Согласно усвоената информација на Владата, јавниот повик кој ќе биде објавен за 2022 година, ќе биде воедно и последниот објавен повик во рамки на Проектот „Купи куќа, купи стан“.

– Граѓаните ќе може да аплицираат за една од двете варијанти за субвенции на рата или за субвенционирање на учеството за купување стан или изградба на куќа во деловните банки кои се дел од Проектот „Купи куќа, купи стан“ откако ќе се објави јавниот повик, велат од МФ.

Досега, додаваат, се одобрени вкупно 2.010 барања за субвенциониран станбен кредит, а одобрените кредитите се во вкупен износ од над 73 милиони евра, за кои одобрените субвенции се во износ од 18,3 милиони евра.

Граѓаните од двата понудени модела го користеле повеќе моделот субвенција на рата за кој се одобрени 1.486, додека за субвенција на учеството 524 барања. Според намената, граѓаните повеќе го искористиле за купување стан, односно од вкупно одобрените барања 1.676 се за купување нов стан, додека 334 се за изградба, купување, доградба или надградба на куќа.

Проектот „Купи куќа, купи стан“ се реализира согласно Законот за субвенционирање на станбен кредит, со неколку измени во критериумите, со цел да се помогнат семејствата, особено младите, да го решат сопственото станбено прашање.

Како што информираат од МФ, каматната стапка во првите три години од реализација на проектот изнесуваше 4,99 отсто, а по истекот на периодот од три години, во следните две години каматната стапка можеше да се зголеми најмногу за 10 проценти. Потоа, се унапредија условите за обезбедување на сопствен дом, а најголема поволност за граѓаните беше значителното намалување на каматните стапки за одобрување на субвенциониран станбен кредит. За субвенционирање на рата од кредит во првите три години, каматната стапка се намали од 4,99 на 2,9 отсто годишно, а во наредните две години, каматната стапка се намали од 5,5 на 3,9 отсто. Во однос на моделот за субвенционирање на учеството од субвенционираниот кредит, каматната стапка се намали и изнесува најмногу до шестмесечен ЕУРИБОР + 4,0 п.п. (процентни поени) на годишно ниво, во текот на целото времетраење на отплата на кредитот.

– Со реализацијата на проектот, исто така, се постигна значајно унапредување на станбеното кредитирање и од страна на комерцијалните банки кои денес нудат станбени кредити со рекордно ниски камати и многу поволни услови. Дополнително и периодот на фиксната каматна стапка која пред десеттина години беше од една до две години, сега изнесува до десет години. Имајќи го предвид горенаведеното, целта на проектот е постигната и многу граѓани го решија сопственото станбено прашање – посочуваат од МФ.

The post СО ПОМОШ НА ДРЖАВАТА ДО НОВ ДОМ Објавен нов повик за проектот „Купи куќа, купи стан“ appeared first on plusinfo.mk.

– Свесни сме колку е важно да ја поддржиме помладата категорија клиенти кои се одлучуваат да започнат своја станбена приказна со купување нов дом. Ова е важна животна одлука од која сакаме да сме дел и сакаме да застанеме зад младите, не само како нивна сигурна банка која од чекор во чекор ќе ги следи низ процесот, туку и да бидеме нивни партнери и дополнително да им го олесниме купувањето на новиот стан или куќа – велат од Банката.

Право на учество во наградната игра имаат сите полнолетни лица на возраст до 40 години кои ќе аплицираат за НЛБ Станбен кредит во промотивниот период.  Извлекувањето на 50–те среќни добитници ќе се изврши на 15.6.2022 година, а добитниците ќе бидат објавени на веб-страницата: www.nlb.mk

Покрај наградната игра поврзана со станбените кредити Банката овозможува и дополнителни поволности кај сите кредити за физички лица. Имено, одобрувањето на станбените, потрошувачките, хипотекарните и автомобилските кредити до крајот на мај ќе биде без манипулативни трошоци и без трошоци за проценка.

За кредитните продукти и промотивните понуди на НЛБ Банка клиентите можат да добијат повеќе информации на веб-страницата на Банката: www.nlb.mk  или преку контакт-центарот, на телефонскиот број: 02/15 600

The post НАГРАДНА ИГРА НА НЛБ БАНКА Голема можност за станбени кредити „НЛБ за млади“ appeared first on plusinfo.mk.

Станбениот кредит обезбеден со пакет полиса за осигурување на Халкбанк е со најниски каматни стапки на пазарот – од 3,2% фиксна за првите 10 години, и 4 процентни поени + променлива стапка на 6 месечен Еурибор за останатиот период на отплата, кој може да биде до 30 години. Дополнително, овој производ е со ниска стапка на вкупни трошоци (СВТ) од 3,25% за кредит со рок од 10 години, и е БЕЗ трошоци за проценка и БЕЗ трошоци за одобрување. Односно, стапката на вкупни трошоци (СВТ) кај овој производ е најниска во земјава, без разлика дали се работи за рок на отплата на 10, 20 или 30 години.

Со кредитот, клиентот добива и пакет полиса за осигурување наменет за осигурување на станбени кредити од Халкбанк кој претставува една целина, а ги содржи следните покритија и опфатени ризици:

НЕМОЖНОСТ ЗА ВРАЌАЊЕ НА КРЕДИТИ – смрт од било која причина, смрт од незгода,

ОСИГУРУВАЊЕ ОД НЕЗГОДА – траен инвалидитет над 30%.

Максималниот износ на кредитот е до 140.000 евра, постои можност за грејс приод од 12 месеци, а минимумот на учество изнесува 10% од бараниот износ.

Во случај на предвремена отплата на кредитот, доколку тоа се врши од сопствени средства, не се наплаќа никаков надомест. При отплата со рефинансирање со кредит од друга банка се наплатува еднократен надомест во висина од 3% од вредноста на предвремено отплатениот износ.
Халкбанк има склучено и соработка со голем број градежни компании и доколку сакате да купите стан во зграда која е во тек на градба, Банката прифаќа хипотека со лист за предбележување како обезбедување за становите од компании кои се наоѓаат на листата на Банката.

The post Халкбанк повторно ги намали каматите на станбениот кредит appeared first on plusinfo.mk.