Комитетот за светско наследство на УНЕСКО на годишната сесија, што се одржува во јужнокорејскиот град Бусан, донесе одлука да го одложи впишувањето на Охридскиот Регион на листата на светски културни и историски наследства во опасност. Ова, како што истакна министерот за надворешни работи и надворешна трговија Тимчо Муцунски, претставува значаен дипломатски успех за нашата земја, кој е производ на координирана државна акција предводена од претседателот на Владата​.

Покажавме, вели Муцунски, дека дипломатијата не е само учество на меѓународни собири, туку способност преку партнерство да се создава доверба и да се заштитат најзначајните државни и национални интереси. ​Одлуката на УНЕСКО е потврда на нашата посветеност, но и поттик за уште поинтензивна работа во периодот што следува.

– Во првичниот предлог на одлуката беше предвидено регионот веднаш да биде впишан на листата на светско наследство во опасност. ​Со усвојувањето на амандманот оваа формулација е отстранета. Охридскиот Регион во оваа фаза нема да биде ставен на листата на светско наследство во опасност и ќе го задржи статусот на светско природно и културно наследство на УНЕСКО – рече Муцински на прес-конференцијата во Владата.

Ова, според него, претставува значаен дипломатски успех за нашата земја.

– Овој резултат е производ на координирана државна акција предводена од претседателот на Владата. ​Во целиот процес работевме во тесна координација со Министерството за култура и туризам, Министерството за транспорт, Министерството за животна средина и просторно планирање, општините Охрид и Струга, како и со нашата амбасада во Париз, која имаше важна улога во комуникација со УНЕСКО и со државите членки на Комитетот за светско наследство. ​Во изминатиот период водевме интензивни разговори, спроведовме дипломатски консултации и градевме поддршка меѓу државите членки на Комитетот. ​Јасно ги претставивме нашите позиции, ги презентиравме преземените обврски и политичката волја за заштита на Охридскиот Регион. ​Работевме посветено, координирано и со јасна цел – преку дијалог да ги приближиме ставовите, да ја зајакнеме довербата кај нашите партнери и така ја обезбедивме потребната поддршка за финалната одлука – рече Муцунски.

Тој нагласи дека Охридскиот Регион претставува природно и културно богатство од исклучителна универзална вредност, чие значење ги надминува националните граници. ​

– Охридското Езеро со својата природна уникатност, биолошка разновидност и богато културно-историско наследство е непроценливо светско добро. ​Како дел од светското наследство на УНЕСКО, регионот е симбол на нашата историска и културна традиција, но и на регионалната соработка, одржливиот развој и заедничката грижа за природното и културното наследство. ​Одлуката на УНЕСКО е потврда на нашата посветеност, но и поттик за уште поинтензивна работа во периодот што следува. ​Јасно ги прифаќаме сите препораки на Владата за заштита и одржлив развој на регионот. ​Со дипломатскиот ангажман обезбедивме дополнителен простор за исполнување на преземените обврски и спроведување на стратегискиот план за рехабилитација до 2030 година – истакна министерот Муцунски. ​

Во следниот период, заедно со Албанија, треба да биде подготвена временски ограничена рамка за спроведување на Планот, а до 1 февруари 2027 година да биде доставен нов извештај за постигнатиот напредок.

Комитетот за светско наследство на УНЕСКО на годишната сесија, што се одржува во јужнокорејскиот град Бусан, донесе одлука да го одложи впишувањето на Охридскиот Регион на листата на светски културни и историски наследства во опасност. На државата ѝ е даден дополнителен рок од пет години за да ги спроведе препораките поврзани со заштитата на природното и културното наследство.

The post ГОЛЕМ ДИПЛОМАТСКИ УСПЕХ Е ЗАДРЖУВАЊЕТО НА СТАТУСОТ НА ОХРИД Македонија доби уште 5 години за да ги спроведе препораките на УНЕСКО appeared first on plusinfo.mk.

Во манастирите ширум земјава, далеку од очите на јавноста, живеат православни монаси за кои никој ништо не знае како и од што живеат.

