Вишиот суд во Белград донесе одлука со која ги обврза Милјана и Владимир Кецмановиќ, мајката и таткото на момчето убиец од основното училиште „Владислав Рибникар“, заеднички да исплатат отштета за нематеријална штета на наставничката по историја Татјана Стевановиќ, која беше тешко повредена во масакрот што се случи на 3 мај 2023 година во училиштето .

Отшетата, се вели во пресудата, се плаќа за претрпената физичка болка, страв, душевна болка поради намалување на општата животна активност и поради деформација. Сумата од 6.900.000 динари која се споменува е еднаква на околу 55.000 евра и предвидена е камата која почнува од денот на пресудата.

Во соопштението се вели и дека:

„Имено, судот утврдува дека во ситуација во која родителот одлучил дека малолетно дете треба да стекне знаење за ракување и употреба на оружје, и дека со одење на стрелиште, детето треба да стекне поголем интерес за овој спорт или хоби, а сето тоа во период кога детето сè уште се развива психофизички, родителот треба да се однесува кон оружјето и муницијата што ги чува во куќата со поголем степен на грижа, односно соодветно да обезбеди оружје и муниција“.

The post РОДИТЕЛИТЕ НА КОСТА К. ЌЕ ТРЕБА ДА ПЛАТАТ ОТШТЕТА Учителката која преживеа ги доби на суд appeared first on plusinfo.mk.

Има голем број на Македонци кои работат во афричките земји, па затоа алармот треба да биде вклучен, велат експертите.

– Инкубацијата е долга, човек може 21 ден да биде инфициран а да нема никаков симптом, појавата на симптоми што значи, висока температура, главоболка, мускулни болки, отекување на лимфните жлезди и појава на исип е специфично за оваа болест – рече директорката на Инфективната клиника во Скопје, д-р Милена Стевановиќ.

Инаку, досега мајмунските сипаници не сме имале можност да ги лекуваме во Македонија бидејќи е африканска болест. Но докторите се убедени дека знаат што треба да направат доколку истите бидат регистрирани во Македонија.

– Ги следиме препораките, внимаваме на состојбата, како во земјата, така и надвор. Апелираме до луѓето кои патуваат, да внимаваат, да се заштитат, да држат дистанца. Патувањето во ризичните подрачја не се препорачува и затоа треба да бидеме исклучително одговорни – апелира д-р Стевановиќ.

Таа посочи дека не треба да се потценува нашиот здравствен систем и оти сите пациенти ќе бидат следени, евидентирани и третирани на Клиниката за инфективни болести.

– Немојте да ја намалувате вредноста на нашиот систем. Нашиот систем е далеку од идеален, но е подготвен и цврсто стоиме на нашите нозе и имаме капацитет да се справиме со заразна болест. Во моментот кога ќе излезат комерцијалните тестови за сипаниците, ќе ги имаме и ние – вели директорката на Инфективна.

Како и секоја друга вирусна инфекција, така и кај мајмунските сипаници, таа вели дека најпогодени би биле младите, повозрасните лица и лицата со хронични болести.

– Прекинатите ланци на вакцинација, ќе доведе до појава на сериозни вирусни болести. Мојот апел е вакцинацијата да не престане и да не се дозволи пропуштање на вакцинацијата кај децата. Тоа е причина зошто ни се јавуваат поранешните вирусни болести, вели Стевановиќ.

The post ПОДГОТВЕНИ СМЕ ЗА МАЈМУНСКИТЕ СИПАНИЦИ Д-р Стевановиќ вели внимателно се следи состојбата и препораките appeared first on plusinfo.mk.

– Ќе се направи сериозно чистење, стерилизација, дезинфекција на душеци, перници, медицинскиот мебел, сѐ она што е простор, ѕидови и подови итн. Ќе се направат и некои диполнителни процедури кои ни се рутинска потреба која не можевме да ја направиме поради бројот на пациенти – рутинско проверување на противпожарните апарати, дополнување на сензорите за пожар, кои малку заостанаа во овој период. Ова ќе биде добредојдено и за персоналот кој две години конкутинуирано е под атакот на ковид-19, ќе биде добро сите ние да земеме малку душа. Но тоа што е главно е комплетно да ја подготвиме клиниката за евентуално нов бран и очекување пацинети – рече Стевановиќ за ТВ Телма.

