Пратеничката од ВМРО-ДПМНЕ, Бети Стаменковска-Трајковска на собраниската дебата за ребаланс на Буџетот рече дека истиот говори само за недомаќинско или расипничко работење на Владата и ништо повеќе.

– Со вашето вакво лошо работење направивте 753 милиони евра буџетски дефицит или 32,2 отсто. Нѐ убедувавте дека сѐ е во ред и дека буџетот за годинава е добар, ако беше добар буџетот, ако економијата беше добра зошто тогаш толкав дефицит, зошто сега ребаланс – праша пратеничката Стаменковска-Трајковска.

Според пратеничката, граѓаните и генерално никој не знае кај се потрошени парите од минатата година, а сега исто не се знае ни што ќе прават со оваа милијарда.

Стаменковска-Трајковска укажа дека СДСМ само зборува што направило ВМРО-ДПМНЕ.

– ВМРО-ДПМНЕ направи многу, а јавниот долг беше околу 40 отсто, а сега е нешто повеќе и од 65 отсто. Тоа е огромна разлика -рече Стаменковска-Трајковска.

Обраќајќи се на министерот за финансии, Фатмир Бесими, пратеничката потсети дека говорејќи минатата година за буџетот на 2021 година рекол дека сѐ е плански.

– Да, убедувате дека се е плански, ама во реалноста гледаме некои сосема други работи. Гледаме зголемување на средства за патни трошоци, за купување автомобили и слично. А вие најавувате дека буџетот за 2021 година ќе биде за економско заздравување, а реалноста покажа дека за ништо не ве бидува –  рече Стаменковска – Трајковска.

The post Стаменковска-Трајковска: Наместо за развој, ребалансот е за купување автомобили и за патни трошоци appeared first on plusinfo.mk.

– Но, очигледно дополнителната заменичка министерка Невенка Стаменковска Стојковски продолжува да го користи вирусот за политички цели и да набројува институции со цел ширење на паника и надеж за добивање на политички поени. Кога веќе споменува во кои институции работат дел од позитивните случаи, се прашувам зошто заборава да го спомене МВР. И таму во повеќе наврати дел од вработените беа тестирани позитивни, помеѓу кои и советникот на техничкиот министер. Или оваа информација не им оди во прилог во матрицата на поделби којшто сакаат да ја наметнат во јавниот сектор – вели Манчевски.

Тој апелира да ја остават пандемијата со коронавирусот надвор од политичките пресметки. Според него, поделбите, лажните вести и ширењето на паника е само на наша штета. Никоја нема да добие ништо од тоа. Нашата борба е со вирусот ковид-19 и само со почитување на мерките можеме да ги намалиме бројките на позитивни независно во која институција работат.

The post Манчевски: Зошто Стаменковска заборави да каже дека и во МВР има позитивни на ковид-19? appeared first on plusinfo.mk.

Саменковска во статусот на Фејсбук, реагирајќи на изјава на министерот за информатичко општество и администрација Дамјан Манечевски, наведува дека позитивен случај на ковид-19 е потврден и во Министерството за информатичко општество и администрација и во неколку други државни институции.

– Скандалозна и политичка е објавата на Дамјан Манчевски чиј приоритет е партијата и тесно партиски цели на СДСМ, а не вработените во јавниот сектор. И после оваа реакција можам само да заклучам дека заслепениот Дамјан Манчевски единствено се грижи за партиската агенда зошто каде било да се сврти ќе ги види институциите кои секој ден се вбројуваат во нови кластери а подрачните центри на ПИОМ и ФЗО веќе ставија клуч на врата. Дали Манчевски знае дека во институцијата во која тој е министер за жал веќе имаме позитивен случај на ковид-19?, пишува Стаменковска.

Таа наведува дека позитивни случаи се потврдени во Град Скопје, Државниот просветен инспекторат, Агенцијата за храна и ветеринарство, Секретаријатот за европски прашања, Државниот здравствен и санитарен инспекторат, Општина Гази Баба, Државниот инспекторат за труд…..

– И колку Манчевски треба да набројуваме за да разберете дека јавниот сектор е оставен сам на себе, а соодветни мерки за заштита нема, се задоцнети или се недоволни, напиша Стаменковска на Фејсбук.

The post Стаменковска бара оставка од Манчевски и Филипче appeared first on plusinfo.mk.

Според неа, раководните лица од СДСМ не само што не преземаат соодветни мерки за заштита на вработените во јавниот сектор, туку се обидуваат и да ги прикријат оние кои имале симптоми на коронавирусот, а има и ситуации каде на вработени со симптоми не им се дозволува да го напуштат работното место.

