„Но, и во овие мигови на непоимлива скрб, да не заборавиме дека Бог е Бог на живите и дека во Него нема мртви. Оттаму, иако е невозможно да се најдат човечки зборови за утеха, сепак, утеха на семејствата и блиските, но и на сите нам, нека ни биде верата дека споменот на праведниците е вечен и дека тие вечно ќе постојат во Вечноживиот Бог. Се молиме Троединиот Бог – Богот на љубовта, да ги прими душите на невино постраданите Свои чеда во Едемската градина, а на нивните најмили да им даде утеха и сили, испраќајќи им ја Својата небесна закрила. На повредените, пак, Бог – Лекарот на сѐ, да им дарува брзо закрепнување и исцеление“, се наведува во соопштението од МПЦ-ОА, потпишано од поглаварот Стефан.

The post МОЛИТВИ ОД МПЦ ЗА ЗАГИНАТИТЕ И ЗА ПОВРЕДЕНИТЕ „Нажалена Македонијо, утеха нека ни биде верата“, порача поглаварот Стефан appeared first on plusinfo.mk.

Претседателката Гордана Сиљановска-Давкова, со задоволство ја прифати поканата на Поглаварот на Македонската православна црква – Охридска архиепископија г.г. Стефан да биде дел од прославата и празничната трпеза по повод неговиот именден – празникот на светиот првомаченик, архиѓакон Стефан.

Покрај искрените честитки, таа му посака добро здравје и изрази желба за понатамошно успешно извршување на важната мисија на духовен чувар и водач на Македонската православна црква – Охридска архиепископија.

За време на прославата, на која беа присутни носителите на највисоките државни функции – премиерот Христијан Мицкоски и собранискиот спикер Африм Гаши, беше потенцирана важноста на духовната сплотеност и заедништво во градењето, застапувањето и одбраната на националните интереси.

The post 📷 НА ИМЕНДЕН КАЈ АРХИЕПИСКОПОТ Сиљановска Давкова, Мицкоски и Гаши на ручек кај г.г. Стефан appeared first on plusinfo.mk.

На почетокот на корона кризата, кога имаше краток прекин во синџирот на снабдување со храна, се постави прашањето за прехранбената сувереност и самодостатност во производството на храна.
Заспани поради достапноста на сите производи на полиците на продавниците, со текот на годините кај нас се создаде атмосфера дека ништо не вреди да се произведува бидејќи сè е достапно и евтино, без оглед дали е од увоз.

Затоа нашите ниви и нашите села се запустеа, а селаните почнаа да ги продаваат нивите и да купуваат станови, кој во Скопје, кој подалеку, отаде граница.
Уште пред почетокот на војната во Украина, имаше огромно глобално нарушување на пазарот на храна, што доведе до драстично зголемување на цените, па се постави прашањето, можеме ли да имаме доволно храна во случај на катастрофа од големи размери и како да ја преживееме оваа заканувачка ситуација кога и сега, со сегашната куповна моќ, поголемиот дел ни оди само за храна?

Како може да се заштитиме во случај на прекин на синџирот на снабдување или на драстично зголемување на цените што веќе се случува?

Дали оваа сегашна закана е добар мотив да започне бранот на враќање во селата?
Очигледно е дека тоа веќе се случува иако не би го нарекле враќање бидејќи повеќето од луѓето од селата веќе се вгнездени во градовите и на новите работни места, а во селата почнаа да одат луѓето од градовите, кои никогаш претходно не живееле на село, ниту пак имаат свои ниви и имоти.
Тие почнаа да си ги продаваат градските „кокошарници“ и да се селат по селата за да си го најдат изгубениот мир и да си ја произведуваат својата храна.

Едни од нив се и скопјаните Ана и Стефан. И не, не се пензионери и немаат време на претек. Имаат само желба, елан и работливост.

Целиот текст прочитајте го на „Арт кујна“.

The post КОГА ВО ГРАДОТ ЌЕ СТАНЕ ТЕСНО, НЕКОЈ МОРА ДА ОТСТАПИ МЕСТО Скопјаните Стефан и Ана го заменија градскиот асфалт со живот на село appeared first on plusinfo.mk.

Исчезнато е лицето Стефан Ангеловски од населбата Горно Оризари во Битола, објавено е на социјалните мрежи.

Како што е наведено во објавата која масовно се споделува, младото момче е високо 190 сантиметри, има тежина од околу 90 килограми.

„Стефан е облечен во црна маица, бермуди и бели патики. За било каква информација јавете се на 192“, се вели во објавата.

The post 📷 ИСЧЕЗНА МЛАДО МОМЧЕ ОД БИТОЛА Ако го видите, веднаш пријавете! appeared first on plusinfo.mk.