Тројцата пациенти кои во моментов се лекуваат на клиниката ќе бидат на кратко префрлени во болницата „8 Септември“ и сите останати кои ќе имаат потреба од инфектолозите ќе бидат пренасочени во таа болница.

The post ЌЕ СЕ ПЕРАТ ПЕРНИЦИ, ЌЕ СЕ СТЕРИЛИЗИРААТ ДУШЕЦИ Инфективната клиника ќе прави генералка, пациентите ќе се преселат во ГОБ „8 Септември“ appeared first on plusinfo.mk.

Таа апелира сите граѓани кои сега одат на годишни одмори, ако не се вакцинирани, сериозно да внимаваат во смисла на дистанцата и користењето на тоа што значи лична заштита.

– Многу е значајно дека потребата од прегледи на ковид суспектни пациенти имаме се помалку или практично веќе и да ги немаме и тоа укажува дека стабилноста на епидемиолошката состојба во пракса е токму таа, дека не осцилира вирус во голема количина на нашата територија, но со завршување на годишните одмори и можноста за комуницирање и инфицирање ќе се зголеми, секако за време на јули и август. Сите тие луѓе ќе дојдат дома. Можноста да ја прошират инфекцијата е секако голема. Оттука и моето објаснување дека се уште мораме да бидеме внимателни во смисла на заштитата – рече д-р Стевановиќ.

Таа посочи дека во овој момент не очекува нови рестриктивни мерки. Според неа, мерките ќе зависат од состојбата кај нас, меѓутоа и од состојбата која ќе ја диктира светот токму поради летниот период, токму поради тоа брзо и едноставно движење на луѓето низ државите.

Затворањето, потенцира Стевановиќ, за нас е проблем, премногу долго време трае, треба малку да го искористиме летото, можноста да бидеме на отворено и да одмориме малку од сето ова, но никако не смееме да ги занемариме основните мерки на превенција.

– Вакцинацијата е главниот начин за што побрзо прекинување на ширење на инфекцијата и ставање крај на пандемијата. Ние исто така веќе почнуваме апсолутно масовна вакцинација дури и на деца на возраст над 12 години во повеќе различни центри низ државата со цел да се брзо постигне повисок процент на вакцинирана популација. Главната причина за вакцинацијата е дури и да не бидеме стопроцентно заштитени, последиците од инфекциите и можностите што развојот на болеста може да ги предизвика, сметаме дека ќе бидат навистина занемарливи во однос на можноста од компликации кај невакцинирана популација – рече д-р Стевановиќ.

Во врска со тоа дали може да бидат спокојни граѓаните кои ги примиле и првата и втората доза вакцина во однос на делта вирусот, таа рече дека тие може да бидат далеку поспокојни од тоа што светот го кажува како искуство, иако рано е да се дадат прецизни математики и согледувања врзани со ширењето на делта сојот во Европа.

– Но, она што го кажуваат искуствата е дека вакцинираната популација е безбедна, но повторно ќе кажам ниту една вакцина за која било болест не овозможува стопроцентна заштита. Но, тоа што ни го овозможува со сигурност, а е многу значајно, е дека може да не задржи надвор од болниците и подалеку од сериозни компликации на болеста и најнесаканиот исход од неа. Сега и достапоста на вакцини за нашата држава е поголема и можноста да бидат помладите структури вакцинирани исто така – истакна д-р Стевановиќ.

Инфективната клиниката интензивно се подготвува за можноста повторно да има голем број пациенти кои ќе треба да ги згрижи во смисла на нега, третман, дијагностика и за се што е потребно и за тоа се подготвени.

– Колегите ротираат и веќе одат на годишни одмори. Во случај бројката да се зголемува, ние сме подготвени пациентите да ги прифатиме како и во претходните ситуации кога ги имавме првите бранови – додаде д-р Стевановиќ.

Ивана Хаџиванова, психолог, гешталт психотерапевт и супервизор рече дека се соочивме со огромен предизвик и оваа криза многу го загрози и афектираше менталното здравје и сите сега сфативме колку е сето тоа поврзано односно како стравот за соматското здравје и за егзистенција може да влијае и на менталното здравје и психолошката добросостојба.

