Градоначалникот на Општина Центар, Горан Герасимовски, денеска изврши увид на терен на булеварот Теодосиј Гологанов, во близина на Католичката црква, заедно со деканот на Градежниот факултет, инспекциските служби на Општина Центар и стручни лица, каде се спроведуваат итни мерки за обезбедување и стабилизација на просторот по евидентираното свлечиште на земјиштето во непосредна близина на градежен зафат.

Според стручните насоки од Градежниот факултет, започнато е затрупување и зацврстување на земјиштето на градилиштето со цел да се спречат дополнителни оштетувања и да се обезбеди безбедноста на граѓаните и околните објекти, информираат од Општина Центар.

Герасимовски упати благодарност до деканот и стручниот тим на Градежниот факултет, кои веднаш излегоа на терен и дадоа конкретни насоки за надминување на состојбата.

– Безбедноста на граѓаните нема цена. Од првиот момент реагиравме веднаш, а денеска на терен заедно со стручните лица ги следиме активностите за стабилизација на просторот. Голема благодарност до деканот и тимот на Градежниот факултет за експертската помош и професионалниот пристап. Ќе постапуваме строго и без компромис кога се работи за неодговорно и несовесно градење – изјави Герасимовски.

Инспекциските служби на Општина Центар и натаму се на терен и продолжуваат со надзорот и постапувањето. Досега се изречени повеќе санкции, а постапките против инвеститорот и изведувачот продолжуваат, откако е утврдено дека дел од градежните активности не биле изведувани согласно одобрението за градење издадено од Општина Центар.

Општина Центар останува целосно посветена на надминување на состојбата, обезбедување на просторот и утврдување одговорност за сите констатирани неправилности. 

The post СЕ ЗАТРУПУВА И САНИРА ГРАДЕЖНАТА ЈАМА ВО ЦЕНТАР Герасимовски и деканот на Градежен факултет се на увид appeared first on plusinfo.mk.

Цените на нафтата денеска се стабилизираа на околу 100 долари за барел. Инвеститорите го насочија вниманието на средбата на американскиот претседател Доналд Трамп со кинескиот претседател Си Џинпинг.

Фјучерсите за сурова нафта Брент се стабилизираа близу 106 долари за барел, додека цената на американската нафта WTI се движи околу 100 долари за барел.

Аналитичарите велат дека пазарот останува многу чувствителен на какви било нови вести од регионот, што значи дека веројатно ќе продолжат остри осцилации.

Според нив, секоја понатамошна ескалација или директна закана за снабдувањето би можела брзо да го оживее силниот моментум на цените на нафтата од типот Брент и WTI.

Во меѓувреме, американската администрација објави дека протокот на сурова нафта и гориво низ Ормускиот теснец се намалил за речиси 6 милиони барели дневно во првиот квартал по избувнувањето на конфликтот на Блискиот Исток кон крајот на февруари.

Меѓународната агенција за енергија (МАЕ), исто така, предупреди дека глобалниот пазар на нафта веројатно ќе остане многу недоволно снабден до октомври, дури и ако конфликтот заврши следниот месец.

Саудиска Арабија го информираше ОПЕК дека нејзиното производство на нафта падна на најниско ниво од 1990 година.

The post ПРИВРЕМЕНА СТАБИЛИЗАЦИЈА НА ЦЕНИТЕ НА НАФТАТА Протокот на нафта низ Ормускиот теснец се намалил за 6 милиони барели дневно appeared first on plusinfo.mk.

Градоначалникот на град Скопје Орце Ѓорѓиевски, на денешната прес конференција за медиумите, испрати силна порака дека Скопје излегува од финансискиот и институционален колапс и влегува во период на стабилизација, развој и најголема инвестициска офанзива во својата историја.

Тој истакна дека при преземањето на функцијата затекнал урнат систем, град на раб на банкрот, јавни претпријатија со блокирани сметки, вработени без плати, нефункционални институции и долгови од речиси 300 милиони евра. На сметката на градот имало само осум милиони денари реално расположливи средства, додека истиот ден чекале извршни решенија од 48 милиони денари.

– Наместо да се жалиме, засукавме ракави и почнавме да работиме. Денес можеме гордо да кажеме дека Скопје полека застанува на нозе и оди напред – нагласи Ѓорѓиевски.

Во само два месеци, како што информираше, намалени се повеќе од 40 милиони евра обврски на Градот и јавните претпријатија, нормализирана е исплатата на платите во Дрисла, Комунална хигиена, Паркови и зеленило, Лајка, Флораком и Луна, каде што претходно се доцнело по две плати, а се решавале обврски од околу 450 милиони денари.

Со првиот ребаланс на Буџетот за 2025 година е засилена наплатата и воведена финансиска дисциплина, а Буџетот за 2026 година изнесува 5,2 милијарди денари – зголемен за 12 проценти. Пренесен е вишок од 482,9 милиони денари, со што за првпат по долги години Град Скопје има повеќе пари отколку обврски.

