Од август 2025 година стапката на противцикличниот заштитен слој на капиталот за изложеностите на банките( резервен капитал во случај на ризик) ќе изнесува 1,75%, одлучи Народна банка по редовната квартална оцена на системските ризици и последните расположливи податоци.

Тоа е зголемување на оваа стапка за дополнителни 0,25 процентни поени.  Стапката, пак,  на противцикличниот заштитен слој на капиталот којашто ќе се применува во јули 2025 година се задржува на нивото од 1,5%, како и во претходниот квартал.

Според НБ, зголемувањето на стапката на противцикличниот заштитен слој на капиталот до 1,75% има превентивен карактер и ќе придонесе кон натамошно јакнење на сопствените средства на банките, а со тоа и јакнење на нивната отпорност.

„Оваа одлука ќе придонесе за натамошно јакнење на отпорноста на банкарскиот систем, додека сѐ уште постојат ризици во домашната и светската економија. Одлуката се заснова врз оцената дека сѐ уште постојат неизвесности од окружувањето, во услови на сигурен и стабилен банкарски систем, со подобрена солвентност и соодветно ниво на ликвидност, како и ниско системско остварување на кредитниот ризик. Профитабилноста на банките, иако поумерено, и понатаму се зголемува и претставува основа за натамошно јакнење на нивната  солвентност. Со оваа одлука дополнително се зајакнува и претпазливоста на монетарната политика“, се наведува во соопштението.

Од НБ додаваат и дека јакнењето на сопствените средства на банките  е предуслов и за соодветна кредитна поддршка на граѓаните и на компаниите.

Заштитните слоеви на капиталот се инструменти на Народна банка, чијашто основна намена е зајакнување на солвентната позиција на банките и нивна поголема отпорност на непредвидени загуби во работењето. На тој начин се зајакнува и стабилноста и сигурноста на банкарскиот систем, но и на целокупниот финансиски систем.

Противцикличниот заштитен слој на капиталот е наменет за заштита на банките од ризиците од промените во кредитниот циклус. Овој заштитен слој се воведува или се зголемува во периоди на значаен кредитен раст, а се намалува или се ослободува во периодите кога ќе се промени кредитниот циклус. Имено, во услови на висок кредитен раст, за банките се воведува обврската да го зголемуваат нивото на капитал со кое располагаат. Ваквата обврска, од една страна ја подобрува способноста на банките за покривање на кредитните загуби коишто можат да произлезат од високиот кредитен раст, а од друга страна, влијае и кон намалување на висината на тој раст, бидејќи ги зголемува трошоците на кредитирањето.

The post НАРОДНА БАНКА ГИ ЗАОСТРУВА МЕРКИТЕ КОН БАНКИТЕ Од следната година банките ќе треба да го зголемат резервниот капитал за 1,75% appeared first on plusinfo.mk.

Најмалку 35 лица се убиени во масовно пукање во градинка во Тајланд, соопшти полицијата. Меѓу загинатите има деца и возрасни, а како што пишува Ројтерс, напаѓачот се самоубил.

Десетици крвави тела биле расфрлани на подот пред училницата во која биле децата, пишува Дејли мејл.

Полицијата го именуваше осомничениот како Панџу Камрап, кој наводно бил отпуштен од полицијата во минатата година откако паднал на тестот за дрога. По масакрот побегнал со бел пик-ап Виго со четири врати, а браникот му паднал додека бегал.

Масакрот се случи во Нонг Буа Ламфу, на североистокот на оваа југоисточна азиска земја. Како што подоцна се дознало, напаѓачот освен децата и возрасните во градинката ги убил и сопругата и детето, а потоа се самоубил.

At least 32 people, many of them children, were killed by an ex-policeman raiding a child care centre in Na Klang district of Nong Bua Lamphu. The suspect is on the run. #BangkokPost #Thailand pic.twitter.com/7oHyjmkkzR

— rajni singh (@imrajni_singh) October 6, 2022

Пред напаѓачот да се самоубие, премиерот ги предупреди сите агенции да преземат мерки и да го уапсат сторителот.

Стапката на поседување оружје во Тајланд е висока во споредба со некои други земји во регионот, но официјалните бројки не го вклучуваат огромниот број на нелегално оружје, од кои многу беа донесени преку порозните граници во текот на годините од соседите разрушени од конфликти.

