Фудбалската федерација на Македонија (ФФМ), во официјална реакција на апсењето на Илчо Ѓорѓиоски, поранешен претседател на оваа организација, соопшти дека веќе предала официјална документација до надлежните органи за прекршоци од 2015 до 2019 година.

„Во врска со предметот, кој Фудбалската федерација на Македонија го пријави до Основното јавно обвинителство за гонење организиран криминал и корупција во 2019 година, информираме дека по поднесената пријава беше спроведена истрага од страна на Управата за финансиска полиција, по што во 2020 година беше поднесена соодветна кривична пријава до надлежното обвинителство.

Според документацијата доставена до надлежните институции, вкупната штета нанесена на Фудбалската федерација на Македонија за периодот од јануари 2015 година до крајот на 2019 година изнесува повеќе од 2,5 милиони евра.

Во изминатиот период ФФМ немаше повратни информации за текот на постапката и евентуалното постапување по предметот. На крајот на 2025 година од Федерацијата беше побарана дополнителна документација, која во целост беше доставена до надлежното обвинителство на почетокот на 2026 година. Истовремено, со официјален допис повторно беше укажано на висината на утврдената штета и беа доставени дополнителни релевантни информации.

Фудбалската федерација на Македонија ќе продолжи целосно да соработува со сите надлежни државни институции во постапките поврзани со евентуални незаконитости и заштита на интересите на Федерацијата“, се вели во соопштението на ФФМ.

Ѓорѓиоски беше на чело на ФФМ во периодот од 2012 до 2018 година. Претходно, приведен беше и наследникот на Ѓорѓиоски, Муамед Сејдини.

ПРИВЕДЕН ИЛЧО ЃОРЃИОСКИ, ЕКС-ПРЕТСЕДАТЕЛ НА ФФМ Се сомничи за даночно затајување и уништување деловни книги

The post ПРИВЕДЕНИОТ ИЛЧО ЃОРЃИОСКИ СЕ ТОВАРИ ЗА ПРОНЕВЕРА ОД 2,5 МИЛИОНИ ЕВРА Фудбалската федерација ја предала сета документација на истражните органи appeared first on plusinfo.mk.

Дафина Стојаноска, член на ИК на ВМРО-ДПМНЕ, во изјава за Алфа телевизија, по повод одбележувањето на 36 годишнината од основањето на ВМРО-ДПМНЕ, настан кој вечерва се одржува во Струмица под мотото „Македонија забрзува, наша обврска”, истакна дека ВМРО-ДПМНЕ и денес продолжува по истата патека како и пред 36 години кога партијата беше формирана, со цел развивање на демократските вредности во самостојна и независна Македонија, но секако денес, во согласност со предизвиците кои ги носат новите времиња.

– Денес се соочуваме со нови предизвици, но секако дека не забораваме како започнавме, кои беа идеалите и секако дека со нив, треба да ја газиме и иднината. Европскиот пат е зацртан и во статутот на нашата партија, од нејзиното формирање до денес. Европските реформи, коишто секако дека од нас се бараат треба да се воведат, но секако кажувајќи ја вистината за Македонија и за онаа неправда којашто Бугарија сака да ни ја наметне, а којашто за жал ја прифатија СДС и ДУИ кои ја предводеа владата пред две години – рече Стојаноска.

Стојаноска во својата изјава уште еднаш го истакна јасниот и непроменет став на ВМРО-ДПМНЕ, за европскиот пат на државата, нагласувајќи ја неопходноста од гаранции дека вметнувањето на Бугарите во Уставот ќе биде последното барање од страна на Бугарија за членството на Македонија во Европската Унија.

– Ние секогаш и секаде го кажуваме нашиот став и нема промена на нашиот став, бидејќи сите се свесни дека без пратениците на ВМРО-ДПМНЕ, во било коjа комбинациjа во Парламентот, не може да се случат повторни уставни измени и да, нашиот став е уставни измени со гаранции дека вметнувањето на Бугарите во Уставот ќе биде конечно и последно барање од страна на Бугарија, а не прв чекор после којшто ќе згазиме во нова бездна којашто ќе значи повторно бескрај на патот за Европа – децидна беше Стојаноска.

The post ВМРО-ДПМНЕ ИМА НЕПРОМЕНЕТ СТАВ ЗА ЕВРОПСКИОТ ПАТ НА МАКЕДОНИЈА Уставните измени мора да бидат последно бугарско барање за членство во ЕУ appeared first on plusinfo.mk.

Тезата дека судија на претходна постапка не смее да изрече притвор ако обвинителот предложил куќен притвор е правно неодржлива, поедноставена и неточна правна интерпретација на Законот за кривична постапка, тврди универзитетскиот професор, политички аналитичар и поранешен политичар Јове Кекееновски во својата јавна реакција на тезите изнесени претходно од судијката Сузана Јошевска Анастасовска.

