Одбраната на Стефан Богоев ја оцени како неочекувана одлуката на скопскиот Основен кривичен да му определи 30-дневен притвор во рамки на истрагата што ја води Обвинителството за гонење организиран криминал и корупција за сомнежи за злоупотреби во постапки за јавни набавки и коруптивни дејствија.

По распитот пред судија на претходна постапка, адвокатката на Богоев, Сања Алексиќ, изјави дека станува збор за предмет од финансиска природа и дека, според одбраната, присуството на осомничените во постапката можело да биде обезбедено и со поблаги мерки.

– Неочекувано, искрено, таква одлука. Особено што станува збор за предмет кој е од финансиска природа, не е насилен криминал. Како што сте запознаени, не само што понудивме ние гаранција, туку и другите бранители за другите осомничени имаат понудено гаранција, со која мислам дека во комбинација со другите мерки на претпазливост можеше да се обезбеди присуството на осомничените – изјави адвокатката.

Одбраната најави дека ќе поднесе жалба на решението во законскиот рок. Алексиќ за медиумите изјави дека одбраната не добила увид во доказите на кои се повикува Обвинителството.

– На одбраната, не ѝ беа презентирани никакви докази во насока на постоење основ на сомневање. Само ни беше соопштено дека докази, според Обвинителството, постојат – изјави бранителката на Богоев.

Обвинителката Искра Хаџи-Василева претходно соопшти дека Обвинителството побарало определување притвор поради опасност од бегство и можност за влијание врз истрагата, која се наоѓа во рана фаза. Судот го прифатил предлогот и определил мерка притвор за Богоев и уште тројца осомничени. Од кривичен информираа дека судија на претходна постапка, постапувајќи по предлог на ОЈО ГОКК, донел решенија со кои се прифаќа барањето за притвор против четирите осомничени лица – С. Б., Д. Г., А. С. и С.М.

„Предлогот за определување мерки притвор против С. Б., Д. Г., А. С. и С. М. се прифаќа и на сите им се определува мерка притвор во траење од 30 дена. Мерката е определена заради постоење на основите од член 165 став 1 точки 1 и 2 од Законот за кривична постапка“, соопшти Судот. Против решенијата странките имаат право на жалба пред Кривичниот совет.

Според Обвинителството, постои основано сомнение дека во периодот од јули 2023 до март 2024 година осомничените ја злоупотребиле постапката за доделување договори за јавна набавка за надворешно одржување на хигиена на гранични премини и царински терминали. Со фаворизирање на одреден економски оператор и ограничување на конкуренцијата, според обвинителството, му овозможиле на правниот субјект да стекне противправна имотна корист во износ од 18.479.692 денари. Осомничените се товарат за кривичните дела злоупотреба на постапката за јавен повик, доделување договор за јавна набавка или јавно-приватно партнерство, примање награда за противзаконито влијание и давање награда за противзаконито влијание.

The post СУДОТ НЕ ПРИФАТИЛ ГАРАНЦИИ ПОНУДЕНИ ОД ОДБРАНАТА НА СТЕФАН БОГОЕВ Неговата адвокатка оцени дека притворот е неочекувана мерка appeared first on plusinfo.mk.

Поранешниот директор на Царинската управа Стефан Богоев и тројца други осомничени за примање и за давање мито и за злоупотреби при јавна набавка одат во 30-дневен притвор.

„Судија на претходна постапка при Основниот кривичен суд Скопје, постапувајќи по предлог на ОЈО за гонење организиран криминал и корупција за определување мерка против 4 лица за кои постои основано сомнение дека сториле кривични дела Злоупотреба на постапката за јавен повик, доделување на договор за јавна набавка или јавно-приватно партнерство, Примање награда за противзаконито влијание и Давање награда за противзаконито влијание, а кои попладнево беа спроведени во судот, по нивно произнесување во присуство на бранител, донесе решенија со кои предлогот за определување мерки притвор против С.Б., Д.Г., А.С. и С.М. се прифаќа и на сите им се определува мерка притвор во траење од 30 дена. Мерката е определена поради постоење на основите од член 165 став 1 од Законот за кривичната постапка. Против овие решенија странките имаат право на жалба пред Кривичниот совет“, соопшти Кривичниот суд.

