Агенциите за кредитен рејтинг „Стандард и Пурс” и „Фич” го потврдија стабилниот кредитен профил на земјата во полугодишните прегледи, информира Министерството за финансии (МФ).

Во рамки на последните објавени извештаи, „Стандард и Пурс” го задржа кредитниот рејтинг на државата на нивото „BB-” со стабилни изгледи, додека „Фич” го потврди кредитниот рејтинг на „BB+” со стабилен изглед.

– Со тоа, двете кредитни агенции го потврдуваат стабилниот кредитен профил на Република Македонија, при непроменети клучни фактори што влијаат врз рејтингот – велат од Министерството за финансии.

„Стандард и Пурс” изврши редовен полугодишен преглед на кредитниот рејтинг на РС Македонија, во рамки на календарот за суверени рејтинзи за ЕМЕА (Европа, Блискиот Исток и Африка) регионот.

– Станува збор за стандардна процедура согласно европската регулатива, при што се врши оценка на тековните економски и фискални показатели, како и на пазарните движења. Во рамки на овој полугодишен преглед не е објавено ново истражувачко ажурирање, што укажува дека клучните фактори кои влијаат врз кредитниот рејтинг на државата остануваат непроменети – велат од МФ.

Минатиот месец агенцијата  „Фич” спроведе редовна ревизија на кредитниот рејтинг на државата, при што исходот од разгледувањето е „Review – No Action”, односно нема промена на постојниот кредитен рејтинг и нема да биде објавен посебен извештај.

– Потврдата на кредитните рејтинзи претставува јасен сигнал за стабилноста на макроекономските политики, умереното ниво на јавниот долг и способноста на државата редовно и навремено да ги сервисира своите финансиски обврски. Воедно, таа укажува на континуитет во спроведувањето на економските политики и отпорноста на економијата во услови на зголемена глобална неизвесност – велат од Министерството за финансии.

Според оценките на кредитните агенции, економскиот раст е поддржан од засилените јавни инвестиции, особено во инфраструктурни проекти, како и од растот на потрошувачката на населението.

Кредитниот рејтинг претставува важен индикатор за инвеститорите и меѓународните финансиски пазари, бидејќи го одразува нивото на ризик и довербата во економските политики на државата.

-Потврдата на рејтинзите од страна на двете водечки меѓународни кредитни агенции претставува значаен сигнал за доверба во економските политики и охрабрување за продолжување на реформите, со цел обезбедување одржлив економски раст и подобар животен стандард за граѓаните – изјави министерката за финансии Гордана Димитриеска-Кочоска.

The post „СТАНДАР И ПУРС“ И „ФИЧ“ ГО ПОТВРДИЈА КРЕДИТНИОТ РЕЈТИНГ НА ЗЕМЈАВА Стабилни изгледи и континуитет на економските политики appeared first on plusinfo.mk.

Кредитната агенција „Стандард и пурс“ во најновиот извештај го потврди кредитниот рејтин на земјата ББ- со стабилен изглед, што воедно е потврда и за политиките на Владата, а претставува и значаен сигнал за инвеститорите при носење на нивните одлуки за инвестирање, соопшти денеска Министерството за финансии (МФ).

Кредитната агенција посочува дека растот на економијата се забрзува и останува приоритет на Владата.

Во извештајот се наведува дека растот на економијата во оваа година се очекува да биде поддржан главно од потрошувачката на домаќинствата, движен од растот на платите и пензиите, како и од зголемена инвестициска активност, особено во инфраструктурата. При тоа Агенцијата упатува на ризици поради неизвесноста во европската економија како главен трговски партнер на земјата. До 2028 година, Агенцијата проектира дека растот ќе се стабилизира на околу 3%, поддржан од постепено закрепнување на надворешната побарувачка и засилување на инвестициите.

