Јавниот превоз, како клучен дел од одржливиот урбан транспорт во Европската Унија секојдневно го користат 10,7% од населението. Во Македонија околу 7% од луѓето секој ден користат градски автобус, 2,6% меѓуградски автобус и 0,06% воз (вкупно 9,6%). Податоците покажуваат големи регионални разлики и укажуваат дека додека во некои скопски општини околу 19% од граѓаните најчесто користат градскиот автобус, во градовите од внатрешноста главна замена за автомобилот е организираниот превоз.

Околу 10,7% од луѓето од 16 години или постари во Европската Унија користат некаков вид јавен превоз секој ден, додека над половина од луѓето – 51% не користат јавен превоз. Во Македонија над третина од граѓаните најчесто користат автомобил, додека околу 10 проценти од луѓето на возраст од 15 години и повеќе најчесто користат јавен превоз, а дополнително над осум отсто користат организиран превоз.

Најмногу луѓе секојдневно користат јавен превоз во Унгарија(19,6%), Швајцарија (19,2%) и Луксембург (19%). Најмалку користат во Кипар (4,5%), Италија (5,1%) и Словенија (6,2%).

Од земјите во регионот во Албанија 16,8% од луѓето секојдневно користат јавен превоз, Бугарија – 15,3%, Србија 14,8% и Грција 6,7%.

Според податоците на Евростат, во 2024 година, 10,7% од луѓето (16 години или постари) во Европската Унија користеле некаков вид јавен превоз секој ден, 11,6% го користеле секоја недела, 10,0% го користеле секој месец, а 17,1% го користеле помалку од еднаш месечно. Од друга страна, 50,6% не користеле јавен превоз.

Меѓу земјите од ЕУ, уделот на луѓе кои не користеле јавен превоз во 2024 година бил највисок во Кипар, со 85% од населението, по што следуваат Италија (68,0%), Португалија (67,8%), Франција (65,1%), Словенија (61,6%) и Грција (61,3%).

На другиот крај од скалата се Луксембург, каде што 15,7% од луѓето не користеле јавен превоз во 2024 година, Естонија (26,6%) и Шведска (26,7%).

Кога станува збор за луѓе што користат јавен превоз секоја недела, Луксембург регистрира најголем удел, со 23,1% од луѓето што го користат, по што следат Латвија (19,2%) и Естонија (18,2%).

Во Македонија, последниот достапен податок е за 2021 година, кога според податоците од Државниот завод за статистика, над 35% од вкупното работоспособно население на возраст од 15 години и повеќе до работа или училиште користеле автомобил, додека јавен превоз користеле околу десет проценти (градски автобус користат 7%, 2,6% меѓуградски автобус и 0,06% воз).

Дополнително, над 8% до работа или училиште рекле дека користат организиран превоз.

Во Скопје до работа со јавен превоз најчесто патуваат од Шуто Оризари, Ѓорче Петров и Гази Баба, а организираниот превоз го заменува градскиот автобус во Битола, Велес, Кавадарци, Прилеп…

Според податоците за вкупното работоспособно население на возраст од 15 години и повеќе според пол и видот на превозното средство кое најчесто го користи до работа или училиште, објавен со третиот сет податоци од Пописот 2021 година, во Скопје над 42% најчесто до работа или училиште одат со автомобил (38,4 најчесто како возач и 4,1 најчесто како совозач), додека на второ и трето место како најчесто превозно средство се автобус и пеш – по 13%. Само 2% користат организиран превоз, а 1,1% меѓуградски автобус.

Градски автобус најчесто користат во Шуто Оризари – 26%, Ѓорче Петров – 20% и Гази Баба – 19%, а најмалку во Центар – 4% и Карпош – 8%.

Во општина Битола 17% организиран превоз, а јавен превоз користат 7,3% (градски автобус – 4%, меѓуградски автобус – 3,3%)

Во Велес 17% најчесто користат организиран превоз, додека 7 проценти користат јавен превоз – по три проценти градски и меѓуградски автобус и еден процент воз.

Над 19 проценти од граѓаните во Кавадарци и Штип до работа користат организиран превоз, а 6% автобус – по 3% градски и меѓуградски автобус во Кавадарци и 4% градски и 2% меѓуградски во Штип.

Во Прилеп 18% најчесто користат организиран превоз, додека автобус 8% (5% градски и 3% меѓуградски). 

