Самиот Пендаровски објави галерија со фотографии од средбите на својот профил на Фејсбук.

Пендароски во Дубаи се сретна со британскиот крал Чарлс Трети, со кралот на Јордан Абдула Втори, со претседателката на Република Словенија Наташа Пирц Мусар и претседателката на Словачката Република Зузана Чапутова, со претседателот на Црна Гора Јаков Милатовиќ, со претседателот на Кипар Никос Христодулидис, со претседателот на Бразил Луис Инасио Лула да Силва, со премиерот на Кралството Шпанија Педро Санчез Перез-Кастехон, со премиерот на Индија Нарендра Моди, со премиерот на Република Албанија, Еди Рама, со британскиот министер за надворешни работи и поранешен премиер Дејвид Камерон, со поранешниот британски премиер, Тони Блер и со претседателот на ФИФА Џани Инфатино.

Овогодинашната Климатската конференција КОП28 во Дубаи, организирана од Обединетите Арапски Емирати, е најголема досега со околу 97.000 регистрирани учесници, речиси двојно повеќе од минатата година во Египет, кој беше домаќин на околу 50.000 учесници.

The post 📷 ПЕНДАРОВСКИ ГО ВИДЕ СВЕТСКИОТ ПОЛИТИЧКИ КРЕМ Кратки средби на претседателот на климатска конференција во Дубаи appeared first on plusinfo.mk.

– Единствениот начин да се постигне оваа цел е преку дипломатија и преговори, засновани на почитување на суверенитетот и територијалниот интегритет на Украина во нејзините меѓународно признаени граници. За таа цел, првиот чекор треба да биде итно и безусловно примирје, за да се создаде амбиент за почеток на преговорите – рече Пендаровски на дебатата на

тема „Одржување на целите и принципите на Повелбата на ОН преку ефективна мултилатералност: одржување на мирот и безбедноста во Украина“.

Во текот на целиот процес, смета македонскиот претседател, Обединетите нации треба да воспостават мировна мисија со главна задача да го надгледува примирјето и хуманитарната помош за цивилите.

– Клучните компоненти на идниот мировен договор треба да бидат, прво, целосно почитување на територијалниот интегритет на Украина, целосно повлекување на руските трупи, овозможување на враќање на сите бегалци и внатрешно раселени лица во нивните домови, голема поддршка за постконфликтна обнова на уништената земја и меѓународни гаранции за правата на сите етнички и верски заедници кои живеат во Украина со векови – рече Пендаровски на отворената дебата на Советот за безбедност.

The post СОВЕТОТ ЗА БЕЗБЕДНОСТ ДА СТАВИ КРАЈ НА ВОЈНАТА ВО УКРАИНА Пендаровски учествуваше на дебата во Њујорк appeared first on plusinfo.mk.

Тоа е неговата стара идеја за продлабочување пред проширување или продлабочување заедно со проширување – изјави денеска во Охрид претседателот Стево Пендаровски на прашањето како ја коментира изјавата на францускиот претседател Емануел Макрон за „Европа во повеќе брзини“.

Пендаровски укажа дека Макрон во ниту една своја изјава не рекол дека Западен Балкан не треба да биде дел од Унијата.

– Макрон на почетокот на својот говор, специфично во делот каде што зборува за внатрешно преуредување на ЕУ вели: ‘ова што ви го кажувам сега ви го кажав и пред пет години’. Тоа е неговата стара идеја за продлабочување пред проширување или продлабочување заедно со проширување. Во меѓувреме нема ниту една изјава на претседателот на Макрон во која вели дека Западниот Балкан, додека не го направиме продлабочувањето, не треба да влезе. Знаете дека Франција беше спонзор за европската преговарачка рамка којашто ја усвоивме лани. Дека е тоа така потврдуваат и зборовите на министерката за Европа во администрацијата на Макрон. Се потврдија и зборовите на Шарл Мишел, кој е највисок политички пријател на Макрон. Секоја голема идеја во Европа што Макрон ја промовира, Шарл Мишел ја прифаќа – рече Пендаровски.

Според Пендаровски, без внатрешни опструкции какви што гледаме од македонската опозиција, можно е да влеземе во Европската Унија и пред 2030 година. Во насока на тоа се и зборовите на министерката за Европа во администрацијата на францускиот претседател Макрон, која рече дека може некоја од земјите на Западен Балкан да влезе и пред 2030 година.

The post И ДА СЕ ПРОДЛАБОЧИ И ДА СЕ ПРОШИРИ! Еве како Пендаровски ја сфаќа идејата на Макрон за „Европа со повеќе брзини“ appeared first on plusinfo.mk.

Го пренесуваме интегрално отвореното писмо на Петрушевска до Шилегов

„Поттикната од вчерашните медиумски написи по повод донесувањето на најновата одлука за списокот имиња на личности со кои би се обележиле низа скопски улици, плоштади и мостови, а изненадена откако открив дека во него се наоѓаат и имињата на двајца членови од моето најтесно семејство – мојот покоен татко Михаил Д. Петрушевски (Битола, 1911 – Скопје, 1990) и покојниот сопруг Стево Црвенковски (Скопје, 1947 – Скопје, 2004), ви се обраќам со едноставно и лесно остварливо барање: нивните имиња да ги избришете од споменатиов список.