– Тие беа трите услови – околу употребата на името, прашањето на имотите во дијаспората и сослужувањето со Украинската црква. Не се толку тешки тие работи, мислам дека со разговори може да се решат тие прашања – вели владиката Пимен.

Владиката вели дека, колку што знае, од нашата црква не се бара да го промени сопствениот Устав и да не се нарекува Македонска црква.

– И навистина не смееме да ја изгубиме таа придавка од нашето име. Ние секогаш ќе си бидеме Македонска православна црква, кој како сака нека нѐ ословува. Значи, не се бара од нас, бараме колку што сум информиран јас, да направиме промена на Устав и да го промениме ние нашето име, туку само во меѓусебните релации да го користиме, кога се обраќаме до Цариградскта патријаршија, да се обраќаме како Охридска архиепископија – вели владиката.

Тој истакнува дека и нему не му е познато зошто е ригиден ставот на МПЦ-ОА кон признавањето на Украинската црква и зошто Светиот синод би имал потреба да анализира. Можеби, вели, затоа што има извесен однос на сочувство кон Руската црква, но смета дека и тоа прашање е решливо.

За прашањето на отстапувањето на имотите во дијаспората, г. Пимен вели дека тоа се имоти на црквата изградени од дијаспората, некои цркви се стари и еден век, за разлика од Украинската црква која нема имоти во дијаспората. Но, нагласува, и тоа не се бара изрично.

– Можеби изгледа прифатливо сега во неколкуте години кога многу Украинци се раселија низ светот некој да им даде црковни имоти. Но за нас тоа е неприфатливо нешто што се градело во минатото да се даде како на тацна. И ниедна црква не би дала свој имот. Архиепископот даде дообјаснување дека доколку сите други цркви би прифатиле да ѝ ја отстапиме дијаспората на Цариградската патријаршија, дека и ние би се вклучиле во тоа. Но, не е до толку страшно прашањето, затоа што не се бара отстапување на имотот. Се бара само начин како би им се признала нивната чест во православниот свет, на прво место. И верувам дека понатаму ќе ги разрешиме сите прашања и ќе бидат надминати – нагласи епископот европски, г. Пимен.

Европскиот владика беше дел од државно-црковната делегација, којашто ја предводеше шефицата на државата Гордана Сиљановска-Давкова, а која на 24 Мај, на празникот на Св.Кирил и Методиј, се поклони на гробот на св. Кирил во базиликата „Св. Климент“ во Рим. Претседателката Сиљановска-Давкова порача дека Свети Кирил е значаен бидејќи нè обединува со словенските народи.

ТРИТЕ УСЛОВИ НА ЦАРИГРАДСКАТА ПАТРИЈАРШИЈА Бараат од нас да се откажеме од името, предупреди поглаварот Стефан

The post БАРАЊАТА ОД ЦАРИГРАД НЕ СЕ ТОЛКУ ГОЛЕМИ Никој од нас не бара да го смениме Уставот и да го смениме името – владиката Пимен контра архиепископот Стефан appeared first on plusinfo.mk.

Стефан Филиповски од дуото „Некст тајм“ преку објава на Инстаграм откри дека се верил со својата сакана Тинеа.

Парот е во врска веќе неколку години, а пејачот ги сподели убавите вести со своите следбеници на Инстаграм, со опис: „Рече ‘засекогаш’“.

 

View this post on Instagram

 

A post shared by Stefan Filipovski (@stefan_filipovski)

На првата фотографија Стефан позира со вереницата, додека на втората се гледа Тинеа со вереничкиот прстен во преден план.

Претходно, прв во брачните води заплови неговиот брат Мартин кој пред речиси една година се ожени со ракометарката Андреа.

 

View this post on Instagram

 

A post shared by Stefan Filipovski (@stefan_filipovski)

 

View this post on Instagram

 

A post shared by Stefan Filipovski (@stefan_filipovski)

 

View this post on Instagram

 

A post shared by Stefan Filipovski (@stefan_filipovski)

 

View this post on Instagram

 

A post shared by Stefan Filipovski (@stefan_filipovski)

The post 📷 РЕЧЕ „ЗАСЕКОГАШ“ Стефан од „Некст тајм“ се вери со саканата Тинеа appeared first on plusinfo.mk.

Преписката помеѓу Ана Николиќ и Стефан Ѓуриќ Раста, во која раперот наведува дека пејачката ќе ја види ќерка си Тара „само во Центарот за социјална работа“, привлече огромно внимание во јавноста.

