На автопатот Гевгелија – Скопје, на место викано „Авлаќот“ кај Гевгелија, ноќеска после полноќ полициски службеници го уапсија М.П.(30) од Република Србија, откако во неговото возило откриле мигранти.

„Полициски службеници извршиле контрола на патничко возило „опел астра“ со српски национални ознаки, кое го управувал М.П.(30), српски државјанин, при што биле пронајдени шест лица мигранти, од кои пет лица од Египет и едно лице од Палестина. Тој бил предаден на полициски службеници во ОВР Гевгелија за понатамошна постапка, додека мигрантите биле сместени во Прифатно-транзитниот центар „Винојуг“ – Гевгелија“ – информира МВР.

За настанот бил известен надлежен јавен обвинител и по целосно документирање на случајот ќе биде поднесена соодветна пријава, се додава во информацијата.

The post СРПСКИ ДРЖАВЈАНИН УАПСЕН КАЈ ГЕВГЕЛИЈА Се обидел да прошверцува 6 мигранти appeared first on plusinfo.mk.

Основното државно обвинителство (ОДТ) во Подгорица им одреди мерка притвор на српскиот државјанин Е. Х. и македонскиот државјанин Б. С. во траење до 72 часа, поради основано сомнение дека во текот на ноември оваа година, на територијата на Подгорица, извршиле неколку тешки кражби со провала во угостителски, комерцијални и други деловни простории.

„Постои сомнение дека Е. Х. влегол во просториите и зел пари, додека Б. С. ја обезбедувал околината, по што ја поделиле незаконски стекнатата имотна корист“, се вели во соопштението на ОДТ во Подгорица.

ОДТ во Подгорица соопшти дека се води постапка и против Е. Х. поради сомнение за фалсификување исправа.

„Кога бил уапсен, поседувал важечки лични документи од Република Србија, како и сомнителни странски документи. Исто така, било утврдено дека по него е распишана меѓународна потерница. Двајцата осомничени се приведени поради ризик од бегство“, се вели во соопштението.

The post МАКЕДОНЕЦ И СРБИН ЗАЕДНО КРАДЕЛЕ ПО ЦРНА ГОРА Ограбувале локали, канцеларии, продавници, работеле тимски appeared first on plusinfo.mk.

Полицијата била повикана во стан во Виена во вторникот околу 19:30 часот поради расправија и истрели. Според првичните извештаи, тие забележале 44-годишен маж од Србија пред зградата. Следела престрелка меѓу полицијата и осомничениот, кој потоа побегнал со возилото.

Сепак, кратко потоа, полицајците го пронашле мажот мртов во автомобилот.

@modiproduction #wien #österreich #donaustadt #polizei #austria ♬ Originalton – Modi Baba

Телото на жена (44) било пронајдено во станот, а уште две лица биле тешко повредени – ќерка и нејзиното момче.

Ќерката на осомничената (24) и нејзиното момче (26) добиле лекарска помош на местото на настанот и биле однесени во болница. Девојката била застрелана во главата и е во критична состојба. Нејзиното момче е стабилно, објави Хојте.

Како што објасни портпаролката на полицијата, Јулија Шик, мотивот останува целосно нејасен. Еден можен мотив би можел да биде претстојниот развод на двојката. Двајца малолетни членови на семејството биле пронајдени неповредени.

 

View this post on Instagram

 

A post shared by Heute – Tageszeitung, Heute.at (@heute.at)

Соседката на 44-годишната жртва била сведок на масакрот и ги опишала вознемирувачките минути од злосторството на Хојте.

– Се скрив во слаткарница затоа што ми кажаа дека имало пукање – раскажала жената.

Неколку моменти пред ужасниот чин на насилство, соседката ја сретнала ќерката на Србинот и нејзиното бебе во лифт. Девојката наводно рекла дека имала „лошо претчувство“ за настаните од таа вечер.

Таа рекла: „Немој да се изненадиш ако денес стане уште погласно. Моите родители се разведуваат“, рекла соседката за Хојте.

Подоцна истата вечер, таа го сретнала и осомничениот стрелец.

– Изгледаше многу сериозно – додаде таа.

Кратко потоа, соседката добила повик. Друга соседка, во паника, ѝ кажала дека имало пукање во зградата.

– Не доаѓај – наводно рекла жената. Затоа соседката се скрила во слаткарницата.