– Се соочивме со огромни предизвици и тоа го почувствуваа сите возрасни категории. Луѓето станаа послободни, поотворени и самата криза и нарушување на психичката состојба ги натера да го надминат стравот, стигмата, предрасудите и да побараат стручна помош. Имаме голем прогрес во однос на тој дел. Тоа го докажува и зголемата бројка на клиенти со кои работиме во Центарот во сиот овој период. Има уште еден мал процент луѓе кои се уште имаат страв, срам, предрасуди и сл. меѓутоа има значително подобрување – рече Хаџиванова.

Таа вели дека голем број луѓе кои прележале ковид-19 едвај чекаат да се опуштат, да се придвижат послободно, да функционираат, да се вратат условно кажано во нормалното функционирање. Сето тоа, појасни Хаџиванова, многу зависи од начинот на кој е прележан коронавирусот.

– Има разлика согласно тоа како индивидуата поминала со вирусот, како поминало поблиското семејство или пријателите или кругот во кој тоа лице функционира, дали можеби се случиле некакви загуби. Некои луѓе поопуштено се чувствуваат и се однесуваат и полесно се враќаат во нормалата, но има и една категорија луѓе кај кои можеби поради тоа што се уште се соочуваат со одредени последици кои ковид-19 ги остава долготрајно, се уште силно перзистира стравот и се уште можеби поопсесивно ги почитуваат и мерките и се однесуваат и не им е толку едноставен тој процес на враќање, истакна Хаџиванова и изрази надеж дека ќе успееме некако да се вратиме во нормала.

The post Стевановиќ: Можен е нов пик по годишните одмори appeared first on plusinfo.mk.

– Вакцинацијата мора да се случи независно од прележаната болест како и независно од тежината на прележаната болест. Колкаво ќе биде времето до вакцинација? Колегите во медицинските научни истражувања велат дека треба комплетно да бидат повлечени сите клинички симптоми од болеста, тоа е најмалку еден месец после заздравувањето. Секако дека овие пациенти ќе имаат имунитет најмалку шест месеци. Ние ги гледаме најкратките возможни рокови, повторно со предострожност да ги заштитиме пациентите – рече Стевановиќ во вечерашното гостување на вестите на Сител ТВ.

Таа истакна дека она што е најзначајно е лицата кои прележале да бидат вакцинирани и при тоа сите тие информации врзани со вакциналниот процес, со вакцините, било која од вакцините кои ни се расположливи во државата, да ги слушаат од белите мантили и нивните сугестии.

– Сите социјални мрежи не се извор на медицински професионални информации. Навистина апелирам да се следат упатствата издадени на вакциналните пунктови, како и од Министерството за здравство. Повторно со цел тоа биде комплетно и соодветно вакцинирање, а не базирано на непроверени извори, во смисла на која вакцина, колку дози, дали некој треба или не треба, дали е паметно или не е паметно. Во овие ситуации во пандемиски размери на проширена инфекција навистина нема тука многу дилеми, освен еден и единствен извор на информации кој треба сериозно да се следи – потенцираше Стевановиќ.

Таа потсети дека ниту една вакцина не може да покрие стопроцентна заштита од одредена инфекција и развој на болест, но она што може да го направи е да го заштити човекот од исклучително тешки клинички слики и најнепосакувани исходи од болеста, смртните исходи.

– Вакцинацијата е секогаш главниот спас од која било инфекција Ние денеска сведочиме во ова време на комплетно искоренување на на одредени болести, така и за Ковид-19. Вакцинацијата е таа од која очекуваме највеќе, заклучи Стевановиќ.

The post Стевановиќ: Секој треба да се вакцинира, независно дали прележал ковид-19 appeared first on plusinfo.mk.

– Ние не сме застанати, во тек се темелни чистења на Клиниката за Инфективни болести и фебрилни состојби, дезинфекции на целокупниот простор, на целокупниот медицински мебел, опрема со која располагаме, затоа и апелирам секој еден од нас да не застане со заштитата од ковид-19 и да се придржува на она што е препорака за заштита од него – порача Стевановиќ

Според неа, новото модерно живеење, можноста да се стигне од еден до друг крај на светот за многу кратко време, ги отвора широко вратите за разнесување на ковид-19.