На оваа тема ниту Ана, ниту Раста не објавија ништо, но сега екипата на емисијата „Paparaco lov“ го следеше поранешниот брачен пар, а по тој повод јавноста доби увид како се односите во некогаш среќното семејство.

Најпрвин малата Тара поминала извесно време во станот на нејзината мајка, а потоа возачот на Раста дошол да ја земе и да ја однесе кај него.

Пејачката подоцна отишла во Центарот за социјална работа во Вождовац, за да го најде најсреќното решение за детето.

Тара, пак, посетила неколку локации со својот татко. Тие исто така отишле во неговото студио, вклучувајќи ја и неговата мајка и неговата девојка.

ФОТО: Paparazzo lov

The post 📷 АНА НИКОЛИЌ ФОТОГРАФИРАНА ВО ЦЕНТАРОТ ЗА СОЦИЈАЛНА РАБОТА Жестока битка со Раста за старателството над ќерката Тара appeared first on plusinfo.mk.

Ваше Блаженство, пред 25 години, во 1999 г. на Црковно-народниот собор во Охрид, бевте избран за петти Архиепископ на Македонската Православна Црквa. Во изминативе 25 години, Синодот на Македонската Православна Црква растеше и денес брои деветнаесет архиjереји, што говори дека сме жива Црква. Како народ, колку сме воцрковени и колку нашата Црква успева да ја доближи верата до секој Македонец?

– Како да беше вчера! Поминаа незабележително, иако 25 години и не се малку. Но и не се битни годините, туку побитно е како поминале, и што останало и што ќе остане запаметено. Историјата секому ќе му забележи, и што е направено и што не е. Пред четврт век, со Божји благослов и со волјата на народот, ни се довери, ако може така да се рече, нам, на втората генерација архијереји, да го продолжиме раководењето на возобновената Охридска Архиепископија како Македонска Православна Црква. Тоа беа години на исчекувања, години во кои продолжи отфрлувањето и понижувањето, но беа и години во кои опстојувавме во барањето на правдата и бранењето на нашата вистина. Не отстапивме од она за кое се залагаа сите наши претходници од Арсениј до Доситеј и наваму. И, да Му благодариме на Бога, се исполни времето: на 9 мај 2022 година, со Одлука на Цариградската Патријаршија, со благослов на Неговата Сесветост, Вселенскиот Патријарх Вартоломеј, бевме примени во канонско и евхаристиско единство со останатите помесни Цркви, а на 5 јуни истата година, од Неговата Светост Патријархот Порфириј, го примивме Томосот за автокефалност, што ни го додели Архијерејскиот собор на Српската Православна Црква.

Во меѓувреме, и покрај сите надворешни оспорувања, растевме како Црква. Се обновуваа стари и се изградија нови храмови, и во Скопската и во сите наши епархии, се намножија свештенослужителите, благодарение на Богословијата и на Богословскиот факултет, продолжи да се обновува монаштвото и да се зголемува бројот на архијерејите… Сето тоа говори за постојаниот духовен раст, иако секогаш може и повеќе и подобро. Најважно од сите растења е растежот на Црквата во душите на народот! И покрај отсуството на религиозно образование во нашите училишта, и покрај неможноста на верата да ѝ се даде барем малку простор во медиумите, нашиот народ си ја почитува прадедовската вера и живее со неа. Особено радува што во неделните и празничните денови на светите богослужби во храмовите присуствуваат бројни верници, од кои поголемиот број се млади луѓе. За жал, и во ова време во недостаток на верската поука во училиштата, духовната литература и проповедта во храмовите се единствените помагала за запознавање на народот со вистините и со учењето на Светата Црква. Но, да се надеваме на подобри времиња!

Во текот на Вашето архиепископско делување Македонската Православна Црква интензивно се развиваше – се осветија многу храмови и сакрални објекти, би ги издвоиле: храмот на свети Климент на Плаошник, храмот на Пресвета Богородица во Скопје, храмот на Света Троица во Радовиш; се заврши фрескоживописот на Архиепископскиот соборен храм на свети Климент во Скопје, се изгради Милениумскиот крст на Водно, се изгради новата зграда на Македонската богословија во Драчево. Македонската Православна Црква се развива во континуитет. Која е визијата за понатамошен развој, но и за зачувување на културното богатство, кое е многубројно во нашата Татковина!

– Честопати велам дека нашата Татковина е земја-храм, земја-манастир, земја-крст! Нашиот народ и кога за ништо друго немал ‒ за Бога и за верата своја имал! Велелепните Божји домови, распослани ширум Македонија, сведочат дека сме црквољубив и црквоградлив народ. Впрочем, веројатно не е далеку од вистината да се каже дека најголемиот дел од нашето сенародно културно богатство е токму црковното богатство, односно дека тоа се нашите велелепни средновековни и преродбенички храмови и манастири, со прекрасните икони и фрески во нив, како што и најдревните книги ни се црковните.

