Снимката од овој необичен случај на социјалните мрежи анонимно ја објавија жителите на споменатата зграда.

– Станарот од зградата кој си го дал станот под кирија веќе подолго време спие и живее на скали и ја уништува зградата, вознемирувајќи ги станарите. Претежно пијан и под дејство на психоактивни супстанци. Била повикана полиција, која го однела во клиниката „Д-р Лаза Лазаревиќ“, по што бил пуштен и во секое поштенско сандаче го ставил својот лекарски извештај. Полицијата понатаму не реагирала, а станарите не знаат како да го избркаат. Момчето има психички проблеми – се наведува во описот на видеото.

Екипата на српски Курир отишла на спорната адреса – вратата од зградата изгледа е скршена, а се зборува дека тој ја скршил. На ѕидот до сандачето има неколку цртежи, дело на Марко. Тој бил пронајден на клупа во близина на зградата. Сакала да разговара со новинарската екипа, додека соседите не смееле. Велат дека стравуваат за својата безбедност бидејќи Марко им се заканува.

– Не смеам ништо да кажам, ниту јас ниту другите. Тој е агресивен, страшно е. Една ноќ повторно викаше и направи хаос. Го има дадено станот под кирија и не знам колку време живее на скалилата меѓу третиот и четвртиот кат. Скоро се преселивме овде. Да знаев, никогаш немаше да дојдам овде. Им прави проблеми на соседите, им се заканува на луѓето, не прашувајте… Вришти, вика, фрла ѓубре одозгора. Дури и се заканувал на еден сосед со секира! – вели еден исплашен сосед.

Иако соседите тврдат дека се во голем проблем, бидејќи ходникот не е место за живеење, Марко смета дека има право на тоа и како што изјави за Курир, принуден е да живее таму.

– На улица сум од 13 јануари. Не се појави никаков проблем. Станот го изнајмив до август, зашто мислев дека ќе одам во Хрватска на работа, да работам со олуци, брави – вели тој.

Објаснува дека сакал да извади хрватска лична карта и пасош за да може легално да работи во фирма, но не успеал. Додуша, признава дека користел психоактивни супстанци, како и дека има висок шеќер, но дека има документи дека е здрав.

На прашањето зошто соседите протестираат вели: „Затоа што живеам во ходникот“. Тој и покажал на екипата каде е неговиот кревет, ќебињата, како и местото каде што пали свеќи додека црта графити навечер.

– Станот е издаден до август, бидејќи моето дете почнува на училиште во септември. Мислев дека ќе работам до август, но не можев да работам – објаснува Марко.

Тој исто така тврди дека имал договор со луѓето на кои им го дал станот да се иселат до крајот на месецот и дека му било ветено дека тоа ќе се случи порано, но тие сепак не се иселиле. Дополнително, тој тврди и дека ја смениле бравата на вратата од станот што им го дал.

На социјалните мрежи се огласи и сосед од блиската зграда, тврдејќи дека Марко еднаш ја нападнал неговата мајка.

– Живеам во соседната зграда, тој има околу 40 години, психички е болен. Често е пијан. Еден ден ја нападна и мајка ми додека таа минуваше и одеше во продавница. Неколку пати бил апсен, упаднал во детска игротека, носел сатар со крв низ населбатан. Се додека не создаде поголем проблем, според законот нема решение – напишал анонимно еден сосед.

@zezotvor IZDAO STAN I ŽIVI U HODNIKU #stan #zgrada #haos #smeh #smesno #zezotvor #zezotvor #srbija #srbijatiktok #srbija #srbijatiktok #smehoteka #smehoteka #smehoteka2022 #fyp #foryou #foryoupage #viral #viralvideo #video #4u #4you #4upage #zezotvor ♬ original sound – Zezotvor

The post СТАНАРИ ЖИВЕАТ ВО АГОНИЈА Соседот се преселил во ходникот, ги тероризира сите и се заканува со секира (ВИДЕО) appeared first on plusinfo.mk.

Возрасен битолчанец го загуби својот живот во пожар што се случил во неговиот стан на 12 кат кој се наоѓал во повеќекатна зграда.

Од СВР-Битола соопштија дека истрагата за пожарот кој утрово се случил во стан во зградата викана „пензионерска“ што се наоѓа во непосредна близина на основното училиште „Кирил и Методиј“, е во тек и по завршувањето ќе биде соопшен идентитетот на несреќното лице и причините за пожарот.

Екипи на територијалната противпожарна единица во моментов вршат контрола на зградата и станот кој по пријавата за пожар го изгаснале, но, за жал возрасниот битолчанец најверојатно со задушување го изгубил животот.

Превентивно во зградата во тек е повеќечасовен прекин на снабдувањето со електрична енергија.

СВР-Битола попладнево соопшти дека е утврден идентитетот на лицето кое го загуби животот во пожар што се случи на висококатница во Битола.

Станува збор за битолчанецот Ј.Ј. (93 г.) кој живеел во зградата на 12 кат во стан на Булевар „1-ви Мај“ во Битола.

– Утрово во 04.46 часот во СВР Битола беше пријавено дека настанал пожар во стан булевар „1-ви Мај“ во Битола. Пожарот бил изгаснат од екипа на Територијалната противпожарна единица Битола. Притоа, со повреди се здобил и починал Ј.Ј. (93) од Битола, а смрт констатирал лекар од Итна медицинска помош. Увид на местото извршиле екипа од СВР Битола и јавен обвинител по чија наредба телото на починатиот било дадено на обдукција – соопштија од СВР-Битола.

The post ПОЖАР ВО ВИСОКОКАТНИЦА ВО БИТОЛА Повозрасен станар го загубил животот appeared first on plusinfo.mk.