По пауза од 26 години, во Македонија повторно ќе се воведе средно полициско образование, а според најавите во првата генерација се очекува да се запишат околу 200 ученици.

Според најавите, учениците ќе можат да се запишуваат по завршувањето на втора година од средното образование. Тие третата и четвртата година ќе ги поминуваат во специјализирано полициско образование, каде покрај редовната настава ќе добијат и практична обука за полициската професија.

Целта на ваквиот модел е уште во средношколскиот период да се создадат кадри со соодветни знаења, дисциплина и практични вештини за работа во полицијата.

Искуството од претходниот систем покажувало дека полицајците кои поминале вакво образование имале повисоко ниво на професионална подготовка.

Средното полициско училиште во Македонија беше укинато околу 2000 година, по што обуката за полицајци се организираше преку посебни центри за обука и краткорочни програми. Со новата иницијатива, државата повторно се враќа на моделот на специјализирано средно образование за идните полициски службеници.

Од Министерството за внатрешни работи очекуваат оваа мерка да придонесе за создавање подобро обучени и професионални кадри, кои уште од рана возраст ќе се подготвуваат за безбедносните предизвици и задачите што ги носи полициската служба.

The post ПО ПАУЗА 26 ГОДИНИ, ПАК СРЕДНО ПОЛИЦИСКО ОБРАЗОВАНИЕ Еве кој ќе може да се запише и да стане полицаец appeared first on plusinfo.mk.

Граѓаните на Тамблер Риџ, во канадската провинција Британска Колумбија, каде што во пукање во средно училиште беа убиени најмалку 10 лица, го идентификувале напаѓачот како 18-годишно трансродово лице и поранешен ученик на училиштето, Џеси Стренг.

Полицијата соопшти дека вооруженото лице било пронајдено мртво на местото на настанот, со повреди што укажуваат дека си ги нанело самото, пренесе порталот „Вестерн Стандард“.

Според изјави на локални жители за медиумите, Стренг наводно пред да пристигне во училиштето ги убил мајката и помладиот брат, кои биле познати во заедницата. За овие информации засега нема официјална потврда.

Пукањето било пријавено во вторник околу 13:20 часот по локално време, по што полицијата издала итно предупредување и брзо интервенирала.

Според последните податоци, околу 27 лица се повредени, од кои две се во тешка состојба.

Полицијата претходно информираше дека во училиштето затекнала шест жртви и напаѓач со смртоносни повреди за кои се верува дека си ги нанел сам. Едно тешко повредено лице починало на пат кон болница, а две лица биле пронајдени без знаци на живот во куќа во близина на училиштето.

Надлежните најавија дека во наредните денови ќе објават дополнителни информации.

Во безбедносното предупредување испратено за време на нападот, осомниченото лице било опишано како „жена облечена во фустан со кафеава коса“.

Според медиумите, ова е трето најсмртоносно пукање во историјата на Канада, по масакрот на Политехничкото училиште во 1989 година и нападот во провинцијата Нова Шкотска во 2020 година.

Премиерот на Британска Колумбија, Дејвид Еби, порача дека владата ќе ја обезбеди сета потребна поддршка за заедницата, додека канадскиот премиер Марк Карни изрази сочувство до семејствата на жртвите и го откажа планираното патување во Германија.

МАСАКАР ВО УЧИЛИШТЕ ВО КАНАДА, 10 МРТВИ, 27 РАНЕТИ Првичната информација е дека пукала жена

The post 🎥 МАСАКРОТ ВО КАНАДСКОТО УЧИЛИШТЕ ГО ИЗВРШИЛО ТРАНСРОДОВО ЛИЦЕ Се открива идентитетот на напаѓачот кој уби најмалку 10 луѓе appeared first on plusinfo.mk.

Полицијата во Тетово поднесе две одделни кривични пријави за „измама“ и за „давање лажен исказ“ против физички и правни лица осомничени дека, иако знаеле дека договорите за превоз на ученици биле истечени, изготвувале и доставувале фактури со цел неоснована наплата од средни училишта во Тетово.

