Драстично зголемување на паричните казни за физички лица, од 400 евра за несоодветно чување и шетање на куче, до 5.000 евра за мачење, сурово и нехумано постапување или убивање животно, предвидува предлог-законот за заштита и благосостојба на животните, објави Телма.

Измените главно се насочени кон решавање на проблемот со напуштањето на домашните миленици, нивното неконтролирано размножување и трговија за што краен резултат треба да биде намалување на бројот на бездомни кучиња.

„На сопственикот кој ќе го напушти својот миленик трајно му се забранува држење на миленици; Се забранува неконтролирано размножување, продажба и давање на подарок домашни миленици… Се забранува чување на домашен миленик – куче, постојано врзано на ланец или во затворен дел од ограден простор, без да се овозможи слободно движење надвор од тој простор најмалку еднаш во денот, со цел да се задоволат неговите физиолошки и физички потреби… Се збаранува зашеметување, колење или усмртување на животни за ритуални цели…“, се дел од измените предвидени со предлог-законот.

Предлог-законот предвидува и задолжителна стерилизација на домашни кучиња, забрана за продажба и давање на подарок домашни миленици од нерегистрирани одгледувачи, а одгледувачниците, пред да го направат тоа, ќе мора новите легла да ги пријават кај ветеринар, но и кому ги дале. Една мачка или кучка нема да смее да има повеќе од едно легло годишно.

Се предвидува и формирање на Центар за трајно згрижување, сместување и посредување при вдомување на напуштени и бездомни животни, но и сместување кај привремени вдомувачи.

Регулирана е и регистрација на пансиони за миленици, продавници, одгледувачници.

Освен инспекторите на АХВ должност да вршат контроли на спроведува на законот ќе имаат и Државниот комунален инспекторат, општинските комунални инспектори и на градот Скопје, како и МВР.

Законското решение е изготвено од Агенција за храна и ветеринарство, а усогласено со Ветеринарната комора, Ветеринарниот факултет, министерствата за животна средина и локална самоуправа, како и ЗЕЛС и здружението Анима Мунди, во рамки на Работната група за стратегија и управување со популацијата на бездомни животни.

The post КАЗНИ ДО 5.000 ЕВРА, ДОЖИВОТНА ЗАБРАНА ЗА ЧУВАЊЕ МИЛЕНИК, ЗАДОЛЖИТЕЛНА СТЕРИЛИЗАЦИЈА… Што предвидува новиот предлог-закон за благосостојба на животните appeared first on plusinfo.mk.

„Со задоволство сакам да објавам една нова мерка, а тоа е субвенционирање на граѓаните за стерилизација на домашните миленици. Ова е уште една мерка која ја реализираме како одговорна локална самоуправа во насока на системско решавање на проблемот со бездомните миленици на долг рок. Придобивките од стерилизацијата на милениците се многубројни и подеднакво важни за здравјето на миленикот и за околината. Стерилизацијата е најдобро решение за контрола и за намалување на популацијата на бездомни животни, а со сеа се намалува и нивната агресивност“, напиша градоначалникот на Гази Баба, Бобан Стефковски на Фејсбук.

Јавниот повик и условите за учество се објавени на веб-страната на Општина Гази Баба.

The post ГАЗИ БАБА ЌЕ ПЛАЌА ЗА СТЕРИЛИЗАЦИЈА НА ДОМАШНИТЕ МИЛЕНИЦИ Нова мерка за помалку бездомни кучиња и мачки appeared first on plusinfo.mk.

Јапонскиот премиер, Фумио Кишида, официјално им се извини на луѓето кои беа насилно стерилизирани во втората половина на минатиот век. Законот за еугеничка заштита, кој важеше од 1948 до 1996 година, им дозволи на властите насилно да ги стерилизираат болните луѓе, вклучително и оние со ментални нарушувања, наследни болести или со физички деформитети и лепра.

– Контроверзниот закон дозволуваше и присилни абортуси доколку еден од родителите бил болен. Најмалку 25.000 луѓе се стерилизирани поради тој закон. Решив да се сретнам со вас денеска за да го изразам лично моето каење и извинување за огромното физичко и ментално страдање што го претрпеа многу луѓе според поранешниот Закон –  рече Кишида кој вчера во својата службена резиденција се сретна со околу 130 живи жртви на присилна стерилизација.

Тој додаде дека законот е неуставен и ги нарушува човековите права и достоинството на поединци. Тој потврди дека им наредил на властите да подготват нов план за компензација за преживеаните, без да даде детали. Владата претходно понуди отштета од 3,2 милиони јени (околу 19.000 евра) по тужител, но тужителите се согласија дека тоа е премалку.

