сојуз, бидејќи тоа е невозможно. Тој многупати кажал дека таквиот концепт не е дел од руската политика. Да се зборува спротивното е непочитување кон нашите партнери и кон сојузниците во Заедницата на независни држави – нагласи Песков демантирајќи го германскиот канцелар.

Песков беше категоричен и во врска со шпекулациите за наводни подготовки на Москва за воен судир со алијансата.

– Подготовката за напад врз НАТО е целосна глупост. Сите треба да го слушаат претседателот Путин, кој јасно кажа дека Русија нема намера да влегува во конфронтација со Западот – додаде портпаролот.

Новинарите го прашаа и за можните разговори со Вашингтон по неодамнешната средба на Путин со специјалниот пратеник на американскиот претседател Доналд Трамп, Стив Виткоф, и со зетот на Трамп, Џеред Кушнер.

– Русија е во постојан контакт со американската администрација. Очекуваме резултати од дискусиите за мировниот план што Вашингтон го предложи во консултација со Украина – изјави Песков.

The post НЕ Е НИТУ ВОЗМОЖНО ПУТИН ДА ГО ОБНОВИ СССР За Песков напад врз НАТО е целосна глупост appeared first on plusinfo.mk.

Американски и украински претставници денес во Флорида започнаа нов круг преговори за завршување на руската војна во Украина, повеќе од три години по нејзиното избувнување. Состанокот го водат државниот секретар Марко Рубио, специјалниот пратеник Стив Виткоф и Џеред Кушнер, зет на Доналд Трамп. Украинската делегација ја сочинуваат началникот на армијата Андриј Хнатов, министерот за надворешни работи Андриј Сибихa и шефот на Советот за безбедност Рустем Умеров.

Оваа средба доаѓа во момент кога Киев трпи сериозен воен и политички притисок. Русија интензивно го напаѓа енергетскиот систем на земјата, а градовите остануваат без струја со часови. Изминатиот викенд беа убиени најмалку шест лица во низа напади со беспилотни летала и ракети.

Украински безбедносни извори потврдија дека Киев стои зад нападите врз два танкера со руска нафта во Црното Море, кои наводно прекршувале санкции. Во меѓувреме, САД го ревидираа својот почетен мировен предлог што беше остро критикуван како преголем отстапок кон Москва. Според дипломатски извори, новата верзија предвидува разговори само врз основа на постојната фронтна линија, без признавање на окупираните територии.

– Украина нема да прифати да се откаже од својот суверенитет и право на членство во Европската Унија и во НАТО – изјави украинскиот претседател Володимир Зеленски, најавувајќи дека „резултатите од претходните преговори во Женева сега треба да бидат доработени“.

Средбата во Флорида се одвива во сенка на политичка криза во Киев. Главниот преговарач и шеф на кабинетот на Зеленски, Андриј Јермак, поднесе оставка откако антикорупциските служби извршија претрес во неговиот стан.

Американскиот пратеник Виткоф по состанокот треба да патува во Москва, каде се најавени консултации со рускиот претседател Владимир Путин. Изворите во Вашингтон тврдат дека разговорите ќе продолжат во рамките на поширок дипломатски пакет во кој посредуваат и европските партнери.

Францускиот претседател Емануел Макрон ќе го прими Зеленски во Париз, додека шефот на француската дипломатија Жан-Ноел Баро изјави:

– Мирот е достижен ако Путин се откаже од идејата за обновување на Советската империја. Во спротивно, Русија ќе се соочи со нови санкции и засилена поддршка за Украина.

Во напис за британскиот „Телеграф“, поранешниот командант Валериј Залужни предупреди:

– Избрзан мир би значел пораз и губење на независноста. Ефикасни безбедносни гаранции се услов за секој договор.

Оригиналниот американско-руски план од 28 точки беше изготвен минатиот месец од Кирил Дмитриев, специјалниот претставник на Путин, и Виткоф. Во него се повикува Украина да се повлече од градовите што ги контролира во источниот регион Донбас, да ја ограничи големината на својата армија и да не се приклучи на НАТО.

Планот беше сменет по американско-украинските средби во Швајцарија на 23 ноември и сведен на 19 точки.  По преговорите, страните потврдија дека секој иден договор треба целосно да го почитува суверенитетот на Украина и да гарантира траен и праведен мир, забележа Укринформ.

The post УКРАИНА И САД ВО ФЛОРИДА ГО ЦРТААТ МИРОТ Дипломатски напор во сенка на кризата во Киев appeared first on plusinfo.mk.

Зетот на американскиот претседател и неговиот пратеник биле клучни во „муабетот“ за планот од 20 точки за Газа, пишува „Њузвик“. Џеред Кушнер и специјалниот пратеник Стив Виткоф ја намалиле острината на формулациите за палестинска држава, а истовремено сочувале дел од палестинските приоритети, за израелскиот премиер да каже „да“ на примирјето.