Prime Minister General Prayut Chan-ocha ordered a manhunt for the shooter who is still at run.
Mass #shooting at a #childcare centre in #Thailand’s northeastern province of Nong Bua Lam Phu. Initial reports indicate 38 people killed, mostly children.#กราดยิง #กราดยิงหนองบัวลำภู pic.twitter.com/RujWGuS5bn

— Chaudhary Parvez (@ChaudharyParvez) October 6, 2022

The post МАСАКР ВО ТАЈЛАНДСКА ГРАДИНКА Екс-полицаец убил 35 лица, повеќето деца (ВИДЕО) appeared first on plusinfo.mk.

Растот на инфлацијата во земјата започна минатата есен, кога лирата нагло падна, откако централната банка постепено ја намали клучната каматна стапка за 500 базични поени, на 14 отсто во циклус на монетарно ублажување што го бараше претседателот Реџеп Тајип Ердоган.

На месечно ниво, потрошувачките цени во јули пораснаа за 2,37 отсто, објави турскиот Завод за статистика. Се предвидуваше дека на годишно ниво, инфлацијата на потрошувачките цени во јули ќе изнесува 80,5 отсто.

Џејсон Тувеј, виш економист за пазари во развој во Капитал Економикс, изјави дека годишната инфлација можеби се приближува до својот врв, со оглед на остриот пад на инфлацијата кај енергентите. Инфлацијата на цените на храната се чини близу до врвот.

– Дури и доколку инфлацијата биде близу врвот, ќе остане блиску до сегашните многу високи стапки уште неколку месеци. Острите и неуредни падови на лирата остануваат клучен ризик – истакна Тувеј.

Најголем годишен раст на потрошувачките цени е забележан во транспортниот сектор, за дури 119,11 отсто, додека цените на храната и безалкохолните пијалаци пораснаа за 94,65 проценти.

Годинава, инфлацијата дополнително беше поттикната од економското влијание на руската инвазија врз Украина, како и од континуираниот пад на лирата, која лани ослабе 44 отсто во однос на доларот, а оваа година падна за уште 27 проценти.

По објавувањето на најновите податоци, лирата се тргуваше по главно непроменет курс од 17,956 лири за долар. Во декември цената накратко ѝ падна на рекордно ниско ниво, па за долар требаше да се издвојат 18,4 лири.

Годишната инфлација сега е на највисоко ниво од септември 1998 година, кога достигна 80,4 отсто, а Туркије се бореше да стави крај на една деценија хронично висока инфлација.

Турската Влада објави дека инфлацијата ќе ослабне благодарение на нејзината економска програма, што дава предност на ниски каматни стапки поради поттикнување на производството и извозот, а има за цел да се оствари суфицит на тековната сметка.

Ердоган изјави дека очекува инфлацијата да се спушти на „соодветно“ ниво до февруари и март наредната година, а централната банка минатиот четврток ја зголеми проценката за инфлацијата за крајот на 2022 година на 60,4 отсто, од претходно проектираните 42,8 проценти.

Опозициски претставници и економисти ја доведоа во прашање веродостојноста на податоците од турскиот статистички институт (ТУИК), нешто што оттаму го отфрлија. Според анкети, Турците веруваат оти инфлацијата е далеку поголема, отколку што покажуваат официјални податоци.

The post ЗАСТРАШУВАЧКА ИНФЛАЦИЈА ВО ТУРКИЈЕ Годишна стапка од 79,6 отсто appeared first on plusinfo.mk.

– Се додека Предлог законот не помине на Собрание и не се објави во Службен весник важи постојното законско решение, а тоа е дека сметките ќе доаѓаат со ДДВ од 18 отсто што е сега на сила. Штом ќе помине законот во Собрание, од денот на неговото донесување ќе се пресметува 5 отсто ДДВ за домаќинствата за потрошена електрична енергија- рече Бесими.

Тој нагласи дека се разгледува можноста со пратенички амандман да се побара намаленото ДДВ да важи од 1 јули како што е првично определено во законското решение.

– Од формално правен аспект ќе се разгледува дали е возможно да се спроведе во пракса такво решение доколку има таква опција. Прашање е на време и на постоење на правна можност дали тоа може да се спроведе и да се реализира – рече Бесими.

Според него, јасна е намерата на Владата за намалување на ДДВ-то за електричната енергија од 18 на 5 отсто и целта ќе се постигне.

-Прашање е на денови или на недели кога законските измени ќе бидат усвоени во Собранието. Апелираме да има разбирање и колку што е можно побрзо овој закон да помине во Собрание, но секоја дискусија е легитимна и имаме разбирање. Сепак, ова е едно од прашањата кое има директно влијание кај граѓаните и сметаме дека процедурата треба да се заокружи колку што е можно побрзо за сметките да доаѓаат со намалено ДДВ од 5 проценти рече Бесими.

Тој ги повика пратениците што е можно побрзо да го донесат законското решение, затоа што, како што рече, е директен интерес на граѓаните.