Низ сиве изминати години, во своето служење на нивата Господова, се обидувам да го продолжам градителското и обновителското дело на моите претходници на архиепископската катедра на нашата помесна Црква. А истото успешно го прават и останатите браќа архијереји. Па, покрај градбите што ги спомнавте, изградени се и се градат и многу други сакрални објекти и тоа не само во Скопската епархија, туку и ширум нашата земја, како и меѓу нашите иселеници по светот. Многу е и направено и се прави, но и уште многу треба да се направи! Притоа, едно секогаш треба да помниме: богоугодно е храмови и манастири да градиме, но, потребно е и откако ќе ги изградиме храмовите да ги исполнуваме со верници, а манастирите со монаси, зашто само храмови полни со верен народ и манастири со монаси, се убави храмови и живи манастири!

Покрај градењето на нови храмови и манастири, Македонската Православна Црква интензивно вложува и во богословското образование на својот кадар! Ако во минатото, Македонската православна богословија и Православниот богословскиот факултет имаа недостаток на професорски кадар, денес имаме професори кои се школувале во светските богословски центри! Колку младите во Македонија се заинтересирани за изучување на богословските науки и дали нашите образовни институции се отворени за проширување на својата дејност, со нудење на последипломски и докторски студии за студенти и од други научни области?

– Улогата на образовните богословски институции во животот на една Црква е огромна, незаменлива! Во нив идните православни пастири се учат на богомислие и богољубие, се учат како за Бога да словат и како на Бога да Му се молат. Да, со радост можеме да кажеме дека денес нашиот Факултет и нашата Богословија имаат професори коишто, покрај во нашите образовни институции, се образувани и на врвните богословски центри во: Солун, Санкт Петербург, Москва, Букурешт, Софија, Рим, Бари, Берлин, Келн…, што говори дека на кадровско ниво образовните центри ни се во добри раце.

Што се однесува до правото за запишување на последипломски и докторски студии за студенти коишто дипломирале на прв циклус студии на други научни области, одговорот е – да. Оние коишто студирале на факултети од хуманистичките науки, можат да се за запишат на магистерски студии на Богословскиот факултет, доколку за тоа добијат благослов од Светиот архијерејски синод.

Во август минатата година извршивте канонска посета на Aмериканско-канадската епархија по повод прославата на 60 години од осветувањето на првиот храм на МПЦ ‒ ОА во Америка, храмот „Свети апостоли Петар и Павле“ во Гери, Индијана. Како народ, нѐ има по целиот свет, во Австралија, во Европа… Во последниве години сѐ повеќе млади луѓе се иселуваат од Македонија. Колку Македонската Православна Црква учествува во животот на нашите во дијаспората и како ја гледате иднината на дијаспората на Македонската Православна Црква?

– Така е, во минатото лето Господово ја имав радоста да ја посетам Американско-канадската епархија, по повод 60-годишнината од осветувањето на нашиот прв храм на Северноамериканскиот Континент, храмот којшто за нашинците таму беше првоапостолен. Беше убаво повторно да се биде во Црковната општина „Свети апостоли Петар и Павле“, која првобитно била оформена во Гери, Индијана, каде што и бил осветен првиот нејзин храм, а којшто денес се наоѓа во блискиот град Краун Поинт. Тамошните нашинци имаат откупено голема површина и имаат изградено и украсено навистина прекрасен, велелепен дом Божји, со сите потребни попратни објекти за веронаука и за сенародни собирања и, предводени од својот епископ, Митрополитот Американско-канадски г. Методиј, и од своите двајца млади и трудољубиви пастири, како и од вредната и црквољубива управа, имаат Црковна општина која е навистина жива и е пример за почит.

При посетата на Новиот континент, освен во Краун Поинт, во САД ги посетив и двете црковни општини во Чикаго, двете црковни општини во Детроит и Црковната општина во Сиракјуз, во сојузната држава Њујорк, а во Канада ги посетив: Катедралниот храм „Свети Климент Охридски“ во Торонто и црковните заедници во Маркам, Ејџекс, Мисисага и Хамилтон. Во најголемиот дел од тие храмови ја имав радоста да отслужам Света Литургија, или Вечерна богослужба, и да се сретнам со бројни македонски чеда од тие простори.