– Тоа ни овозможи да тргнеме во најголемата инвестициска офанзива досега – потенцираше градоначалникот.

Капиталните инвестиции се зголемени за 33,4 проценти, а веќе се реализирани 389,7 милиони денари, при што јануари 2026 година е најуспешен јануари по приходи и реализација.

Започната е изградба на 50 мини паркови низ Скопје и на Мега паркот Христијан Тодоровски Карпош во Бутел, кој ќе биде новото зелено срце на градот.

Големи вложувања се прават во образованието: изградени се спортски терени во шест средни училишта, обезбедени се 60 милиони денари за реконструкции, прочистувачи за воздух во секоја училница, целосна дигитализација, 86 милиони денари за енергетска ефикасност, лаптоп за секој првенец на генерација, воведување униформи за прва година, летни кампови за ранливи категории и целосно бесплатна психолошка поддршка за сите ученици – за првпат во историјата на Град Скопје.

Во инфраструктурата се откочени клучни проекти што со години стоеле заглавени. Кај клучката Момин Поток е исплатена експропријацијата и работите се во полн ек. Во тек е супервештачење за објект на булевар АСНОМ со што ќе се стави во функција таканаречениот мост за ловење риба во 2026 година.

Започната е Фаза 1 од булевар Македонија, наскоро стартува Фаза 2, а Фаза 4 ќе отпочне до крајот на 2026 година. Со завршување на сите фази, Скопје ќе ја добие првата подземна сообраќајница.

Во напредна фаза се и преговорите за експропријација на објектите на булевар Борис Трајковски, за чиј завршеток се веќе обезбедени средства, со што оваа клучна артерија конечно ќе функционира нормално.

Реконструкцијата на улицата Фрањо Клуз е во втора фаза, започната е и реконструкцијата на Перо Наков, а дополнителни 150 милиони денари се обезбедени за рехабилитација на помали улици. Во Буџетот за 2026 година има средства и за булеварите Февруарски Поход, Цветан Димов и други сообраќајни решенија.

Во јавните претпријатија започна обнова каква што Скопје не памети – нови специјални возила за Комунална хигиена, Паркови и зеленило, ЈСП и Градски паркинг, нови контејнери и систем за воведување ред во хигиената.

Се инвестира и во зонското паркирање и нови монтажни паркинзи, како и во две монтажни гаражи во Клиничкиот центар кои ќе решат долгогодишен проблем.

Откочен е и најголемиот еколошки проект во историјата на градот – пречистителната станица за отпадни води вредна околу 185 милиони евра.

Во Водовод се реализираат десетици проекти за нови цевководи, атмосферска канализација, заштита од поплави и стабилно водоснабдување.

Со Флораком и Луна се обновува зелената инфраструктура и се враќа Луна паркот, кој ќе биде завршен во втората половина на 2027 година.

– После повеќе од една деценија лажни ветувања, конечно на децата ќе им обезбедиме современ простор за забава и спомени – истакна Ѓорѓиевски.

Проширени се капацитетите на Лајка со инвестиција од 30 милиони денари, а над 90 милиони денари се обезбедени за реконструкција и опрема на културните установи, плус дополнителни 25 милиони денари за намалување на нивните обврски.

Паралелно со инвестициите, сериозно се намалуваат долговите – тековните обврски за над 4,6 милиони евра, кредитите за над 1,2 милиони евра, како и драстично долговите на јавните претпријатија: Водовод за 1,3 милијарди денари, ЈСП за 427 милиони, Комунална хигиена за над 130 милиони, Паркови и зеленило за над 80 милиони, Дрисла за 14,5 милиони и Градски паркинг за 41,6 милиони денари.

Градоначалникот им се заблагодари на граѓаните кои го платиле данокот на имот и информираше дека се блокирани 17.694 сметки за долг од 1,3 милиони евра за 2021 година, како и дека во наредните 15 дена се очекува подмирување на обврските од 2022 до 2025 година од вкупно 96.562 физички лица и 2.335 правни субјекти во износ од 19,5 милиони евра.

Ред мора да има. Секој денар во буџетот значи повеќе проекти и подобар живот за сите – порача тој.

На крајот, Ѓорѓиевски нагласи дека ова е само почеток на финансиската консолидација и целосната трансформација на градот.

– Наследивме долгови, но градиме иднина. Наследивме хаос, но воспоставуваме ред. Наследивме разочараност, но ја враќаме надежта. Ќе го направиме Скопје модерен, чист, функционален и достоинствен град. Нема враќање назад. Нема изговори. Само резултати. Заедно ќе успееме. Време е скопјани да живеат подобро, време е градот да застане цврсто на нозе и да оди напред – рече градоначалникот Орце Ѓорѓиевски на денешната прес-конференција.