Во првиот случај, СВР Тетово поднесе кривична пријава против М.З. (46) од Тетово и против транспортно претпријатие од Тетово. Според наводите, во текот на септември и октомври 2024 година, тие изготвиле фактури иако биле свесни дека договорот за превоз на редовни ученици, склучен со едно средно училиште во Тетово, веќе бил истечен. Без правен основ биле фактурирани услуги во вкупен износ од 15.034.110 денари, а фактурите биле доставени до надлежните служби во училиштето со намера да се изврши наплата.

Бидејќи не успеале да ги доведат во заблуда одговорните лица во училиштето, осомничените, како што информира полицијата, дале лажен исказ кај нотар и ги доставиле истите фактури со барање да биде изготвен предлог-решение за нотарски платен налог, кој потоа бил донесен од нотарот.

Втората кривична пријава е поднесена против Ќ.Ф. (59) од селото Шемшово и против правно лице од истото село. И во овој случај, според полицијата, во септември и октомври 2024 година пријавените знаеле дека договорот за превоз на редовни ученици со средно училиште во Тетово бил истечен. Сепак, на 10 јуни 2025 година, без правен основ, изготвиле фактури за услугите во септември и октомври 2024 година, во вкупен износ од 2.152.447 денари.

Фактурите биле доставени до надлежните служби во училиштето со намера да се доведат во заблуда и да се изврши наплата, а пријавените потоа дале лажен исказ и пред нотар, барајќи да биде изготвен предлог-решение за нотарски платен налог.

Од СВР Тетово информираат дека по двата случаи се преземаат натамошни мерки и активности во соработка со надлежното јавно обвинителство.

The post СО ЛАЖНИ ФАКТУРИ „ШМУКАЛЕ“ ПАРИ ОД СРЕДНО УЧИЛИШТЕ Кривични пријави за двајца тетовски превозници appeared first on plusinfo.mk.

Кумановската полиција поднесе кривична пријава против 57-годишната В.Т. од Куманово, поради сомнение дека како директорка на средно училиште во градот присвоила два мобилни телефони што ѝ биле доверени за службена употреба.

Според истрагата, жената по завршување на својот мандат не ги вратила уредите, иако тие биле сопственост на училиштето. Со тоа, таа се стекнала со противправна имотна корист од околу 130.000 денари.

Од СВР Куманово потврдија дека против поранешната директорка е поднесена кривична пријава за „проневера во службата“, а предметот е веќе доставен до надлежното обвинителство.

The post КРАЈ НА МАНДАТОТ, НО НЕ И НА ТЕЛЕФОНИТЕ Екс директорка обвинета дека присвоила опрема од училиштето appeared first on plusinfo.mk.

Учениците на Центарот за образование во областа на културата и образованието „Натко Нодило“ од генерацијата што дипломирала во учебната 1989/90 година се собрале за да прослават 35 години од завршувањето на средното образование на терасата на сплитскиот хотел „Амфора“.

Расположението, пишува „Слободна Далмација“, било одлично, а терасата на „Амфора“  одекнувала од весела смеа исто толку силна како и пред триесет и пет години.

Околу сто и педесет од поранешните ученици се одзвале на поканата да се дружат заедно, а не ги заборавиле ниту своите наставници, па на забавата ѝ се придружиле дури дванаесет од нив.

Се прераскажувале сеќавања и анегдоти, а имало и по некоја солза радосница.

Во генерацијата славеници, најпознатото име е веројатно Северина Вучковиќ, која не ја криела својата среќа кога ги видела своите поранешни соученици од училиште.

Меѓу „матурантите“ имало и други успешни луѓе како директорката на Уметничката галерија Јасминка Бабиќ, архитектонската историчарка Ана Шверко, професорката од Кембриџ, Сандра Гуќ, поранешната шефица на протоколот на Кабинетот на претседателот Тина Жарков Тодтлинг, диригент Марија Рамљак, новинарката на ХРТ Франка Јовиќ Тонкли, гитаристот на култниот бенд Зинедин Зидан Деан Дергиќ и многу други за нас не многу познати имиња, но во Хрватска, очигледно, познати имиња од оваа успешна генерација.

Фотографии од прославата на матуртата можете да видите ТУКА.

The post СЕВЕРИНА ПРОСЛАВИ 35 ГОДИНИ ОД МАТУРА Ѕвездата не ја криела среќата поради средбата со поранешните соученици appeared first on plusinfo.mk.