ОЈО ГОКК отвори истрага против 4 лица по кривична пријава од Управата за финансиска полиција.

Покрај екс-директорот Богоев, под истрага се и поранешен помошник-директор на Царинската управа, управител на фирма и вработен во истата компанија. Според Обвинителството, тие се сомничат за злоупотреби при јавна набавка за одржување на хигиената на граничните премини и на царинските терминали.

Истрагата се однесува на периодот од јули 2023 до март 2024 година, кога, според сомнежите, била изиграна постапката за доделување на договори за јавна набавка. Обвинителството тврди дека преку фаворизирање на одреден економски оператор и со ограничување на конкуренцијата, на избраната фирма ѝ била овозможена противправна имотна корист од 18,4 милиони денари.

Според наодите на истрагата, осомничениот поранешен директор на Царинската управа наводно го искористил своето службено влијание за тендерската постапка да заврши во корист на избраниот понудувач. Второосомничениот, кој бил помошник-директор, според сомнежите влијаел врз други компании да не учествуваат во завршната фаза од постапката.

Обвинителството наведува дека во текот на истрагата биле обезбедени и докази за примање и давање награда за противзаконито влијание. Според сомнежите, првоосомничениот примил 111.600 денари за користење на службената положба и за влијание.

ОТВОРЕНА ИСТРАГА ЗА ЗЛОУПОТРЕБИ ВО ЦАРИНАТА Обвинителството бара притвор за четворица осомничени

The post СТЕФАН БОГОЕВ ДОБИ 30-ДНЕВЕН ПРИТВОР Поранешниот директор на Царина е осомничен за мито и за злоупотреба при јавна набавка appeared first on plusinfo.mk.

Поранешен градоначалник и поранешен директор на Царинската управа, неколку вработени во таа институција, како и едно лице кое било своевиден посредник во олеснување на одредени незаконски активности се опфатени во акцијата на Финаниската полиција насочена кон откривање и документирање на повеќе кривични дела од областа на финансискиот криминал и корупцијата, изјави денеска премиерот Христијан Мицкоски, одговарајќи на новинарско прашање на прес-конференцијата во Владата.

Во врска со вчерашната акција на Управата за финаниска полиција и за тоа дали таа била насочена против поранешен директор на Царина и поранешен градоначалник на Карпош, Мицкоски ја потврди акцијата, без да наведува имиња, нагласувајќи оти не сака да наштети на процесот и оти ја почитува презумцијата на невиност, а меѓу другото рече и дека истрагата ќе се проширува и на други институции.

– Ќе дадам краток одговор, бидејќи истрагата е во тек и не би сакал да навлегуваме во детали кои би можеле да го компромитираат евентуалниот понатамошен процес. Точно е тоа за кое зборувате. Станува збор за лице кое е поранешен градоначалник на општина и поранешен директор на јавна институција, во конкретниот случај Царинската управа. Во постапката се опфатени и неколку вработени во рамки на таа институција, како и едно лице кое, не знам како да го наречам, но бил многу близок до претходата влада и тоа лице често ги олеснувало условно кажано дејствијата, кои изоболуваат со многу незаконитости или народски кажано посредник – нагласи Мицкоски.

Тој рече дека согласно информациите со кои располага истрагата ќе се проширува и во периодот што следи слични вакви акции ќе има и во неколку институции, поради недоследности од минатото кои се содржани во ревизорски извештаи, а кои, како што додаде, претставуваат индиции за злоупотреба на службената положба и овластувања.

– Сепак, сè уште станува збор за истражни постапки. Јас го почитувам принципот на презумција на невиноста и сметам дека секој има право и можност да ја докаже својата невиност, така што не би навлегувал во дополнителни коментари за материјално да не го нарушам процесот – изјави Мицкоски.

Со акцијата е опфатен поранешниот директор на Царинската управа и поранешен градоначалник на Карпош, Стефан Богоев.