Неколку моменти подоцна, првите полициски патроли пристигнале во куќата – но дотогаш било предоцна.

– Не можев да спијам цела ноќ – рекла соседката, која сè уште не може да поверува што се случило.

The post 📽️ СРБИН ЈА УБИЛ СОПРУГАТА ПА ЈА ЗАСТРЕЛАЛ ЌЕРКАТА ВО ГЛАВА Хорор во Виена, убиецот се самоубил, а во инцидентот ранил уште едно лице appeared first on plusinfo.mk.

Хамас објави видео во кое се прикажуваат двајца заложници кои се возат низ Газа, очигледно со цел да влијаат врз израелската јавност во момент кога војската ги засилува нападите врз градот.

На снимката се гледа Гујa Гилбоа-Далал во автомобил на повеќе локации во Газа, меѓу кои и седиштето на Црвената полумесечина. Видеото, кое најверојатно е снимено минатата недела, прикажува оштетени згради додека автомобилот се движи низ градот.

Си-Ен-Ен потврди дека материјалот е навистина од Газа.

На крајот од видеото се појавува и вториот заложник – 22-годишниот Алон Охел, кој седи до Гилбоа-Далал. Охел има потекло од Србија – неговото семејство е од Нови Сад, а тој е роден во Израел. Двајцата на снимката се гушкаат и изгледаат изненадени што се среќаваат. Гилбоа-Далал неколку пати повторува: „Не можам да поверувам дека те гледам“.

Ова е едно од ретките видеа со заложници снимено на отворено. Гилбоа-Далал наведува дека видеото е направено на 28 август и дека е заложник на Хамас веќе 22 месеци. Снимката беше објавена на 700-от ден од војната, во момент кога во Израел се одржуваа протести со барања за примирје и ослободување на заробените лица.

Во видеото, Гилбоа-Далал ја моли израелската влада да го врати дома и предупредува на плановите за нова офанзива:

– Чув дека планирате напад на Газа и оваа идеја ми создава кошмари. Тоа значи дека ќе умреме овде.

Тој додава дека во Газа има уште 8 заложници кои, според него, ќе умрат ако нападот продолжи. Израелската војска тврди дека контролира 40 отсто од градот.

Гилбоа-Далал ги повикува Израелците да протестираат против владата и да бараат крај на војната за да се вратат останатите заробени лица, од кои 20 сè уште се сметаат за живи.

– Сакаме само ова да заврши. Сакаме да се вратиме кај нашите семејства. Уплашени сме, овде постојано одекнува, се слушаат експлозии и пукотници. Ве молиме, вратете нè дома – вели тој.

Hamás publicó un video de los rehenes israelíes Guy Gilboa-Dalal y Alon Ohel

Ver más: https://t.co/vicDLhCtiK#BringThemHomeNow #Israel @Israel #Netanyahu @netanyahu @IsraeliPM @itamarbengvir @bezalelsm #WestBank #Cisjordania #Palestine #FreePalestine #IDF @IDF @idfonline… pic.twitter.com/6eljouYceE

— ITON GADOL es Israel y las comunidades judias (@Itongadol) September 5, 2025

The post 🎥 ХАМАС ОБЈАВИ ВИДЕО СО ЗАЛОЖНИЦИ Едниот од нив е Србин од Нови Сад appeared first on plusinfo.mk.

Патувањето од Белград до Закинтос за еден студент од Србија за малку ќе се претвореше во вистински кошмар.

Младиот белграѓанец тргнал со автобус кон грчкиот остров за да летува со пријателите, но набрзо открил дека му го нема паричникот. Го изгубил на бензинска пумпа кај Куманово, а тоа го сфатил дури откако автобусот веќе влегол во Грција. Враќање назад – невозможно.

„Мојот син тргна со автобус за Закинтос преку агенција, како што најчесто прават студентите. На една пумпа во Македонија имале пауза. Дури кога пристигнале во Грција забележал дека му го нема паричникот со картиците и малку пари“, раскажува мајката за српски Телеграф.

Момчето веднаш ги блокирало платежните картички и веќе се помирило со тоа дека од парите нема ништо. Но, приказната доби пресврт што никој не го очекуваше.

Вработениот на бензинската пумпа го пронашол паричникот и успеал преку Инстаграм да стапи во контакт со студентот. Му порачал дека документите и парите се кај него и дека може да ги подигне кога ќе му одговара.

