Јавноста е во шок по веста за затворањето на два старски дома во Скопје откако било утврдено дека во нив имало суров, деградирачки, нечовечки и понижувачки третман на стари лица за кои нивните семејства плаќале услуга за вонсемејно домување. МВР поднесе кривична пријава против Н.Ј.(47) и Т.И. (58), кои управувале во двата дома, а двете осомничени од вчера се во притвор.

Јавното обвинителството откри дека во двата дома во Центар и во Бутел, на штитениците им била давана храна со поминат рок, спиеле на тросед, или по двајца во единечен кревет, некои биле заклучувани во посебни простории, им биле давани лекови кои не биле препишани од лекар.

Уценети и немоќни – искуства на граѓаните

На социјалните мрежи граѓаните споделуваат разни искуства од услугите во старските домови низ земјава. За жал, многумина сведочат за нетранспарентни односи од страна на домовите и бараат инспекција да утврди дали секаде се почитуваат стандардите за работа.

– Во двата дома директорката е иста личност. Кога разговаравме со неа за сместување на старо лице, инсистираше разговорот да биде надвор, без да ни дозволи да видиме како изгледа внатре. На прашањето зошто не може да се погледнат условите, нејзиниот одговор беше: „Што има да се проверува, кога цената и така е пониска од другите приватни домови.“ Таков однос остава впечаток како да оставаш вреќа компири на чување, а не човек што заслужува грижа и достоинство – сведочи граѓанка на социјалните мрежи.

Граѓани пишуваат и дека се сомневале во матни зделки, па и во кражби на предмети и облека што им припаѓале на корисниците.

– Инвалидската количка што ни ја додели Социјално ја земавме од „Славеј“, ја однесовме во домот и повеќе не ја видовме. Кога бурно реагирав неколку пати, донесоа количка на која пишуваше друга фирма. Ги продаваат новите колички на фирма со која се врзани. Можам да пишувам до утре за хоророт низ кој поминавме за еден многу краток период. Јас сакав уште во март да ги пријавам ама кој мене ќе ми верува. Што е потрагично таму ја однесовме мајка ми по препорака како дом кој се грижи за своите штитеници – сведочи скопјанка.

Друга вели:

– Свекрва ми уште првиот ден остана без бурмата, а во наредните денови те тренерки, те блузи, сѐ беше измешано и туѓо. Ја шишале, и веѓите ѝ ги потстрижале, па плачеше. Којзнае што сѐ прават, затоа и не дозволуваат да се влегува во просториите.

Пренесуваме и сведоштво на жена чија мајка со деменција била сместена во старски дом.

– Мајка ми со деменција, беше сместена во еден од тие домови и плаќавме по 500 евра месечно, но се сомневав во една од сестрите дека лошо се однесува кон мајка ми, зашто дури и пред нас покажуваше нетрпение. За да не ѝ направат нешто, си молчевме. Рацете ѝ беа модри од врзување, а тие ни велеа дека мора да се врзува оти има деменција. Ова се случуваше од 2016 до 2018 година во дом за стари лица во Скопје. Што можеме, немоќни да докажеме. Во тоа време многу домови не примаа стари со ваква болест – сведочи таа.

Каде гледале инспекторите?

Граѓаните се прашуваат дали воопшто се правеле редовни инспекции во овие институции и како не биле забележани никакви пропусти, особено претрупаноста од луѓе.

Во домот во Бутел биле сместени 27 корисници, иако имало дозвола само за 21 лице, а во установата во Центар биле сместени 33 корисници, иако имале дозвола само за 17 лица.

-А каде биле службите да прават контрола како се сместени корисниците, условите во кои живееле и негата што ја добивале? Сега да им ги вратат парите на овие корисници кои ги плаќале за ваков третман и нормално затворски казни за сопствениците и одговорните лица во домовите – пишува граѓанин на социјалните мрежи.

Од Министерството за социјална политика, демографија и млади велат дека инспекциската служба врши редовни, вонредни и контролни инспекциски надзори согласно донесена Годишна програма.

– Контролите се вршат во согласност со Законот за социјална заштита и подзаконските акти донесени врз негова основа, а се однесуваат на исполнувањето на нормативите и стандардите за простор, опрема и кадри потребни за непречено функционирање на установата и грижа за старите лица – велат од Министерството.