Тужителите извојуваа значајна победа претходно овој месец кога јапонскиот Врховен суд ѝ наложи на владата да плати 16,5 милиони јени (околу 97.000 евра) на секој тужител и 2,2 милиони јени (околу 13.000 евра) на нивните сопружници.

ВО ЈАПОНИЈА СТЕРИЛИЗИРАЛЕ И 9-ГОДИШНИ ДЕЦА ПОРАДИ БИЗАРЕН ЗАКОН 16.500 луѓе се жртви на бруталната практика

The post ПРИСИЛНА СТЕРИЛИЗАЦИЈА И НАСИЛНИ АБОРТУСИ Јапонскиот премиер им се извини на илјадниците жртви на бесчовечниот закон appeared first on plusinfo.mk.

Јапонскиот врховен суд ѝ нареди на владата да плати отштета на десетици луѓе кои биле насилно стерилизирани според сега веќе непостоечкиот Закон за заштита на евгениката, тврдејќи дека практиката ги прекршува нивните уставни права, објави Џапен тајмс.

Тоа е голема победа за 39-те тужители и илјадници други луѓе со болести, генетски и ментални нарушувања, кои биле подложени на процедури без нивна согласност, главно помеѓу 1950-те и 1970-те. Владата тврдеше дека оштетените не можеле да бараат обештетување бидејќи поминал 20-годишниот рок за застареност.

Законот за евгенична заштита од 1948 година, кој беше на сила во Јапонија до 1996 година, им дозволи на лекарите да вршат присилна стерилизација за да „спречат создавање потомство со слаб квалитет“. Јапонската влада призна дека 16.500 луѓе – некои на возраст од 9 години – биле насилно стерилизирани според законот. Уште 8.500 кои дале согласност веројатно биле под силен притисок да го сторат тоа.

Сите 15 судии на Врховниот суд оценија дека законот за евгеника е неуставен.

– Проживеав болни 66 години поради операција на владата. Ми го украдоа животот и го сакам назад – вели 81-годишен маж кој на 14-годишна возраст бил убеден да направи вазектомија и живеел во установа за деца со проблеми во однесувањето.

Сите 15 судии на Врховниот суд оценија дека законот за евгеника е неуставен и го прекршил членот 13 од Уставот – кој ги штити луѓето да бидат подложени на физички инвазивни процедури против нивната волја – и членот 14, кој го пропишува правото на еднаквост.

– Проживеав болни 66 години поради операција на владата. Ми го украдоа животот и го сакам назад – вели еден 81-годишен маж кој на 14-годишна возраст бил убеден да направи вазектомија и живеел во установа за деца со проблеми во однесувањето.

Јапонија беше принудена да се соочи со контроверзната практика кога една жена во нејзините 60-ти ја тужеше владата поради процедура на која била подложена на 15-годишна возраст поради интелектуална попреченост. Ова предизвика поплава од слични тужби.

Во 2019 година, владата усвои закон со кој се обезбедува компензација во износ од 3,2 милиони јени (околу 18.600 евра) за секоја жртва, а тогашниот премиер Шинзо Абе го изрази своето „искрено жалење“.

– Многу луѓе беа подложени на операции поради кои не можеа да нема деца поради инвалидитет или некоја друга хронична болест, што им предизвикано големо страдање – рекол Абе.

Но, оштетените од мачната постапка рекоа дека обезбедената сума не соодветствува со тежината на нивните маки, па борбата ја продолжија на суд. Во тие случаи, четири високи судови досудија отштета од 11 до 16 милиони јени (63.000 до 92.000 евра) на секој тужител, како и 2,2 милиони јени (околу 12.500 евра) на секој сопружник на починатата жртва.

Инаку, Германија и Шведска имаа слични мерки, но во меѓувреме им се извинија на настраданите и платија обесштетување.

The post ВО ЈАПОНИЈА СТЕРИЛИЗИРАЛЕ И 9-ГОДИШНИ ДЕЦА ПОРАДИ БИЗАРЕН ЗАКОН 16.500 луѓе се жртви на бруталната практика appeared first on plusinfo.mk.

Како што претходно објави Плусинфо, Специјалното обвинителство за организиран криминал и корупција на Албанија, СПАК, издаде налози за апсење на поранешни функционери вмешани во аферата, меѓу кои и на поранешниот заменик-министер за здравство Клодијан Рјепај, обвинет за злоупотреба на службената положба, како и бизнисменот Илир Рапајн обвинет за „измама со тешки последици“ за концесијата за стерилизација. На дел од осомничените изречена им е мерка привор, на дел домашен притвор, додека на двајца секојдневно јавување во полиција.

Осомничените се товарат за злоупотреба при склучен договор за стерилизација на хируршка опрема со Јавното приватно партнерство, потпишан во декември 2015 година меѓу поранешниот министер за здравство Илир Беќај и концесионерската компанија „Сани Сервице“, со кој ѝ била нанесена економска штета на државата.