„Во својата јавна Фејсбук-објава, г-ѓа Сузана Јошевска Анастасовска, како член на Судскиот совет, тврди дека судија на претходна постапка „НЕ СМЕЕ“ да изрече притвор ако обвинителот предложил куќен притвор, додавајќи дека „нема потреба од итна седница на Судски совет за да се расправа основно правило во кривична постапка“.

Доколку ваквиот став се темели на член 144 став (2) од ЗКП, тогаш станува збор за погрешно толкување на начелото на пропорционалност и редукција на основни процесни принципи. Имено, одредбата од законот гласи: „При одлучувањето која од наведените мерки ќе ја примени, надлежниот орган ќе се придржува кон условите определени за примена на одделни мерки, водејќи сметка да не се применува потешка мерка ако истата цел може да се постигне со поблага мерка. Судот спрема обвинетиот истовремено може да определи повеќе мерки од ставот (1) на овој член, освен кога ќе ја определи мерката притвор.“

Оваа одредба не воспоставува забрана за определување притвор ако обвинителот предложил куќен притвор, туку обврска за внимателна проценка дали поблагата мерка ја постигнува истата цел. Клучниот елемент е „ако истата цел може да се постигне“, што претставува прашање на конкретна судска оценка врз основа на утврдени околности, а не автоматска врзаност со предлогот на обвинителот.

Во конкретниот случај, за Артан Груби претходно беше определен притвор од 30 дена и распишана меѓународна потерница поради недостапност. Тоа значи дека судот веќе утврдил ризик од бегство како законски основ за притвор (декември 2024 година). По завчерашното приведување, таа мерка требало да започне да се извршува, освен ако не се утврдени нови околности што убедливо го елиминираат тој ризик. Доколку обвинителството сметало дека се изменети околностите, можело да предложи (или пак предложило иако за тоа немам инфо) замена на претходно изречената мерка, но судот повторно е должен самостојно да ја оцени исполнетоста на законските основи и тоа да го образложи.

Игнорирањето на овој процесен контекст ја прави тезата за „неможност“ (судија на претходна постапка „НЕ СМЕЕ“ да изрече притвор ако обвинителот предложил куќен притвор) правно неодржлива. Апсолутната формулација „НЕ СМЕЕ“ нема експлицитна законска поткрепа.

Кога ваква поедноставена и неточна правна интерпретација се изнесува од член на Судскиот совет (орган што ја гарантира независноста и стручноста на судството) тоа не е само прашање на институционална воздржаност, туку и на лична одговорност за јавно изнесен правен став што создава погрешна перцепција за основни правила на кривичната постапка“ – пишува проф. д-р Јове Кекеновски.

СУДИЈАТА НЕ МОЖЕ ДА ИЗРЕЧЕ ПРИТВОР АКО ОБВИНИТЕЛОТ БАРА КУЌЕН ПРИТВОР Јошевска Анастасовска од Судскиот совет му одговори на министерот Филков

The post СУДИЈКАТА ЈОШЕВСКА ИЗНЕСУВА НЕИЗДРЖАНИ И ПОЕДНОСТАВЕНИ ПРАВНИ ИНТЕРПРЕТАЦИИ Тоа создава погрешна перцепција, смета професор Кекеновски appeared first on plusinfo.mk.

Некој спомна дека не само со последните „превирања“ во куќнион совет составен од отпадоците на некогашната сдсм (малите букви се…), туку и со вкупната страотна поларизација на политичките сили во државава, кај нас дефинитивно започнува циркусот. Со што јас сепак не би се согласил бидејќи мислам дека циркусот започна уште во онаа 1992 година и инсталацијата на старо-новиот соцреалистички систем како наша замена за очекуваната демократија, па оттогаш се нижат само одделни – повеќе или помалку интересни – циркуски точки што го дополнуваат општиот циркузантски впечатокот.

Сега се во ек две: извештајот на ек (малите букви се…) и растур-системот во куќниот совет.

Не знам вие, но јас просто „уживам“ во настапот на булументана на куќнион совет и неговата вештачка интелигенција како отворено ја „хејта“ сопствената држава, како не може дури ни да се воздржи од скандирање – поправо оргастички делириум – во полза на извештајот на ек (малите букви се…), само заради фактот што сега веќе не се власт оние нивнине бараби, туку некоја друга политичка опција со поинаков фокус на нештата во и вон државава. И простациве се фатиле на оро, ракоплескаат, играат и пеат како што правеа на отворањето на оној тунел на автопатот пред 7-8 години. Само што тој не беше нивно дело, а извештајов во голема мерка е резултат токму на нивното дивеење во државава, без оглед дали тие го признаваат тоа или не! Па дури советуваат и дека требал да биде и пооостар – човек ќе си рече дека повикуваат и на санкции против државава – сѐ со цел докрај да ја понижат сопствената земја, да измислат и непостоечки ѓаволи кои, демек, заседнале на власт и им ги реметат плановите на лојалните еврофили во Македонија, оние кои веднаш би ставиле потпис не само на „Бугарите во Устав“ туку и на забрана за постоење на сите партии што не мислат како нив.