– Не смемее да се опуштиме и да мислиме дека пандемијата завршила комплетно. Ние сме отворена земја, следуваат и годишни одмори, што значи многу поголемо движење и токму поради тоа мораме да бидеме сериозно претпазливи, пред се за своето лично здравје. Веројатно и нови соеви ќе следиме и во идина, но какви ќе бидат не можеме да предвидиме, но поради тоа мораме да бидеме комплетно подготвевени – апелираше Стевановиќ.

За новиот индиски сој на ковид-19, директорката на Инфективната клиника рече дека според информациите кои ги добиле од нивните колеги кои први се соочиле, тој полесно се шири и има потешка клиничка слика, како и британскиот сој.

– Инфекциите се многу специфична болест, ние сме научени да работиме со нив, некогаш сме во можност да го предвидуваме нивниот ток, некогаш не сме во можност тоа да го направиме со колегите епидемиолози. Но некој конкретен заклучок навистина тешко може да се донесе. Она што е најзначајно е дека третманот, заштитата, превенцијата од вирусот и од овој сој на ковид-19 ни се разликува.
Она што ни останува е и понатаму да бидеме исклучително посветени и професионални како здравствени работиници, а од друга страна сериозно одговорни како граѓани. Друг спас од превенирање од ковид-19 навистина немаме – нагласи Стевановиќ.

Во однос на нејзините прогнози за состојбата со ковид-19 во претстојниот период, директорката на Инфективната клиника рече дека посакува мирно лето, но оти е потребна голема претпазливост.

– Јас посакувам мирно лето, но навистина морам да бидам многу предострожна и навистина да не се надевам повеќе од она што објективно треба. Не смееме да внесуваме паника и немир кај граѓаните, но одговорноста мора да постои кај секој еден од нас. Тоа е она што е единствено практично, а од големо значење за развојот на епидемиолошката слика со ковид-19 во државата – заклучи Стевановиќ.

The post Темелно се дезинфицира Инфективната клиника appeared first on plusinfo.mk.

Стевановиќ истакна дека за разлика од изминатиот период кога поранливи биле постарите лица и оние со коморбитети, сега потешка клиничка слика се развива за многу пократко време и предизвикува проблеми и кај помладите и здрави пациенти.

– Новата варијанта на вирусот остава подруга слика и тоа не само во симптомите, туку и во тежината на болеста, времетраењето на болеста и во времето кога се појавуваат симптомите.  Ако претходно научивме една динамика на негово развивање и очекувавме компликација 7-8 ден и потоа 10-11 ден како можност за наредно влошување на состојбата, сега се остава впечаток дека оваа варијанта дава влошувања и после 13-14 ден, но и на самиот почеток на болеста. Така што многу е непредвидлив и за жал развива многу потешка клиничка слика – истакна Стевановиќ во емисијата „Топ тема“.

Во однос на лекувањето, таа тврди  дека по ништо не се разликуваме од она што се применува во регионот и во светот.

– Ние имаме најниска бројка на починати на милион жители, но тоа ни оддалеку не е нешто за што човек треба да се пофали. Тоа се загуби кои секој бел мантил ги носи не само професионално, туку и емотивно – рече Стевановиќ.

Капацитетите на Инфективната клиника се во целост исполнети, но таа уверува дека динамиката на испишување и прием на нови пациенти дозволува да се опфатат и пациентите кои би дошле во следните денови.

The post Стевановиќ: Британскиот сој носи и млади и здрави животи appeared first on plusinfo.mk.

Според неа, одговорноста за зголемување на новозаболените, чија бројка на дневно ниво во билтените на Министерството за здравство достигнува над 900 случаи, ја има и високиот процент од околу 70 отсто на осцилирање на британскиот сој.

Стевановиќ нагласува дека болничките капацитети се практично пополнети, поради што е отворена и модуларната болница, но напоменува дека засега состојбата е стабилна со оглед на тоа што има постојан испис, а потоа упис на новопримени пациенти кои имаат потреба од болничко лекување.