Според извештајот на Високата државна контрола, опрема вредна над 107 милиони леки (1.014.149 евра), која била купена од албанската влада, му била донирана на концесионерот бесплатно и без никаква одредба во договорот.

Сопственици на акции во „Сани Сервице“ се италијанската компанија „Сервици Италија“ (Servizi Italia), „Техносанимед“ ( Tecnosanimed0, и У.Јет (U.Jet S.r.l.), како и инвестицискиот фонд Investital LLC.

Истовремено, во компанијта „СкопСтер“, која има договор за јавно приватно партнерство со македонката влада, сопственици на акции се следниве три компании: „Сервици Италија“, „Евита“ и „Делта Фарма“. Станува збор за истата „Сервици Италија“, која има вложувања во фирмата „Сани Сервице“, која што сега е под истрага во Албанија.

Истовремено, другата компанија со удели во македонската „СкопСтер“, фирамта „Евита“, е во сопственост на Mајлинда Фетиу, која е роднина на контроверзниот албански бизнисмен Клодијан Алајбеу, сопственик на болницата „Американ хоиспитал“ од Тирана, за кого неодамна беше објавено дека преговара купување на Клиниката Жан Митрев во Скопје, настапувајќи со своја компанија регистрирана во Холандија.

Токму фирмата „Евита“ во конзорциум со „Американ хоспитал“ во 2016 година добила голем тендер за дијализа во Тирана, кој подоцна бил предмет на истрага, затоа што наводно на тендерот, на кој учествувале 8 компании, една грчка компанија имала подобри резултати.

Фирмата „Евита“ беше дел и од конзорциумот што го доби тендерот за стерилизација на македонското Министерство за здравство во септември 2019 година, за кој уште тогаш се пишуваше дека е сомнителен. Македонските фирми кои се претставници на странски брендови во земјата, тогаш се пожалија дека немале можност да учествуваат на тендерот поради високите критериуми во тендерската документација како што е висока банкарска гаранција, обрт од 30 милиони евра во оваа дејност во последните 3 години, (за подизведувач обрт од 20 милиони евра) и слично.

Клодијан Алајбеу се смета за клучен човек за најавената аквизиција на Клиниката „Жан Митрев“, бидејќи неговата „Американска болница“ во Тирана, основана во 2006 година, во 2008 година беше купена од „Balkan Alliance Healthcare BV“, компанија регистрирана во Холандија, за која неодамна јавно беше соопштено дека е во завршна фаза од преговори за купување на Клиниката „Жан Митрев“:

„Балкан aлајанс хелткер Б.В. (Balkan Alliance Healthcare BV), друштво основано согласно регулативата на Холандија, со седиште во ул. Стравинскилан бр. 1421, 1077ХХ Амстердам, Холандија, во рамките на својата инвестициона политика има намера да стапи во стратешко партнерство со Приватната здравствена установа – Клиничка болница „Жан Митрев“ – Скопје со седиште на ул. Бледски Договор бр. 8, 1000 Скопје преку стекнување на контрола со купување на мнозински удел, согласно одредбите од Законот за установите и Законот за здравствената заштита“ – соопшти Комисијата за заштита на конкурентнсота во Македонија, а потоа беше истото беше потврдено и од самата Клиника „Жан Митрев“.

ХОЛАНЃАНИ, ВО АЛБАНИЈА РАЃАНИ!? Кои се можните нови сопственици на „Жан Митрев“

The post ИМА ЛИ ВРСКА НОВАТА АФЕРА ВО ТИРАНА СО НЕСУДЕНИОТ КУПУВАЧ НА „ЖАН МИТРЕВ“? Исти актери во коруптивниот бизнис на стерилизација на медицински инструменти и во Македонија и во Албанија appeared first on plusinfo.mk.

Бројот на граѓани каснати од бездомни кучиња од година во година расте. Во 2020 година имало 1.062 напади од бездомни кучиња врз луѓе, во 2021 година има 1.315 пријавени напади, во 2022 година до крајот на октомври 1.283 напади на кучиња, или, вкупно 3.660 напади за последните три години, покажуваат податоци на МВР кои ги побарал Центарот за управување со кризи.

Од овие напади во Скопје се случиле 1.853, во Кичево – 439, Велес – 250, Струга – 177, Тетово – 170, Битола – 149, во Прилеп – 122, Гостивар – 98, Куманово – 75, Охрид – 50.

– За да биде состојбата посериозна, од овие нападнати 498 се деца. Ако на тоа додадеме дека има одредена бројка на напади кои ги немаме во систем, тогаш состојбата е уште поалармантна – рече директорот на Центарот за управување со кризи (ЦУК) Стојанче Ангелов .

