ССМ протест Archives - plusinfo.mk

ВОЗАЧИТЕ ДА СЕ ПОДГОТВАТ ЗА БЛОКАДА НА СКОПЈЕ Маршот на синдикалците ќе го затвори центарот на градот

плусинфо — Fri, 13 Mar 2026 08:51:39 +0000

Во Скопје утре ќе има изменет режим на сообраќај поради протест што го организира Сојуз на синдикатите на Македонија.

Протестниот марш ќе започне во 12:05 часот пред седиштето на синдикатот на улицата Мирче Ацев, по што учесниците ќе се движат по улиците Филип Втори Македонски, 11 Октомври, Димитрие Чуповски и Васил Главинов, а потоа по булеварите ВМРО и Илинден сè до зградата на македонската Влада.

Поради протестот, сообраќајната полиција ќе воведе привремени ограничувања и пренасочувања на возилата по трасата на движење.

Од Министерство за внатрешни работи апелираат граѓаните да ги почитуваат упатствата на полициските службеници и да бидат внимателни при движење во централното градско подрачје.

The post ВОЗАЧИТЕ ДА СЕ ПОДГОТВАТ ЗА БЛОКАДА НА СКОПЈЕ Маршот на синдикалците ќе го затвори центарот на градот appeared first on plusinfo.mk.

ПОСЕБЕН РЕЖИМ НА СООБРАЌАЈ ВО СКОПЈЕ Протест пред Владата од 11 часот

плусинфо — Tue, 17 Feb 2026 09:23:38 +0000

Денеска во Скопје ќе има посебен режим на сообраќај поради протест што ќе го организира Сојузот на синдикати на Македонија.

Протестот ќе започне во 11:00 часот пред Владата, на булеварите Илинден и Свети Климент Охридски“. Од полицијата информираат дека, доколку има потреба, сообраќајот ќе биде пренасочен по околните улици.

Поради настанот, Единицата за безбедност на патниот сообраќај ќе преземе мерки за регулирање на движењето во централното градско подрачје.

Од надлежните апелираат до граѓаните да ги почитуваат насоките и наредбите на полициските службеници, со цел непречено и безбедно одвивање на сообраќајот.

The post ПОСЕБЕН РЕЖИМ НА СООБРАЌАЈ ВО СКОПЈЕ Протест пред Владата од 11 часот appeared first on plusinfo.mk.

ПОЛИЦИЈАТА ЌЕ ЗАТВОРА УЛИЦИ ВО СКОПЈЕ Посебен сообраќаен режим од 17 часот поради синдикален протест

плусинфо — Wed, 28 Jan 2026 09:35:51 +0000

Скопје денеска ќе функционира со посебен режим на сообраќај поради најавениот протест во организација на Сојузот на синдикатите на Македонија (ССМ), кој ќе започне во 17 часот.

Протестниот марш ќе тргне пред зградата на ССМ на улицата Мирче Ацев, по што учесниците ќе се движат низ централното градско подрачје – по улиците Филип Втори Македонски, 11 Октомври, Димитрие Чуповски, Васил Главинов, како и по булеварите ВМРО и Илинден, со крајна дестинација пред зградата на Владата.

Поради движењето на колоната, полицијата ќе воведе привремени сообраќајни ограничувања и пренасочувања на возилата по дел од овие улици, во зависност од динамиката на протестот.

Од Министерството за внатрешни работи информираат дека полициските екипи ќе бидат на терен за да го регулираат сообраќајот и апелираат до граѓаните да ги почитуваат нивните насоки и наредби.

На возачите им се препорачува навреме да ги испланираат своите обврски и, доколку е можно, да користат алтернативни правци за движење.

The post ПОЛИЦИЈАТА ЌЕ ЗАТВОРА УЛИЦИ ВО СКОПЈЕ Посебен сообраќаен режим од 17 часот поради синдикален протест appeared first on plusinfo.mk.

УТРЕ ЕДНОЧАСОВЕН ПРОТЕСТ ВО ЦЕНТАРОТ НА СКОПЈЕ Синдикатите притискаат за минималец од 18.000 денари

МИА — Thu, 03 Feb 2022 13:27:01 +0000

Претседателството и Советот на Сојузот на синдикати на Македонија како највисоки тела на синдикатот утре од 13.30 до 14.30 часот ќе ја блокираат улицата пред седиштето на Организацијата на работодавачи во центарот на Скопје во знак на незадоволство од нивниот предлог за методологијата на минималната плата.

Претседателот на ССМ Дарко Димовски во изјава за МИА вели дека за нив е неприфатлив предлогот на работодавачите според кој минималната плата би изнесувала 16.164 денари.

– Со она што го нудат минималната плата во нето износ би била 16.164 денари што за нас е неприфатливо во никој случај кога знаеме дека минималната синдикална кошничка изнесува 35.040 денари. Затоа утре по завршување на седницата на Советот на ССМ директно излегуваме со целото Претседателство на ССМ и сите штрајкувачки одбори на протест со блокирање на улицата пред седиштето на ОРМ и Стопанската комора – изјави Димовски.

Нивна делегација ќе присуствува и на седницата на Економско-социјалниот совет закажана за 16 часот во Владата, а доколку не биде прифатено нивното барање за минимална плата од 18.000 денари и скалесто зголемување на сите останати плати, ќе излезат на генерален штрајк.

– Доколку во 16 часот не се прифатат барањата за минимална плата од 18 илјади денари и скалескт зголемување на сите плати, штрајкот ќе се роди пред овие две организации на работодавачи и во иднина ќе продолжи на нивна штета бидејќи нема да дозволиме штетата да ја трпи само работникот – истакна Димовски.

Вчера, на седницата на Економско-социјалниот совет не беше постигнат договор за зголемување на минималната плата. Консензус има дека минималната плата треба да се зголеми, но, не и за колку или на каков начин да се дојде до тоа.

The post УТРЕ ЕДНОЧАСОВЕН ПРОТЕСТ ВО ЦЕНТАРОТ НА СКОПЈЕ Синдикатите притискаат за минималец од 18.000 денари appeared first on plusinfo.mk.