Додека јавноста неретко ги романтизира како луѓе кои доброволно се откажале од сè световно, реалноста е далеку посурова: тие се социјално невидливи, финансиски незаштитени и често препуштени сами на себе.

„Живееме како сенки“, ни рече еден од нив, со глас мирен, но со поглед полн со наталожена грижа.

– Треба да се издржуваме од манастирите, ама тоа е релативно. Каде има приходи е добро, а каде нема – мора да се снаоѓаме. Мора да има некаква економија за да се преживее. Државата има графа само за свештеници, не посебно за монаси… – ни раскажа монах кој инсистираше на анонимност.

Невидливи за системот

Според сведочењата на неколку монаси во различни епархии, државниот систем не препознава посебен статус за монасите.

Иако тие се дел од монашките редови во рамки на Македонската православна црква – Охридска архиепископија, во правна и во социјална смисла многумина се заведени како „невработени лица“, без пензиско, а со основно здравствено осигурување, добиено благодарение на законска измена донесена пред повеќе од една деценија.

– Некои си плаќаат сами придонеси и тие се заведени како свештеници или како земјоделци. Некои немаат ништо – раскажува нашиот соговорник.

Живот на донации

Монасите живеат скромно, често во рурални предели каде што не постојат ниту најосновни здравствени услуги. Секој посериозен здравствен проблем станува борба – не само за живот, туку и за пари.

– Ако треба да се лекуваме приватно или ако е потребна некоја поскапа интервенција или терапија, а манастирот нема доволно пари, мора да се бараат донации од епархијата или од народот. Понекогаш и тоа не стасува… – објаснува тој.

Иако манастирите понекогаш имаат сопствени извори на приходи – преку продажба на мед, икони, книги или одржување работилници – тие средства не се секогаш доволни, ниту распределени на начин што гарантира основна сигурност за сите монаси.

Молк од институциите

За разлика од свештениците кои во повеќето случаи се заведени како трговци-поединци и имаат регулиран пензиски и здравствен статус, монасите остануваат во сивата зона на системот. Нивниот статус не е прецизно уреден ниту со црковните, ниту со државните механизми.

Правни експерти предупредуваат дека недефинираноста на статусот на монасите отвора ризик од социјална исклученост. Државата, велат тие, треба итно да воспостави јасни и фер правила, соодветни на животот и на мисијата на овие луѓе.

Монасите не протестираат. Не излегуваат на улица. Нивниот животен повик ги учи на тишина и на смирение. Но, токму затоа што тие нема да излезат на штрајк, не значи дека нивниот статус треба да биде игнориран.

МПЦ-ОА, како институција, има историска и морална обврска да иницира решенија пред државата – било преку посебна законска регулација, било преку фондови за поддршка на монашките заедници.

Во спротивно, ризикуваме една од најпосветените форми на духовен живот да се претвори во живот на маргина.

Епархија за пример

Во време кога темата за нерегулираниот статус на монасите и на другите црковни службеници сè повеќе се отвора во јавноста, една епархија во рамки на МПЦ-ОА се издвојува како исклучок што заслужува внимание: Кумановско-осоговската епархија.

Според поранешниот митрополит на оваа епархија, г. Јосиф, таму сите – од највисок клирик до продавач на свеќи – се уредно пријавени, со платени придонеси и со целосна социјална и здравствена заштита.

– Кај нас нема сиви зони. Секој свештеник, секој монах, секој ѓакон и секој продавач на свеќи е вработен и е осигуран. Им тече стаж, имаат пензиско, имаат здравствено – вели владиката Јосиф, кој и по заминувањето од активна служба и понатаму останува активен во црковната заедница и во јавните дебати.

Според него, прашањето за социјалната сигурност на црковниот кадар не е само техничка или финансиска работа, туку морална, организациска и суштинска.

