На граничниот премин Табановце, царинските службеници откриле неверојатни 129,7 килограми марихуана скриени во ладилник на камион со словенечки регистарски таблици. Осомничен е 43-годишен државјанин на Србија, кој се обидел да ја пренесе дрогата во земјава, потврдија од Обвинителството во Куманово.

Според првичните информации, дрогата била распоредена во 14 големи торби, внимателно скриени во полуприколката на камионот. Возилото било во сопственост на превозна компанија од Словенија, а при редовна контрола на граничниот премин, цариниците забележале неправилности во товарниот дел и веднаш повикале полициски екипи.

„Обвинителството веднаш отвори истрага и достави предлог до судијата на претходна постапка за определување мерка притвор, со оглед на сериозноста на делото и опасноста осомничениот да се даде во бегство“, соопштија од Основното јавно обвинителство во Куманово.

Според Кривичниот законик, за делото „Неовластено производство и пуштање во промет наркотични дроги“ е предвидена казна затвор до 10 години.

Обвинителството и Царинската управа продолжуваат со истрагата за да утврдат дали Србинот делувал сам или бил дел од поголема меѓународна нарко-мрежа, која ја користи трасата преку Македонија како дел од балканската рута за шверц на дрога.

The post ФАТЕН НА ТАБАНОВЦЕ СО 130 КИЛОГРАМИ МАРИХУАНА Обвинителството бара притвор за Србинот кој се обидел да внесе дрога во Македонија appeared first on plusinfo.mk.

Српски државјанин со „ауди“ бил сопрен на наплатната рампа „Смоквица“ откако претходно ја поминал границата со Грција преку лентата за автобуси, информираше Министерството за внатрешни работи.

„На 02.04.2025 во 10.27 часот на Граничниот премин Богородица, патничко возило „ауди“ со српски национални ознаки, ја избегнало граничната контрола, односно без да запре и да му се извршат гранични проверки и царинска контрола, преку лентата за автобуси, остварило влез и се упатило по автопатот во правец кон Скопје“, се вели во полицискиот билтен.

И од грчката страна на преминот известиле дека возилото ја избегнало контролата на ист начин, соопшти МВР. Потоа возилото било сопрено на наплатната рампа „Смоквица“.

„По извршената контрола, констатирано било дека возилото било управувано од Н.Т. (42) од Р.Србија, а во возилото сопатници биле неговата сопруга и две малолетни деца. Н.Т. е приведен и привремено згрижен во психијатриската болница во Негорци. Се преземаат мерки за расчистување на случајот“, се вели во соопштението.

The post „ПРОШИШАЛ“ НА ГРАНИЦА ПРЕКУ ЛЕНТАТА ЗА АВТОБУСИ Српски државјанин бил сопрен на патарината кај Смоквица appeared first on plusinfo.mk.

Според извори на Курир.рс телото на мажот, чиј труп бил пронајден во поодмината фаза на распаѓање, било пронајдено во кадата во бањата, додека отсечените раце и нозе биле пронајдени во други простории.

– Полицијата дошла во станот поради дојава дека таму се произведува марихуана. Во потрага по дрога, инспектори упаднале во станот. Во него немало никој, а навистина била пронајдена марихуана. Но, покрај дрогата, пронајден е и труп на маж – вели изворот на Курир.

На инспекторите од вратата им било јасно дека во станот се случило тешко злосторство.

– Само што влегле во станот виделе делови од човечко тело. Понатамошна потрага откри тело во бањата, со голема расекотина на вратот – додава изворот.

Како што открива изворот, во станот била пронајдена комплетна опрема за касапење и чистење.

– Пронајдени се фолии, најлон, хемиски средства. Се претпоставува дека намерата на џелатот била да го исече телото на парчиња и да се ослободи од него, но нешто се случило меѓу сторителите, па решиле само да го остават телото и да побегнат – вели нашиот извор.

Инаку, во станот биле пронајдени документи на тројца Срби.

-Во станот се пронајдени документи на име А.Ј, Л.Р.  и на име Ж.Ј. Сите тие се од поширокото подрачје на Белград и немаат криминално досие во Србија – додава изворот на Курир.

The post СРБИН НАЈДЕН ИСКАСАПЕН ВО СТАН ВО ВИЕНА Трупот бил во када, отсечените раце и нозе расфрлани низ станот appeared first on plusinfo.mk.

– Единствениот државјанин на Србија кој бил во автобусот што изгоре во Бугарија е Љуљзим Сулејмани од Прешево и тој е меѓу седумте преживеани патници, како и неговата свршеница од Куманово, со која заминал на патување во Истанбул – изјави Заев за „Курир“.

Жељко Јовиќ, амбасадорот на Србија во Бугарија, за „Блиц“ потврдил дека државјанинот на Србија е жив и дека е во болница. Амбасадорот отишол во болница да го посети повредениот Сулејмани.

Сулејмани и неговата свршеница пред два дена на социјалните мрежи споделиле заедничка фотографија од Истанбул.

Според досегашните информации, седумте преживеани патници спиеле во задниот дел од автобусот, а кога се случила несреќата го пробиле прозорецот, скокнале од автобусот и се спасиле.

The post СРПСКИОТ ДРЖАВЈАНИН ЈА ПРЕЖИВЕА НЕСРЕЌАТА И неговата вереница од Куманово е жива appeared first on plusinfo.mk.