Поради затворањето на двата старски дома, вчера биле повикани семејствата да си ги земат штитениците.

Министерството за социјална политика денеска информира дека дел од старите лица се сместени кај нивните семејства, а дел се во државните домови за стари.

Во моментов во Македонија функционираат 5 јавни установи за вонсемејна заштита на стари лица со сместувачки капацитет од 654 корисници. Од Министерството за социјална политика, демографија и млади не соопштија колкав е вкупниот капацитет на приватните домови и колку луѓе се сместени во нив.

ПО ДВАЈЦА СПИЕЛЕ ВО ИСТ КРЕВЕТ, ИМ ДАВАЛЕ ХРАНА СО ИЗМИНАТ РОК И ЛЕКОВИ НА СВОЈА РАКА Две газдарици на старски домови трупале стари лица ама и по 36.000 евра месечно

СЕМЕЈСТВАТА И ДРЖАВАТА ГИ ЗГРИЖИЈА СТАРИТЕ ЛИЦА ОД ЗАТВОРЕНИТЕ СТАРСКИ ДОМОВИ Оние кои имаат потреба се лекуваат на скопските клиники

The post РАЦЕ МОДРИ ОД ВРЗУВАЊЕ, УКРАДЕНА БУРМА, ИЗБРИЧЕНИ ВЕЃИ… Што сѐ се случува зад затворените врати на старските домови? appeared first on plusinfo.mk.

Избил пожар во старечкиот дом во селото Чемерско, во општина Кавадарци. Од Центарот за управување со кризи (ЦУК) велат дека во моментов 10 пожарникари со 3 протипожарни возила интервенираат за да се изгасне пожарот.

На терен има уште 3 медицински тима и 2 полициски возила со 7 полицајци. Во меѓувреме се евакуираат 30 лица кои се сместени во старечкиот дом со 2 мини возила (минибуси).

– Нема жртва, тоа е најбитно. Приоритет беше да се извлечат на безбедно сите лица што престојуваат во домот. Имаме пратено два минибуса, пет амбулантни возила и ќе се транспортираат сите до Општата болница Кавадарци, од каде што семејствата ќе можат да си ги земат – рече градоначалникот на Кавадарци, Митко Јанчев. 

Од ЦУК исто така соопштија дека нема податоци за настрадани лица. Меѓу сместените лица во домот петмина се неподвижни. Градоначалникот на Кавадарци ќе побара од Итната медицинска помош од Неготино да испрати возило на испомош, додаваат од ЦУК.

Според првите информации, прво се запалил оџакот, а од него кровот на домот.

Сите лица што биле смесетени во домот се живи и безбедно се извлечени од објектот. Тие ќе бидат евакуирани во Општата болница во Кавадарци. Во моментот има потреба од дополнителни возила од Итната помош од Велес за транспорт на лицата коишто се неподвижни во лежечка положба.

The post ПОЖАР ВО СТАРСКИ ДОМ ВО КАВАДАРЕЧКО Безбедно се евакуирaни 30 лица од кои петмина се неподвижни appeared first on plusinfo.mk.

Министерот Златко Перински и амбасадорката Вероник Улман, заедно со градоначалникот на Берово, Звонко Пекевски, како и градоначалниицте на Македонска Каменица, Виница и Зрновци, Димчо Атанасовски, Миле Петков и Борчо Коцев, го посетија Домот со што и официјално се означи имплементацијата на проектот вреден 23 милиони денари.

Директорката на установата, Живка Бојчовска Каламадевска, објасни дека со поддршка на проектот се обезбедени услови за дополнително сместување на уште 28 стари лица со што се сега вкупниот капацитет ќе биде 67 лица. Извршено е и хортикултурно уредување на просторот, купен е потребниот мебел, имплементиран е централен систем за греење и вентилација, а во тек е и набавка на 14 таблети, опрема за чајна кујна, фрижидери и перална. Извршено е и партнерно уредување околу објектот.

– Покрај сместување, нега, медицинска грижа, на корисниците на Домот секојдневно им организираме и разни активности на различни теми, славиме родендени, празници и се грижиме за нивното расположение. Ние и понатаму ќе продолжиме да се трудиме да им го олесниме животот на нашите корисници и да бидат среќни и задоволни. Со гордост можам да кажам дека овој дом е едно големо семејство во кое владее љубов, среќа и хармонија – истакна директорката Бојчовска Каламадевска, која од свое и од името на станарите на Домот се заблагодари на Министерството за локална самоуправа и Владата на Швајцарија за финансиската поддршка за имплементацијата на проектот.