– Не може духовен човек да биде оставен без здравствено осигурување, без пензиско, без чувство на сигурност. Колку и да звучи како „материјализам“, ова е прашање на човечко достоинство и институционална одговорност. Не дозволуваме да има луѓе кои „волонтираат“ со години, а всушност работат полно работно време. Или свештеници што живеат од обреди, без договор, без основа за живот. Сè е прашање на волја, организација и свесност за тоа дека зад црковната мисија стојат луѓе кои имаат семејства, здравствени потреби, иднина – вели г. Јосиф.

Снајди се, па живеј!

Епископот крушевско-демирхисарски г. Јован во разговор за Плусинфо вели дека и тој самиот како архијереј не добива плата затоа што епархијата нема доволно пари.

Дел од монасите се заведуваат како земјоделци, други се заведуваат како свештеници, само за да не бидат во ситуација да останат без право на пензија

Епископ Јован

– Откако сум замонашен немам ни еден ден стаж. За среќа, црквата им плаќа на монасите основно здравствено осигурување. Ова е долгогодишен и голем проблем кој мора брзо да се реши. Станува збор за луѓе кои едноставно се невидливи за системот. Јас неколку пати сум се обидел да ја отворам темата и да иницирам решавање на проблемот, но за жал, секогаш сум добивал еден ист одговор дека црквата нема доволно пари. А како да живеат монасите? Како да се чувствуваат сигурно и безбедно? Секој се снаоѓа како што знае и умее. Дел од монасите се заведуваат како земјоделци, други се заведуваат како свештеници, трети како вработени административци во епархијата, и сето тоа само за да не бидат во ситуација да останат без право на пензија – објаснува г. Јован.

Продолжува утре: ЕВАНГЕЛИСТИТЕ СЕ ВОДАТ КАКО АДМИНИСТРАТОРИ, КАТОЛИЦИТЕ НИКАКО Овие луѓе само Господ ги чува!

СЕКОЈ ПОП ВО СВОЈА ФИРМА СЕ КРСТИ Вработени во името на Бога, но не и по земските закони

The post МОНАСИТЕ ГЛУМАТ ЗЕМЈОДЕЛЦИ ЗА ДА ИМ ТЕЧЕ СТАЖ Се молат за здравје за да не молат за донации appeared first on plusinfo.mk.

Руската телевизија јави дека претседателот Владимир Путин денеска пристигна во Монголија, што е негово прво патување во земја членка на Меѓународниот кривичен суд (МКС), откако беше распишана потерницата против него.

МКС и украинските власти ја повикаа Монголија да го уапси Путин, кого судот го бара поради сомнение за нелегална депортација на украински деца во Русија, но портпаролот на руското претседателство, Дмитриј Песков, минатата недела изјави дека Кремљ нема причина за загриженост во поглед на ова прашање.

Тој додаде дека „сите аспекти од посетата биле внимателно подготвени однапред“. Како и сите други земји-членки на Римскиот статут, кој го основа МКС, „Монголија има обврска да соработува со овој суд“, изјави неговиот портпарол Фади ел-Абдалах.

Доколку една земја-членка не ги исполни своите обврски кон МКС, тој суд може да го упати случајот до собранието на земјите-членки кои се состануваат еднаш годишно, но проблемот е што потенцијалните санкции всушност се ограничени на усно предупредување.

Тоа го поткрепува и фактот што во минатото во земјите потписнички на Римскиот статут патувале и други лица по кои овој суд издавал потерници, како што е поранешниот судански диктатор Омар ал-Башир, без никој да ги попречува.

Монголија го потпиша Римскиот статут во 2000 година, а потоа го ратификуваше во 2002 година. Монголија се наоѓа на трасата на планираниот нов гасовод што ги поврзува Русија и Кина.

Со години Русија преговара за изградба на гасовод кој годишно ќе пренесува 50 милијарди кубни метри природен гас низ Монголија од рускиот регион Јамал до Кина.

Putin has arrived in Mongolia on an official visit.

Here is a video of him getting arrested… Oh, wait. Nevermind. pic.twitter.com/9FvbKkEc6t

— DD Geopolitics (@DD_Geopolitics) September 2, 2024

The post ИАКО МОЖАТ, НЕМА ДА МУ СТАВАТ ЛИСИЦИ НА ПУТИН Рускиот претседател пристигна во посета Монголија appeared first on plusinfo.mk.