The post Бесими откри: ДДВ за струјата ќе биде 18 отсто, додека законот за негово намалување не се изгласа во Собрание appeared first on plusinfo.mk.

Нашата земја се најде во светскиот врв според стапката на починати од ковид-19 во последниве седум дена. Според статистиката објавена на „Financial Times“ (последен датму на пресметка е 7 април 2020 година), Македонија е на третото место со две починати лица на 100.000 жители во последната недела.

Пред нас во ова рангирање се Унгарија која е прва со 2,44 починати на 100.000 жители, додека на второто место е Босна и Херцеговина со 2,31 починати.

Кога станува збор за бројот на новозаболени со ковид-19 во последната недела, заклучно со 7 април 2020, Македонија исто така се наоѓа на високото 11 место во светот со 52,8 лица на 100.000 жители.

Во оваа рангирање пред нас се Турција, Јордан, Естонија, Полска, Кипар, Србија, Унгарија, Бахреин, Уругвај и Куракао, земја која бележи најголем раст на инфицирани со коронавирусот во последните седум дена.

Инаку, анализата на „Financial Times“ е направена по собраните податоци од Институтот „Џон Хопкинс“, Светската здравствена огранизација (СЗО), „UK Government coronavirus dashboard“, Агенцијата за јавно здравје на Франција и шведската агенција за јавно здравје.

The post Македонија трета во светот по бројот на починати од ковид-19 на 100.000 жители appeared first on plusinfo.mk.

Анализата што ја изготви „Фајненс тинк“ покажува дека намалувањето на царините за клучни инпути ќе влијае на зголемување на инвестициите до 25 проценти, на производството и конкурентноста, а ќе ја зголеми и конкурентноста на земјава за нови инвестиции.

– Извозно ориентираните компании имаат потенцијал да инвестираат во технологија и околу 60 отсто од нив се со план да го направат тоа. Тие имаат потенцијал и да вложуваат во инвестиции, како и да бидат дел од структурните промени во насока на јакнење на човечкиот капитал, пред се во процесот на дуално образование. Во однос на привлекувањето нови инвестиции, само кај 19 отсто структурни промени на реалокација кај матичните компании постојат и скоро 90 проценти од компаниите кои имаат процес на реалокација, имаат потецијал да доведат нови производни линии – изјави Благица Петрески од „Фајненс тинк“.

Пандемијата, додаде Петрески, покажа и колку е значајно да имаме домашни добавувачи.

– Во пандемијата се нарушија синџирите на добавување и голем дел од домашните компании беа соочени со проблем од каде да ги набават ресурсите и инпутите. Тоа ја извлече на површина многу малата соработка меѓу странските инвеститори и нашите компании. Во следниот период мора да се јакнат тие врски меѓу нив, а на тој начин да се интензивира и потенцијалот за производство на инпути и репромтеријали во земјата – рече таа.

Економската дипломатија, посочи Петрески, е клучна за домашните извозни компании да се прошират на други пазари, покрај постојните на кои се присутни.

– Големо ограничување е човечкиот капитал. Тој треба да се поттикне преку дуално обарзование и преку тренизни и доедукација на работно место – дополни Петрески, изнесувајќи ги заклулоците од анализата „Потенцијалот на извозно ориентираните компании за придонесот за посткови економското опоравување во Северна Македонија“.

Вицепремиерот за економски прашања, Фатмир Битиќи се согласи дека извозните компании имаат голема улога во економското закрепнување. Затоа, рече, преку четвртиот и петтиот пакет мерки веќе не се зборува само за помош, туку и за поттикнување новиинвестициски активности на овие производствени капацитети.

-Тука би истакнал неколку од нив, Фондот за поддршка на извозните компании, бескамтните кредити и Законот за државна гаранција за кредитирање кој ќе донесе дополнителна ликвидност за компаниите, а државата ќе гарантира за нивниот влог – истакна Битиќи.

Тој потсети и дека веќе се донесени две мерки со кои за 108 суровини или се намалени или се целосно укинати царинските давачки.

– Продолжуваме да работиме независно на носењето на одредените закони зашто Царинскиот тарифник и усогласувањето може да се направи на два начина – преку автономни мерки и системски, преку промена на целиот Царинскиот тарифник и законот на кој работиме заедно со сите компании – истакна Битиќи.

Тој посочи дека пред пратениците е и законот за фонд за поддршка на извозните компании, а законот за државна гаранција е уште еден инструмент што ќе им помогне во изнаоѓањето нови пазари.

