Шансите италијанскиот фудбалски гигант Јувентус да избори место во Лигата на шампиони следната сезона се сведоа на минимум, откако судот синоќа го казни со одземање десет бодови поради финансиски малверзации, а само неколку часа подоцна клубот од Торино претрпе висок пораз на гостувањето кај Емполи (1-4).

На две кола до крајот на сезоната во Серија А, Јувентус сега е седмопласиран на табелата со 59 бодови, пет помалку од Милан на четвртото место кое обезбедува настап во Лигата на шампиони.

На Јувентус првично му беа одземени 15 бодови поради финансиски малверзации, а откако клубот поднесе жалба бодовите му беа вратени до завршување на новата постапка.

Жалбениот суд на Фудбалската федерација на Италија синоќа ја соопшти конечната одлука и со одземените десет бодови ги искомплицира шансите на Јувентус за место во Лигата на шампиони.

Во претпоследното коло Јувентус ќе му биде домаќин на Милан.

The post ЈУВЕНТУС ЌЕ ИГРА ВО ЛИГАТА НА ШАМПИОНИ, АМА САМО НА ПЛЕЈСТЕЈШН Старата дама е казнета со 10 бодови appeared first on plusinfo.mk.

Европската фудбалска федерација (УЕФА) објави денеска на својот официјален сајт дека отворила истрага против италијанскиот гигант Јувентус.

Овој чекор на УЕФА доаѓа откако пред неколку денови Фудбалската федерација на Италија почна истрага по обвинувањата за финансиски малверзации поврзани со плати на фудбалерите на Јувентус во текот на 2020 и 2021 година.

Клупското раководство, предводено од претседателот Андреа Ањели, на почетокот на оваа недела поднесе колективна оставка и во моментов на чело на Јувентус е ревизорот Џанлука Фереро, кој според италијанските медиуми би можел подобро да се снајде со сите финансиски и правни проблеми во кои повторно се најде клубот од Торино.

Италијанските медиуми претходно објавија дека Јувентус би можел да се соочи со драконски казни доколку со истрагата се утврди незаконско работење на досегашното клупско раководство.

The post НА „СТАРАТА ДАМА“ Ѝ СЕ ТРЕСАТ НОЗЕТЕ Отворена е истрага против Јувентус, некој ќе лежи в затвор appeared first on plusinfo.mk.

Клубовите интензивно преговараа два дена, за на крајот „виолетовите“ да ја прифатат вкупната понуда во висина од 75 милиони евра. Од оваа сума, Јувентус ќе плати 67 милиони евра за самиот потпис (исплатен на четири години рати), а остатокот ќе биде доплатен доколку се активираат неколку клаузули врзани со број на настапи, постигнати голови и освоени трофеи на Србинот во дресот на „старата дама“.

Со ангажманот на Влаховиќ, челниците на Јувентус ќе го решат огромниот проблем со линијата на нападот, во ситуација кога Мората и Кеан се далеку од топ-форма, а Дибала е во војна со управата и би можел летово да си замине без никаква отштета.

Италијанските медиуми јавуват дека „старата дама“ не планира да застане, туку да ангажира уште најмалку едно засилување до крајот на овој преоден рок. Приоритет е ангажманот на Нандез од Калјари, кој може да игра и како класичен плејмејкер, но по потреба и како крилен офанзивец. Доколку Нандез пристигне во Јуве, тогаш управата на италијанскиот гигант ќе даде зелено светло за преселба на Артур во Арсенал.

The post „СТАРАТА ДАМА“ ПЛАЌА 75 МИЛИОНИ ЗА СРБИНОТ Влаховиќ се сели во Торино appeared first on plusinfo.mk.