Инаку приватните специјализанти преку денешното соопштение наведуваат дека и покрај одржаниот протест на 27 март и остварената средба со министерот за здравство во техничката Влада, Илир Демири, на 2 април, сѐ уште не биле исполнети нивните барања.

„На средбата со министерот за здравство, од негова страна ни беше ветено дека нашите барања ќе бидат изнесени на следната седница на Влада. После остварената средба со министерот, одржани се две седници на Влада и тоа на 3 и 9 април, на кои според јавно достапните информации на Влада, во ни една од нив не е разговарано за нашите барања“, се посочува во соопштението.

Поради тоа, како што се посочува во соопштението, испратено во име на приватните специјализанти при универзитетите за медицински науки „Кирил и Методиј” и „Гоце Делчев“ – Штип, принудени се да го направат следниот чекор – пристапување кон генерален штрајк од 15 април. Се најавува тој да трае сѐ до исполнување на нивните барања.

Од Министерството за здравство попладнево реагираа дека по средбата со приватните специјализанти, изготвен е извештај и доставен до Владата. На некоја од седниците ќе дојде на разгледување со цел да се видат нивните барања и можните решенија во овој предизборен период.

„Министерството за здравство секогаш ќе се залага за подобрување на условите за работа на сите здравствени работници, вклучително и на приватните специјализанти, кои се важни во здравствениот систем. Во 2018 година, приватните специјализанти за првпат беа препознаени во јавното здравство и платени за својата работа. Ставот на Министерството е позитивен, со цел да им се излезе во пресрет на приватните специјализанти“, пишува во соопштението.

Во изминативе години, се додава во соопштението, платите на здравствените работници се покачија неколкупати и им се подобрија условите за работа. Со истиот пристап, нагласуваат од Министерството за здравство, ќе им се помогне и на приватните специјализанти.

The post В ПОНЕДЕЛНИК ГЕНЕРАЛЕН ШТРАЈК НА ПРИВАТНИТЕ СПЕЦИЈАЛИЗАНТИ? Владата треба да одлучи за нив велат од Здравство appeared first on plusinfo.mk.

Во минатото, кога ја предводев владата, според растот на економијата не се меревме со земјите од западниот Балкан, туку со цела Европа, со најуспешните.

Па така, во периодот 2007-2015 година, според просечната стапка на раст на БДП, Македонија е со четврто најдобро остварување/раст споредено со земјите-членки на ЕУ и земјите од регионот, време во кое исто така имаше светска финасиска криза, европска должничка криза и домашна политичка криза.

Па така, Македонија имаше неколкукратно повисок раст од просечниот во Европа.

Македонија забележа четврти највисок економски раст во Европа во 2014 година, на пример, или шести најголем раст во 2015 година, трето најдобро остварување во 2009 година итн.

Ги остваривме и највисоките растови на економијата во една година во историјата на Македонија, до денес не надминати, како 6,5% во 2007 година и 5,5% во 2008 година итн.

За жал, времињата за Македонија се променија.

Светската банка неодамна објави проекција на растот на економијата (БДП)за 2023, 2024 и 2025 година за сите шест земји на Западниот Балкан.

Македонија е со најнизок раст во сите три години.

На фотографијата подолу има проекции за сите три години за сите шест земји: Србија, Албанија, БиХ, Црна Гора, Косово и Македонија.

Македонија најутепана!

The post НАЈУТЕПАНИ МЕЃУ НАЈУТЕПАНИТЕ Никола Груевски за проекциите на Светска банка за економскиот раст на Македонија appeared first on plusinfo.mk.

„Лошото и катастрофално менаџирање на Министерството за внатрешни работи, повторно паѓа на грбот на граѓаните. Промената на важечките лични документи за таа намена, не само што е причина за дополнителни високи трошоци, туку тоа предизвикува и сериозен револт, малтретирање и нервоза, а остава сериозен простор за корупција“ – напиша Чулев на својот профил на Фејсбук.