The post СКОПЈЕ ЗАСТАНУВА НА НОЗЕ И ВЛЕГУВА ВО НАЈГОЛЕМА ИНВЕСТИЦИСКА ОФАНЗИВА ДОСЕГА Што сработе градоначалникот Ѓорѓиевски во првите 100 дена од мандатот? appeared first on plusinfo.mk.

Премиерот Христијан Мицкоски е задоволен од статистичките показатели за економските движења во земјава.

-Да, исклучително сме задоволни, бидејќи индикаторите, посебно во вториот квартал, почнуваат конечно да покажуваат раст. Значи оној период на стабилизација на македонската економија, сега е проследен со раст.
Раст од 9,4% речиси двоцифрен раст на индустриското производство во мај, споредено со мај минатата година и раст на 9% на преработувачката индустрија во мај, е нешто коешто навистина за нас е многу значајно. Исто така, можам да кажам дека ако се земе периодот од почетокот на годината заклучно со мај месец, значи првите 5 месеци споредено со истиот период лани, растот е над 3, мислам дека е 3,3%, а кај преработувачката индустрија 4,5% – рече Мицкоски.

Тој рече и дека периодот на консолидирање и стабилизација е завршен.

– Сега почнуваме преку овие индикатори да генерираме раст. Туризмот расте со повеќе од 20% и расте индустриското производство, растат инвестициите и така натаму. Ценам дека вториот квартал, би требало да имаме исклучително висок раст на македонската економија – рече Мицкоски.

The post ПЕРИОДОТ НА СТАБИЛИЗИРАЊЕ НА ЕКОНОМИЈАТА Е ЗАВРШЕН Мицкоски вели дека економијата почнува да расте appeared first on plusinfo.mk.

Во Скопје времето ќе биде сончево со мала до умерена облачност и со слаб ветер од северен правец.

Денешната максимална температура ќе биде 26 степени.

Во периодот од 23 септември, па се до 30 септември, се прогнозира период на значително потопло време преку ден и со температури кои повторно ќе бидат малку над просекот за овој период од годината.

The post ЌЕ ВИДИМЕ СОНЦЕ Летото накусо се враќа appeared first on plusinfo.mk.

– И го потпишавме првиот официјален договор со ФРОНТЕКС, на македoнски јазик заедно со останатите 24 официјални јазици во ЕУ, како прв ваков официјален договор меѓу Северна Македонија и ЕУ, којшто е јасна потврда за заштитата на идентитетските одредници – нагласи Ковачевски.

Овој состанок на Советот има историска димензија, бидејќи по 22 години од потпишувањето на Спогодбата за стабилизација и асоцијација и 17 години по стекнувањето на кандидатскиот статус, го одржуваме со започнати преговори за членство на Северна Македонија во Европската Унија, како членка на НАТО.

– Владата којашто ја предводам и во наредниот период ќе вложи максимални напори за навреме да ја заокружиме и отворачката фаза од пристапните приговори и да овозможиме динамизирање на преговорите – порача премиерот Ковачевски.

Со оглед на ротирачкото претседателство со Советот за стабилизација и асоцијација, со овогодинешнот состанок претседава Република Северна Македонија, односно премиерот Ковачевски, а ко-претседавач од страната на Европоската Унија е високиот претставик на ЕУ за надворешни работи и безбедносна политика и потпретседател на Европската комисија, Жозеп Борел.

Во делегацијата на Северна Македонија се и заменикот на претседателот на Владата за европски прашања, Бојан Маричиќ и министерот за надворешни работи, Бујар Османи, а во делегацијата на Европската Унија учествуваат и еврокомесарот за соседство и проширување, Оливер Вархеји, како и претставници на земјите членки на Европската Унија и европските институции.

Претседателот на Владата, Ковачевски, рече дека Владата работи со силен фокус на спроведувањето на неопходните реформи, особено во делот на владеењето на правото и дека продолжува посветеноста во унапредувањето на добрососедските односи преку развивањето дијалог базиран на меѓусебно почитување, во духот на европските вредности.

– Со целосна посветеност кон реформската агенда и динамизирање на процесот на преговори, Владата си постави амбициозна цел – Северна Македонија да биде потполно подготвена да ги преземе обврските од членството во Европската Унија до крајот на 2030 година, за да може да стане земја членка на ЕУ до почетокот на следниот буџетски период на Европската Унија – порача премиерот Ковачевски.

Ковачевски, исто така, рече дека бруталната инвазија на Русија врз Украина длабоко ja промени геополитичкaта реалност и нашата држава веднаш и недвосмислено се приклучи кон едногласната осуда на Европската Унија и меѓународните партнери, за неоправданата и неиспровоцираната агресија врз суверена земја и согласно своите можности, пружи хуманитарна, воена и дипломатска помош.