Оваа жална слика, секако, историски погледнато, не е нова. Трае кај нас минимум два века. Ама која полза од историјата кога нема кој да ја чита? Овие читаат стрипови и пароли на Заев и на Шеќеринска. Барем да ги читаа говорите на Црвенковски!

Сега навиваат за Молдавија, за Албанија… за држави – без намера за потценување – испилени од којзнае кој круг на автократскиот комунистички пекол. Па ги знаат дури и молдавските вина! И ги воодушевува оваа и ваква еу која веднаш ја кооптира Молдавија во Извршниот одбор на УНЕСКО и во сите тела на еу, ракоплескаат за земја (со должно извинување) вчера излезена од 19. век, притоа плукаат на сè што се случува овде, а не е производ на „нивните“, на оние политикантски шарлатани во автократската врхушка на нивната банда!

Да, некој ова можеби и го разбира и го поддржува, некој кој не е само член или симпатизер на овој и ваков куќен совет и неговата придружна вештачка интелигенција исплашена за сопствената егзистенција, и јас немам ништо против тоа. Не сум мислел, и не мислам, дека и во овој и ваков куќен совет нема посветени партиски членови сè уште верни на социјалдемократската идеја. Ама таа кај нас одамна е мртва, не само од времето на нејзиното континуирано егзекутирање уште од оној „тенкистон“, па Заев, Шеќеринска и Ковачевски… Филипче само ги доубива трошките!

Но, засега ќе остане тајна што е тоа што ги движи луѓето во оваа „партија“ кон ваков однос кон државата, каква е таа мотивација за таква и толкава омраза којашто не е, не може да е упатена само кон владеачката коалиција? Дури и недобронамерната критика не крие во себе таков степен на отворен отпор, завист, непочитување…, но и „ан блок“ одбивање да се види дека и овој извештај, како и многу претходни, е само уште една форма на политичко условување и уцена, уште една алка во ланецот на културната војна против Македонија. Во којашто токму сдсм, заради сѐ уште „непознати“ причини, непринципиелно се става на страната против сопствената држава. И зарем навистина не можат да го видат општото расположение во државата во однос на потенцијалните безусловни уставни измени, туку единствено се гледаат себеси назад на кормилото на власта?

*

Или, ако сакате, кога го читаат фамозниот последен извештај на уште пофамозната ек, зошто ги прескокнуваат оние зборчиња и назнаки што многу кажуваат токму за нив, а помалку за оваа власт. Зашто, ако оние напишале, на пример, дека „Корупцијата останува распространета во многу области (…)“, зарем она „останува“ не упатува баш на нив, зашто не може да „остане“ нешто што не постоело? А во нивните седум години таа не само што постоеше туку беше систем, или токму „системска дегенерација“, како што сега мудруваат. Или, ако ек вели дека трагедијата во Кочани „откри трајни системски предизвици во врска со спроведувањето на антикорупциските мерки“, она „трајни“ на кого се однесува? И што е потрајно, седум години или година и половина?

Или, зарем не им е срам да говорат за владеење на правото, за судовите и обвинителството како „оперирани од интегритет“? Па кој ги „оперираше“? Нивните „хирурзи“ или некои дојденци? И заборавија ли што неодамна еден пратеник му порачуваше на нивниот јавен обвинител? Дека „од него зависи дали ќе биде со штитот или на него“. И каква форма на притисок е ова, за чија „лојалност“ и кон кого говориме, и кој тука е слуга, а кој господар…?

*

И сега, дали никулецот на сомнежот почнува да се појавува кај еден дел од врхушката и членството, дали тука се крие најавата за бунт во заевистичкиот бедем на глупоста во оваа „партија“? Зашто, продолжувањето по досегашниот курс дефинитивно носи пропаст, комплетно раслојување до распад на внатрешни опозициски ограноци, на фракции и/или безначајни партиски групички? Не, зашто – барем според посочените ликови кои, наводно, бараат некакви промени – таа и таква смена би била само на полошо! Зошто? Затоа што станува збор за еднакво, ако не и позакостени умови, за кариеристи и неспособни политиканти веќе видени во врвот на сдсм, кои не можат да согледаат ни што се крие зад првиот агол на домашната политичка сцена, не пак да се носат со меѓународната политика, со неопходните реформи и слично. Тоа би било само „курто наместо мурто“, или обратно, и ништо повеќе.