Шеесет и едногодишен жител на Куманово се соочува со кривична пријава откако, според информациите од Министерството за внатрешни работи, приложил фалсификувана диплома со цел да се вработи во јавно претпријатие.

Како што информираа од МВР, СВР Куманово поднело кривична пријава против лицето М.Ј. (61) од Куманово поради постоење основи на сомнение за сторено кривично дело „фалсификување исправа“.

– Во текот на 2023 година, пријавениот набавил фалсификувана диплома од средно училиште од Скопје и ја употребил при аплицирање на отворен јавен оглас во јавно претпријатие во Куманово – информираат од Министерството за внатрешни работи.

Случајот е пријавен во надлежното Јавно обвинителство, а против М.Ј. ќе се води постапка за утврдување на вината.

The post ФАЛСИФИКУВАЛ СРЕДНО ЗА ДА ДОБИЕ ДРЖАВНА РАБОТА Кумановец се обидел да се вработи со лажна диплома appeared first on plusinfo.mk.

Квалификациско тестирање е по закон и е предвидено со Конкурсот за упис на ученици, рече министерката за образование и наука Весна Јаневска по реакции на родители дека во средното училиште „Геогри Димитров“ во Скопје било спроведено „вонредно тестирање“ за прием на ученици во прва година во учебната 2025/2026 година.

Одговарајќи на новинарско прашање, Јаневска рече дека родителите и учениците треба да знаат за она што е предвидено со конкурсот – квалификациско тестирање кога има повеќе заинтересирани кандидати отколку што има слободни места, доколку сите имаат еднаков успех од завршеното основно образование.

Притоа посочи дека проблем во државава е оценувањето и успехот со сите петки и дека често наставниците трпат притисок од родителите за децата да им бидат „скроз одлични“. Тоа, рече Јаневска, води кон неквалитет во образованието. Порача дека оценувањето треба да се промени, а една од алатките е новината во новиот закон – наставничкиот совет да нема надлежност за поправање оценки.

– Наставниците и родителите треба да се свесни дека има реално рангирање на знаењето. Тие што имаат знаење, ќе бидат запишани, тие што ќе бидат со помалку бодови имаат шанса на второто пријавување на 30 јуни да се запишат во средно таму каде што има слободни места – рече Јаневска одговарајќи на новинарско прашање на панел-дискусија по повод една година од мандатот на оваа Влада.

Според информациите што ги има, рече, немало пријава или жалба за квалификациското тестирање во „Георги Димитров“ кое, исто така, било спроведено уште во едно средно училиште во Скопје.

– Вчера сите пристапиле на испитот, немало никакви проблеми и немаше пријава или жалба за спроведувањето. Колку што ми е познато, сношти во рок се објавени резултатите – додаде министерката за образование и наука.

Прашана дали во нашиот образовен систем може да се воведе хоум скулинг како начин на настава. Јаневска одговори дека во овој момент нема реални можности ниту потреба да се спроведе, освен за деца за кои е неопходно, за што МОН подготвува проект кој наскоро ќе го промовира.

– Затоа што кризата во короната покажа дека нашите ученици, родители и помал број наставници не се спремни за такво нешто, за онлајн настава нема ни услови во домот, ниту нашите наставници се обучени – рече Јаневска.

The post НАСТАВНИЧКИОТ СОВЕТ ДА НЕМА НАДЛЕЖНОСТ ДА ПОПРАВА ОЦЕНКИ Јаневска вели дека тестирањето во „Георги Димитров“ било по закон appeared first on plusinfo.mk.

Средношколец од Тетово заврши во тетовската клиничка болница, поради повредите што му ги нанеле група средношколи, кои го нападнале.

Инцидентот се случил во школски двор во тетовско средно училиште.

„На 30.5.2025 година во 13.05 часот во СВР Тетово, Г.Ш. од Тетово пријавил нарушување на јавниот ред и мир во дворот на тетовско средно училиште, каде нивен малолетен ученик, бил физички нападнат од четворица малолетници ученици од друго средно училиште. Г.Ш. пријавил и дека нивниот ученик бил префрлен во Клиничка болница Тетово за укажување на лекарска помош. Се преземаат мерки за целосно расчистување и документирање на случајот“, соопшти полицијата.