Голема благодарност изрази и градоначалникот на Берово, Звонко Пекевски, кој истакна дека Домот за стари лица во Берово е единствената установа од ваков тип во регионот и затоа проширувањето на капацитетите е од големо значење, бидејќи потребата од  услуги за згрижување постојано расте.

– Многу ми е драго што по втор пат сум денеска овде во Домот во кој благодарение на партнерството со Министерството за локална самоуправа, градоначалниците од регионот и Центарот за развој на Источниот плански регион, сите заедно го продолжуваме проектот чија прва фаза беше реализирана во 2020 година, кога обезбедивме услови за сместување на 10 лица, а сега заедно со оваа фаза придонесовме вкупно за 38 нови места – истакна амбасадорката Улман, која се надева дека соработката ќе продолжи и во иднина, со оглед на потребата од ваков тип на објекти во регионот.

– Ова е уште еден успешно реализиран проект со кој ја покажуваме нашата посветеност и грижа за сите граѓани, без разлика на нивната возраст. Со инвестирањето во вакви проекти, ние инвестираме не само во подобрување на инфраструктурата, туку и во квалитетот на живот на возрасните лица на кои им овозможуваме да го поминуваат секојдневието во безгрижност и достоинство. Со поддршка на Владата на Швајцарија, успеавме да создадеме услови за третман, нега и социјализација по сите пропишани стандарди. Преку оваа инвестиција, ги зајакнавме капацитетите на установата, во неа секој да може да се чувствува сигурно, почитувано и, пред сè, како рамноправен дел од општеството. Ова е показател дека се грижиме за сите генерации и дека никој не е заборавен. Грижата за возрасните е од витално значење за развојот на едно хумано општество. При денешната посета на Домот, видов дека корисниците овде се чувствуваат како дома, што е најголемиот доказ за успешноста на овој проект. Им посакувам долг и безгрижен живот, исполнет со топлина, внимание и почит – изјави министерот Перински.

За оправданоста на проектот и придобивките од него, зборуваше и директорката на Центарот за развој на Источниот регион, Зујица Ангелова, која истакна дека тој во голема мера ќе придонесе за жителите на регионот со оглед на тоа дека таму процентот на возрасното население е високо над државниот просек.

– Објекти од ваков тип кои пружаат соодветни услови за престој на возрасните лица, соодветна грижа, медицинска нега и социјална инклузија се добредојдени за Берово и околината. Овој проект е пример за успешна соработка помеѓу централната и локалната власт кои со поддршка на странскиот донатор овозможија Домот да добие услови за престој по сите стандарди – истакна директорката на ЦРИПР, Ангелова.

Министерството за локална самоуправа го поддржа проектот со 11 милиони денари, 9 милиони денари се средства обезбедени од Владата на Швајцарија, а со околу 3 милиони денари учествуваше Општина Берово.

The post ЗГОЛЕМЕН КАПАЦИТЕТОТ НА ДОМОТ ЗА СТАРИ ЛИЦА ВО БЕРОВО Подобрени се условите за престој appeared first on plusinfo.mk.

Таа тогаш зборувала со келнерка во домот.

Слегина е обвинета за дискредитација на руските вооружени сили и треба да плати 40.000 рубљи.

Зборувајќи за Зеленски, Слегина рекла и дека „сите се смееле на неговите шеги“, што во полиција го пријавиле уште тројца посетители на кафулето. Во досието стои дека полицаецот кој ја уапсил пензионерката ѝ рекол: „Немате право да го фалите бидејќи тој е наш непријател“.

Исто така се наведува дека Слегина, која има проблеми со видот, исто така била измамена да потпише изјава во која се тврди дека извикувала „Слава Украина“.

Повеќе од 20.000 луѓе, вклучително и деца, беа уапсени во Русија поради протести против војната.

Во Русија, „дискрредитирањето“ на војската претходно беше казниво до пет години затвор, додека свесно ширење лажни информации за тоа може да резултира со 15-годишна затворска казна. Володин претстави амандмани на законот за кои рече дека ќе донесат максимални казни од 15 години затвор за двете кривични дела, пренесува Индипендент .

