Во еден од најимпресивните планински региони во Албанија, регионот Никај-Мертур кај северниот албански град Тропоја, поставена е статуа на Исус Христос. Тоа е прва ваква статуа во Албанија.

Споменикот наликува на славната статуа „Христос Спасителот“ во бразилскиот Рио де Жанеиро, со која Исус Христос е прикажан со раширени раце.

Статуата е направена од Сокол Ндуе Прогни, жител на областа. На церемонијата на откривањето присуствуваа претставници на црквата, жители на областа, како и многу гости од Албанија и од дијаспората.

Иницијативата за поставување на статуата е на локални верници и организации кои сакаат да создадат нова туристичка атракција во северниот дел на земјата.

Локалното население и организаторите веруваат дека ова место ќе стане посакувана туристичка дестинација.

The post ВО АЛБАНИЈА ОТКРИЕНА СТАТУА НА ИСУС ХРИСТОС Локалното население очекува местото да стане туристичка дестинација appeared first on plusinfo.mk.