Запрепастува фактот што во едно некогашно сепак образовано (но за жал соцреалистичко) милје не остана ни грст разумни интелектуалци, луѓе со пошироки политички и историски погледи кои можат да внесат промени во таа „партија“. Потиснати од актуелната вештачка интелигенција, тие изгледа целосно се повлекоа. Што не може да им се забележи зашто оние другите мелат сè пред себе.

Затоа впрочем досега не се најде еден, барем еден да се спротивстави на убиствената болшевичка порака на Филипче после катастрофата на локалните избори дека „и за пораз и за победа никогаш не е на еден одговорноста, секогаш е колективна“! Кога таков ортодоксно ретрограден дух и понатаму провејува во овој и ваков куќен совет, таму не може да има никакви поместувања, особено не од оние посочени како иницијатори на промени. Таквите прво мораа(т) да кренат глас против болшевичката флоскула на нивниот лидер, па потоа да се самопрогласуваат за некаков нов развигорец во сдсм.

Но, колку за показ, симпатизерите нека ги читаат нивните „високоумни“ препукувања, навредите својствени на најдолниот сдсмовски бувљак во борбата за превласт во куќниот совет, како си префрлаат „мешетарења“, „заткулисни маневри и кафеански озборувања“…, коишто, за жал, се апсолутно точни.

И после сè, некој од овие ќе се осмели да бара доверба од гласачите? И да иницира реформи, внатре во партијата и во државата?

The post Циркусот одамна е почнат appeared first on plusinfo.mk.

„Скролам“ по телефонот, и гледам – прекрасни бургии со глава од засилен титаниум – проследено со видеа како бургија поминува низ железо или челик како да е путер. И си велам, за цена на една бургија во железарија, овде цел сет од 12 парчиња. Ги порачав. При првата прилика за работа, траеја точно 5 минути и 11 секунди. Се испокршија при првиот обид да работам со нив. Си појдов во железарија, си купив нови… Како велат, „сиромавиот двапати плаќа“. Ама овој сиромав, барем научи да не верува на реклами со полувистини, манипулации со зборови или на непроверени тези.

Па така, кога слушнав за содржината за дуелот меѓу Орце и Амар, кој беше во моето време предвидено за шах, решив прво да ги проверам фактите. И што видов? Манипулација… „Лажам, ама не толку“ во биографијата од цели два реда на Амар Мециновиќ: Член на Левица. Роден на 16.7.1996 година во Скопје. Бошњак. Додипломски студии на политички науки, Правен факултет „Јустинијан Први“. Сè е точно, нема лага, но едно е манипулација: „Додипломски студии“ е вешто поставено наместо „Дипломиран“. Како бургија од онлајн гигантот „Таму“ или нешто такво, што ме измами – титаниум од 0,1 мм на метално-пластична бургија. Нема јасна лага – ни ваму ни таму. И во првиот случај има титаниум и во вториот има студии. Има и спотови во кои се самонарекува „Flawless“ (безгрешен, совршен) – како безвредна бургија што поминува низ путер.

Најголемата штета од ваквите примери не е во тоа што еден кандидат нема диплома, туку во тоа што младите добиваат погрешна порака. Секако дека секој од нас треба да има разбирање за она што го кажа младиот Мециновиќ. Сосема е можно да постојат примери на паузирање во студии заради социјална или здравствена положба. И Амар го истакна тоа; неговата тешка социјална положба ги паузирала студиите. Но, истиот е веќе 18 месеци пратеник. Претходно истиот добивал паушал (ако не се лажам, 4 години) како советник. Имал, барем формално, некакво вработување во рамките на неговата партија – што е ѓаволски тешко да се дознае кога биографијата ти е два реда.

Но, пауза? Каква пауза кога 18 месеци ја земаш една од највисоките државни плати, која има доволна флексибилност да можеш солидно да го организираш своето слободно време? Многу пофер, почесно ќе беше да си кажеше: „се откажав, затоа што не верувам во овој образовен систем“, на пример! Во манир на вистински левичар. А најфер ќе беше – да не претендира на толку висока функција. Сум кажал и ќе повторам, ја ценам партиската активност. Сметам дека секој треба да се вклучи, на начин на кој знае, да даде придонес кон демократијата. Но, со должно внимание што нуди за каде!

Што имаме сега како пример за младите? Наместо да се поттикнуваат да завршат факултет, да се изградат професионално и да стекнат искуство, им се нуди идејата дека доволно е да бидеш гласен, партиски лојален и медиумски присутен. Рецепт за успех. А тоа е рецепт за генерации кои ќе веруваат дека титулите и позициите се прашање на маркетинг, а не на труд и знаење. Ако ова е рецепт за успех, тогаш иднината ни е маркетинг без содржина.