– Повеќе лица се приведени од страна на овластени службени лица од Управата за финансиска полиција како дел од акција која произлегува од предистражна постапка насочена кон откривање и документирање на повеќе кривични дела од областа на финансискиот криминал и корупцијата, за кои постојат основи на сомнение дека се извршени од службени лица и други лица кои го искористиле своето влијание, општествена положба и углед со цел стекнување противправна имотна корист од големи размери – соопштија вчера од Финансиска полиција.

Овластени службени лица од Управата вчера постапувајќи по наредби издадени од судија на претходна постапка во координација и под раководство на надлежен јавен обвинител од Основното јавно обвинителство за гонење на организиран криминал и корупција, спроведувале претреси на домови, деловни простории и лица на повеќе локации.

– Акцијата произлегува од предистражна постапка насочена кон откривање и документирање на повеќе кривични дела од областа на финансискиот криминал и корупцијата, за кои постојат основи на сомнение дека се извршени од службени лица и други лица кои го искористиле своето влијание, општествена положба и углед со цел стекнување противправна имотна корист од големи размери. Во рамки на акцијата, а во согласност со насоките на надлежниот јавен обвинител, од страна на овластени службени лица од Управата за финансиска полиција лишени од слобода се повеќе лица – се наведува во соопштението.

The post МИЦКОСКИ НАЈАВИ АКЦИИ ВО НЕКОЛКУ ИНСТИТУЦИИ ПОРАДИ НЕДОСЛЕДНОСТИ ВО РЕВИЗОРСКИТЕ ИЗВЕШТАИ Станува збор за истражни постапки appeared first on plusinfo.mk.

Приведен е поранешниот директор на Царинската управа и поранешен висок функционер во СДСМ, Стефан Богоев, според неофицијални информации.

Освен него, во акцијата на финансиската полиција се приведени уште три лица, а за други се преземаат истражни дејствија.

Акцијата се спроведува во координација со Основното јавно обвинителство за гонење организиран криминал и корупција, а според првичните информации, се однесува на сомнежи за местење тендер и за незаконитости во постапка за јавна набавка поврзана со Царинската управа, при што била стекната противправна имотна корист од големи размери.

Осомничените се товарат за злоупотреби, финансиски малверзации и за други незаконитости поврзани со тендерската постапка. Постапката произлегува од претходна предистрага насочена кон откривање кривични дела извршени од службени лица.

Надлежните институции засега не откриваат повеќе детали за предметот, а во текот на денот се очекуваат официјални информации од Финансиската полиција и од ОЈО ГОКК.

Од ОЈО ГОКК само потврдија дека под нивна координација Управа за финансиска полиција спроведува акција поради постоење на основано сомнение за сторени кривични дела од коруптивна природа. Акцијата сè уште трае, па обвинитеството не може да  сподели детали.

Стефан Богоев е поранешен потпретседател на СДСМ, поранешен пратеник, поранешен градоначалник на Општина Карпош од 2017 го 2021 година. За директор на Царина беше поставен во јуни 2023 година, а функцијата ја извршуваше до јули 2024 година.

The post ПРИВЕДЕН СТЕФАН БОГОЕВ, ПОРАНЕШЕН ПОТПРЕТСЕДАТЕЛ НА СДСМ И ЕКСДИРЕКТОР НА ЦАРИНАТА Акција на финансиската полиција за кривични дела поврзани со корупција appeared first on plusinfo.mk.

„И ова е добро, барем ќе се исчисти дворот. И зашто на Балканот немало кралевина, зашто сите сакале да бидат кралеви. Така и во сдсм. Секој може да биде претседател, секој може да биде пратеник, министер, директор, градоначалник, претседател на општинска и месна организација итд а да го ставиш на кантар, не тежи ни грам“, стои во еден од коментари.

„ Се треска од глава унапредувањето на кодоши и сончогледи а? Сурова реалност…“.

„Тоа е вистинската слика за жал затоа сме на ова дереџе…“

The post ЕДНА СЛИКА ИЛЈАДА ЗБОРОВИ Богоев објави слика која ја отсликува состојбата во СДСМ appeared first on plusinfo.mk.

