Повеќе од 50 граѓани денеска имаа средби со градоначалникот на Скопје, Орце Ѓорѓиевски, во неговиот кабинет. На средбите се разговарало за проблемите со кои се соочуваат скопјани, нивните потреби и можностите за побрзо решавање на конкретните барања.

Ѓорѓиевски истакна дека секое барање заслужува внимание, бидејќи зад него стојат реални проблеми што влијаат врз секојдневието на граѓаните.

– Секој човек заслужува да биде сослушан со внимание и почит. Зад секое барање стои нечие семејство, нечие секојдневие и надеж дека ќе се најде решение. Таа доверба за мене е голема одговорност – изјави градоначалникот.

Тој посочи дека од разговорите добива корисни предлози и идеи за градот, а особено ги цени советите на повозрасните сограѓани.

– Од овие средби секогаш заминувам со нови сознанија, добри предлози и идеи за нашиот град. Особено ги ценам мудрите совети на повозрасните сограѓани, чие искуство е драгоцено – рече Ѓорѓиевски.

Според него, дел од приемните денови се организираат и за време на викендите, за да има доволно време за разговор и разгледување на барањата.

– Мојата врата останува отворена за секој човек. Да бидам достапен, да слушам и да постапувам, тоа е мојата обврска кон вас, секој ден – порача Ѓорѓиевски.

Граѓаните што сакаат средба со градоначалникот можат да закажат термин на телефонскиот број 02/3 279 204.

Исто така денеска, 17 октомври, Ѓорѓиевски, заедно со Тони Станковски, претседател на ЗГ „Љубезност“, денеска, по повод Светскиот ден на борба против сиромаштијата, поделија повеќе од 400 оброци за наши сограѓани на кои им е потребна поддршка.

Ѓорѓиевски и Станковски се приклучија и на штандот на отец Оливер и однесоа храна на пунктовите на ХО „Св. Спас“.

The post ЃОРЃИЕВСКИ ПРИМИ НАД 50 ГРАЃАНИ ВО СВОЈОТ КАБИНЕТ „Мојата врата останува отворена за секого“ appeared first on plusinfo.mk.

Во рамки на теренските активности кои го одбележуваат работното лето на Движењето ЗНАМ за Наша Македонија, генералниот секретар Горан Минчев, денеска оствари работна посета на Општинската организација во Охрид, активност која се реализира како дел од поширокиот караван „Европска ЗНАМ, Европска иднина, Европска Македонија“, соопшти Центарот за комуникации и аналитика на Движењето ЗНАМ.

„На состанокот со Извршниот одбор во проширен состав беа дискутирани актуелните организациски прашања, динамиката на реализација на програмските активности, како и приоритетите за натамошно јакнење на внатрешната кохезија и функционалност на движењето.

Посебен акцент беше ставен на доследната имплементација на одлуките на Централниот одбор, со фокус на изборните постапки за делегати и процесот на номинирање кандидати за координативните тела на Клубот на млади и Клубот на жени, како дел од стратегијата за поширока вклученост и кадровско освежување.

Движењето ЗНАМ за Наша Македонија продолжува со засилена политичка активност, конзистентно присуство на терен и постојан дијалог со членството и граѓаните, со цел унапредување на внатрешната кохезија и операционализација на одлуките на Централниот одбор“, соошти Центарот за комуникации и аналитика на Движењето ЗНАМ.

The post ЗАСИЛЕНА ТЕРЕНСКА МОБИЛИЗАЦИЈА И ОРГАНИЗАЦИЈА НА ЗНАМ Минчев во Охрид на средба со општинската организација appeared first on plusinfo.mk.

Уставниот суд на Република Северна Македонија, по повод 62-годишнината од првата седница одржана на 15 февруари 1964 година, ги повикува граѓаните на редовни средби со претседателот Дарко Костадиновски, кои ќе се одржуваат секој прв четврток во месецот.

Прес-службата на Уставниот денеска соопшти дека целта на средбите е да се приближи работењето на овој суд до граѓаните, да се подигне свеста за уставно загарантираните права и да се објасни начинот на правилно поднесување поднесоци.

Средбите претставуваат можност граѓаните одблизу да се запознаат со надлежностите, постапките и со значењето на одлуките на Уставниот суд во заштита на правата и слободите.

За учество, заинтересираните можат да се пријават на електронската адреса gragani@ustavensud.mk, а за дополнителни прашања на располагање е и телефонскиот број +389 2 322 3626.

The post УСТАВНИОТ СУД ВОВЕДУВА РЕДОВНИ СРЕДБИ СО ГРАЃАНИТЕ Секој прв четврток ќе се подига свеста за уставно загарантираните права appeared first on plusinfo.mk.

Кандидатот за градоначалник на Општина Центар од редовите на СДСМ, Горан Герасимовски, синоќа беше на терен, на средби со граѓаните „од врата до врата“.

„Поддршката од центарци во пресрет на вториот круг од локалните избори за Герасимовски значително се зголемува. Тој, на вчерашните средби доби поддршка да продолжи да ја води општината како во изминатите четири години“, се вели во соопштението на кандидатот за градоначалник.

Герасимовски, на центарци им ги најави клучните проекти за вториот мандат, дом за стари лица, нова градинка, набавка на две цистерни и пет метларки, ограничување на движењето на возилата во Дебар Маало за намалување на сообраќајниот метеж, изградба на две монтажни катни гаражи, нов административно-граѓански објект, два покриени базени, како и воведување на „Центарска картичка“.

