Италијанската премиерка Џорџа Мелони, пред заминувањето на самитот на Европската унија во Брисел, изјави дека земјата е „отворена за секое решение“ во врска со замрзнатите средства на руската Централна банка, како и дека нема да испраќа војници во Украина.

Мелони во италијанскиот парламент истакна дека користењето на руските замрзнати средства „без цврста правна основа“ во овој момент „би ѝ ја донело на Русија првата вистинска победа“, пренесува Анса.

Таа повтори дека италијанската влада „нема намера да испраќа трупи во Украина“. Исто така, најави дека Италија ќе го формализира своето барање за прекин на постигнувањето на договорот со јужноамериканскиот трговски блок Меркосур (Mercosur). Според неа, овој договор треба да се потпише дури кога во него ќе бидат вклучени гаранции за европските земјоделци.

Во врска со корупциската афера во Украина, во која беа вклучени и високи функционери блиски до украинскиот претседател Володимир Зеленски, Мелони изјави дека Италија нема да го прекине финансирањето на земјата, но додаде дека ја „следи корупцијата“ и оти потезите на Киев се „охрабрувачки“.

The post ИТАЛИЈА ПОВЛЕКУВА ЦРВЕНА ЛИНИЈА Мелони „отворена за решенија“ за руските пари, но против испраќање војска appeared first on plusinfo.mk.

Луѓето во Србија собираат пари за единствената преживеана од трагедијата во Нови Сад, Теодора Мартинко, млада мајка и студенка по уривањето на бетонската натстрешница на железничката станица, јави српска Нова.

Парите не се наменети за нејзино лекување, за кое веќе платила државата Србија, туку се средства што ќе ѝ требаат понатаму бидејќи нема да може да работи, а има и дете, објасни Стефан Миливојевиќ од хуманитарната организација „Нови живот“.

Од денот кога бетонската настрешница уривајќи се усмрти 16 луѓе, меѓу кои и две деца, Теодора, студентка по медицина и мајка на мало девојче, се бори со последиците. Двете нозе и дел од карлицата ѝ биле ампутирани, а 6 месеци била во животна опасност.

– Во декември 2024 година стапивме во контакт со семејствата на Теодора и Вукашин. И двајцата се согласија да започнеме хуманитарна кампања. За жал, Вукашин почина, па целата сума ќе ѝ припадне на Теодора – додаде тој.

Организацијата потврди дека веќе се собрани речиси 2 милиони динари, од кои 1 милион бил првично наменет за Вукашин Црнчевиќ, кој подоцна починал на Воено-медицинската академија ВМА во Белград поради компликации од повредите.

„Средствата ќе ѝ бидат префрлени на Теодора. Таа може да ги користи како што сака, за количка, трошоци, потреби за детето. Луѓето беа неверојатно дарежливи, а сѐ започна со разговор меѓу пријатели“, стои во соопштението на организацијата.

Најтрогателен бил моментот кога, веднаш по несреќата, Теодора, извлечена од под урнатините, им кажала на спасувачите:

– Кажете ѝ на ќерка ми дека нејзината мајка многу ја сака.

The post САМО ТЕОДОРА ГО ПРЕЖИВЕА ПАДОТ НА НАТСТРЕШНИЦАТА ВО НОВИ САД Се собираат пари за да ѝ се помогне по опоравувањето appeared first on plusinfo.mk.

Царинската управа изминатите денови спречи низа обиди за криумчарење различни стоки преку неколку гранични премини низ државата. Меѓу запленетите производи се лекови, медицински материјали, очила, мотоцикл за крос, парични средства, религиозни предмети, но и голема количина облека, обувки и чоколади.

Според информациите од Управата, царинските службеници на граничниот премин Деве Баир заплениле ампули и лекови, меѓу кои пет парчиња „Genotropin GoQuick“ од 12 mg и 50 вијали „Dysport“ — препарати што се користат за терапија при хормонален дисбаланс и невролошки нарушувања. Притоа се пронајдени и 170 килограми мед, 177 чоколади, чаеви, како и брендирани фармерки, скриени во автобус кој сообраќал на релација Македонија – Турција – Македонија.

„Сторителот се обидел да внесе лекови и други производи без дозвола, што претставува сериозно кривично дело. Поднесена е соодветна кривична пријава,“ информираат од Царинската управа.

Мобилен тим на Царината на преминот Богородица открил над илјада парчиња стоматолошки материјали, меѓу кои прибор за импланти, средства за белење и пломбирање, како и материјали за круни и мостови, пренесувани без соодветна дозвола од македонски државјанин.

Истиот премин бил место и на друга заплена – 58 штеки цигари, сокриени во три камиони и едно патничко возило. Возачите се обиделе да ги скријат цигарите во необични места: под душек, во филтер за воздух и преграда за алат.