Причините за моето барање се рационални: за да влезе нечие име во ваков документ, по мое скромно мислење, постојат најмалку два неспорни критериума: доволно долга временска дистанца откако завршиле неговиот/ нејзиниот живот и дејствување и, логички поврзано со претходното, историска објективност и непристрасност.

Михаил Д. Петрушевски почина пред 31 година, што можеби и не е краток период, но неговата објективно најголема заслуга за градот Скопје (несомнено и за нашата држава) е фактот дека тој бил првиот службено назначен декан при оформувањето на првиот македонски повоен Филозофски факултет (декември 1946), прв со настава на македонски јазик, во кој истовремено се создале и зачетоци на уште неколку други факултети од кои подоцна, низ годините и децениите што следуваа, ќе се развие и денешниот УКИМ. Така што, ако сте веќе уверени дека името на М.Д. Петрушевски треба да се поврзе со некоја институција, тоа најлогично би бил скопскиот Филозофски факултет при УКИМ.

Стево Црвенковски почина пред 17 години, што од гледна точка на временска дистанца е многу скоро, да не речам прерано, за да може непристрасно и објективно да се цени неговата општествена заслуга – првенствено за нашата држава, помалку за нејзината престолнина. Дотолку повеќе што сѐ уште се среќавам(е) со напати навредливи, напати цинични медиумски прилози – написи и/или коментари – за неговата улога во државните работи на независна Македонија.

Најпосле, имам и една сериозна забелешка: меѓу сите имиња на денес покојните политички дејци – и локални, и републички, но и од врвот на некогашните југословенски институции, единственото кое не се нашло на посочениот список е името на свекор ми Крсте Црвенковски (Прилеп, 1921 – Скопје, 2001), починат пред 20 години. Тој не само што се наоѓал на највисоки државни позиции во времето на некогашната федерација (освен што бил носител на Партизанска споменица и одликуван со титулата Народен херој), ами бил и еден од најзаслужните за брзата мобилизација – со севкупниот човечки и материјален ангажман – во помошта на градот, веднаш по скопскиот катастрофален земјотрес од јули 1963. За ова, впрочем, сведочат и низата документарни снимки – фотографии и филмови – останати во архивските материјали, барем во оние што не претрпеле цензура по неговото паѓање во немилост, во 1973.

Со оглед на сето посочено, мојата лична – би рекла и логична – порака до вас би гласела: ве молам од постојниов список за именување улици да ги изземете имињата на Михаил Петрушевски и на Стево Црвенковски и, по можност, наместо нив, да го внесете името на Крсте Црвенковски“, напиша Петрушевска.

The post Сопругата на Стево Црвенковски бара неговото име да се тргне од предлозите за нови улици и да се стави на свекор ѝ Крсте Црвенковски appeared first on plusinfo.mk.

Според Пендаровски, не е тајна дека македонскиот јазик бил кодифициран во 1945 година, но тоа е посебен јазик, сличен на бугарскиот, но „не е и не бил бугарски јазик“.

– Кодификацијата се случи на крајот на Втората светска војна кога беше формирана Народна Република Македонија како дел од Југославија. Претходно територијата беше под власт на Бугарија, Србија, а во минатото од Отоманската империја. И покрај тоа, луѓето кои живееле таму секогаш имале свој етнички идентитет – вели Пендаровски.

За него историски нонсенс е тврдењето на Бугарија дека целата наша историја до 1945 година била бугарска и дека сѐ од 10 век до 1945 година било бугарско.

– Тие велат дека етнички Македонци постојат…но дека едно утро во 1944 сме се разбудиле и сме рекле „Аха, ние сега навистина сме етнички Македонци, ама вчера бевме етнички Бугари“. Тоа е апсолутна историска глупост – објаснува Пендаровски.

И, како што пишува „Еуобсервер“, не би било важно што мисли за ова прашање Бугарија, ако Софија не ги блокира пристапните преговори додека Северна Македонија формално не ги прифати нејзините ставови.

За бугарската позиција дека „македонски јазик и идентитет немало до 2 септември 1944 година и дека нивното создавање било дел од сеопфатно формирање на одделен небугарски идентитет со цел да се прекинат врски меѓу тамошното население и Бугарија“, Пендаровски вели дека „не може да прифатиме дискусија за ова прашање… тоа е лудо“.

Според бугарските барања, кога Македонија ќе се приклучи кон ЕУ, секое споменување на „македонски јазик“ во документите на Унијата треба да биде со ѕвездичка дека „таков јазик постои само според Уставот на Република Северна Македонија“. Освен тоа, Софија вели дека процесот на проширување не смее да легитимира етнички и јазичен инженеринг што се случил во време на претходно авторитарни режими.

The post Пендаровски: Нема дискусија за јазикот и идентитетот, како и тоа дека сме биле Бугари до 1945 година appeared first on plusinfo.mk.