Владата, како што стои во извештајот, продолжува со напорите за спроведување институционални реформи, борба против корупцијата и владеење на правото, коишто се и клучни предуслови за интеграција во ЕУ. „Стандард и пурс“ истакнува дека економскиот раст за Владата останува главен приоритет, со цел остварување раст до 5% на среден рок, поттикнат од реализација на амбициозни инфраструктурни проекти како што се Коридорот 8 и 10д и зголемени инвестиции во приватниот сектор. Потоа поефикасна наплата на даноци, како и понатамошно зголемување на пензиите и платите во јавниот сектор за поддршка на домашната побарувачка. Посочува дека јавната потрошувачка останува експанзивна и упатува на спроведување фискална консолидација, при што потенцира дека со усвоениот ребаланс е потврдена целта за буџетски дефицит во 2025  на 4% од БДП. Според Агенцијата со Фискалната стратегија е утврдена постепена фискална консолидација, но Агенцијата очекува одредени ризици со остварување на проекциите. Приходите од почетокот на годината до мај бележат раст од 9% на годишно ниво, водени од поголема наплата на данокот на личен доход, зголемени приходи од акцизи, како и раст на неданочните приходи. На страната на расходите, потрошувачката во истиот период бележи раст за 5%, како резултат на растот на платите во јавниот сектор, тековните расходи и социјалните трансфери. Во однос на долгот посочуваат дека и покрај затегнатите глобални финансиски услови, сервисирањето на долгот останува релативно контролирано.

Според „Стандард и пурс“, Владата и понатаму е посветена на евроинтеграцијата, процес којшто Агенцијата го истакнува како важен столб за напредок во структурните реформи на среден рок.

Кредитниот рејтинг на земјата „Стандард и пурс“ го оценува два пати во годината.

The post „СТАНДАРД И ПУРС“ ГО ПОТВРДИ КРЕДИТНИОТ РЕЈТИНГ НА МАКЕДОНИЈА Растот на економијата се забрзува и останува приоритет на Владата appeared first on plusinfo.mk.

Ова го соопшти Народна банка, од  заклучоците за монетарниот дел и за состојбите во банкарскиот систем на агенцијата за кредитен рејтинг „Стандард и Пурс“, во најновиот извештај во кој го потврдува кредитниот рејтинг на земјава на „ББ-“, со стабилен изглед.

„Според оцените на Агенцијата, годинава се очекува дека просечната инфлација во земјава ќе изнесува 3,5%, но се проценува дека инфлациски притисоци би можеле да произлезат од затегнатоста на пазарот на трудот или од неповолните геополитички случувања. Се очекува дека девизните резерви и натаму ќе бидат стабилни, поткрепени со одржливи приливи на странски директни инвестиции и надворешно задолжување на државата“, пренесе Народна банка.

Во извештајот се посочува дека за годинава се очекува умерен економски раст од околу 2,5%. Според Агенцијата, растот би достигнал приближно 3% до 2027 година, поттикнат од очекуваниот пораст на странската побарувачка и зајакнувањето на кредитната активност.

И покрај слабиот економски раст во последниве години, во извештајот стои дека значително е намалена стапката на невработеност, којашто изнесува 12,9% во првиот квартал од годинава.

The post ИНФЛАЦИЈАТА ЗАБАВУВА, РАСТАТ ДЕВИЗНИТЕ РЕЗЕРВИ, А БАНКАРСКИОТ СЕКТОР Е СТАБИЛЕН „Стандард и Пурс“ за монетарната политика во земјава appeared first on plusinfo.mk.

Ова го констатира Агенцијата за кредитен рејтинг „Стандар и пурс” во најновиот извештај со кој земјата го задржа кредитниот рејтинг ББ- со стабилни изгледи.

Агенцијата во извештајот наведува дека земјата забележа стапка на раст од 1,3% во 2023 година, продолжувајќи го ваквиот тренд од последните 2 години, поради слабата надворешна побарувачка и инвестиции.

„Во првиот квартал од 2024 година, економијата забележа раст од 1,3% на годишно ниво, што е доминантно поттикнат од инвестициите, особено јавните инфраструктурни проекти што ќе биде двигател на растот и во наредниот период” се наведува во извештајот.

Според Агенцијата, ризиците кои може да влијаат на намалување на растот се поврзани со неизвесното економско окружување во ЕУ и потенцијалот за зголемување на цените на суровините поттикнати од глобалните геополитички тензии.

Сепак, очекувањата на Aгенцијата се растот да закрепне и да достигне 3% до 2027 година поттикнат од очекуваното зголемување на надворешната побарувачка и зајакнување на кредитната активност.

И покрај слабиот  економски раст, „Стандард и пурс” нотира дека постигнато е значително намалување на стапката на невработеност, која е намалена на ниво од 12,9% во првиот квартал од 2024 година и дека таквиот тренд ќе продолжи и во иднина поддржан од приливот на странски директни инвестиции. Ризик на кој се посочува е високото ниво на емиграција, значителниот неформален сектор и недостигот на квалификувана работна сила.