Во царинската испостава во Гевгелија, цариниците откриле над 600 парчиња очила со диоптер, при што увозникот немал потребна дозвола за увоз.

На граничниот премин Табановце цариниците спречиле повеќе обиди за шверц, меѓу кои еден патник се обидел да внесе шест илјади евра и голема количина облека, чанти и обувки без пријава. Според Царинската управа, на лицето му се вратени 10.000 евра, а остатокот е запленет. Во возилото биле пронајдени и 100 парчиња облека, седум пара обувки, две чанти и два паричници.

Во друг случај, македонски државјанин патувал со автомобил од Германија во кој се обидел да шверцува крос мотоцикл, без документација и пријава. При други контроли во возила се откриени и UPS уреди, каиши за товар, печатач, делови за уреди и над 70 парчиња облека.

На истиот премин, патник во автобус на линија Белград–Уранополис пренесувал над две илјади парчиња религиозни предмети, меѓу кои дрвени крстови, бројаници и метални приврзоци, без да ги пријави.

„Нашите мобилни тимови и службите на сите гранични премини постојано ја следат ситуацијата и преземаат засилени контроли. Целта е јасна – нулта толеранција за шверц“, велат од Царинската управа за медиумите.

Во акциите биле откриени и 12 парчиња употребувани делови за возила и нова пумпа за кочење, скриени во автомобил со косовски регистарски таблички, кој се пријавил за влез на граничниот премин Дојран.

Царинската управа најави дека продолжува со засилени контроли на сите влезни точки во државата и ќе поднесува соодветни пријави против сите сторители кои ќе се обидат да криумчарат стока, пари или предмети за кои е потребна посебна дозвола.

The post КРИУМЧАРЕЛЕ ЛЕКОВИ, ДИОПТРИСКИ ОЧИЛА И ХОРМОНИ ЗА РАСТ Во акциите Царина запленети и мотоцикл, чоколади, ботокси, пари… appeared first on plusinfo.mk.

Директорот на Бирото за јавна безбедност (БЈБ), Александар Јанев, информираше дека во текот на вчерашниот ден е успешно реализиран нов случај што открива сериозно коруптивно и несовесно работење од страна на лица вработени во здравствениот сектор и други приватни дејности.

– Откривме мрежа составена од поединци кои со години ја злоупотребувале јавната служба, без грам морал и достоинство. Со фалсификување документи, дијагнози, мислења и вештачења, овозможувале лица кои не ги исполнувале условите да добијат државна помош – истакна Јанев.

Според информациите од БЈБ, овие лица овозможувале незаконски пристап до парични средства за туѓа нега и инвалидски пензии, при што биле потрошени значајни средства од буџетот, кој се полни преку трудот и даноците на граѓаните.

– Парите кои требаше да завршат кај вистински загрозените категории на граѓани, завршувале кај измамници и членови на оваа мрежа кои се збогатувале на наша сметка. Ова е неприфатливо – додаде тој.

Јанев нагласи дека борбата против криминалот продолжува со несмален интензитет.

– Како прв човек на БЈБ, заедно со сите чесни полициски службеници, ја водиме оваа битка со јасна порака – криминалот не е исплатлив. Ќе има одговорност за секој што ќе се огреши пред законот – порача Јанев.

Тој ја заврши изјавата со силна порака до граѓаните:

„Задача и должност ни е да ја вратиме довербата во институциите и честа на системот. Ќе продолжиме да ја чистиме државата од овие штетни појави и ќе обезбедиме сигурна и правична иднина за сите.“

The post ЌЕ ЈА ВРАТИМЕ ЧЕСТА НА СИСТЕМОТ, ПОРАЧА ЈАНЕВ Откриени корумпирани лекари и измамници кои злоупотребувале државна помош appeared first on plusinfo.mk.

Претседателот на Република Српска (РС), Милорад Додик, денеска во Источно Сараево праша „како е можно со одлуката на високиот претставник Кристијан Шмит да се блокираат средствата од буџетот на Сојузот на независни социјалдемократи (СНСД) и Обединета Српска.

• СЕ ПОЈАВИ СНИМКА ОД ИНЦИДЕНТОТ Специјалци од Република Српска спречија апсење на Додик

– Дали тоа е демократија? На која основа го прават ова? – изјави Додик.

Како што пренесе бањалучкиот весник „Независне новине“, тој наведе дека поради санкциите што претходно му ги воведе САД, платата ја прима по пошта, дека е претседател на РС и дека не зема плата од партијата.

Високиот претставник во Босна и Херцеговина, Кристијан Шмит, денеска во Сараево соопшти дека донел одлука да го блокира финансирањето на Сојузот на независни социјалдемократи и Обединета Српска поради „нападот на Дејтонскиот договор и уставниот поредок на Босна и Херцеговина“.