Тој рече дека се одржала координативната средба со претставници на МВР, АХВ, на ЗЕЛС, на Град Скопје, на Лајка, на Анима Мунди, Ветеринарна комора и Кинолошкиот сојуз, на која се разговарало за овој, како што рече, исклучително комплексен проблем кој бара интердисциплинарно решение.

Од неформални информации, како што посочи, во одредени општини бројот на напади е значително поголем од пријавените напади.

– Во Скопје сметаме дека аналитиката и статистиката се најпрецизни. Каснатите граѓани се поучени од страна на адвокати дека за секој напад на куче може да добијат одредена оштета што ги мотивира граѓаните да ги пријавуваат сите напади. Ги повикувам сите засегнати граѓани кои ќе бидат нападнати од улично куче да го пријават нападот на бројот 112. Од страна на МВР ќе бидат преземени сите соодветни мерки и на тој начин ќе воспоставиме и пообјективна контрола врз бројот на напади на улични кучиња врз граѓани на цела територија на државата – рече Ангелов.

Стратешки момент на кој треба да работиме организирано, рече Ангелов, е масовна стерилизација на уличните кучиња.

– Потребна е едновремена акција, а кога би била на идеален начин направена би можеле отприлика за три месеци околу 75 отсто од кучињата да ги стерилизираме. Со 75 посто стерилизација на уличните кучиња нивниот број нагло ќе падне бидејќи нема да можат да се размножуваат – смета Ангелов.

The post ЗА ТРИ ГОДИНИ 3.660 КАСНАТИ ОД КУЧИЊА, ОД НИВ 498 ДЕЦА! Поразителни статистики за жртвите на бездомни кучиња appeared first on plusinfo.mk.

– Додека во сите земји стигнува веќе третата тура од вакцини, додека граѓаните можат да бираат со која вакцина ќе се вакцинираат, кај нас на големо има распродажба на области од здравството. Во 2019 година Филипче стартуваше со физибилити студии за еден вид на приватизација на лабораториите, Итната медицинска помош, стерилизацијата и слично, а веќе избрале фирма која треба да направи физибилити студија за приватизација на рентгенот. И сега решил да ја приватизира стерилизацијата. Подготовката стартувала на крај на 2019 година, а со истата Заев и Филипче се занимавале во текот на цела 2020 година во ек на пандемија со корона – вели Лазов.

Процедурата, додава тој, е стигната до таму што на клиниките во рамки на кампусот Мајка Тереза им е доставен договорот што треба да го потпишат со фирмата која ќе ги нуди услугите.

– Или клиниките се ставени пред свршен чин – еве ви го договорот потпишете. А цените во договорот што владата, преку Министерство за здравство го потпишала со фирмата, со која само тие знаат како ја избрале, се четири пати повисоки. Или еден сет чија стерилизација со новиот договор чини нешто повеќе од 16 илјади денари, претходно чинел околу четири илјади денари. Наместо грижа за лекови против корона и набавка на вакцини, тие се занимаваат со продажба на јавното здравство. Недозволиво е во период на корона пандемија, кога бројката на заболени во земјава се движи кон 100 илјади, а на починати се движи кон 2.800, министерот да се занимава со распродажба на здравството. Сега приоритет број еден е вакцинација, а Филипче не успеа да најде ниту една вакцина. Лошиот менаџмент на корона кризата, немањето вакцини чини човечки животи. За тоа одговорност мора да има – вели Лазов.

The post Кирил Лазов, ВМРО-ДПМНЕ: Нема вакцини, ама има нов скандал на Филипче – ја продава стерилизацијата! appeared first on plusinfo.mk.

Американскиот државен секретар Мајк Помпео вчера ги оцени како шокантни и вознемирувачки наводите дека Комунистичка партија на Кина користи принудна стерилизација и абортуси против муслиманите.

Помпео повикувајќи се на извештајот за ситуацијата во Синџијанг на германскиот истражувач Адриан Ценц наведе дека Комунистичката партија на Кина „покажува крајно непочитување на светоста на човековиот живот и основното човеково достоинство“.

– Апелираме до Комунистичката партија на Кина веднаш да ја прекна оваа ужасна пракса и бараме од сите земји да им се придружат на САД во барањето за престанок на тоа нехумано злоставување – истакна Помпео.

Ценц тврди дека анализата на кинеските владини документи покажува дека природниот наталитет на жителите во Синџианг „драматично се намалил“ односно во двете најголеми ујгурски муслимански префектури стапката на раст се намалиле за 84 проценти во периодот од 2015 до 2018, како и во 2019 година.

The post САД ја обвинија Кина дека ги стерилизира муслиманите appeared first on plusinfo.mk.