– Република Северна Македонија се приклучи кон сите рестриктивни мерки коишто ЕУ ги воведе кон Руската Федерација, вклучувајќи ги и воведените во 2014 година, како резултат на анексијата на Крим, со што направивме 100-процентно усогласување со позициите на ЕУ во доменот на заедничката надворешна и безбедносна политика. Со овој чекор ја реафирмиравме својата посветеност кон споделувањето на европските вредности и принципи, врз коишто се базира надворешната политика на Европската Унија, потврдувајќи го партнерството со ЕУ и стратешката европска ориентација – рече во обраќањето премиерот Ковачевски.

Спогодбата за стабилизација и асоцијација (ССА) којашто стапи во сила на 1 април 2004 година, ја претставува рамката за спроведување на договорните односи, сѐ до приемот на Република Северна Македонија во Европската Унија.

Во тек е состанокот на Советот за стабилизација и асоцијација што годинава се одржува во Скопје, во Владата на Република Северна Македонија, на којшто може да се слушне јасна поддршката од нашите пријатели од Европската Унија за следниот исчекор на нашата држава во европските интерграции. На состанокот, како што информираат од владината прес-служба, се разговара за прашања од значење на Процесот за стабилизација и асицијација, како што се усогласогласувањето со европското законодавство, билатералните односи во рамки на Спогодбата за стабилизација и асоцијација и за актуелни прашања за политичкиот контекст во регионот и во Европа.

The post ЧЛЕНСТВО ВО ЕУ ДО 2030 ГОДИНА Премиерот Ковачевски ја оцени можноста за влез на земјата во европското семејство appeared first on plusinfo.mk.

При носењето на одлуката, како што денеска соопшти централната банка, земени се предвид најновите движења на инфлацијата. 

– Во периодот јануари ‒ јуни 2022 година годишната стапка на инфлација изнесува 10 проценти во просек, што е повеќе во однос на последните проекции. Најголемиот дел од домашната инфлација е резултат на притисокот од увозните цени на храната и енергијата, коишто досега растат посилно од очекуваното. Овие притисоци брзо се прелеваат врз цените и на останатите производи и услуги и дополнително ги подгреваат инфлациските очекувања – се наведува во соопштението.

Од Народната банка информираат дека за првпат по извесно време очекувањата за цените на нафтата и храната на светските пазари се ревидирани надолу и дека во втората половина од годинава се очекува стабилизирање. Сепак, велат од Народната банка, неизвесноста од идните движења на цените на енергијата и храната е нагласена поради воените случувања во Украина. 

– Имајќи ги предвид инфлациските движења, но и движењата на девизниот пазар, Народната банка постојано ги користи сите расположливи инструменти за управување со ликвидноста и за влијание врз каматните стапки. Интервенциите на Народната банка на девизниот пазар, од последниот квартал минатата година па наваму, придонесуваат за намалување на ликвидноста, а за да се одржи нејзиното оптимално ниво се користат и останатите инструменти, како што се депозитот преку ноќ, седумдневниот депозит, репо-операциите и благајничките записи. Во текот на годината, во два наврата беa направени и промени кај инструментот задолжителна резерва заради понасочено делување врз процесот на евроизација, којшто дополнително влијае врз побарувачката на девизниот пазар. Оваа мерка е во склад и со Стратегијата за денаризација на домашната економија – велат од централната банка. 

Главниот ризик и понатаму останува неизвесноста поврзана со текот и времетраењето на воениот конфликт меѓу Русија и Украина и неговото влијание врз цените и економската активност во глобални рамки, а според Народната банка не треба да се занемарат и ризиците од пандемијата на Ковид 19 која се уште не е завршена. 

– Во вакви услови уште повеќе доаѓа до израз потребата за водење претпазливи домашни политики.Народната банка внимателно ги следи макроекономските податоци и ризиците поврзани со нив и ќе продолжи со делување користејќи ги сите расположливи инструменти, со цел да се одржи стабилноста на девизниот курс и среднорочната ценовна стабилност – нагласува Народната банка. 

Девизните резерви остануваат во сигурна зона, а според првичните податоци за јуни годинава, годишниот раст на вкупните кредити е солиден и е малку над проектираниот, при поумерен раст кај вкупните депозити.  Во првиот квартал од годинава, активноста во домашната економија остварила реален раст од 2,4 проценти на годишна основа, сличен на остварувањата од претходниот квартал. Расположливите месечни податоци за економската активност за вториот квартал засега упатуваат на слични движења и во овој период. 

The post КАМАТНИТЕ СТАПКИ ЗГОЛЕМЕНИ НА 2,5 ПРОЦЕНТИ Инфлацијата е повисока од проценките appeared first on plusinfo.mk.