Во ноември е забележан двоцифрен раст на депозитите и кредитите на граѓаните и компаниите. Вкупните депозити забележаа годишен раст од 11%, додека вкупните кредити пораснаа за 12,7%, покажуваат податоците на Народна банка.

Во бројки граѓаните и фирмите во банките чуваат вкупно 10,2 милијарди евра, а должат 8,8 милијарди евра.

Растот на вкупните депозити во ноември во поголем дел се должи на растот на депозитите на секторот „домаќинства” од 12,4%, при помал раст и на депозитите на корпоративниот сектор кој изнесува 9,3%.

Растот на депозитите кај домаќинствата се должи на повисоките депозитни пари, долгорочните депозити во денари и краткорочните депозити во странска валута, а кај корпоративниот сектор растот на депозитите е резултат на зголемените депозитни пари и краткорочните депозити во странска валута и во денари.

На годишна основа, вкупните кредити бележат раст од 12,7%, како резултат на зголеменото кредитирање на двата сектора, при малку поизразен придонес кон растот на кредитите на корпоративниот сектор. На годишна основа, кредитите на корпоративниот сектор се повисоки за 14,5%, во целост поради зголеменото кредитирање во денари, додека кај домаќинствата растот изнесува 11,1%.

Во ноември, граѓаните најмногу се задолжувале преку станбени кредити  кои забележаа раст од 16,5% и потрошувачките кредити кои што пораснаа за 10,5%. Долгот на граѓаните од потрошувачки кредити сега изнесува околу 2,3 милијарди евра, а од станбени кредит порасна на 1,74 милијарди евра.

Автомобилските кредити, во ноември, забележаа годишно зголемување од 0,4%, додека кредитите одобрени на кредитните картички се намалени за 6,4% .

Овој месец, негативните салда на тековните сметки бележат годишен раст од 0,9%, додека, пак, кредитите одобрени врз други на годишно ниво се намалени за 10%.

The post ГРАЃАНИТЕ И ФИРМИТЕ ВО БАНКИТЕ ЧУВААТ 10,2, А ДОЛЖАТ 8,8 МИЛИЈАРДИ ЕВРА Потрошувачките кредити заземаат највисока ставка во долгот на граѓаните appeared first on plusinfo.mk.

Според податоците на централната банка, вкупните депозити на годишна основа се повисоки за 8,3 отсто, додека растот кај кредитите изнесува 6,3 отсто.

Податоците покажуваат и дека депозитите на домаќинствата имале поголем раст од оние на бизнисите иако во двете категории е забележан раст.

Статистиката на Народната банка покажува дека домаќинствата во септември земале повеќе кредити од бизнисите иако во двата сектора е забележан раст.

Кај граѓаните доминираат станбените кредити со раст од 16,1 отсто на годишноп ниво. Месечниот раст за септември кај овие кредити изнесува 1,5 отсто. Потрошувачките кредити, пак, забележаа годишен раст од 6,2  отсто.

Кај автомобилските кредити, во  септемврие забележан раст од 2,4 отсто на месечно ниво, но на годишно ниво се продалабочува негативниот тренд кој во септемви изнесува 16,9 отсто. Намалување од 10,9 на годишна основа има и кај кредитите одобрени на кредитни картички. Сепак,  негативните салда на тековните сметки бележат нагорна линија и тие на годишна основа пораснаа за  3,0 отсто.

Во септември, кај кредитите одобрени врз други основи е остварено годишно намалување од 29,3 отсто.

The post ЈАГМА ЗА СТЕНБЕНИ КРЕДИТИ Забележен годишен раст од 16,1 отсто appeared first on plusinfo.mk.

Вкупните депозити на годишна основа, се зголемени за 7,1 отсто, при речиси еднаков раст на депозитите и кај компаниите и кај домаќинствата.

На годишно ниво, вкупните кредити бележат раст од 4,4 отсто. Нагорната промена е под влијание на зголеменото кредитирање кај двата сектора, со поголем придонес кон растот на секторот „домаќинства“.

Гледано според намената на кредитите одобрени на физичките лица, потрошувачките и станбените кредити, како најзастапени категории, бележат годишен раст од 6 отсто односно 12,7 отсто. Кај автомобилските кредити, овој месец, е остварен пад од 13 отсто на годишно ниво.

Кредитите одобрени на кредитни картички, во февруари, бележат годишен пад од 9,2 отсто, додека негативните салда на тековните сметки се намалени за  9,3 отсто на  годишна основа. Кај кредитите одобрени врз други основи, овој месец, е забележано годишно намалување од 6,7 отсто.

The post И во време на пандемија граѓаните земаат станбени кредити appeared first on plusinfo.mk.