Стеф Кари и во 2025 година ја задржа титулата најплатен играч во НБА лигата, откако според податоците на магазинот Форбс заработил вкупно 159,6 милиони долари од плата, бонуси и спонзорства. Ѕвездата на Голден Стејт повторно е недостижна на врвот, оставајќи ги зад себе останатите кошаркарски гиганти.

На второто место се најде Леброн Џејмс со вкупна заработка од 137,6 милиони долари, додека трет е Кевин Дурант со 104,3 милиони, со што се заокружува „топ тројката“ најплатени во НБА.

Веднаш зад нив е Јанис Адетокунбо, кој со 99,1 милион долари речиси ја достигнува „стотката“, а листата продолжува со:

Џејсон Тејтум – 79,1 милион долари

Ентони Едвардс – 65,6 милиони

Џоел Ембид – 65,2 милиони

Џими Батлер – 65,1 милион

Шај Гилџус-Александер – 63,3 милиони

Никола Јокиќ – 63,2 милиони долари

Со ова се комплетира ТОП 10 листата на најплатени играчи во НБА во 2025 година, доминирана од ѕвезди кои не само што се носители на играта, туку и на огромни маркетинг-приходи.

The post СТЕФ КАРИ НЕПРИКОСНОВЕН НА ВРВОТ Ѕвездата на Голден Стејт заработил неверојатни 159,6 милиони долари appeared first on plusinfo.mk.

„Воините“ во шестиот натпревар во големото финале со 103:90 славеа во „ТД Гарден“ и со вкупни 4-2 во победи дојдоа до четвртата титула во последните осум сезони.

Првиот трофеј „воините“ го освоија во 1947 година, а потоа шампионските пехари ги креваа и во 1956,1975,2015,2017,2018 и сега во 2022 година, додека Бостон кој последен пат славеше во 2008 година, остана на 17 титули.

За МВП во финалната серија прогласен е Стеф Кари и стана 11 кошаркар во историјата на НБА лигата кој бил МВП на лигата, МВП во финалето и МВП на ол-стар натпревар.

Натпреварот започна со серија од 14:2 на домашните кошаркари, но одговорот на „воините„ дојде кон крајот на првата и почетокот на втората четвртина и беше брутален. Благодарение на одличната игра во одбраната, кошаркарите на Голден Стејт направија неверојатна серија од 21:0  кој крајот на полувремето дојдоа до 54:33. Серијата од 21:0 е најголема во историјата на финалните натпревари во НБА во последните 50 години.

И второто полувреме започна со нова серија од 8:0 на „воините“, но кошаркарите на Бостон не се предаваа и кон крајот на третата четвртина успеаја да дојдат до едноцифрена негатива (74:65). Но, надежите дека играчите на Бостон ќе направат целосен пресврт ги урнаа Ендрју Вигинс и Стеф Кари.

Кари беше најефикасен во победничкиот тим со 34 поени и шест постигнати поени, Вигинс постигна 18 поени, Џордан Пул 15,  Томпсон и Грин по 12 поени.

Кај Бостон, најдобар беше Џејлен Браун со 34 поени, Ал Хорфорд имаше дабл-дабл од 19 поени и 14 скокови, но потфрли Џејсон Тејтум со само 13 поени.

The post ГОЛДЕН СТЕЈТ Е НОВИОТ ШАМПИОН НА НБА Кари е најдобриот кошаркар на планетата appeared first on plusinfo.mk.

На Кари му беа потребни само три обиди да дојде до својата втора тројка на дуелот во „Медисон Свер Гарден“ и негова вкупно 2.974-та во кариерата со што го собори рекордот, кој досега беше во сопственост на Ален (2.973), од 2011 година како член на Бостон. Покрај тоа, Кари е единствениот кошаркар во историјата на НБА кој во една сезона постигнал најмалку 400 тројки.

Кари по уфрлената рекордна тројка доби овации во легендарната њујоршка сала, во која покрај неговите родители, беа присутни и довчерашниот рекордер Реј Ален, како и уште една НБА шутерска легенда, Реџи Милер.

Кари натпреварот го заврши со 22 поени, погодувајќи вкупно пет тројки од 14 обиди.

Преостанатите два натпревари одиграни синоќа во НБА лигата беа одлучени по продолженија – Бостон пред своите гледачи го совлада Торонто со 131:129, додека Феникс славеше со 111:107 во Портланд.

The post НБА ДОБИ НОВ РЕКОРДЕР Стеф Кари е најдобриот „тројкаш“ во историјата (ВИДЕО) appeared first on plusinfo.mk.