На седницата на ЦО на СДСМ, на која се водела долга дискусија за која не се соопштуваат детали, е потврдено дека изборот на новиот партиски лидер ќе се одржи на 30 јуни.

Во медиумите веќе подолго време се вртат имињата на четири можни кандидати за лидерската позиција во партијата: Венко Филипче, Јован Деспотовски, Славјанка Петровска и Стефан Богоев. Некој погласно, а некој со половина уста, сите тие се изјаснија дека ќе се кандидираат за претседател на СДСМ.

Во партиски кругови се спомнува и името на Игор Ивановски, долгогодишен член на партискиот врв, човек кој во 2013 година влезе во трката за лидер на СДСМ, но се откажа непосредно пред конгресот, кога стана јасно дека поддршка ќе добие Зоран Заев. Ивановски е единствениот кој досега јавно не се изјаснил, но во кулоарите се зборува дека тој има големи резерви кон идејата да се кандидира.

Како што сега стојат работите, најактивно во лобирањето и во обезбедувањето поддршка е крилото на поранешниот лидер Зоран Заев. Се тврди дека ова крило форсира изборите да се одржат што побрзо. Затоа се проценува дека Венко Филипче сепак има најголеми шанси во трката за нов лидер на СДСМ.

Како што дознава Плусинфо, пред извесно време била одржана средба на поранешните партиски лидери Зоран Заев, Радмила Шеќеринска, Владо Бучковски и Димитар Ковачевски, на која наводно се договарале како да се „спаси“ партијата. Индикативно е дека на средбата не бил поканет Бранко Црвенковски, но затоа меѓу дел од членството е лиферувана лажната вест дека тој наводно му рекол на Заев да „тераат работа“.

За шансите на кандидатите можеби е клучно кој од поранешните лидери кого поддржува. Така, освен што е познато дека Заев стои зад Филипче, се шпекулира дека е направен обид поранешниот министер за здравство да се „спари“ со Славјанка Петровска, па тие во трката да влезат како двоец. Но, од друга страна, има шпекулација дека влијателен странски дипломат во Скопје ја предупредил Петровска да не се врзува за тоа друштво, бидејќи наскоро некој од околината на Заев би можел да се најде и на црната листа на САД.

За Деспотовски долго време се тврдеше дека е „човек на Шеќеринска“, за подоцна да се пласираат шпекулации дека се поврзал со крилото на Заев. Плусинфо дознава дека истиот центар кој води подземна кампања за слабеење на позициите на Петровска, истовремено се обидува да го компромитира и Деспотовски.

Така, истиот центар ја шири и шпекулацијата дека Деспотовски и Стефан Богоев се неподобни за кандидати за претседател, затоа што наводно се „ранливи“, бидејќи наскоро би можеле да се соочат со кривични пријави, откако ќе биде избрана новата власт. Има и добри познавачи на приликите кои велат дека тоа и не е далеку од вистината.

Надвор од овој круг на потенцијални кандидати, најмалку шпекулации има за молчаливиот Игор Ивановски, кој во последниот период беше на чело на партискиот Совет за креирање и за имплементирање политики. Ивановски на таа позиција беше молчалив, веројатно бидејќи беше јасно дека политиките се креираа на друго место, во владата на ДУИ и на СДСМ, при што Бихаќка беше целосно во втор план.

За Ивановски никогаш немало наводи и шпекулации дека е корумпиран и дека е близок до сега актуелните фракции во СДСМ, но тој засега молчи, што се толкува и како негова голема резерва кон идејата тој да се кандидира за лидер на СДСМ.

До 30 јуни има време многу нешта да се променат, да се појават нови кандидати и да се формираат нови „коалиции“ меѓу завојуваните крила во СДСМ. Познавачите велат дека треба да се има предвид и фактот дека партијата е на своето историско дно, од кое ќе се крева бавно.

Има луѓе во партијата кои мислат дека поранешните лидери, со кои СДСМ доживуваше главно изборни порази, не треба да имаат влијание врз изборот на новиот претседател на СДСМ. Пред локалните избори во 2025 година, кои можат да бидат силен мотив новото раководство да се потруди да го рехабилитира СДСМ, на партијата ѝ е потребно целосно рестартирање, велат познавачите.