Исто така, во извештајот се нотира дека послабите изгледи за економскиот раст за оваа година се пресликуваат и во ревидираниот буџет кој се фокусира на пораст на пензиите, платите и сервисирање на долговите, и намалување на другите расходи, а воедно буџетскиот дефицит за 2024 година е ревидиран на ниво од 4,9%.

Притоа, според агенцијата е значајно, да се почитува Законот за буџети и понатамошна фискална консолидација.

Во периодот 2024-2027 буџетскиот дефицит во просек е проектиран на 3,5% од БДП. При тоа клучни предизвици на кои се упатува во извештајот се неформалниот сектор и зголемени трошоци за инфраструктурните проекти.

Клучно според „Стандард и пурс” е да се продолжи со обезбедување силен економски раст и спроведување на структурните реформи.

Примарна агенда на Владата, забележува Агенцијата, се сеопфатни реформи насочени кон ревитализација на институциите, борба со корупцијата и почитување на владеењето на правото. Клучна цел е економскиот раст, поставен на 5%, поттикнат од големите инфраструктурни проекти, привлекување нови инвестиции, зајканување на наплатата на даноците и зголемување на приходите, зголемување на пензиите и платите.

Кредитниот рејтинг, кој го изготвуваат Агенциите за кредитен рејтинг го покажува степенот на ризик од инвестирање и е еден од клучните индикатори коишто потенцијалните инвеститори ги земаат предвид при носење на нивните одлуки.

Кредитниот рејтинг на земјата го оценуваат „Стандард и пурс” и „Фич” двапати во годината.

The post „СТАНДАРД И ПУРС“ ГО ЗАДРЖА КРЕДИТНИОТ РЕЈТИНГ ББ- НА ЗЕМЈАВА Се очекува забрзан раст, намалување на дефицитот и стабилизирање на јавниот долг на 57% од БДП appeared first on plusinfo.mk.

Во најновиот извештај „Стандард и пурс” очекува растот на БДП да забрза во 2024 година на 2,9% (2% во 2023), поттикнат од посилната лична потрошувачка, поддржана од реалниот раст на платите, тековните инфраструктурни проекти, вклучително коридорите 8 и 10д, како и растот на извозот.

Според Агенцијата, потенцијалите за раст во земјата ги неутрализираат неповолните влијание од случувањата кај главните трговски партнери, пред се Германија. Јавниот долг се нотира во Извештаот дека ќе остане на умерено  ниво и ќе се стабилизира на ниво од околу 53% од БДП  во периодот 2024-2027 година. Агенцијата оценува дека се преземени активности за соодветно управување и со каматните плаќања и дека тие се пониски во однос на многу други земји со сличен кредитен рејтинг.

Агенцијата посочува и на напорите за фискална консолидација. Со усвоениот Буџет за 2024 година буџетскиот дефицит кој е проектиран на 3,4% покажува намалување во однос на дефицитот од 2023 година од 4,6% од БДП. Се очекува тој тренд на буџетска консолидација да продолжи со фокусот на Владата врз економскиот раст и реализација на инфраструктурните проекти. Клучно за фискалната консолидација, според „Стандард и Пурс” е строго придржување до правилата од новиот Закон за буџети.

Од Агенцијата забележуваат дека во декември 2023 година инфлацијата значително забавила сведувајќи се на 3,6%, во споредба со истиот месец претходната година кога изнесувала 18,7%.

Според нив, ова се должи на поставеноста на монетарна политика, забавувањето на растот на цените на храната и енергијата, како и високата споредбена основа.

Како резултат на истите фактори, од Агенцијата очекуваат дека годинава инфлацијата ќе изнесува во просек 4%, односно во рамките и на последните очекувања на Народната банка.Сепак, Агенцијата оценува и одредени ризици за идната динамика на цените, поврзани со состојбите на пазарот на труд и евентуален неповолен развој на геополитичките случувања.

Во извештајот се потврдува и високиот раст на девизните резерви коишто на крајот на 2023 година се зголемени за 17,5% во однос на минатата година и достигнаа 4,5 милијарди евра. Од „Стандард и Пурс“ очекуваат дека девизните резерви и натаму ќе се задржат на стабилно ниво, поддржани од странските инвестиции и финансирањето на државата на меѓународниот пазар.

