Лидерите на двете земји ќе продолжат да комуницираат на работен ручек, а потоа се очекува и заедничка прес-конференција.

Според Си-Ен-Ен, Путин му рекол на Ердоган дека Русија е подготвена да разговара за заживување на Црноморската иницијатива за жито.

– Имаме многу за што да разговараме, вклучително и за безбедноста во регионот. Нема да ја игнорираме темата за украинската криза. Знам дека имате намера да поставите прашања за договорот за жито, ние сме отворени за преговори за ова прашање – му рекол Путин на Ердоган.

Ердоган во разговорот со Путин истакнал дека разговорите за коридорот за жито ќе бидат „многу важни“.

– Денес сите го следат прашањето за коридорот за жито. Верувам дека пораката на прес-конференцијата ќе биде многу важен чекор, особено за неразвиените земји во Африка – рекол Ердоган.

Во јули, Русија дозволи да пропадне Црноморскиот договор за жито, постигнат со посредство на Обединетите нации и Турција. Договорот гарантираше безбеден премин на украинското жито од нејзините пристаништа на Црното Море.

Откако се повлече од договорот, Русија ја продолжи блокада на украинските пристаништа и ги изложи на тешки бомбардирања, таргетирајќи складишта и инфраструктура и зголемувајќи ги стравувањата за глобалната безбедност на храната.

Путин, исто така, во понеделникот истакна дека трговскиот промет меѓу Русија и Турција минатата година се зголемил за 86%, а „позитивниот тренд продолжува и во првата половина од оваа година“.

Рускиот лидер на почетокот на средбата изјавил дека шефовите на држави ќе разговараат за прашања поврзани со украинската криза.

The post ШТО МУ ВЕТИ ПУТИН НА ЕРДОГАН? Заврши официјалната средба, дружбата продолжи на заеднички ручек appeared first on plusinfo.mk.

Рускиот претседател Владимир Путин е домаќин на турскиот претседател Реџеп Таип Ердоган на исклучително важната средба во Сочи, каде што ќе се разговара за продолжување на договорот постигнат со посредство на ОН за безбеден транспорт на украинско жито преку Црното Море. Патувањето на Ердоган до туристичката дестинација на Црното Море означува и ретка посета на лидер на една земја од НАТО на Русија во услови на војна по руската инвазија на Украина

Но, Ердоган уште од претходно ја презеде улогата на посредник меѓу Украина и Русија. Турција не ги поддржа воените санкции на Западот. Ова ќе биде прва средба меѓу двајцата лидери по реизборот на Ердоган за трет претседателски мандат во мај годинава.

Во јули, Москва соопшти дека го суспендира учеството во договорот стар една година, со кој се создадени извозни коридори за десетици милиони тони жито и ѓубриво, и покрај руската поморска блокада на Украина. Договорот, за кој Ердоган помогна да се преговара, се смета за клучен за решавање на глобалната несигурност на храната и за ограничување на цените на житото. Украина е исто така многу зависна од приходите од извозот.

Но, Кремљ не беше задоволен од начинот на кој се спроведуваше пактот, официјално познат како Црноморска иницијатива за жито. Москва вели дека сака да се укинат бариерите за рускиот извоз на храна и ѓубрива во замена за понатамошна соработка и бара ослободување од западните санкции за плаќања, логистика и осигурување на бродови.

СAD и ЕУ ги отфрлија овинувањата на Москва како неосновани, велејќи дека нивните санкции не се насочени кон руското жито и ѓубрива. По завршувањето на договорот, Русија ги засили нападите со беспилотни летала и ракети врз пристаништата за жито во Украина и инфраструктурата за складирање.

Украина вели дека во тој процес биле уништени и десетици илјади тони жито. Во последните недели Киев успешно го организираше транспортот на бродови низ коридорот на Црното Море и покрај заканата од напад. Русија се закани дека ќе ги третира сите бродови кои пристигнуваат во украинските пристаништа како потенцијални воени цели.

The post ЕРДОГАН НА ГОСТИ КАЈ ПУТИН Ретка посета и исклучително важна средба appeared first on plusinfo.mk.