„По којзнае кој пат, во последните шест години, нефункционалните идеи на Оливер Спасовски, наместо да обезбедат нормални и пристојни услови, создаваат хаос во чии рамки граѓаните се принудени да трпат метежи и по студено и дождливо време да чекаат со часови во редица за да го добијат својот личен документ. Да не заборавиме дека голем дел од тие граѓани, се возрасни, со нарушено здравје и со попречности, а има и мајки со мали деца“ – пишува Чулев.

Тој вели дека е неопходно МВР да обезбеди соодветни услови, каде граѓаните ќе можат, во законски предвидениот рок и на достоинствен начин да го извадат личниот документ за кои плаќаат високи цени и со тоа да си ги остварат своите законски права.

The post РЕДИЦИТЕ ЗА ФОТОГРАФИРАЊЕ ДУША ДАЛЕ ЗА КОРУМПИРАЊЕ! Чулев предупредува на „нус-ефектите“ од хаосот при вадењето нови документи appeared first on plusinfo.mk.

– Разговаравме за сите видови сценарија за крај. Како ќе изгледа ситуацијата во овој регион е исто така глобално прашање – истакна адмиралот Хагари на брифингот, на прашањето дали израелската војска планира да остане и да управува со Газа по копнената инвазија.

Израел подготвува копнен напад врз Појасот Газа кој е под контрола на Хамас како одговор на смртоносниот напад на терористичката група врз околните градови и кибуци во јужен Израел на 7 октомври.

Од нападот, израелските сили го извршија своето најтешко бомбардирање досега на блокираната и опколена енклава и собираат копнени трупи за напад.

Според инфиормациите од Светската здравствена организација (СЗО), 2.800 се убиени,  а 11.000 се повредени во Газа од почетокот на израелските воздушни напади.

The post ПОЈАСОТ ГАЗА ЌЕ БИДЕ ГЛОБАЛНО ПРАШАЊЕ Став на Израел за статусот на палестинската енклава appeared first on plusinfo.mk.

Само една и пол година откако ДПМНЕ ја презеде локалната власт во главниот град, Скопје тоне на секое поле. Последниот скандал е поврзан со Зоолошката градина, која во времето на СДСМ доживеа неверојатен развој и успешно се менаџираше, обвини денеска на прес-конференција координаторката на советничката група на СДСМ во Советот на Град Скопје, Љубица Јанчева.

– Наместо да се развива, Скопје со ДПМНЕ и Арсовска назадува. Тоа што беше оставено, едно прекрасно катче за најмладите, но и за сите скопјани, ДПМНЕ го растура. Со ДПМНЕ, наместо развој, Зоолошката градина се соочува со низа проблеми, а последно е тоа што го изгуби кандидатскиот статус за членка на Европската асоцијација на зоолошки градини. Причината е неисполнување на договорите и нереализираните проекти. Секогаш кога ДПМНЕ ќе добие власт, ова се случува – пропаѓање, нерезлизирани проекти, назадување – изјави Јанчева.

Таа посочи дека пропадната шансата за членство во престижната асоцијација, значи губење на сериозна финансиска поддршка и спречување на развојот на Зоолошката градина.

– Исфрлањето како член кандидат значи дека немаме право да аплицираме во наредните осум години и не смееме да соработуваме со ниту една зоолошка градина. Најголема штета е што со влез на Скопје во ЕАЗА, зоолошката ќе беше независна од буџетот на Град Скопје и ќе се градеа нови проекти. ДПМНЕ не можат ниту една зоолошка градина да менаџираат и да ја внесат во ЕАЗА, а камоли да направат нешто повеќе – рече Јанчева.

Скопската Зоолошка градина го изгуби кандидатскиот статус да биде членка на Европската асоцијација на зоолошки градини и аквариуми (ЕАЗА).

По ова реагираше поранешниот директор на Зоолошката, Ѓорѓи Галетановски.