Членството во ЕУ, од Агенцијата  го посочуваат како клучен фактор за долгорочен структурен и институционален развој, поддршка на економскиот раст и справување со емиграциските предизвици. Клучно е спроведувањето на структурните реформи, а меѓу ризик факторите е нотирано надворешното влијание, изборниот циклус и условите на финансиските пазари. Во однос на инфлацијата посочуваат на наглото забавување во декември 2023 година и очекуваат нејзино стабилизирање.

Од страна на „Стандард и пурс” е посочена и важноста на добиената потврда од ММФ за првиот преглед на ПЛЛ програмата и достапноста на средства од оваа Програма, како и до други извори на финансирање.

Политиките на земјата, покрај со потврдениот кредитен рејтинг од оваа Агенција, од почетокот на годината добија потврда и од ММФ и од Светска банка со новопотпишаната Рамка за партнерство.

Кредитниот рејтинг на една земја го покажува степенот на ризик од инвестирање во неа, и е еден од клучните индикатори коишто потенцијалните инвеститори ги земаат предвид при носење на нивните одлуки.

The post РЕАЛНИОТ ПОРАСТ НА ПЛАТИТЕ ЈА „ГУШИ“ ИНФЛАЦИЈАТА „Стандард и Пурс“ го задржа кредитниот рејтинг ББ- со стабилни изгледи appeared first on plusinfo.mk.

Стабилниот изглед, како што е нотирано во извештајот на Агенцијата, се должи на проактивното креирање политики на Владата на РС Македонија за ублажување на кризата произлезена од руско-украинската војна.

„РС Македонија ќе ги надмине влијанијата од конфликтот во Украина. Се очекува растот на економијата да зајакне во 2023 година, по прогнозираното забавување на растот во 2022 кое е резултат на индиректните влијанија од руско-украинскиот конфликт, првенствено изразено преку повисоките цени на енергијата. Инфлацијата ќе опаѓа како што се намалуваат ценовните притисоци”, се вели во извештајот,.

Во него се додава дека ризиците произлегуваат од руско-украинскиот конфликт, а напредокот во процесот на ЕУ интеграцијата оценуваат дека е основа за структурен и институционален развој што би ги поддржале економските перспективи.

Од „Стандард и Пурс“ за дефицитот посочуваат дека тој во 2022 година ќе изнесува 5,1 отсто со постепена консолидација во наредните четири години. Зголемувањето се должи на потребата да се обезбедат средства за нови антикризни мерки за заштита на стандардот на граѓаните и подобрување на животниот стандард, повисоки пензии, ликвидност на стопанството, субвенции во земјоделскиот сектор.

Од Агенцијата наведуваат дека нето-приливот на странските директни инвестиции останува висок. Нето-приливот на странски директни инвестиции изнесува 100 милиони евра само во првиот квартал од оваа година. Дополнително, Владата на РС Македонија има за цел да ја зачува атрактивноста за странските директни инвестиции, а неодамна најави отворање на прва високотехнолошка економска зона-Скопје III.

Кредитниот рејтинг на една земја го покажува степенот на ризик од инвестирање во неа, и е еден од клучните индикатори коишто потенцијалните инвеститори ги земаат во предвид при носење на нивните одлуки.

РС Македонија кредитниот рејтинг ББ- со стабилен изглед го има од 2013 година во континуитет, и е особено значајно дека не е променет и покрај кризите со кои се соочуваше изминативе години, најпрвин здравствената па ценовната и енергетската.

The post ЗАДРЖАН КРЕДИТНИОТ РЕЈТИНГ ББ – СО СТАБИЛЕН ИЗГЛЕД Агенцијата „Стандард и Пурс“ оценува дека дефицитот годинава ќе изнесува 5,1 отсто appeared first on plusinfo.mk.

Аналитичарите од агенцијата веруваат дека Русија најверојатно ќе се соочи со банкрот, првпат по револуцијата во 1917 година.

Агенцијата вчера ја намали својата оценка за Русија на „изборен стандард“ откако Москва се договори да го плати својот надворешен долг во рубљи наместо во долари.

Според Агенцијата, планираните натамошни санкции што ќе ѝ бидат наметнати на земјата ќе ја попречат „волјата и техничката способност на Русија да ги исполни условите на обврските кон странските кредитори“.

Понискиот рејтинг што го дава „Стандард и Пурс“ значи дека земјата има мали шанси за отплата на ратите од различни заеми, што ги принудува доверителите да наплатуваат повисоки каматни стапки при кредитирањето на оваа земја.