Манипулација со манипулаторот

Во претходната колумна имав мал дел во кој изнесов сомневање дека „Апасиев се смешка под мустаќ на извесниот пораз на Амар во трката за Скопје“. Ако претходно ми беше сомневање, сега веќе се оформува и теза. Не може Апасиев да не знаел дека членот на президиумот, негов личен пријател, сопартиец, колега пратеник – има формално – средна стручна спрема. Не можел, имајќи предвид дека се бори против актуелната власт, да не предвиди дека овој податок ќе биде изнесен во јавност.

Тезата уште повеќе се засилува со тоа што низ медиумите и по социјалните мрежи проструи информација, истиот ден во кој се одржа дуелот, дека „Апасиев испрати информација до новинари со компромитирачка содржина за Амар“. До тој ден, Амар се претставуваше како „политиколог“, од тој ден, го почна дуелот со искрено признание дека никогаш не дипломирал.

Зошто воопшто избра да го почне така? Смрди ли на запршка во Левица? Го изманипулираа ли манипулаторот кој беше закана за Апасиев? Тешко е да се дојде до прецизен одговор од партијата што функционира како подрумска секта. Но, има разумен сомнеж.

Орце го асфалтира и Амар

Решив да го гледам дуелот. И што друго да се каже за дуелот, освен саркастичниот наслов, кој сугерира дека Орце Ѓорѓиевски е вистински работник, кој по инерција го премачка и Амар со асфалт – друго нема. Тука ќе запрам со пофалби за мојот партиски познаник. Нека говорат за него жителите на Кисела Вода, каде беше градоначалник – мислам дека се порелевантни од некој кој живее на 180 километри и од Кисела Вода знае само дека е општина во Скопје.

Нека кажат тие дали асфалтот што го фрлаше Орце држи повеќе од 5 минути и 11 секунди.

The post Амар си удри шамар appeared first on plusinfo.mk.

Во неодамна објавената книга „Протоколот на Ајнштајн“ (Ich bin ein Magnet für alle Verrückten. Die Einstein‑Protokolle – Sein Leben, seine letzte Liebe, sein Vermächtnis), германскиот новинар и писател Петер фон Бекер објавува транскрипти од приватни разговори на светски познатиот научник, од последната година и пол од неговиот живот.

Разговорите што Ајнштајн ги водел со својата партнерка, чешката библиотекарка Јохана Фантова, ги откриваат неговите политички ставови, длабокиот интерес за уметноста и музиката, како и личниот поглед на светот. Фантова ги документирала овие разговори во своите дневници, кои биле откриени дури во 2004 година, а Бекер ги анализирал во книгата.

Поради неговото еврејско потекло, во Германија Ајнштајн бил третиран како „непријател број еден“ од страна на нацистичкиот режим. Тој бил надвор од земјата кога Адолф Хитлер дошол на власт и никогаш не се вратил во Германија. По Холокаустот, Ајнштајн го поддржувал Израел, бидејќи сметал дека Евреите треба да имаат безбедно засолниште, но истовремено бил и критичен кон младата држава.

„Трогателно е да се види дека тој истовремено жестоко се залагал за еднакви права меѓу Евреите-Израелци и Арапските Палестинци. Ова звучи неверојатно современо. Би било прекрасно ако денес постоеше некој со моралниот и интелектуалниот авторитет на Ајнштајн, чии зборови навистина би се слушале од сите страни“, заклучува фон Бекер.

Транскриптите биле пронајдени во Принстон, Њу Џерси, САД, каде што научникот со години истражувал во Институтот за напредни студии. Ајнштајн, кој починал на 77-годишна возраст во април 1955 година, себеси се опишувал како „магнет за сите луди луѓе“, пишува Танјуг.

– А токму тие луѓе ме интересираат. Реконструирањето на нивното размислување ми е хоби. Длабоко ми е жал за овие луѓе, па се обидувам да им помогнам – изјави научникот.

Фантова запишувала сè што Ајнштајн рекол, „веројатно со негово знаење“, наведува фон Бекер.

– Тој ѝ раскажувал што му се случувало во текот на денот, за што размислува, што читал или слушал. Бев воодушевен што можев навистина да ѕирнам во срцето и умот на најпознатата личност на 20 век, а можеби и на целата модерна ера. Во разговорите со неговата девојка може од прва рака да се почувствуваат секојдневните чувства на постариот Ајнштајн – објаснува писателот, нагласувајќи дека дури и во подоцнежните години, физичарот останал отворен за сè ново.

– Толерантен кон другите мислења и прилично бистар во својот жив интерес за политиката – додава Фон Бекер.

„Ајнштајн бил остар критичар на капитализмот и вооружувањето за време на Студената војна“, посочува Фон Бекер.

