средно школо Archives - plusinfo.mk

ВАКА ЛИ СЕ ОДНЕСУВА КОН НАСТАВНИЧКА? Средношколци во Србија ѝ го тргнаа столчето на професорката пред таа да седне

плусинфо — Thu, 17 Nov 2022 17:23:17 +0000

Видео од ученици од средно училиште во српскиот град Трстеник кои на својата наставничка ѝ го истргнаа столчето пред таа да седне, па таа падна на земјата, веќе е многу коментирано во соседна Србија. Вака ли треба учениците да се подбиваат со своите наставници?

Užas u Trsteniku, maltretiraju nastavnicu i izmiču joj stolicu. pic.twitter.com/zLKDe2KXuB

— krunskisvedok (@noviput) November 16, 2022

The post ВАКА ЛИ СЕ ОДНЕСУВА КОН НАСТАВНИЧКА? Средношколци во Србија ѝ го тргнаа столчето на професорката пред таа да седне appeared first on plusinfo.mk.

ПРИЈАВУВАЊЕТО НА ИДНИТЕ СРЕДНОШКОЛЦИ САМО НА МАКЕДОНСКИ Од Алијанса прашуваат зошто е исклучен албанскиот јазик?

плусинфо — Fri, 10 Jun 2022 12:40:17 +0000

Алијанса за Албанците им го честита крајот на учебната година на учениците и наставниците. Но, истовремено реагира и на предизвиците што ги очекуваат наставниците во однос на пополнувањето на свидителствата по електронски пат кадешто наидуваат на проблеми од различни форми. Од една страна, родителите кои со право се жалат зошто треба да плаќаат 80 денари за пополнување на свидителствата, а според законот тоа не е потребно, од друга страна МОН не ги исполнува своите обврски. Иако во електронскиот дневник има можност да се пополни свидителството, тоа е само на македонски, а не и на албански јазик, реагираат од Алијанса за Албанците.

„Ние како Алијанса прашуваме – до кога наставниците Албанци ќе бидат дискриминирани и деградирани како неспособни и принудени да бараат пари од учениците или сами да си ги плаќаат свидителствата, а наставниците Македонци само со притиснување на копчето „печати“ да им се испечати свидителството? Додека госпоѓата Царовска беше министерка, вакво нешто можеше да се очекува, но, кога министерот и заменик-министерот се Албанци, тоа не бара дополнителни коментари“, се вели во соопштението на партијата.

Од АА порачуваат дека на Министерството ќе му помогнат со своите ИТ експерти, за имплементира албанскиот јазик во апликацијата.

The post ПРИЈАВУВАЊЕТО НА ИДНИТЕ СРЕДНОШКОЛЦИ САМО НА МАКЕДОНСКИ Од Алијанса прашуваат зошто е исклучен албанскиот јазик? appeared first on plusinfo.mk.

КОРОНАТА СЕ ШИРИ ВО СРЕДНИТЕ УЧИЛИШТА Ученичка од „Никола Карев“ позитивна на ковид-19

плусинфо — Fri, 03 Sep 2021 09:07:38 +0000

Во средното училиште „Никола Карев“ во Скопје, средношколка од трета година е позитивна на ковид-19. Дека во ова училиште има позитивен ученик ни потврди и директорот на училиштето Андреј Манолев, кој вели дека се работи за ученичка од трета година и додава дека за сега од 1.170 ученици официјално потврден позитивен на ковид-19 е само еден, објави МКД.

– Во класот во кој учела позитивната ученичка има вкупно 34 ученици, а за тоа кој ќе оди во изолација ќе одлучуваат епидемиолозите – вели Манолев.

Денес се прават епидемиолошките анкети на учениците, по што ќе биде кажано дали сите ученици или само оние кои седеле до ученичката, пред девојчето или зад девојчето ќе бидат во изолација. Учениците од класот чекаат инструкции од епидемиолозите.

Во текот на вчерашниот ден објавивме за позитивен ученик во основното училиште „Љубен Лапе” во Скопје. И таму епидемиолозите ќе одлучуваат за тоа кои деца и дали сите ученици ќе одат во изолација, откако Центарот за јавно здравје ќе направи епидемиолошки анкети.

Првите случаи на позитивни ученици беа забележани во училиштето „Ѓорѓија Пулевски“ во скопски Аеродром, како и во основното училиште „Кирил Пејчиновиќ“ во населбата Кисела вода каде двајца ученици од деветто одделение пројавиле симптоми, едниот од нив бил позитивен, а за другиот ученик се чекаат резултатите.

The post КОРОНАТА СЕ ШИРИ ВО СРЕДНИТЕ УЧИЛИШТА Ученичка од „Никола Карев“ позитивна на ковид-19 appeared first on plusinfo.mk.