Но минатата година, исто така, бев и на неколку канонски посети на наши црковни општини во Европа. Особено би ги истакнал престојот во Хрватска, по повод осветувањето на прекрасниот храм „Света Злата Мегленска“ во Загреб, посетата на Дортмунд за освет на храмот „Свети Кирил и Методиј“ и посетата на нашите две први европски црковни општини во шведските градови Малме и Гетеборг, кои во минатата година прославија 50 години од своите формирања.

Инаку, секој престој меѓу иселените нашинци секогаш ми донесува две спротивни емоции. Од една страна, радосен сум затоа што и денес потврдуваме дека како народ каде и да сме ‒ верата прадедовска не ја забораваме, туку, напротив, токму Црквата е таа што ги собира нашинците во туѓина! Од друга страна, секогаш сум и по малку тажен, затоа што самиот факт дека на Запад се јавува сѐ поголема потреба за наши нови храмови и дека постоечките сѐ повеќе се полнат, е и јасен знак дека Татковината ни се празни! Тоа е сериозен проблем пред кој како народ и како општество сме исправени и се надевам дека во скоро време процесот на силно иселување, кој во последниве деценија-две ја зафати Македонија, ќе престане. Во спротивно, верата ќе ни опстои, за тоа сум спокоен, оти сум убеден дека нашинците и во третото и во петтото и во секое поколение во емиграција ќе си ја зачувуваат верата, но ќе ги доведеме во прашање опстојот на државата, јазикот, традициите… Нашата Црква ќе има иднина во дијаспората, а наше, пак, на нас коишто живееме во Татковината, е да ја правиме Македонија попристојно место за живеење, место од кое младите не ќе сакаат да заминуваат, а заминатите ќе сакаат да се вратат.

Целото интервју на Архиепископот Охридски и Македонски г. г. Стефан можете да го прочитате на „Литургија.мк“.

The post ИНТЕРВЈУ НА АРХИЕПИСКОПОТ Г. Г. СТЕФАН Да продолжиме по патот на вистината, порачува поглаварот на МПЦ-ОА appeared first on plusinfo.mk.

Познато е дека членовите на семејството Ѓоковиќ се поделени кога станува збор за симпатиите кон најголемите ривали во српскиот спорт Партизан и Црвена Звезда.

Новак не крие дека е фан на Црвена Звезда, а неговиот син Стефан „гине“ за Партизан. Како секој нормален родител, најдобриот светски тенисер нема против и кога може го носи Стефан на натпреварите на „црно-белите“, но има едно строго правило за него.

– На мојот син му реков дека, што се однесува до мене, може да оди на натпреварите на Партизан и кога игра против Звезда како што беше неодамна кога отидовме заедно, семејно. Може да навива за Партизан, но оној момент кога ќе слушнам дека ги навредува играчите на Звезда или погрдно скандира против најголемиот ривал или други клубови, завршува неговата кампања на присуство на кошаркарските натпревари. Тој тоа го знае и засега го почитува – открива тенисерот.

Иако навива за Црвена Звезда, тој е максимално почитуван од фановите на Партизан кои со задоволство го пречекуваат на натпреварите на својот клуб во Белград.

The post „СТЕФАН МОЖЕ ДА НАВИВА ЗА ПАРТИЗАН, НО ЕДНО ПРАВИЛО МОРА ДА ГО ПОЧИТУВА“ Ноле открива што му порачал на својот син и поддршката на „црно-белите“ appeared first on plusinfo.mk.

Измешани се емоциите во семејството Ѓоковиќ кога играат Партизан и Црвена Звезда бидејќи Новак е голем навивач на „црвените“, а син му Стефан на „црните“ од Белград.

Двајцата ја користат секоја можност заедно да гледаат натпревари на овие две екипи, а вчера беа во свечената ложа на големото градско дерби во рамките на Евролигата.

Исклучително интересно беше во финишот кога Партизан направи пресврт на задоволство на Стефан.

Алекса Аврамовиќ погоди многу важна тројка за водство на неговиот тим од 83-80, а Ѓоковиќ јуниор скокаше од радост, како и околу 20 илјади гледачи во белградската Арена, додека Ноле безволно ракоплескаше.

Инаку средбата во белградската Арена беше навистина неизвесна и на крајот се радуваше Стефан, бидејќи неговиот Партизан го победи лутиот ривал со 88:86.

Stefan Djoković nas čovek . pic.twitter.com/4Zhk1vs3rF

— 𝐆𝐑𝐎𝐁𝐀𝐑𝐈 (@familyPARTIZAN) October 26, 2023

The post 📽 СТЕФАН СКОКА ОД РАДОСТ, А НОЛЕ БЕЗВОЛНО РАКОПЛЕСКА Лутото ривалство во семејството Ѓоковиќ appeared first on plusinfo.mk.