– Да, јас сум стар револуционер, како што секогаш велите. Да, политички, јас сè уште сум Везув што исфрла оган – рекол Ајнштајн во февруари 1954 година.

Ајнштајн се спротивставувал на „сè поголемото вооружување на Истокот и Западот“, неограничениот капитализам и „екстремното богатство“, а го бранел и осмислувачот на атомската бомба Роберт Опенхајмер, кого американските власти го обвиниле дека е комунист.

„Како во ерата на Мекарти, кога американските конзервативци го сметале секој критички ум за комунист, така денес тој сигурно би бил противник и критичар на претседателот Трамп и ограничувањата на слободата на изразување“, проценува Фон Бекер.

The post КАКОВ БИЛ СТАВОТ НА АЈНШТАЈН ЗА ИЗРАЕЛ И ЗА ПАЛЕСТИНА? Транскрипти ги откриваат комплексните идеи на научникот appeared first on plusinfo.mk.

The post БРИТАНСКОТ ЗАЕМ Е ПОВОЛЕН, НО ДА СЕ ВНИМАВА НА ФИСКАЛНИТЕ РИЗИЦИ Капиталните проекти се клучни за економскиот раст appeared first on plusinfo.mk.

„На властите во Скопје треба да им биде јасно дека обидите за повторно преговарање на меѓународните обврски кои веќе се преземени може да доведат само до дополнително оддалечување од почетокот на преговорите за членство во ЕУ“, нагласуваат од министерството и додаваат:

„Оваа наша позиција нема да се смени без разлика дали ќе има преодна или редовна влада. Потсетуваме дека како резултат на непотребни провокации и конфронтации со соседните земји, Северна Македонија веќе изгуби премногу време во процесот на отворање на пристапните преговори“.

Бугарското МНР порача дека официјалната влада на Република Бугарија е легитимна влада која ги има сите прерогативи за управување со државата.

„Владата останува отворена за дијалог со Северна Македонија, а во исто време нагласуваме дека, без разлика дали е техничка или редовна бугарска влада, дијалогот не вклучува повторно преговарање на веќе преземените обврски од Скопје“, порачаа од бугарското МНР.

Министерството за надворешни работи повторува дека европскиот консензус од летото 2022 година меѓу 27-те земји-членки на ЕУ и Северна Македонија целосно ги оцртува сите чекори за постигнување вистински напредок во процесот на европска интеграција на оваа земја.

„Бугарската позиција е јасно наведена во Одлуката на Народното собрание од 24 јуни 2022 година, поддржана од сите политички сили. Тоа е израз на волјата на бугарските граѓани да ја поддржат Северна Македонија во процесот на исполнување на критериумите за членство во ЕУ, под услов соседната земја да се придржува до највисоките стандарди во областа на човековите права и да ги исполни меѓународните обврски преземени во добро вера. Овој сенароден став нема да се менува“, соопшти бугарското МНР.

The post „НЕМА ДА СЕ СМЕНИ СТАВОТ НА БУГАРИЈА“ Мицкоски ја оддалечува Македонија од ЕУ, реагира Софија на неговата изјава appeared first on plusinfo.mk.

Министерството за надворешни работи и надворешна трговија на Македонија излезе со став по повод протестната нота од Министерството за надворешни работи и дијаспора на Косово, во којашто се бара целосно објаснување во врска со настанот на Скопскиот аеродром со косовската претседателка Вјоса Османи. Македонското Министерството побарало информации од надлежните институции и по анализата на собраните податоци ќе преземе мерки, со цел, како што соопшти Министерството, во иднина да се избегнат вакви ситуации.

„Република Македонија и Република Косово одржуваат позитивни и конструктивни билатерални односи и соработка, без отворени прашања и со искрен и континуиран дијалог на сите нивоа и во сите области. Во наведениот контекст изразувуваме жалење за недоразбирањата кои се случиле во текот на вчерашниот ден, при патувањето на претседателката на Република Косово Вјоса Османи на меѓународниот Аеродром во Скопје“, се наведува во соопштението на Министерството.

Оттаму напоменуваат дека од страна на Министерството за надворешни работи и надворешна трговија во врска со настанот веќе се побарани информации од сите надлежни институции.

„Откако ќе биде направена соодветна анализа на прибраните податоци во непосредна соработка со Министерството за внатрешни работи, ќе бидат преземени сите потребни активности и мерки, а со основна цел во иднина да се избегнат вакви или слични појави и ситуации“, соопшти македонското МНР.

Оттаму во четвртокот вечерта соопштија дека обезбедувањето на претседателот на Собранието Африм Гаши им се заканувало на вработени во ТАВ кои побарале од претседателката на Косово, Вјоса Османи да го остави телефонот за да помине на секенер кога поминувала низ гранична контрола на Меѓународниот аеродром Скопје. Како соопшти МВР, додека претседателката на Косово поминувала на гранична контрола, во моментот кога било побарано да го остави телефонот да помине низ скенер, едно лице од нејзиното обезбедување го оттргнал вработениот во ТАВ, со цел таа да помине без скениран телефон и рачен багаж. Но, потоа, сепак, багажот бил вратен и поминал низ скенер.