The post САМО 7% ОД ГРАЃАНИТЕ ВО МАКЕДОНИЈА КОРИСТАТ ЈАВЕН ПРЕВОЗ Бројките во соседството и во Европа се малку поинакви appeared first on plusinfo.mk.

Вкупната количина превезена стока во товарниот патен превоз во четвртиот квартал од 2025 година е за 66,7% зголемена во споредба со истиот период 2024 година, информира Министерството за транспорт кое ги коментира податоците на Државниот завод за статистика.

Оттаму велат дека Државната статистика забележува и зголемување на карго превозот преку авиосообраќајот и тоа за 23,7% во четвриот квартал од 2025 година во споредба со истиот период 2024 година. Единствено се забележува намалување на железничкиот превоз за 13,4% и тоа се должи на започнатите инфраструктурни проекти на железничката мрежа долж Коридор 10.

-Во истиот пресметковен период во патничкиот транспорт превезени се вкупно 925.000 патници, додека во воздухопловниот превоз регистрирани се 889.153 патници што покажува засилен раст како резултат на политиките за финансиска поддршка што ги спроведува Министерството за транспорт за воведување на нови авиолинии. Најмногу од патниците во делот на авиосообраќајот се превезени преку редовни авиолинии, а раст се забележува и кај чартер летовите- вели министерот за транспорт и врски Александар Николоски.

Според министерството, единствено намалување во четвриот квартал од 2025 година има во железнички превоз на патници и тоа според статистиката превезени се 34.000 патници.

The post СТАТИСТИКАТА ПОТВРДИ ГОЛЕМ РАСТ НА ПРЕВЕЗЕНАТА СТОКА ВО ТОВАРНИОТ СООБРАЌАЈ Државната поддршка и новите авиолинии го зголемија и превозот на патници во авиосoобраќајот appeared first on plusinfo.mk.

Во ноември 2025 година, во однос на истиот месец од претходната година, реалната стапка на прометот во трговијата на мало со храна, пијалаци и тутун е зголемена за 6,5%, објави Државниот завод за статистика.

Гледано по групи и класи, стапката на прометот во групите: трговија на мало со храна, пијалаци и тутун номинално е зголемена за 13,7 %, а реално за 6,5%, во трговијата на мало со непрехранбени продукти, освен гориво, номинално е зголемена за 5,6 %, а реално за 1,5%,

Прометот во трговија на мало, освен трговија со горива, пак, во истиот период номинално е зголемена за 9,5%, а реално за 3,9 %.

Прометот на трговија на мало со автомобилски горива реално опаѓа за 5,7 %, а номинално за 6,9 %.

The post ПРОМЕТОТ НА ТРГОВИЈАТА СО ХРАНА Е ЗГОЛЕМЕН ЗА 6,5% Но, прометот со горива бележи пад од 5,7% appeared first on plusinfo.mk.

Во  јули 2025 година се издадени 401 одобрение за градење, што е за 7,2 % повеќе во однос на истиот месец од претходната година.

Според издадените одобренија за градење, предвидената вредност на објектите изнесува 31.699.433.000 денари (515,4 милиони евра), што е за  345,3% повеќе во однос на истиот месец од претходната година.

Зголемената вредност се должи на фактот дека во референтниот период е издадено одобрение за градба за ветерен парк кој го гради компанијата „Алказар енерџи“ во општините Штип, Радовиш и Карбинци, кој е со вредност од 500 милиони евра и се смета за најголем на Балканот. Изградбата на паркот почна во јули, а се подигнат 53 ветереници, кои годишно ќе произведуваат 400 мегавати електрична енергија, доволна за потребите на 100.000 домаќинства.

Од вкупниот број издадени одобренија за градење, 228 се наменети за објекти од високоградба, 46 за објекти од нискоградба и 127 за објекти за реконструкција.

Во Полошкиот Регион се издадени најмногу одобренија за градење, 134.

Од вкупно 401 објект, на 232 како инвеститори се јавуваат физички лица, а на 169 објекти инвеститори се деловни субјекти.

Во извештајниот период е предвидена изградба на 667 станови со вкупна корисна површина од 60.676 м2.

The post РАСТ ОД 7,2% НА ОДОБРЕНИЈАТА ЗА ГРАДБА ВО ЈУЛИ Одобрение за градба добил и ветерниот парк на „Алказар енерџи“ во Штип appeared first on plusinfo.mk.

Бројот на работниците во индустријата е намален за 3,8% во јули 2025 во однос на истиот месец лани, објави државниот завод за статистика.