The post ПРЕТЕПАН СРЕДНОШКОЛЕЦ ЗАВРШИ ВО БОЛНИЦА ВО ТЕТОВО Го нападнала група малолетници во школски двор appeared first on plusinfo.mk.

Директорка на средно училиште во Куманово, 6 вработени во Министерството за образование и наука и 2 фирми од Куманово со нивните сопственици се сомничат дека го оштетиле буџетот за повеќе од 530.000 евра откако распишале два тендери за превоз на ученици во време кога училиштето се реконструирало и немало настава со физичко присуство, информираше Министерството за внатрешни работи.

Според соопштението, пријавените записници за навремено извршената услуга и фактури поднесени до Министерството за образование и наука со што „ сите пријавени им овозможиле на пријавениот Д.П. и правно лице за превоз на патници од Куманово да се стекнат со противправна имотна корист во вкупен износ од 32.620.123 денари на штета на буџетот на РСМ“.

Според написот, првопријавената В.Т., во текот на учебната 2022/2023 и во текот на учебната 2023/2024 година, додека траела реконструкцијата на училиштето и не се изведувала настава со физичко присуство на ученици, во два наврати спровела отворени постапки за доделување на договор за јавна набавка на услуга – превоз на ученици, во кои постапки било изберено пријавеното превозно претпријатие од Куманово, застапувано од пријавениот Д.П. од Кумнаово, како единствен понудувач и носител на набавката.

„Д.П., потоа заедно со пријавената В.Т. изготвиле лажни записници за квалитетно и навремено извршена услуга, кои ги потпишале двајцата, па врз основа на лажните записници Д.П. изготвил лажни фактури во кои биле внесени невистинити податоци и како такви биле доставени до Министерството за образование и наука“, валат од МВР.

Понатаму во написот се објаснува како биле одобрени и каде биле испратени лажираните фактури:

„Доставените фактури биле одобрени и исплатени од четвртопријавената В.Д., петтoпријавената Д.Б, шестопријавената В.В., седмопријавената Ј.В., осмопријавената Д.Т. и деветтопријавената Н.К.. и покрај тоа што знаеле дека училиштето се реконструира и наставата се одвива без физичко присуство на ученици и наставници. Додека пак пријавената С.Б. – управител на правното лице за книговодствени услуги од Куманово, иако знаела дека изготвените фактури се со невистинита содржина и не се поткрепени со никаква друга задолжителна пропратна документација предвидена со закон, сепак ги книжела во финансиските книги на правното лице за превоз на патници“.

Според соопштението, првопријавена е екс-директорката на ДСУ „Киро Бурназ“ од Куманово против која е поднесена пријава за „злоупотреба на службената положба и овластување“. Пријави се поднесени и против правно лице од Куманово за превоз на патници и сопственикот Д.П. од Куманово поради постоење основи насомнение за сторени кривични дела „злоупотреба на постапката за јавен повик, доделување на договор за јавнa набавкa или јавно-приватно партнерство” и „фалсификување или уништување на деловни книги”.

Исто така пријави има и против В.Д., Д.Б., В.В., Ј.В., Д.Т. и Н.К., сите од Скопје, вработени во Министерството за образование, поради сомнеж за „злоупотреба на службена положба“ и против правно лице за книговодствени услуги и неговата управителка Б.С. за кои постои сомнеж дека извршиле „фалсификување или уништување на деловни книги“.

The post „ПОТАМАНИЛЕ“ ПОЛОВИНА МИЛИОН ЕВРА ПРЕКУ ЗЛОУПОТРЕБИ СО ПРЕВОЗ НА УЧЕНИЦИ Поднесени пријави против екс-директорка на средно училиште во Куманово, 2 фирми и 6 вработени во МОН appeared first on plusinfo.mk.

– Полициските службеници при излегување на терен констатирале дека еден малолетник употребил огнено оружје, а друг малолетник бил повреден во потколеницата – изјави портпаролот на полицијата, Мерсиха Новалиќ.

Повредениот малолетник е пренесен во болница каде се утврдува тежината на повредите, додека напаѓачот е под контрола на полицијата.

The post ПУКАЊЕ ВО СРЕДНО УЧИЛИШТЕ ВО САРАЕВО Рането е дете appeared first on plusinfo.mk.