The post „СТАНДАРД И ПУРС“ ГО НАМАЛИ РЕЈТИНГОТ НА РУСИЈА Москва ќе го плаќа надворешниот долг во рубљи наместо во долари appeared first on plusinfo.mk.

Курсот на денарот е стабилен, девизните резерви минатата година се зголемени, додека банкарскиот систем, исто така, е стабилен. Домашната побарувачка е главен фактор на економскиот раст, во услови кога курсот на монетарната политика сѐ уште е олабавен, заради обезбедување доволно простор за постојано економско закрепнување. Ова се накусо заклучоците за монетарниот дел на реномираната агенција за кредитен рејтинг „Стандард и Пурс“, во извештајот во кој го потврдува кредитниот рејтинг на земјава ‒ „ББ-“, со стабилен изглед.

Агенцијата исто така нотира дека рејтингот може да се зголеми доколку продолжат напорите за структурни реформи, зајакнување на институционалните капацитети при истовремена консолидација на одржливите фискални политики.

– Целта за пристапување на нашата држава кон ЕУ може да придонесе за зајакнување на институционалната рамка, а новите влади на Северна Македонија и Бугарија внесоа позитивна динамика во преговорите за пристапување кон ЕУ – се истакнува во извештајот на Агенцијата.

Нема промени во фиксниот курс на денарот, додека девизните резерви минатата година пораснаа за 8,4%, се наведува во извештајот на агенцијата. Растот на девизните резерви, коишто достигнаа 3,6 милијарди евра во 2021 година, овозможува доволна девизна ликвидност за одржување на стабилноста на курсот на денарот. Од агенцијата забележуваат дека има и дополнителен заштитен механизам, односно дека Народната банка има можност за обезбедување дополнителна ликвидност во евра преку репо-линијата од 400 милиони евра, којашто Европската централна банка ѝ ја додели на Народната банка со можност на користење до март годинава. Досега, таа можност не е искористена, но може да се употреби при остварување екстерни ризици.

Придвижувањето на стапката на инфлацијата е резултат на надворешни фактори, како растот на цените на енергенсите и на храната, забележуваат во извештајот од „Стандард и Пурс“. Тие очекуваат стабилизирање на овие притисоци во 2022 година, како резултат на забавување на растот на цените на храната. Агенцијата за кредитен рејтинг очекува дека стапката на инфлација во земјава за годинава ќе изнесува 2,6%, за догодина 2% и за 2024 и 2025 година ‒ 1,8% и 1,5%, соодветно.

Банкарскиот сектор е стабилен, посочуваат од „Стандард и Пурс“. Адекватноста на капиталот е зголемена и изнесува 17,3%, додека нивото на нефункционалните кредити изнесува 3,6%.

The post ДЕНАРОТ И БАНКАРСКИОТ СИСТЕМ СЕ СТАБИЛНИ „Стандард и Пурс“ го потврди кредитниот рејтинг на Македонија appeared first on plusinfo.mk.

И двете кредитни агенции, како резултат на кризата и проекциите за забавување на глобалната економија, предвидуваат контракција на економскиот резултат во 2020 година и закрепнување, односно раст во 2021 година, со тоа што Фич проектира -4,2 проценти за 2020 и 5,1 процент раст во 2021, додека „Стандард и Пурс“ -5 проценти во 2020 и 3,8 проценти во 2021 година.

– Кредитните агенции ги нотираат мерките кои се преземени од страна на Владата  насочени кон зачувување на работните места, поддршка за најпогодените индустрии, како и меки регулаторни мерки. Како што се наведува и во двата извештаја мерките ќе придонесат за зголемување на буџетскиот дефицит и ќе влијаат на зголемување на државниот долг кој според проценките на кредитните агенции ќе се приближи до 50 проценти. Заедно  со опоравувањето на економијата се предвидува и намалување и стабилизирање на буџетскиот дефицит – соопшти Министерството за финансии.

Кредитни агенции го оценуваат банкарскиот сектор како стабилен исто, како и домашната валута која има фиксен курс со еврото.

Од Министерството за финансии дополнуваат дека и двете агенции како позитивно го оценуваат зеленото светло од Европската унија за почеток на преговори што заедно со спроведувањето на реформи може значително да придонесе за развој на економијата

The post „Фич“ и „Стандард и Пурс“ го потврдија кредитниот рејтинг на земјава, проектираат пад и закрепнување на економијата appeared first on plusinfo.mk.