– Не ми е сè уште верно, но ако е вистина ова е крај на сè, сè што се работело од 2007 година досега. Следуваше само уште еден скрининг и ќе бевме членки на ЕАЗА – Европската асоцијација на зоолошки и аквариуми. Нека се живи и здрави животните што се во ЗОО и што ги донесовме, Скопје повеќе нема европска зоолошка – напиша Галетановски на Фејсбук.

Европската асоцијација на зоолошки и аквариуми (ЕАЗА) е еден вид Европска унија за зоолошките градини. Скопската градина беше кандидат за член на ЕАЗА од 2007 година односно за нејзиното членство работеа градоначалниците Трифун Костовски, Коце Трајановски и Петре Шилегов.

Во мандатот на Арсовска за година и половина се сменети тројца директори. Откако во декември 2021 година оставка си даде Ѓорѓи Галетановски кој беше поставен од ексградоначалникот Петре Шилегов, Арсовска за директор го назначи Кристијан Стаменов, син на поранешната директорка Тања Стаменов. Тој за неколку месеци беше сменет бидејќи дозволи колеж на 10 коњи во градината. Потоа, лани во август на негово место беше назначен Драган Илиевски. Во јануари годинава градоначалничката реши Илиевски да го стави за прв човек на ЈП „Водовод и канализација“, па Зоолошката доби трет директор, Зоран Попов. Тој дојде во градината како дел од тимот на Илиевски.

The post СКОПЈЕ СО ДПМНЕ И АРСОВСКА ТОНЕ НА СЕКОЕ ПОЛЕ Скопската зоолошка го изгуби кандидатскиот статус да стане европска, открива Јанчева appeared first on plusinfo.mk.

Сега неофицијално дознаваме дека други членови на работната група, меѓу себе и со претставници на политичките партии, разменуваат нови предлози за тоа како да биде напишана Преамбулата. Во фокусот на тие нови предлози е идејата да се задоволи албанскиот политички фактор, кој инсистира на бришење на формулата „20%“ и целосно изедначување на македонскиот и на албанскиот народ во целиот текст на Уставот, вклучувајќи ја и Преамбулата.

Од што се незадоволни Албанците?

Како што е познато, додека во нормативниот дел на Уставот сите етникуми во земјата се дефинирани како „етнички заедници“, во сегашната Преамбула на Уставот постојат 4 категории:

• македонскиот народ
• дел од албанскиот народ
• турскиот народ, влашкиот народ, српскиот народ, ромскиот народ, бошњачкиот народ (се смета дека она „дел од“ се однесува и на нив)
• другите.

Експерти сметаат дека разликувањето на „македонскиот народ“ од „делови од други народи“ е логично и оправдано, бидејќи Македонија е единствената држава на македонскиот народ, додека сите други народи спомнати во Уставот, во многу поголем број живеат во други држави, кои се всушност нивни „матични“ држави.

Но, ова објаснување може да обнови една стара, подзаборавена полемика меѓу Македонците и Албанците, бидејќи вторите сметаат дека Македонија не е само „матична“ држава на Македонците, туку и нивна. Затоа тие бараат целосно рамноправен статус со Македонците. Оттаму произлегува и формалното барање за бришење на формулата „20% “, која после војната во 2001 година, всушност, на Албанците им обезбеди рамноправен статус во пристапот во образованието, во државната администрација и на други полиња, како и целосна рамноправност на албанскиот јазик.

Иако сега политичките претставници на Албанците себеси се претставуваат како промотор на уставните промени какви што се бараат од ЕУ и од САД, сепак се покажа дека ова прашање нема да биде ставено под маса откако ќе се отвори Уставот.

Дали Бугарите ќе имаат ист статус како и Албанците?

Фрустрацијата на Албанците дополнително ќе биде засилена и поради тоа што новите „делови од народи“ што ќе бидат запишани во Уставот – засега се спомнуваат Бугарите, Хрватите, Црногорците, Египќаните и Евреите – во Преамбулата ќе имаат формално еднаков статус како и Албанците, а веројатно така ќе биде и во нормативниот дел од Уставот во кој се дефинира составот на Комитетот за односи меѓу заедниците.

