Во позрелите години многу жени сè поретко посегнуваат по кошничката со леб. Со повеќе искуство и поголема свесност за значењето на урамнотежената исхрана, лебот – особено белиот – често прв се елиминира од менито. Познато е дека белиот леб брзо го зголемува нивото на шеќер во крвта и, поради високиот удел на рафинирани јаглехидрати, може да придонесе за зголемување на телесната тежина.

Избегнувањето на високо рафинирани видови леб е оправдана одлука, бидејќи тие содржат малку влакна и имаат пониска нутритивна вредност. Дополнително, со стареењето регулацијата на шеќерот во крвта и чувствителноста на инсулин можат да се влошат, што е една од причините зошто многумина почнуваат повнимателно да ги бираат јаглехидратите што ги внесуваат.

Сепак, нутриционистите предупредуваат дека нема потреба од целосна „демонизација“ на лебот. Одредени видови се значително побогати со хранливи материи од други и можат да бидат дел од здрав режим на исхрана.

Поддршка за здраво стареење

Меѓу нив особено се издвојува интегралниот ’ржан леб. Според нутриционистите, неговиот состав го прави исклучително корисен за лица постари од 50 години.

Повеќе за ова прочитајте ТУКА.

The post ЛЕБОТ НЕ ТРЕБА ДА СЕ ДЕМОНИЗИРА НИТУ ПОСЛЕ 50-ТАТА Ова е единствениот леб што се препорачува за повозрасните и како да препознаете дали е вистински appeared first on plusinfo.mk.

Како што старееме, некои здравствени проблеми може да се појават ненадејно и неочекувано, особено по 50-тата година од животот.

Болките и непријатностите што претходно сме ги игнорирале сега можат да станат посериозни проблеми. Иако некои проблеми стануваат се почести со возраста, многу од нив може да се менаџираат или спречат ако ги препознаеме на време.

По 50-тата година, некои здравствени проблеми може да се појават одеднаш и да предизвикаат непријатност. Така и болките кои претходно изгледале безопасни можат да станат знак за посериозни проблеми во средната возраст.

Повеќе за ова прочитајте ТУКА.

The post РЕАГИРАЈТЕ НА ВРЕМЕ Ненадејни здравствени проблеми кои се јавуваат по 50-тата appeared first on plusinfo.mk.

Стареењето е индивидуален процес и луѓето различно се справуваат со него. Некои се чувствуваат постари во помладите години, додека други остануваат витални и активни во подоцнежните години. Староста не треба да се мери само според бројот на години, туку и според квалитетот на животот, здравјето, емоционалната благосостојба и социјалната интеракција.
Кога навистина завршува младоста и дали некогаш воопшто започнува староста, ако се чувствуваме млади? Таа дискусија беше поттикната од едноставно прашање на Quora, платформа за споделување знаења. „Имам 74 години. Дали сум уште млада или сум средовечна?“

Секако, ова е духовита провокација затоа што, по својата дефиниција, средната возраст ја претставува фазата на човечкиот живот помеѓу младиот возрасен период и почетокот на постарата возраст. Прецизниот опсег е предмет на академска дебата, но често терминот се користи за означување на возраст од околу 40-тите до околу 60-тите, иако може да започне порано и да трае подолго. Оваа животна фаза е обележана со постепен физички, когнитивен и социјален пад кај поединците како што стареат, вели науката.

Целиот текст прочитајте го ТУКА.

The post ИМАМ 74 ГОДИНИ, ДАЛИ СУМ УШТЕ МЛАДА ИЛИ СУМ ВЕЌЕ СРЕДОВЕЧНА? Дали кога ви велат „мајче“, ви се слуша како да ви велат „маче“? appeared first on plusinfo.mk.

Таложењето килограми во средовечноста им е познато на многумина, но заедничкиот изговор е – забавување на метаболизмот. Но, според новите истражувања, големиот стомак во средната возраст најверојатно се должи на животниот стил, навиките за вежбање и начинот на исхрана. Тоа е објавено во списанието „Сајенс“.

Меѓународен тим истражувачи, предводен од Универзитетот Дјук во Дурам,Северна Каролина, САД, ја анализирале брзината на метаболизмот на една личност во текот на нејзиниот живот. Податоците покажале дека кога ќе се роди бебе, тоа користи иста количина енергија како и возрасен имајќи ја предвид разликата во големината и масата на телото, пропорционално. Меѓутоа, метаболизмот речиси веднаш станува за 50 отсто побрз кога детето ќе наполни една година.

„Нешто се случува во клетките на бебето што го прави поактивно, а ние сѐ уште не знаеме какви се тие процеси“, вели Херман Понцер, еден од авторите на трудот и вонреден професор по еволутивна антропологија на Универзитетот Дјук.

Ова интензивно темпо продолжува сѐ додека детето не наполни две години, но потоа забавува за околу три отсто годишно. Постепениот пад продолжува до зрелоста и се стабилизира на околу 20 години.

Потоа, меѓу 20-тата и 60-тата година, метаболизмот останува стабилен. Спротивно на она што многу луѓе го мислат – метаболизмот не забавува така „одеднаш“ во 30-тите до 50-тите години од животот. Според новите наоди, брзината на метаболизмот опаѓа дури околу 60-та година.

Во испитувањата учествувале повеќе од 6.600 луѓе од 29 земји, со возраст од една недела до 95 години. Учесниците пиеле специјална вода која се состоела од „тешки“ изотопи на водород и кислород што може да се следат за да се види колку брзо се исфрлаат од телото. Ова им овозможува на научниците прецизно да ја проценат метаболичката брзина на една личност земајќи ја предвид енергијата потрошена од сите телесни процеси, од дишење и варење на храната до вежбање и шетање куче.

Оваа техника е испробана и проверена, а децениските податоци од различни институции се собрани за трудот, исто така.

„Сѐ ова укажува дека метаболизмот на ткивата и работата на клетките се менуваат во текот на животот, на начини што досега не сме ги процениле целосно“, нагласи д-р Понцер.

Д-р Тимоти Роудс, од одделот за медицина при Универзитетот Висконсин-Медисон, не бил вклучен во истражувањата, но напишал осврт на новите наоди, со д-р Розалин Андерсон од истиот универзитет.

„Се смета дека падот по 60-годишна возраст ја одразува промената на метаболизмот специфичен за ткивата, т.е. енергијата потрошена за одржување“, пишуваат тие.  „Не може да биде случајно што зголемувањето на инциденцата на незаразните болести и нарушувања се појавува во истата временска рамка“.

Незаразните болести се состојби што не можат да се пренесат од едно на друго лице, како што се мозочни удари, срцеви заболувања, дијабетес и деменција. Тие стануваат почести со возраста и сочинуваат околу 70 насто од сите смртни случаи, според Светската здравствена организација.

Фото: Unsplash

The post НАУЧНО „ОПРАВДУВАЊЕ“ ЗА ГОЛЕМИОТ СТОМАК Истражувачки тим ја открил тајната за големиот стомак во средовечноста appeared first on plusinfo.mk.