Во однос на тоа колку трпи економијата поради немањето вакцини подолг период, Битиќи рече дека ефектите ќе се мерат по одреден период,

– Се обидуваме да покажеме дека економијата ја оставаме на економистите, а здравството на здравствените работници и професионалците во таа сфера. Сметам дека економските политики дадода резултат, имаше пад на БДП, но споредено со сите семји на ЕУ тој е многу помал дури и од поразвиените земји. Тоа не укажува дека сме подобри од нив, но политиките дале поголем ефект. Треба да се грижиме навреме да ги носиме мерките за да го ублажиме негативното влијание –  подвлече Битиќи.

Според него, на крајот на 2020 година земјава бележи раст на извозот. Во јануари 2021 растот беше за 15,4 отсто во однос на истиот месец лани кој се сметаше за еден од најдборите во изминатите неколку години.

– Во овој месец е забележана досега највисоката покриенсот на увозот со извоз од 84,7 отсто што ја немаме постигнато последните 15 години. Јануари 2021 е шестиот месец по ред во кој извозот бележи раст споредено со истиот месец лани, тренд кој се надеваме дека ќе продолжи, а секако е и потврда на соодветните економски политики кои ги имплементира Владата за време на кризата – нагласи Битиќи.

Пред форумот зборуваше и британската амбасадорка Рејчел Галовеј која изрази надеж дека ќе се зајакне економската соработка меѓу двете земји.

The post Пониските царини би ги зголемиле инвестициите кај извозните компании appeared first on plusinfo.mk.

Просечната камата кај кредитите во декември изнесува 4,63 отсто и забележува намалување од 0,05 отсто на месечно ниво и 0,31 отсто на годишно ниво, покажуваат најновите податоци на Народната банка.

Според податоците намалување на просечната камата е забележано и кај депозитите од 0,01 отсто на месечно ниво и 0,31 отсто на годиношно ниво. Во декември 2020 година просечната каматна стапка на депозитите изнесувала 0,95 отсто.

Новоодобрените кредити во декември имале просечна каматна стапка од 3,78 отсто, а новопримените депозити 0,68 отсто. Забележано е намалување кај кредитите за 0,20 на месечно ниво и 0,37 отсто на годишно ниво. Кај депозитите намалувањето е 0,14 на меечно и 0,46 отсто на годишно ниво.

Кредитите на корпоративниот сектор имале просечна камата од 3,73 отсто, која забележала намалување 0,04 отсто. Новоодобрените кредити имале просечна каматна стапка од 3,42 отсто и забележано намалуввање од 0,24 отсто.

Каматната стапка на вкупните депозити на корпоративниот сектор, во декември, бележи месечен раст од 0,03 отсто и изнесува 1,22 отсто.

Во декември, каматната стапка на новопримените депозити на корпоративниот сектор е пониска за 0,43 отсто на месечно ниво и изнесува 0,38 отсто.

Просечната каматна стапка на кредитите на домаќинствата во декември изесуала 5,46 отсто и има намалување од 0,03 отсто. Новоодобрените кредити во овој сектор имале просечна каматна стапка од 4,38 отсто и намалување од 0,13 отсто.

Каматата на депозитите на домаќинствата во декември изнесувала 0,92 отсто и била пониска на меечно ниво за 0,02 отсто, на годишно ниво 0,31 отсто.

Новопримените депозити имале каматна стапка од 0,85 отсто, која има раст на месечно ниво од 0,02,отсто, додека на годишно ниво е забележано намалување од 0,32 отсто.

The post НБ: Просечните каматни стапки и на кредитите и на депозитите бележат намалување appeared first on plusinfo.mk.

Според универзитетот, на почетокот на пандемијата за ваквите бројки на жртви од ковид-19 требало да минат цели шест месеци, пренесе Си-Ен-Ен.

Во САД досега умреа 404.218 од коронавирус, а во Бразил над 208.000.

Во Индија и Мексико, според универзитетот во Вашингтон, од инфекцијата на коронавирусот фатален крај имале над 100.000 луѓе, во Велика Британија приближно 90.000, а од синоќа во Франција над 70.000.

Повеќе од 50.000 жртви на ковид-19 се регистрирани уште и во Италија, Русија, Иран и Шпанија.

Стапките на смртност во многу земји во Европа и Северна Америка почнаа нагло да растат во ноември минатата година.

The post За шест недели починаа половина милион луѓе од ковид-19 appeared first on plusinfo.mk.

Младинската невработеност во земјите од Западен Балкан е генерално високa и иако има тренд на намалување, во 2018 година стапката на невработеност во земјава се уште е два пати поголема од просекот во ЕУ, со повеќе од една петтина од младите кои влегуваат во НЕЕТ групата – млади кои не учат, не се вработени и не посетуваат обуки.