Факт е дека сега 24,3% Албанци според последниот Попис на населението, во Преамбулата имаат еднаков статус како и 3,86% Турци, 2,53% Роми, 1,3 % Срби, 0,87 % Бошњаци и 0,47% Власи. Ако се усвои почетната идеја списокот на „деловите од народи“ едноставно да се продолжи, тоа ќе значи дека 24,3% Албанци во Преамбулата ќе „тежат“ колку и 0,19% Бугари (3.504 попишани лица), 0,12% Хрвати (2.145), 0,06% Црногорци (1.023), 0,13% Египќани (2.406) и само 66 лица кои се изјасниле како Евреи.

Дополнително, овде треба да се додаде дека на последниот Попис на населението се регистрирани и 4.174 Торбеши (0,23%), 1.187 Муслимани и 455 Муслимани-Македонци. Што со нив? Дали и тие ќе влезат во Преамбулата? И што со 344 Југословени, 303 Руси, 294 Грци итн?

Зошто едноставно, кога може комплицирано

Љубителите на етничкото пребројување би можеле да понудат решение и за овој проблем, дознава Плусинфо. Така, во некои кругови се заговара предлог кој можеби ќе ги задоволи сите, освен Македонците, кои ионака никој не ги прашува, вели наш извор добро упатен во разговорите „на високо ниво“ за оваа болна тема.

Така, во Преамбулата би имало 2 рамноправни народа – македонскиот и албанскиот, 5 етнички заедници кои на последниот попис имале „скор“ поголем од 0,47% од населeнието (значи, веќе спомнатите Турци, Власи, Срби, Роми и Бошњаци) и неколку малцинства – Бугарите и другите кои сакаат да влезат во Уставот.

– Идејата не е целосно оформена, за да може за неа сериозно да се расправа. Но, јасно е дека е мотивирана од потребата да се задоволат амбициите на албанскиот политички фактор. Дури и под претпоставка да се согласиме дека и тоа не е спорно, овој концепт создава нови проблеми, не само за мнозинската етничка заедница, Македонците. Како што гледаме, во овој процес Македонците веќе се „прежалени“. Прашање е, сепак, како би се именувале Турците, Власите, Србите, Ромите и Бошњаците, кои сега веќе имаат формално рамноправен статус со Албанците, барем во Преамбулата. Исто така, големо прашање е дали Бугарите ќе се задоволат да бидат именувани како малцинство – вели изворот на Плусинфо.

Прашањето над сите прашања, секако, е како да се натераат Македонците да ги прифатат уставните измени и како ќе се обезбеди толку потребното двотретинско мнозинство во парламентот. Верувале или не, дури и за тоа постојат неколку „генијални“ идеи. Но, за тоа повеќе во некоја следна прилика…

(ЕКСКЛУЗИВНО) ВО УСТАВОТ ДА ВЛЕЗАТ БУГАРИТЕ, НО ДА ИМА И НОВ НАРАТИВ ЗА МАКЕДОНЦИТЕ И ЗА МАКЕДОНСКИОТ ЈАЗИК? Членови на работната група имаат план за подновување на Преамбулата

The post ВО ПРЕАМБУЛАТА ДА ИМА 2 НАРОДА, 5 ЗАЕДНИЦИ И МНОГУ МАЛЦИНСТВА?! Нови идеи како сите да бидат „среќни“, освен Македонците appeared first on plusinfo.mk.

Нухиу, денеска на брифинг со медиумите, појасни дека тоа што 160 јавни обвинители учествувале на директни избори и тој победил, значи директна демократија.

– Не ја честитав победата на Абази, туку спроведувањето на стандардите од законот, кој беше дел од реформите. Среќен сум што е направен исчекор напред во однос на демократизација на процесот на избор на шеф на ОЈО ГОКК, изјави Нухиу. 

The post НУХИУ СЕ ПРАВДА ЗА СТАТУСОТ НА ФЕЈСБУК Не ја честитав победата на Ислам Абази! appeared first on plusinfo.mk.