Според статијата, суштината на нивниот потпис се гледа во две отстапки кои биле протолкувани како „мали, но доволни“ од двете страни, Израел и Хамас.

Прво, се вели во статијата, за државноста на Палестина бил користен поскромен јазик наместо недвосмислен повик за „две држави“. Планот вели дека по прекинот на огнот „може да се создадат услови за кредибилен пат кон самоопределување и државност“. Тоа ја одблокирало израелската страна, велат изворите на Њузвик.

Второ, Кушнер и Виткоф туркале гаранции во дека „никој нема да биде присилен да ја напушти Газа“,  сигнал кон арапските посредници дека нема трајно преселување. Ова е формулирано во самиот договор.

Но, тежината на судбоносното „да“ на Нетанјаху дошла и од темпото на повлекување кое го предвидува договорот. Имено, планот ја отвора фазата 1 – прекин на огнот, ослободување на сите преостанати заложници и почетно повлекување на израелски сили во дел од енклавата, со кратки рокови за размена на заробеници.

Benyamin Netanyahou a pris la parole tôt ce vendredi pour remercier Donald Trump, le gendre du président américain, Jared Kushner, et l’envoyé spécial américain au Moyen-Orient, Steve Witkoff, pour leur implication dans les négociations du plan de paix à Gaza. pic.twitter.com/04BlkanrNv

— Le Figaro (@Le_Figaro) October 10, 2025

Токму таа архитектура, „стоп за огнот за 72 часа, па масовни размени и постепено повлекување“, претходно ги скицирале и ги туркале Кушнер и Виткоф, кои како медијатори посредувале и во Шарм ел Шеик.

Понатаму, разликата што ја направиле двајцата „њујоршки инвеститори“, како што ги опишува „Њузвик“, не била само во текстот, туку и во начинот на претставување. Од една страна, тие му понудиле на Нетанјаху јасен пат како да го продаде примирјето дома, со „поеластична“ формула за државност. Од друга, кон арапските гаранти пуштиле сигнали дека планот нема да предизвика ново раселување, што ја смирило нервозата во Каиро и во Ријад.

Сепак, големата слика не е целосно розова, коментира Ројтерс. Агенцијата забележува дека најтешките теми, демилитаризација на Хамас, поствоеното управување со Газа и комплетниот политички расплет,  остануваат „за после“. Тоа значи дека улогата на Кушнер и Виткоф штотуку почнува: тие ќе мора да ја претворат оваа „декларација на намера“ во траен распоред на безбедност и власт.

Уште повеќе, политичкиот кредит за динамиката оди и кај шефот на САД, Доналд Трамп, кој, според повеќе извори и сведочења, директно притискал.

– На крајот, оваа зделка не можеше да се случи без Доналд Трамп и без неговиот притисок врз Нетанјаху – истакна Мајкл Хана од Интернешнал Кризис Груп, цитиран од Њузвик.

Од друга страна, и јавните сигнали од сојузници го потврдуваат триото Трамп–Кушнер–Виткоф.

Австралиската министерка за надворешни работи Пенелоп Вонг издвои „критична“ улога на Трамп во убедувањето на Нетанјаху, додека израелски официјални канали во пренос во живо му се заблагодарија експлицитно на тимот „Стив Виткоф, Џеред Кушнер“.

Според написот, дури и критичари на Хамас во арапскиот свет дале „пропусница“ за договорот, затоа што планот ветува запирање на убивањето и пуштање хуманитарна помош, иако, како што пишува „Њузвик“, остава „дупки“ и без механизам за присила.

– Сега тоа е изјава за намера, со нејасни термини – кажал Џејмс Зогби за „Њузвик“.

Спротивно на ова, аналитички извештаи на АП и на Ројтерс подвлекуваат дека првата фаза е реална и испланирана, од моментот на стапување на прекинот на огнот, преку логистиката за заложниците и затворениците, до најавеното патување на Трамп во регионот.

Тоа ја засилува тезата дека „критичниот муабет“ на Кушнер и Виткоф не бил протокол, туку клуч што ја отвора вратата.

Сепак, според „Вашингтон пост“, политиката на моќите функционирала само кога Трамп одлучил да слуша, да делегира и да гради коалиција . Токму таму, велат, се вклопуваат Виткоф и Кушнер: оперативци што ја претвораат претседателската волја во изведлив текст и роковник.

„Лидерот успеа кога ја делеше сцената со другите“, се заклучува во анализата.

Што следува? Ако првата фаза протече без колапс, Кушнер и Виткоф ќе треба да испорачаат уште потешко: рамка за управување со Газа без Хамас, гаранции за безбедност за Израел и јасен, прифатлив пат кон политички статус на Палестинците.

The post КЛУЧНИОТ МУАБЕТ ГО ИСТУРКАЛЕ ЗЕТОТ И ПРАТЕНИКОТ НА ТРАМП Кушнер и Виткоф го убедувале Нетанјаху, ги одоброволиле Арапите appeared first on plusinfo.mk.