– Дозволете ми, по повод големиот христијански празник Успение на Пресвета Богородица, на сите верници од православна вероисповед да им упатам најсрдечни честитки со искрена желба празникот да го минат во добро здравје и во благосостојба, исполнети со љубов и со хармонија – истакна претседателот во честитката.

Пендаровски нагласи дека како еден од најзначајните празници посветен на Мајката Божја, Успение на Пресвета Богородица се прославува со особена радост во храмовите и во домовите на верниците.

– На големите собири кои традиционално се организираат за празникот, верниците ја делат трпезата и радоста со ближните и покажуваат грижа и солидарност. За жал, со оглед дека сè уште сме во екот на пандемијата со kовид-19 која е огромна закана за нашите животи и за нашето здравје, годинава ќе мораме да го прославиме празникот одговорно и дисциплинирано, спроведувајќи ги сите правила и препораки. Верувам дека поинаквото секојдневие и видоизменетиот начин на практицирање на нашата вероисповед нема да ја разниша, туку напротив ќе ја зголеми нашата вера и духовност – вели претседателот.

– Да продолжиме да споделуваме со ближните во секоја прилика и да создаваме мир во нашите срца ширејќи ведрина и оптимизам. Нека ни е честит празникот и за многу години – додаде тој во честитката

The post Пендаровски со честитка за празникот Успение на Пресвета Богородица appeared first on plusinfo.mk.

Ако Заев го врати мандатот, додаде Пендаровски, Мицкоски ќе дојде кај него за доделување на мандатот, иако тој најави дека ВМРО-ДПМНЕ ги замрзнува односите со претседателксиот кабинет.

Шефот на државата изјави дека единствено Зоран Заев му се јавил и му кажал дека е на добар пат да обезбеди мнозинство.

Во својата изјава претседателот Пендаровски образложи дека доколку во следните 20 дена, претседателот на СДСМ Зоран Заев не успее да формира парламентарно мнозинство, тогаш мандатот ќе го добие претседателот на ВМРО – ДПМНЕ, Христијан Мицкоски.

Мицкоски смета дека со давањето на мандатот на Заев без обезбедено мнозинство од 61 пратеници е прекршен Уставот.

Пендаровски истакна дека врз основа на уставните одредби, но и врз основа на консултациите со еминентни правници, рокот за доделување на мандат започна да тече од денот на верификација на мандатите на 120-те пратеници, потенцирајќи дека според Уставот во тој период е должен да го довери мандатот на кандидатот на партијата или партиите коишто имаат мнозинство во Собранието, или пак на оној којшто го уверил дека преговара со повеќе политички партии за обезбедување мнозинство. 

Претседателот нагласи дека во однос на тврдењето на Мицкоски, тој има сосема спротивен став кој се базира на читање на Уставот и следење на политичката пракса во изминативе 30 години на толкување на таа уставна норма. Претседателот Пендаровски во тој контекст истакна дека од верификацијата на мандати почнува броењето на десетте дена во кои претседателот е должен да го даде мандатот, односно, дека тоа не е опција, туку мора да го стори тоа, според членот 90 од Уставот, кој вели „Претседателот е должен да го даде мандатот“.

Притоа претседателот Пендаровски потсети на ситуациите во 2006-та и во 2016-та година, кога со писмо од тогашните претседавачи на Собранието, Стојан Андов и Трајко Вељановски биле известени тогашните претседатели, Бранко Црвенковски и Ѓорге Иванов дека со верификација на мандатите на пратениците Собранието е конституирано. 

Одговарајќи на новинарско прашање, претседателот Пендаровски посочи дека со исклучок на претседателот на СДСМ, Зоран Заев, ниту еден од останатите претседатели на парламентарните партии не го информирал дека може да обезбеди парламентарно мнозинство.

Претседателот Пендаровски нагласи дека ниту еден претседател досега не барал изјави, освен Ѓорге Иванов вториот пат, откако Груевски не создаде парламентарно мнозинство, па мандатот требаше да го добие Зоран Заев. Тој додаде дека мнозинството од 61 пратеник не се утврдува кај претседателот со потписи или со нотарски заверени изјави, туку се утврдува на денот на гласањето во Собрание за нова Влада.

The post Пендаровски не побарал гаранции за мнозинство од Заев, нема да бара ниту од Мицкоски appeared first on plusinfo.mk.

The post ВО ЖИВО: Вонредно обраќање на претседателот Пендаровски appeared first on plusinfo.mk.

„Утре во Вила Водно ќе бидам домаќин на средба на лидерите на парламентарните политички партии во земјава, СДСМ, ВМРО-ДПМНЕ, ДУИ, ДПА, Беса, Алтернатива и Алијанса за Албанците.

Лидерската средба ја свикав со една точка на дневниот ред – можност за одложување на парламентарните избори закажани на 12 април 2020, датум кој беше договорен од страна на лидерите на партиите на средбата која ја организирав во октомври 2019 година по Европскиот совет. На средбата ќе присуствуваат и претседателот на Собранието Талат Џафери и претседателот на Владата Оливер Спасовски“, пишува Пендаровски.

The post Пендаровски утре во вила Водно закажа лидерска средба appeared first on plusinfo.mk.