Да потсетиме, Зеленски изгради кариера како комичар пред да влезе во политиката и да победи на претседателските избори во 2019 година.

Тој настапуваше на руската државна телевизија, вклучително и на новогодишно шоу во 2013 година, пред Русија да ја анектира украинската територија на Крим следната година.

The post КАЗНИЛЕ БАБА ЗАТОА ШТО РЕКЛА ДЕКА ЗЕЛЕНСКИ Е ЗГОДЕН 70-годишната Русинка треба да плати 40.000 рубљи за муабет во старски дом appeared first on plusinfo.mk.

Одговорниот од домот за стари лица, свештеникот Георгиос Милкас рече дека сите 15 заразени се на возраст од околу 80 години имаат благи симптоми и се хоспитализирани во три солунски болници, додека пак седумтемина вработени се во домашна изолација.

Во конкретниот дом има вкупно 75 лица, од кои 45 згрижени стари лица, а останатите се персонал.

Ова е втор случај на ширење на коронавирусот во дом за стари лица во Солун во период од една седмица, откако минатиот вторник беа потврдени 36 позитивни случаи на ковид-19, а починаа шестмина од заразените.

The post Во дом за стари лица во Солун потврдени 22 случаи на ковид-19 appeared first on plusinfo.mk.

Тиодоровиќ кажа дека во тек е пренесување на пациентите во Клиничкиот центар Ниш, додавајќи дека во изминатите два дена се хоспитализирани и 151 корисник на Геронтолошкиот центар во Ниш.

– Сите пациенти во моментов се добро. За жал, двајца корисници на Геронтолошкиот центар во Ниш починаа пред да се потврди присуството на вирусот во установата. Тоа беа стари лица со хронични заболувања – изјави Тиодоровиќ за РТС.

Според него, најголем проблем за здравствените работници ќе биде пренесувањето во Клиничкиот центар во Ниш на лица со посебни потреби од домовите за возрасни во Кулин и во Блаце.

Медимите пренесуваат дека и во Домот за стари лица во Смедерево се евидентирани 24 случаи на заразени лица, каде досега три мажи и три жени починале.

Заменик директорот на Институтот Батут, Дарија Кисиќ Тепавчевиќ, во вторникот изјави дека е потврден коронавирус и кај повеќе од 40 пациенти на Специјалната болница за психијатриски болести во Топоница.

Таа вчера на прес конференцијата на владиниот кризен штаб изјави дека во установите за социјална заштита и старечките домови во Србија, вкупно 208 лица се позитивни на вирусот и 30 вработени.

– Епидемиолошката линија, со оглед на вчерашниот и денешен зголемен број на заразени и починати, и покрај превземените мерки, како и поединечните случаи (Геронтолошкиот центар во Ниш), говорат дека епидемијата од ден на ден може да се менува – кажа Кисиќ, додавајќи дека „ова не го очекувале и дека ова е предупредување поради кое не смее да се опуштиме.“

The post  Уште 33 заразени со коронавирусот во старечки дом во Ниш appeared first on plusinfo.mk.

The post Персоналот избегал, починале 31 лице во старски дом – тежок удар за Канада appeared first on plusinfo.mk.

Повеќе корисници во Домот за стари лица „Сју Рајдер“ во Битола се тестираaт за ковид-19, откако 86-годишен пациент е позитивен на коронавирусот.

Заразениот пациент е хоспитализиран на Инфективното одделение во битолската болница на 4 април, поради зголемена темпераура. Тој бил примен во домот на 18 март, а како што јави ТВ Телма, најверојатно веќе бил заразен затоа што неговата внука неодамна се вратила од Германија, и при приемот во домот не му била направена епидемиолошка анкета.

Земени се брисеви од пациентите од две лица што делеле соба со заболениот, како и од околните соби на катот каде што било сместено ова лице, а персоналот кој бил на работа тој ден е испратен на домашна изолација и се донесени други вработени по систем на ротација. Дадени се и препораки за темелно чистење  на објектот.

Во Старскиот дом во Битола има вкупно 154 корисници и 34 вработени, од кои 8 се во домашна изолација.

The post Заразен пациент во старски дом во Битола, цимерите се тестираат, вработените во изолација appeared first on plusinfo.mk.