Во секторот „рударство и вадење на камен“ намалувањето е за  2,4%, во „преработувачка индустрија за 4%, додека во секторот „снабдување со електрична енергија, гас, пареа и климатизација“ за 0.5 %.

Во индустријата најголем раст на бројот на вработени има во секторот „производство на машини и уреди,
неспомeнати на друго место“ од 11,2% и тутунската индустрија со раст од 8,1%.

Најголемо опаѓање на бројот на работници, пак, има  во кожарскиот сектор од 12,8% и секорот „производство на моторни возила, приколки и полуприколки“од 11,1%

Бројот на работниците во индустријата во периодот јануари – јули 2025 година, во однос на периодот јануари – јули 2024 година, се намалил за 4%.

The post ВО ЈУЛИ 3,8% ОД РАБОТНИЦИТЕ ЈА НАПУШТИЛЕ ИНДУСТРИЈАТА Најголем одлив е забележан во кожарската и во автомобилската индустрија appeared first on plusinfo.mk.

Гледано по сектори, индустриското производство во секторот „рударство и вадење на камен“ во декември 2024 година, во однос на декември 2023 година, бележи опаѓање од 10%, во секторот „преработувачка индустрија“ бележи опаѓање од 1,1 %, а во секторот „снабдување со електрична енергија, гас, пареа и климатизација“ пораст од 5,7 %.

Намалувањето во секторот преработувачка индустрија е резултат, пред сѐ, на намаленото производство во следните оддели: Производство на текстил, Производство на облека, Производство на хартија и производи од хартија, Производство на производи од гума и производи од пластични маси, Производство на други неметални минерални производи, Производство на машини и уреди, неспоменати на друго место, Производство на моторни возила, приколки и полуприколки и Производство на мебел.

Според главните индустриски групи, производството во декември 2024 година, во однос на декември 2023 година, бележи опаѓање кај „капитални производи“ за 20,1 %, додека пораст бележи кај „енергија“ за 2,4 %, „интермедијарни производи, освен енергија“ за 3,7 %, „трајни производи за широка потрошувачка“ за 14,7 % и „нетрајни производи за широка потрошувачка“ за 4,9 %.

The post ИНДУСТРИСКОТО ПРОИЗВОДСТВО ЛАНИ СЕ НАМАЛИЛО ЗА 5,3% Највисок пад е забележан во рударството appeared first on plusinfo.mk.

Бројот на ноќевањата во јули изнесува 742. 970, од кои 71,4 % се од домашните туристи, а 28,6 % од странските.

Во периодот јануари – јули 2023 година, во однос на истиот период од претходната година, бројот на туристите е зголемен за 25,3 %. Кај домашните туристи има зголемување за 1,2 %, а кај странските за 44 %.

Бројот на ноќевањата, пак, во периодот јануари – јули годинава, во споредба со лани, е зголемен за 12,4 %, и тоа кај домашните туристи за 0,7 %, а кај странските за 28,4 %.

The post РАСТЕ БРОЈОТ НА СТРАНСКИТЕ ТУРИСТИ Во јули во земјава престојувале повеќе од 100.000 appeared first on plusinfo.mk.

Државниот завод за статистика вчера објави дека во првите три месеци од годинава споредено со истиот период лани откупот и продажбата на земјоделски производи се намалени за 35,3%. Притоа кај откупот на земјоделски производи од индивидуалните производители е забележано намалување за 58,7%, додека кај продажбата на земјоделски производи од сопствено производство e забележано зголемување за 21%. Значително намалување е забележано кај полјоделството, рибата и другите производи, а кај останатите производи е забележано зголемување.

Ристо Велков од Сојузот на земјоделци од Струмичко вели дека ваквите резултати само го потврдуваат она што земјоделците со години го кажуваат.

– Земјоделското производство се соочува со високи трошоци, а многу ниски откупни цени на производот што го чинат производството недоходовно. Дополнително и климатските промени земаат данок на земјоделското производство. Сето тоа влијае сѐ помалку од површините да бидат засадени со раноградинарски култури, бидејќи земјоделците не можат да се справат со трошоците. Репроматеријалите се скапи, а со цената што ја добиваат не можат да опстанат. Младите се иселија, а на нивните работат стари земјоделци кои полека се откажуваат од производството – вели Велков.