За пописот, кој треба да почне на 1 април, Стевановиќ нагласува дека е донесен Протокол, во кој детално се обработени мерките и кој, како што рече, обезбедува апсолутно сигурни услови за спроведување на операцијата.

Протоколот за превентивни мерки при спроведување на Пописот на населението, домаќинствата и становите 2021 година беше усвоен од Владата на 2 март, на предлог на Комисијата за заразни болести, во која членува и Стевановиќ.

– Колку што јас го знам, а го знам до детали протоколот и гарантирам негова ефикасност во смисла на обезбедувањата, не можам да предвидам колку од луѓето стравуваат или не стравуваат и дали би ги пуштиле попишувачите или не секако, но исто така верувам дека ако се плашат граѓаните, можеби сега, знаете како е, сепак зборува – еден бел мантил тука кој 13 месеци се бори со ковид-19 и имаше прилика да види различни состојби. Ако граѓаните се плашат толку колку што барем ни се презентира дека се плашат од ковид инфекцијата немаше да имаме ние толкави бројки. Навистина сметам дека нашето однесување мораме да го донесеме до максимум сериозен однос кон ширењето на инфекцијата и ако се придржуваме до сѐ нема да има проблем ниту за попис, ниту за какво било ширење од друг извор, можен извор или ризик на инфекцијата. Повеќе од сигурна сум дека кога би се однесувале соодветно секаде од продавница до попис, нема да имаме никаков проблем – вели Стевановиќ.

Се ближи одржувањето на пописот. Први април не е далеку, теренскиот дел, кога попишувачите ќе влегуваат во домовите на граѓаните. Попис сме немале речиси 20 години, но сепак е пандемија. Како според Вас како здравствен работник да се спроведе оваа операција, но и да се поведе сметка за здравјето на граѓаните?

– Видете, Комисијата за заразни болести која навистина е една високо професионален тим на стручњаци со различни специјалности го изготвија протоколот за спроведување на пописот и тоа следејќи ги сите фази на процесот на попишување, од тестирање, преку обучување до спроведувањето на терен, вклучувајќи со посебни дополнителни мерки и за оние, за онаа популација која ќе биде во изолација или ќе биде заболена. Најдетално се опфатени сите движења, сите возможни комуникации за време на пописот или на секоја една фаза од процесот на целиот попис, така што со преземање на соодветни мерки кои се и предвидени за секој момент и на движење во време на пописот апсолутно верувам дека се обезбедуваат максимални услови за минимизирање на какво било ширење на инфекцијата понатаму. Се разбира, јас сум повеќе од сигурна дека тој исто така ќе се спроведува доследно, како што е и напишан и верувам дека нема да се има каков било проблем затоа што е навистина многу детално обработен и мислам дека обезбедува апсолутно сигурни услови за спроведување на пописот.  

The post Стевановиќ: Ако се однесуваме соодветно од продавница до попис, нема да имаме никакви проблеми appeared first on plusinfo.mk.

Таа вели дека се преполовени бројките на новозаболени и на пациенти на кои им треба хоспитализација и се надеваат дека се гледа крајот на пандемијата, ама тоа не треба да биде мотив за опуштање.

– Ова ни покажува дека има надеж во справувањето и дури се гледа и крајот на оваа голгота, но никако тоа да не се гледа како опуштање. Нов наплив нема да биде добар и за граѓаните и за здравствените работници – вели Стевановиќ.

Од хоспитализираните најголем број се со тешка клиничка слика и на кислородна поддршка.

The post Стевановиќ: Коронавирусот најмногу компликации предизвика кај пациентите од 40 до 50 години appeared first on plusinfo.mk.

– Со ова разрешување сакаме да пратиме порака до сите дека навистина сме спремни да се бориме против корупцијата, дека немаме двојни аршини, сме добиле огромна чест и одговорност од граѓаните, која мораме да ја оправдаме – рече Николовски.

– Нема недопирливи, и не треба да има. Не сакаме да оставиме никаков сомнеж. Затоа јас ќе побараме од Димова да поднесе оставка. Ако тоа не го стори, тогаш ќе ја разрешиме – рече Николовски.

The post Николовски: Ако Димова не поднесе оставка, ќе ја разрешиме appeared first on plusinfo.mk.