– Средствата ќе бидат суспендирани и пренасочени на посебна сметка во Централната банка на Босна и Херцеговина – рече Шмит.

ЗАКОНИТЕ НА БИХ ВЕЌЕ НЕМА ДА ВАЖАТ ВО РЕПУБЛИКА СРПСКА Додик се заканува со отцепување и го нарекува Сараево окупаторска сила

The post ШМИТ ГИ БЛОКИРАШЕ ПАРИТЕ НА ПАРТИЈАТА НА ДОДИК Претседателот на Република Српска со прашање – „Ова ли е демократија?“ appeared first on plusinfo.mk.

Граѓаните кои сакаат да помогнат на семејствата на настраданите во страшната трагедија што го погоди Кочани, можат тоа да го сторат преку финансиски донации на веб-страницата www.supportkocani.com.

„Оваа страница содржи податоци за индивидуални сметки на децата повредени во трагедијата. Сите податоци се објавени со доброволна согласност од родителите или нивните блиски“, се наведува на платформата.

Во овие тешки моменти, најголема поддршка им е потребна на семејствата кои се директно погодени од несреќата, како и на родителите на децата што се на лекување во странство.

Како што многупати досега сме покажале дека знаеме да се обединиме во моменти на криза, така и сега можеме да направиме разлика.

Веб-страницата www.supportkocani.com е создадена за да се спречат можни злоупотреби, а податоците за донации овозможуваат парите да одат директно кај родителите на повредените деца од пожарот во дискотеката „Пулс“.

Оваа страница е привремена и служи исклучиво за оваа хуманитарна цел.

 

View this post on Instagram

 

A post shared by @supportkocani

 

View this post on Instagram

 

A post shared by @supportkocani

The post 📽️ ВАШАТА ПОМОШ МОЖЕ ДА НАПРАВИ РАЗЛИКА Донирајте директно на семејствата на повредените! appeared first on plusinfo.mk.

Предлогот трошоците за пат и престој на членови на семејствата на македонските граѓани кои се лекуваат во странство по трагедијата во Кочани ќе се најде на седница на Владата, откри министерот за надворешни работи и надворешна трговија Тимчо Муцунски.

На прес-конференција министерот обзнани и дека во секоја од земјите каде што се пратени пациенти на лекување има определено лице за контакт кое е достапно 24 часа за родителите за каков било контакт или поддршка и дека списокот на контакти е објавен на сајтот на министерството.

– Дополнително на седница на Владата ќе предложам од Службата за општи и заеднички работи да бидат покриени трошоците за пат и престој во странство за членови на семејствата на повредените кои се лекуваат во странство. Исто така за сите прашања од конзуларен карактер имаме дежурен број во министерството – рече Муцунски.

Министерот најави дека уште лица од актуелните 51 треба да заминат да се лекуваат во странство во текот на овој ден.

– До овој момент 51 пациент од Македонија е испратен на лекување во следните земји: 9 пациенти во Турција, 14 во Бугарија, 4 во Грција, 17 во Србија, 4 во Литванија транспортирани со романски авион и засега 2 пациенти во Унгарија. Во денешениот ден се очекува 6 во Австрија, 4 во Словенија, 4 во Хрватска, 4 пациенти во Норвешка и уште 4 во Унгарија.

Муцунски истакна дека министерството преку Кризен штаб во последните 24 часа ги координира сите заминувања во странски земји. Тој рече дека бил активиран и Механизмот за цивилна заштита на Европската Унија, систем за кооррдинација меѓу сите земји на унијата од каде се очекува помош.

Министерот му заблагодари на својот колега од Грција Герапетритис за укажаната помош и спремност. Тој им се заблагодари на бројните државници кои се солидаризираа со Македонија, искажаа сочувство и ги понудија своите капацитети за помош, и, како што рече, ја прескокнале потребната битократија која обично е дел од ваквите процеси.

Муцунски и премиерот Христијан Мицкоски оствариле телефонски повици со претставници од повеќе земји. Меѓу повиците до премиерот Мицкоски бил и повик од Ричард Гренел во име на администрацијата на Доналд Трамп.

Муцунски потврди дека од денеска е прогласена 7-дневна жалост во државата и дека знамињата во министерството и во владата се поставени на пола копје.

Тој им се заблагодари и на сите медицински лица вклучени во процесот на ангажираноста и на пожртвуваноста.

The post УШТЕ ДВАЕСЕТИНА ЛИЦА ЌЕ ЗАМИНАТ НА ЛЕКУВАЊЕ ВО СТРАНСТВО Муцунски ќе предложи на членовите на семејствата да им бидат покриени трошоците за пат и престој appeared first on plusinfo.mk.