-По половина час, дошло лице од обезбедувањето на претседателот на Собранието Гаши (полициски службеник) со уште две лица (полициски службеници) и почнал да се заканува кон вработените во ТАВ и да бара кој и направил проблем на претседателката. При тоа турнал и полициски службеник вработен на граничниот премин, соопшти МВР додавајќи дека веднаш е известен Одделот за внатрешна контрола, криминалистички истраги и професионални стандарди и во координација со ОЈО за ГОКК се преземаат мерки за расчистување на случајот, по што ќе бидат поднесени соодветни поднесоци.

Од ТАВ Македонија соопштија дека одделот за Обезбедување на ТАВ Македонија постапило во рамките на своите овластувања и спровело стандардна проверка на претседателката на Косово Вјоса Османи Садриу и на нејзиниот багаж на пунктот за безбедноста проверка во ВИП – салонот со што воопшто не беше загрозена авијациската безбедност и безбедноста на патниците. Оттаму категорично ги отфрлаат наводите дека нивниот вработен од одделот за обезбедување се обидел да го одземе телефонот на косовската претседателка при прегледот во ВИП-салонот на Меѓународниот аеродром Скопје.

Кабинетот на претседателот на Собранието на Македонија, Африм Гаши, во четвртокот преку соопштение демантираше каква било вмешаност на членови на неговото лично обезбедување во денешниот инцидент на скопскиот аеродром, за кој што, велат, пренесуваат одредени медиуми. Гаши, пак, во изјава за медиуми вчера кажа дека „интервенирал да се смират ситуациите, да не се направи дипломатски инцидент, и мислам дека се заврши како што треба“. Вели дека ако некој ги пречекорил своите овластувања, секако ќе треба да одговара.

Претседателството на Република Косово вчера преку соопштение до јавноста изразило огорченост од „неприфатливите изјави на Министерството за внатрешни работи на Македонија“, како и од „пропагандата што се развива против Република Косово“ по инцидентот со претседателката Вјоса Османи на скопскиот аеродром. Во соопштението по повод инцидентот се наведува дека Османи единствено одбила да го даде на скенирање својот телефон, кој го користи како шеф на државата за официјални комуникации и за прашања од националната безбедност.

The post МНР ИЗЛЕЗЕ СО СТАВ ЗА СЛУЧАЈОТ СО ВЈОСА ОСМАНИ Чекаме информации од надлежните институции, во иднина да се избегнуваат вакви ситуации appeared first on plusinfo.mk.

Потпретседателката на САД, Камала Харис, во понеделникот го зацврсти својот статус на лидер во трката за наследник на претседателот Џозеф Бајден како демократски кандидат на претседателските избори во ноември, добивајќи бран поддршка од гувернерите, избраните функционери и од државните лидери.

Главна беше силната поддршка на Бајден за нејзината кандидатура, која тој јасно ја изрази кога во неделата објави дека повеќе нема да бара номинација од партијата, по неколкунеделниот притисок да се повлече.

Харис сепак ќе мора формално да ја добие номинацијата, најверојатно на Демократската национална конвенција во август, а зад неа не останаа сите потенцијални предизвикувачи за кандидатурата – барем не сè уште.

Сепак, 59-годишната Харис би можела да биде на пат да стане првата Афроамериканка која ќе ја предводи претседателската листа на една голема партија, нешто што ги става под лупа нејзините ставови за клучните глобални прашања.

Но, каква е позицијата на Харис за главните надворешнополитички прашања?

Позицијата на Харис за војната на Израел против Газа

Аналитичарите очекуваат дека Харис, доколку биде избрана, во голема мера ќе го продолжи пристапот на Бајден кон војната во Газа. Таа повеќепати вети поддршка за безбедноста и за самоодбраната на Израел, истовремено изразувајќи сочувство за палестинските цивили во Газа.

Харис го бранеше правото на Израел на самоодбрана.

– Израел има право да се брани. А ние (Бајден и Харис) ќе останеме цврсти во тоа верување и ги поддржуваме легитимните воени цели на Израел за елиминирање на заканата од Хамас – рече таа во декември 2023 година.

Се очекува Харис да се сретне со израелскиот премиер Бенјамин Нетанјаху оваа недела, за време на неговата посета на САД.

– Додека Израел ги следи своите воени цели во Газа, ние веруваме дека Израел мора да стори повеќе за да ги заштити невините цивили – истовремено рече Камала на брифинг во декември.