– Работевме домаќински, не потрошивме ниту еден денар на непродуктивни трошоци. Во еден мандат ја изградивме најмодерната градинка во државата. Реконструкцијата на нашата култна сала „Работнички“ е во завршна фаза, поставивме ново смарт осветлување, ги подобривме условите во сите градинки и основни училишта. Покажавме како се води општина, во интерес на сите граѓани, а не на политички интереси. Со истата грижа за секој еден центарец продолжуваме и во новиот мандат – рече Герасимовски.

Граѓаните упатија благодарност до Герасимовски за акциите за чистење на сметот што ги спроведува целата измината година, се наведува во соопштението од Штабот на кандидатот.

The post ГЕРАСИМОВСКИ НА СРЕДБИ СО ГРАЃАНИТЕ ОД ВРАТА НА ВРАТА Кандидатот ги претстави своите проекти за вториот мандат appeared first on plusinfo.mk.

Претседавачот на Советот на Општина Куманово и носителка на советничката листа на ЗНАМ, Ивана Ѓорѓиевска денеска се сретна со повеќе граѓански организации и жители на Куманово.

На средбата со претставниците од Здружението за промоција и развој на инклузивно општество „Инклузива“, беа потврдени заложбите за градење инклузивна општина – промотор на солидарност, еднаквост и социјална правда.

– Општината и градоначалникот континуирано работат на унапредување на условите за сите лица со попреченост и обезбедуваат финансиска поддршка за здруженијата кои се борат за подобро и праведно општество – истакна Ѓорѓиевска.

Посебен акцент беше ставен и на Советувалиштето за жртви на родово базирано и семејно насилство, кое обезбедува социјални, правни, психолошки и кариерни услуги за сите кои се соочуваат со овој проблем.

– Нашата цел е јасна – да изградиме заедница каде секоја жена, секое семејство и секој човек ќе живее достоинствено, без страв и со сигурност во иднината – додаде Ѓорѓиевска.

Во текот на денот беа реализирани и средби со граѓаните од селата Проевце и Доброшане, каде внимателно беа слушнати нивните потреби и предлози за подобар живот.
Денот заврши со мини митинг во населба Вера Которка, каде жителите уште еднаш ја потврдија поддршката за заедничката визија за Куманово како модерен, хуман и инклузивен град.

The post ПОДДРШКА ЗА ЛИЦАТА СО ПОПРЕЧЕНОСТ И ЗА ЖРТВИТЕ НА НАСИЛСТВО Ивана Ѓорѓиевска на средби со кумановските здруженија appeared first on plusinfo.mk.

Партизацијата станува рак-рана на македонското општество, за жал и безбедносните сили на Република Македонија ги има зафатено таа епидемија, која е полна со кадри или на Социјал-демократскиот сојуз, или на ВМРО-ДПМНЕ, или на ДУИ, изјави претседателскиот кандидат Стевчо Јакимовски на среПРЕКУ дби со граѓани.

– Одговорно тврдам, како претседател на Република Македонија, дека во безбедносните служби, посебно во Агенцијата за разузнавање, нема шанси веќе да влезе лице коешто има било каков контакт со било која политичка партија. Во исто време, тврдам дека началник на Генералштаб нема шанси да биде лице блиско до било која политичка партија, ниту пак Гувернер на Народна банка да биде лице коешто е блиско до било која политичка партија во Република Македонија – изјави Јакимовски.

Следствено на тоа и лицата коишто ќе бидат предлагани за во Републички Судски совет, како и во Советот за безбедност, како и судиите коишто ќе бидат предгалани во Уставниот суд на Република Македонија, нема шанси да бидат предложени ако се блиски до било која политичка партија, вклучително и до мојата партија или пак до мојата коалиција, рече Јакимовски.

– На сите ни е преку глава од партизацијата, на сите ни е преку глава од политички поделеното општество. Јас сакам да бидам претседател на сите граѓани на Република Македонија и широко да ги отворам вратите за оние кадри кои сакаат да ѝ служат на Република Македонија и сите граѓани, а не на политичките партии – нагласи тој.

The post ПРЕКУ ГЛАВА НИ Е ОД ПАРТИЗАЦИЈА Стевчо Јакимовски ветува дека нема да предлага партиски кадри за било која функција appeared first on plusinfo.mk.

Претседателот на Собранието Талат Џафери и други пратеници, во рамките на Караванот „Собрание за граѓаните“ којшто се реализира во рамки на „Програмата за парламентарна поддршка“ која што е финансирана од Швајцарската агенција за развој и соработка (СДЦ) преку Швајцарската амбасада, а се спроведува од Националниот демократски институт (НДИ), Институтот за демократија „Социетас Цивилис“ – Скопје (ИДСЦС) и Центарот за управување со промени (ЦУП), од 11:00 часот ќе биде во Скопје, Парк Жена Борец.

По 12 градови низ земјата, Скопје е последната станица на караванот „Собрание за граѓаните“, соопшти Собранието.

The post ПРАТЕНИЦИТЕ НА ДРУЖБА СО ГРАЃАНИ ВО ПАРКОТ „ЖЕНА БОРЕЦ“ Ѓраѓаните ќе можат да им поставуваат прашања appeared first on plusinfo.mk.

Кандидатот за градоначалник на Гостивар беше во селото Речане.

Жителите на село Речан, како што информираа од Алијанса и Алтенратива,оганизираа прекрасен пречек за градоначалникот  на општина Гостивар, Арбен Таравари.

„На митингот беше потврдена големата подршка од жителите за нов мандат во првиот круг, додека Таравари ја откри визијата за продолжување на нови проекти во оваа  населба и во општината“, информираа од Коалицијата.

Во Тетово, пак, подмалоците на партии делеја пропаганден материјал за кандидатот за градоначалник за Тотово  Вулнет Мурсели.

The post АЛИЈАНСА И АЛТЕРНАТИВА ВО ГОСТИВАРСКО Голема поддршка за Таравари appeared first on plusinfo.mk.