Франција ќе ја искористи каматата од замрзнатите руски средства за да го финансира купувањето оружје за Украина во вредност од 195 милиони евра, изјави денеска министерот за одбрана на Франција, Себастијан Лекорни, во интервју за економскиот неделник „Трибјун“.

Тој рече дека Франција, исто така, планира да ѝ предаде на украинската армија некои од своите постари оклопни борбени возила, како што се AMX-10RC и борбените возила на пешадијата.

– Благодарение на каматата за замрзнатите руски средства, ќе искористиме нови средства во вредност од 195 милиони евра – рече Лекорни.

Тој прецизираше дека парите ќе бидат искористени за набавка на гранати од 155 милиметри и наведувани проектили за борбените авиони Мираж 2000 што Франција ѝ ги подари на Украина.

ПАРИТЕ СЕ НА РУСИЈА, НЕ Е ФЕР ДА ИМ СЕ ЗЕМАТ Франција е против употребата на замрзнатите руски средства за војната во Украина

The post ФРАНЦИЈА НЕМА ДА ГИ КОРИСТИ ЗАМРЗНАТИТЕ РУСКИ ПАРИ ЗА ОРУЖЈЕ ЗА УКРАИНА, САМО КАМАТАТА Со средствата ќе се купуваат гранати и проектили за Киев appeared first on plusinfo.mk.

Управата за финансиска полиција поднесе кривична пријава против Б.Ф. од Тетово и четири компании под негово управување, поради сомневање за даночно затајување во износ од 16.085.644 денари или над 260.000 евра.

Според информациите, осомничениот, кој е сопственик и управител на неколку компании, во периодот од 2013 до 2023 година, наводно, вршел финансиски трансакции во кои префрлал средства на свое и други компании без соодветно пријавување. Дополнително, не ги враќал позајмиците и не ги отфрлал застарените побарувања, со што ја намалувал даночната основа и избегнувал плаќање на данок на добивка.

„Во текот на истрагата утврдивме сериозни неправилности во финансиското работење на пријавениот и компаниите под негово управување. Овие активности довеле до избегнување на обврските кон државниот буџет, што претставува кривично дело даночно затајување“, информираат од Управата за финансиска полиција.

Пријавениот е сопственик и управител на неколку компании, меѓу кои „БИБАЈ ГРОУП“ ДООЕЛ, „БИБАЈ“ ДООЕЛ, „Про Тире“ ДООЕЛ и „РАЕН“ ДООЕЛ, сите со седиште во Тетово.

Финансиската полиција продолжува со истрагата, а предметот ќе биде доставен до Јавното обвинителство.

The post БИЗНИСМЕН 10 ГОДИНИ КРИЕЛ ДАНОК ПРЕКУ 4 ФИРМИ Тетовец му нанел милионски штети на Буџетот appeared first on plusinfo.mk.

Упатството што во петокот го објави државниот секретар Марк Рубио, издадено до сите дипломатски и конзуларни претставништва, бара од вработените да издаваат „наредби за стопирање на работата“ за речиси сите „постојни награди за странска помош“ и тоа веднаш.

Бриселски Политико, кој прв ја објави веста, пишува дека се чини дека тоа оди подалеку од неодамнешната извршна наредба на претседателот Доналд Трамп, која му наложи на Министерството да ги паузира грантови за странска помош на 90 дена во очекување на разгледување од секретарот.

Ваквото барање е студен туш и за сите што веќе работат со амбасадата, бидејќи очекувањата беа дека наредбата ќе се однесува за новите проекти, а не за тековните.

Во иднина се очекуваат и други вакви последици од политиките на Трамп, во зависност од тоа како американскиот претседателќе ја води „трговската војна“ со ЕУ.

Генерално, помошта на САД во Македонија се менаџираше преку проекти на амбасадата и преку агенцијата УСАИД, а беше фокусирана на владеење на правото, на сајбер безбедноста, на животната средина, на развој на демократијата, подобрување на конкурентноста, на борба против корупцијата и за поголемо граѓанско учество.

Само за судскиот систем САД во последните 3 децении дадоа речиси 500 милиони долари помош, што беше повод амбасадорката Ангела Агелер да се пожали во една прилика дека „зборувањето не е без пари“, односно дека се потрошени многу пари во јакнење на независноста на правосудството, а довербата во него сѐ уште е многу ниска.

САД даваа помош и за пандемијата (околу милион и пол долари), а вкупно од 1993 година, од кога работат на овој начин со Македонија, дадоа помош од речиси една милијарда долари, надвор од воената. Иако на удар на наредбата се главно невладини организации и медиуми, преку УСАИД помош добиваа и владини и други институции.

The post СЕКНАА АМЕРИКАНСКИТЕ ПАРИ ЗА МАКЕДОНСКИОТ НЕВЛАДИН СЕКТОР „Студениот туш“ на Трамп ќе трае најмалку 90 дена appeared first on plusinfo.mk.