Тој вели дека поради проблемите со откупот на производите сѐ побројни се земјоделците кои се обидуваат да го продадат својот производ сами на пазарите. Истовремено и самите граѓани се насочуваат кон купување поголеми количини храна од ним познати производители. Така се сигурни дека не јадат „тетовско“ гравче од Аргентина.

И претседателот на комисијата за земјоделство на ВМРО-ДПМНЕ Цветан Трипуновски вели дека актуелните состојби во земјоделството се отсликуваат во податоците на Државниот завод на статистика.

– Отсуството на менаџирање на откупот во последните години и манипулациите што ги прават откупувачите, прават земјоделците сѐ помалку да произведуваат или да се обидуваат самите да го пласираат производството како знаат и умеат. Низ земјата сѐ повеќе можат да се видат ниви кои не се обработуваат. Земјава наредните години може да се соочи и со недостиг на храна и целосен увоз на земјоделски производи – вели Трипуновски.

Според него, земјоделците се обидуваат ниската откупна цена на производите да ја заменат со тоа што самите ќе се обидат да го пласираат производството, не само во земјата на зелените пазари, туку во странство.

– Да ја земеме пченицата за пример. Очекувањата се дека ќе имаме годинава зголемено производство, а откупната цена нема да ја достигне ланската, бидејќи мелничарите и државните стокови резерви се наполнија со увозно брашно. Се очекува мелничарите да речат дека немаат потреба од откуп на новата реколта. Тоа што ќе значи за земјоделците, дека ќе треба да ја предадат за ниска откупна цена пченицата или да се откажат од производство веќе наредната година. Според тоа, ако не се преземе нешто следната година може да имаме недостиг на оваа култура и на други поради отсуството на соодветна откупна политика – вели тој.

Трипуновски додава дека колку и да се обидуваме да ги скриеме лошите состојби во земјоделството, податоците ја откриваат вистината.

The post СЀ ПОВЕЌЕ НЕИЗОРАНИ НИВИ Од земја со највкусна храна дојдовме на дереџе да јадеме „тетовско“ гравче од Аргентина appeared first on plusinfo.mk.

Секој поединец во земјава, според Извештајот за индексот на фрлена храна на ОН, во просек фрла околу 83 килограми храна годишно. Процените се дека фрламе меѓу 10 и 12 илјади тони храна со кои може да се обезбедат по три оброка дневно за 26.000 граѓани, а вкупните вишоци надминуваат 100.000 тони.

Според податоците на Обединетите нации, околу милијарда тони храна во светот секоја година завршуваат во ѓубре. Дури една третина од целата храна произведена на глобално ниво се губи или се фрла. Околу 61 отсто од храната која се фрла е од домаќинствата, 28 проценти од ресторани и 13 од маркети.

Храната што се фрла и се троши залудно е повеќе од доволна за да се нахранат сите гладни во светот. Според податоците на Светската здравствена организација и на Агенцијата за храна и земјоделство на ОН (ФАО), од глад или болести поврзани со недостиг на храна, годишно во светот умираат 9 милиони луѓе, од кои една третина се деца, а половината се под петгодишна возраст.

Со тешкотии во пристапот до храна или потхранетост се соочуваат 860 милиони луѓе во светот, пред сè во Африка и во Азија. Две милијарди имаат недостиг на витамини и минерали, а милиони деца страдаат од смртоносни форми на недоволна исхранетост.

The post СРАМЕН „УСПЕХ“ НА ЗЕМЈАВА НА УШТЕ ЕДНА РАНГ ЛИСТА Македонија осма во светот според количината фрлена храна appeared first on plusinfo.mk.

Најголемо учество во вкупниот број случаи на насилна смрт, имаат несреќните случаи со 70,5 отсто, самоубиствата со 24 отсто и убиствата со 5,5 отсто.

Во категоријата несреќни случаи на прво место се умрените лица од „други надворешни причини“ за случајна повреда, со учество од 43,2 отсто во однос на вкупниот број случаи од насилна смрт.

Кај категоријата самоубиства на прво место се случаите кај кои смртта настапила поради бесење, странгулација и суфокација со учество од 16,7 отсто во однос на вкупниот број случаи од насилна смрт.

Во категоријата убиства на прво место се случаите кај кои смртта настапила поради обид за нанесување телесна повреда на неозначен начин со 3 отсто во однос на вкупниот број случаи од насилна смрт.

The post Црна статистика: Лани насилно починале 438 лица, најмногу во несреќи appeared first on plusinfo.mk.