На 4 март Харис повика на итен прекин на огнот во Газа, додавајќи дека Израел мора да го подобри протокот на хуманитарна помош во енклавата.

The death of seven humanitarian workers from World Central Kitchen in Gaza, including one American, is a devastating tragedy. The investigation must be swift, and steps must be taken to ensure this does not happen again.

Israel must do more to protect aid workers who are…

— Vice President Kamala Harris (@VP) April 3, 2024

На 14 април, ден по иранските напади врз Израел, Харис објави на платформата X: „Нашата поддршка за безбедноста на Израел е челична“.

President Biden and I met with our national security team following Iran’s attacks against Israel. Our support for Israel’s security is ironclad, and we stand with the people of Israel in defense against these attacks. pic.twitter.com/jG8La2mHnk

— Vice President Kamala Harris (@VP) April 14, 2024

Војната меѓу Русија и Украина

Во согласност со позицијата на Бајден, Харис силно ги поддржува напорите на Украина за самоодбрана против Русија. Харис е исто така, како Бајден, цврст поддржувач на НАТО.

Во јуни таа се состана со украинскиот претседател Володимир Зеленски на самитот за мир во Украина во Швајцарија.

– Руската агресија не е само напад врз животите и врз слободата на народот на Украина, не е само напад врз глобалната безбедност на храната и на снабдувањето со енергија – рече таа на отворањето на пленарниот состанок.

На самитот, Харис, исто така објави дека САД ќе платат 1,5 милијарди долари, преку американската агенција за меѓународен развој и американскиот Стејт департмент, за зајакнување на енергетскиот сектор на Украина.

На безбедносната конференција во Минхен во февруари, таа ја прекори војната на Русија против Украина и вети дека Америка ќе го почитува членот 5 на НАТО, во кој се наведува дека за напад врз која било членка на алијансата се бара од сите други членки да се приклучат на конфликтот.

Кој ѝ е ставот на Харис за Кина?

Се очекува Харис да остане доследна на политиката на Бајден за Кина, фокусирајќи се на ограничувањето на кинеското влијание, особено во Азија.

Во септември таа присуствуваше на самитот на Асоцијацијата на нациите од Југоисточна Азија (АСЕАН) во главниот град на Индонезија, Џакарта. За време на самитот, таа ја обвини Кина дека на помалите соседи им ги наметнува своите територијални претензии во спорното Јужно Кинеско Море. Бајден, исто така, ја задолжи Харис да ги посети Јапонија и Јужна Кореја, клучните сојузници во регионот.

За време на потпретседателската дебата во 2020 година, таа ги критикуваше царините на поранешниот претседател Доналд Трамп за кинески увоз, обвинувајќи го републиканецот за губење на трговската војна со Кина што наводно резултирало со губење на стотици илјади работни места, иако некои аналитичари велат дека изгубените работни места се должат на Ковид-19, а не политиките на Трамп. Тие тарифи во голема мера останаа на сила за време на администрацијата на Бајден.

Харис го поддржа и Тајван и се очекува да продолжи да го прави тоа доколку стане претседателка.

– Ние ќе продолжиме да ја поддржуваме самоодбраната на Тајван, во согласност со нашата долгогодишна политика – вети таа во септември 2022 година.

Каков е нејзиниот став за Индија?

Светогледот на Харис за Индија се промени во последните 5 години.

Постојано за време на јавните настапи, таа, како ќерка на мајка родена во Индија и на татко роден во Јамајка, го споменуваше нејзиното индиско потекло и колку таа земја ѝ е важна.

Во 2019 година, индискиот премиер Нарендра Моди го отповика членот 370, ставајќи крај на полуавтономниот статус на Кашмир под индиската администрација.

– Треба да ги потсетиме жителите на Кашмир дека не се сами во светот – го критикуваше потегот Харис.

Таа тогаш беше сенатор од Калифорнија и потенцијален демократски кандидат за изборите во 2020 година.

Меѓутоа, кога Бајден ја презеде функцијата, пристапот на Харис кон Индија се промени. На јавен состанок со Моди во 2021 година, таа ја пофали улогата на Индија во производството на вакцини против Ковид-19.

САД и Индија споделуваат заеднички грижи за Кина, што ја прави Индија стратешки партнер на САД во Азија. Бајден склучи серија договори за одбрана и за технологија со Моди за време на неговиот мандат.

Харис го угости Моди во 2023 година на државен руче, каде што таа му се заблагодари на индискиот премиер за неговата „лидерска улога во помагањето на Индија да стане глобална сила во 21 век“, пофалувајќи го неговото лидерство на минатогодишниот самит на Групата 20.

The post КАКО КАМАЛА ХАРИС ГО ГЛЕДА СВЕТОТ? Од Русија и Газа до Кина и Индија appeared first on plusinfo.mk.