– Владата да овозможи мерки за заштита на вработените во јавниот сектор. Вработените кои се распределени и патуваат надвор од местото на живеење да бидат вратени веднаш во својата матична институција или да бидат ослободени од патување за да се заштитат нивните животи и нивните семејства. Да се ослободат сите вработени кои немаат безбеден и редовен превоз до нивното работно место и назад, да работат од дома онлајн освен оние од институциите каде навистина има потреба од физичко присуство на вработените, но притоа да се примени принципот на ротација на вработените, но не повеќе од две лица присутни во иста просторија и да се утврди дека условите се согласно препораките за заштита, да се преземат мерки за соодветна организација на работните единици/простории во институциите како би имало соодветен простор, односно растојание меѓу вработените, а хронично болните, бремените жени, лицата кои се самохрани родители веднаш да бидат ослободени од работа, а функционерите на СДСМ за кои добив известување дека не ги почитуваат мерките и препораките, веднаш да бидат санкционирани и повикани на одговорност – рече Стаменковска Стојковски во видео изјава.

Таа потсети дека во понеделникот, на 1 јуни 2020, го предупредила министерот Дамјан Манчевски дека, како што рече, не постојат никакви протоколи, дека условите не се согласно препораките на Светската здравствена организација, како и дека здравјето на вработените е доведено во прашање.

– За жал, утрово се потврди, дознав дека во зградата позади мене каде работам, поголем број вработени од различни институции имале симптоми на КОВИД-19. Сигурна сум дека никој не презел каква било мерка за заштита на вработените од оваа зграда и општо за вработените во јавниот сектор. Апелирам на доследна примена на Законот за безбедност и здравје при работа бидејќи сериозно сум загрижена и револтирана што и по три месеци од прогласување на вонредната состојба, не се воспоставени никакви протоколи за работа во секоја институција со цел заштита на животот и здравјето на вработените во јавниот сектор, а со тоа и на сите граѓани кои користат услуги од институциите – нагласи дополнителниот заменик-министер.

The post Стаменковска: Владата веднаш да преземе мерки за заштита на вработените во јавниот сектор appeared first on plusinfo.mk.

Според Стаменковска, поради непостоење протоколи за работа и за соодветна заштита на работно место, согласно со препораките на СЗО, денес Владата и функционерите на СДСМ ги втурнале вработените а со тоа и граѓаните и државата во уште посериозна здравствена криза.

„Упатувам апел до Владата веднаш да прекине со негрижата кон вработените во јавниот сектор, да преовладува разумот и да се овозможат мерки за нивна заштита. Упатувам апел сите вработени кои се распределени и патуваат надвор од местото на живеење да бидат вратени во матичната институција или веднаш да бидат ослободени од патување за да се заштитат нивните животи и нивните семејства. Хоронично болните, бремените жени, лицата кои се самохрани родители…. веднаш да бидат ослободени од работа, а функционерите на СДСМ за кои добив известување дека не ги почитуваат мерките и препораките веднаш да бидат санкционирани и повикани на одговорност“, напиша Стаменковска на Фејсбук.

Таа апелира да се работи од дома и онлајн, освен за институциите каде навистина има потреба од физичко присуство на вработените, но притоа да се примени принципот на ротација до не повеќе од две лица присутни во иста просторија.

„Ја повикувам Владата да покаже барем во овие моменти малку совест, одговорност и разум и веднаш да пристапи кон преземање мерки за заштита на здравјето на вработените во јавниот сектор и на граѓаните. Се надевам дека во овие тешки моменти кога Македонија се соочува со подем на пандемијата на коронавирусот, Владата ќе ја прифати подадената рака за да се избориме со пандемијата и ги заштитиме илјадниците животи на вработените во јавниот сектор и на граѓаните во Македонија“, пишува Стаменковска.

The post Стаменковска: Административците се вратија на работа без заштита од ковид-19 appeared first on plusinfo.mk.

Во реакцијата на нејзиниот фејсбук профил, Стаменковска-Стојановска наведува дека истовремено се најавува кратење на платите на вработените во јавниот сектор и се вршат нови вработувања во институциите.

„Нема да побегне од одговорност хибридениот режим со заробени институции. Иако известувам и пријавувам незаконски вработувања, институциите кои треба да вршат надзор над примена на законите, не постапуваат, ќе остане забележано како сите државни и јавни институции се злоупотребуваат за предизборната кампања на СДС, а со Обновата на Македонија институциите ќе се ослободат, секоја злоупотреба на макар еден денар од буџетот на државата и на институциите, ќе се истражи и за секое незаконско постапување одговорност ќе има“, пишува Стаменковска-Стојановска.

Таа потсетува дека информирала дека против едно лица се води кривична постапка за не водење на редовност во една институција, додека за други вработени на кои им се исплаќа плата, иако не постои повеќе основ поради кој се вработиле, нема опомена и кривична одговорност.

За овие состојба, вели Стаменковска-Стојановска, ќе биде известена и Европската унија.

The post Стаменковска-Стојановска: Се вработуваат нови лица, а платата во администрацијата се крати appeared first on plusinfo.mk.