Во договор со туристичките групи, Македонецот се погрижил паричникот да биде испратен во Закинтос со следната тура патници, кои повторно направиле пауза на истата пумпа. Туристичкиот водич го презел и му го предал паричникот на студентот.

„Еден стресен настан заврши на најдобар можен начин. Сè во паричникот беше недопрено“, додава мајката.

Семејството симболично го наградило чесниот пронаоѓач, а одлучија и јавно да му се заблагодарат за неговиот гест, надевајќи се дека вакви примери ќе ги охрабрат и другите.

„Во море од лоши вести, оваа е една навистина прекрасна приказна“, заклучува мајката.

The post СРБИН СИ ГО ЗАГУБИЛ ПАРИЧНИКОТ НА БЕНЗИНСКА ВО КУМАНОВО Македонец го пронашол и му го испратил на Закинтос appeared first on plusinfo.mk.

Српски државјанин (23) објавил фотографија од себе на мотор во Хрватска со кренати три прста и бил протеран од земјата, јавува српски Танјуг.

Хрватската полиција поднесе обвинение против него и му изрече казна од 700 евра. Симболот со кренати три прста во Хрватска се толкува како националистички симбол.

The post ПРОТЕРАН ОД ХРВАТСКА ПОРАДИ КРЕНАТИ 3 ПРСТА Србин објавил фотка на социјалните мрежи appeared first on plusinfo.mk.

Србин кој патувал кон Грција удрил дива свиња на автопат во Македонија. Инцидентот се случил ноќе, во близина на Демир Капија.

Според возачот, свињата имала околу 50 килограми, а ја удрил на дел од патот каде, како што вели, немало заштитни огради за да се спречат животните да влезат на коловозот.

Телеграф објави дека во моментот на судирот, дивата свиња одеднаш истрчала на патот, и било невозможно да се избегне.

„Не можев ни да замислам дека дива свиња од таков калибар ќе истрча пред мојот автомобил. Видов многу згмечени ежови и помали животни, но нешто вакво… ме изненади“, објавил возачот во објава на Фејсбук страницата Grčka Info.

The post СРБИН УДРИЛ ВО ДИВА СВИЊА НА АВТОПАТОТ КАЈ ДЕМИР КАПИЈА Не очекувал дека толкаво животно ќе му го попречи патот appeared first on plusinfo.mk.

Вчера околу 12 часот во СВР Велес е пријавено дека на делницата од автопатот во правец од Градско кон Велес, патничко возило „рено лагуна“ со германски национални ознаки, управувано од М.Р.(81) од Р.Србија, излетало надвор од коловозот.

Во несреќата со тешки телесни повреди се здобила неговата сопатничка Д.Б.(68) од Р. Србија, констатирани во Општата болница Велес.

Извршен е увид од увидна екипа од СВР Велес.

The post 81-ГОДИШЕН СРБИН ИЗЛЕТА ОД ПАТОТ КАЈ ВЕЛЕС Повредена е неговата сопатничка appeared first on plusinfo.mk.

43-годишен српски државјанин вчера паднал од мотор на автопатот Скопје-Велес, при што е тешко повреден и итно бил пренесен во болница во Скопје, соопшти полицијата.

The post МОТОРЏИЈА ОД СРБИЈА Е ТЕШКО ПОВРЕДЕН Паднал на автопатот Скопје-Велес appeared first on plusinfo.mk.

Англиските фудбалски великани Арсенал и Манчестер јунајтед се фаворити во борбата за напаѓачот на Јувентус, Душан Влаховиќ, пренесува „Football Italia“.

Според италијанскиот спортски портал, раководството на Јувентус бара нов клуб за Влаховиќ поради неговата високата плата.

Договорот на Влаховиќ истекува на 30 јуни 2026 година.

„Transfermarkt“ ја проценува вредноста на трансферот на 25-годишниот фудбалер на 45 милиони евра.

Во сезоната 2024/25, Влаховиќ на 41 натпревар за Јувентус постигна 15 гола и 5 асистенции.

The post ВЛАХОВИЌ СЕ СЕЛИ ВО ПРЕМИЕР ЛИГАТА Еве кои клубови се фаворити за потписот на Србинот appeared first on plusinfo.mk.