The post А ПО ТАЧЕ, ПАК ФИЛИПЧЕ И ЗАЕВ? Засега четворица во трка за „стечаен управник“ на СДСМ appeared first on plusinfo.mk.

Според Богоев, пратениците треба во Собрание да дискутираат, а не да молчат и да се сликаат.

„Пратениците треба да знаат дека се избрани од народот за да аргументираат и да дискутираат во Собрание, а не да се сликаат и да молчат! Особено на седници на кои се формира владејачко мнозинство и се бира претседател на Собрание. СДСМ треба да има конструктивна, но пред сѐ корективна и проактивна улога во Собранието. Тоа мора да биде така од самиот почеток, во спротивно, други партии ќе го преземат опозицискиот простор“, напиша Богоев на Фејсбук.

И Андреј Петров од СДСМ со сличен став како и Богоев.

Тој рече дека „требаше денеска барем еден или двајца пратеници од СДСМ да излезат на говорница и да ги кажат нивните забелешки“.

ЖИВ СРАМ МЕ ИЗЕДЕ, КАКО ТОА НИЕДЕН ПРАТЕНИК ОД СДСМ НЕ ЗЕДЕ ЗБОР ВО СОБРАНИЕТО? Кој не сака да зборува на говорница нека поднесе оставка, порача Андреј Петров

The post НАРОДОТ ВЕ ИЗБРА ЗА ДА ДИСКУТИРАТЕ ВО СОБРАНИЕТО, А НЕ ДА СЕ СЛИКАТЕ И ДА МОЛЧИТЕ Богоев распали по пратениците од СДСМ appeared first on plusinfo.mk.

– Сметам дека во овие 16 години сум ги поминал буквално сите скалила во партијата по природен пат, а и во државата, и сум бил дел од сите клучни процеси во партијата, како Отпорот, Вистината за Македонија, Шарена револуција и низ сите тие процеси, години и скалила сум стекнал големо искуство и пријателства во партијата. Најбитно е партијата да избере тим што ќе го зачува јадрото на СДСМ, а не само претседател – вели Богоев за БИРН.

The post СПОСОБЕН СУМ ЗА ЛИДЕР НА СДСМ Стефан Богоев наскоро ќе одлучи дали ќе тргне по тој пат appeared first on plusinfo.mk.

„Ова не е точно воопшто! Јас сум бил во СДСМ против режимот на ДПМНЕ кога беше најтешко, тука сум и сега, ќе останам и во иднина!“ – вели Богоев во објавата на Фејсбук.

Претходно во медиумите се појави вест дека седницата на Извршниот одбор на СДСМ ја напуштиле и Оливер Спасовски и Дарко Каевски, незадоволни од предлог листите на партијата за претстојните избори. Каевски потоа демантираше дека ја напуштил седницата, а Спасовски сè уште не се огласил ни со потврда, ни со демант.

The post БОГОЕВ НЕ ЈА НАПУШТИЛ СЕДНИЦАТА НА СДСМ „Гласав за листите иако не сум на нив“ appeared first on plusinfo.mk.

Претходно седницата ја напуштиле и поранешниот премиер и министер за внатрешни работи, Оливер Спасовски како и портпаролот и актуелниот пратеник Дарко Каевски. Нешто подоцна Кавески во објава на Фејсбук демантираше дека тој ја напуштил седницата поради незадоволство.

Претходно Клан ТВ објави дека атмосферата на седницата на Извршниот одбор е многу тензична и има огромно незадоволство во рамките на СДСМ поради, како што велат, самоволието на претседателот на СДСМ, Димитар Ковачевски, и наметнувањето на листи на кои што нема голем дел од најистакните членови на СДСМ.

The post ТЕНЗИИ И РАСКОЛ ВО СДСМ По Спасовски и Каевски, и Стефан Богоев ја напуштил седницата на Извршниот одбор appeared first on plusinfo.mk.