Најголемиот дел од НЕЕТ младите – 36,6 проценти се долгогодишено невработени, од кои најмногу се жени на возраст од 25 до 29 години, само со основно образование и кои живеат во рурални средини.

Државата нема соодветни податоци и информации за проблемот со младинската невработеност, а повеќето од политиките се генерални и не се фокусирани и дизајнирани за млади.

Лошото/несоодветно образование, апатијата и демотивираноста на младите, како и несоодветните знаења со потребите на пазарот се идентификуваат како главни причини за високата младинска невработеност и емиграција, за што е потребна целосна и длабинска реформа на сите нивоа на образовниот систем, базирана на квалитетни анализи и заклучоци од сите засегнати страни, особено младите.

Ова го покажуваат истражувањето на Млади инфо – Северна Македонија – „Студија за НЕЕТ и млади од ранливи категории“, изработено во рамките на проектот WB&T for EmploYouth, фокусиран на зголемување на вработеноста и вработливоста на НЕЕТ младите и младите од ранливи категории во Република Северна Македонија. Проектот е финансиран од Европската унија и имплементиран под водство на Фондацијата Ана и Владе Дивац од Србија.

НЕЕТ млади – лица од 15 до 29 години кои не учат, не се вработени и не посетуваат обуки

Терминот НЕЕТ млади на ниво на ЕУ се однесува на млади кои ниту се вработени, ниту посетуваат некакво образование или обука. Оваа дефиниција ги вклучува невработените млади на возраст од 15 до 29 години кои не бараат работа, не следат формално или неформално образование.

Постојат пет главни подгрупи на НЕЕТ млади и тоа:

– конвенционално невработени – кои може да се поделат на долгорочно и краткорочно невработени;

– недостапни – млади негуватели, млади со фамилијарни обврски и млади кои се болни или инвалиди;

– незаинтересирани – млади кои не бараат работа или образование, а не се спречени од други причини, како и млади кои водат асоцијален и опасен животен стил;

– баратели на можност – млади кои активно бараат работа или тренинг, но се воздржуваат за можности кои тие сметаат дека не им одговараат на нивните вештини и ниво;

– волонтерно НЕЕТ – млади кои патуваат или се конструктивно вклучени во други активности како што се уметност, музика или самоедукација.

Како фактори кои влијаат на зголемување на ризикот за НЕЕТ млади на светско ниво, во анализата, се посочуваат следните работи:

– лицата со ниско образование имаат за три пати повисок ризик да станат НЕЕТ млади споредено со лицата со високо образование;

– лицата кои живеат во далечни рурални средини имаат за 1,5 пати поголема веројатност да влезат во НЕЕТ група на млади;

– младите кои живеат во семејство со ниски приходи имаат поголем ризик да станат НЕЕТ млади од тие кои доаѓаат од семејства со просечни приходи;

– младите чии родители некогаш останале без работа имаат за 17 проценти поголем ризик да станат НЕЕТ млади;

– лицата со попреченост имаат 40 проценти поголем ризик да влезат во НЕЕТ групата;

– младите чии родители се разведени  имаат за 30 проценти поголем ризик да влезат во НЕЕТ групата.

Северна Македонија има една од највисоките стапки на НЕЕТ млади на возраст од 15 до 24 години во 2018 година – 24,1 процент. Тоа е над просекот од 22,1 проценти, за Западен Балкан. Најголема стапка НЕЕТ млади има Косово – 28,5 проценти, потоа Албанија со 26,5 проценти. Црна Гора со 16,2 проценти, Србија со 16,5 и Босна и Херцеговина со 21,6 проценти се под просекот на регионот. Просекот на НЕЕТ млади во Европа изнесува 17,2 отсто, се вели во анализата.

Како сериозен проблем, во анализата се посочува немањето соодветни податоци од институциите за НЕЕТ младите и основните заклучоци за младинската невработеност во Северна Македонија ги влечат од анализата на годишникот на Државниот завод за статистика за 2019 година.

The post Повеќе од една петтина од младите не учат и не се вработени appeared first on plusinfo.mk.

Како што соопшти владината Прес-служба, обврзниците за денационализација се издаваат со рок на достасување од 10 години и со каматна стапка од два отсто годишно.

– Исплатата на обврзниците се врши еднаш годишно на 1 јуни секоја година, а исплатата на обврзниците за денационализација од деветнаесеттата емисија ќе започне од 2021 година – се додава во соопштението од владината седница.

The post Донесена одлука за 19. емисија на обврзници за денационализација appeared first on plusinfo.mk.