Острата кавга меѓу Белград и Загреб продолжува. Откако минатата недела српскиот претседател влезе во костец со хрватскиот премиер, овојпат Александар Вучиќ му возврати на хрватскиот претседател велејќи дека „Хрватска треба да пази што прави“.

Претходно, хрватскиот претседател Зоран Милановиќ ги нарече „глупави“ тврдењата на Вучиќ дека Хрватска, Албанија и Косово се подготвуваат за можни активности против Србија.

– Како да нападнеме? Со што? Немаме војска за тоа. Можете да ми верувате, на крајот јас одлучувам за тоа – рече Милановиќ нагласувајќи дека нема воен сојуз меѓу Хрватска, Албанија и Косово.

Реториката се разгори откако во февруари албанскиот министер за одбрана објави дека трите земји ќе одржат заеднички воени вежби врз основа на меморандум за соработка.

„Нема да ми диктираат што ќе кажам“

Вучиќ ја коментираше изјавата на Милановиќ дека „Вучиќ треба да внимава што зборува“.

– Јас сум Александар Вучиќ и сум горд претседател на Србија. Хрватскиот претседател или кој било друг нема да ми диктира што ќе кажам – изјави тој.

Вучиќ додаде дека Србија сака мир и подобри односи со соседите, но дека нема да дозволи други држави да се мешаат во нејзините одлуки.

• „НИКОЈ ВО ЕВРОПА НЕМА ТАКВО ОРУЖЈЕ КАКО СРБИЈА“ Пленковиќ алармира, Вучиќ вели „ќе купам повеќе“

Бурата околу кинеските ракети

Спорот минатата недела се разгоре и по изјавата на Вучиќ дека Србија набавила кинески балистички ракети CM-400 за кои добила, како што вели, мал опоуст. Хрватскиот премиер Андреј Пленковиќ изјави дека таквото оружје претставува прашање за НАТО.

– Такво оружје никогаш не е видено на европска територија – изјави Пленковиќ и додаде дека го известил генсекот на НАТО за ситуацијата.

Вучиќ изјави дека Загреба нема да одлучува што Србија смее да поседува во арсеналот.

Вучиќ потврди купување ракети

Засега нема официјална независна потврда дека ракетите CM-400 се оперативен дел од српскиот арсенал. Фотографии од српски авиони со тие ракети се појавија на воени форуми.

– Имаме значителен број ракети и ќе имаме уште повеќе – рече Вучиќ за Радио-телевизија Србија велејќи дека ракетите се интегрирани во српските воени авиони МиГ-29.

ТРИ БАЛКАНСКИ АРМИИ ЌЕ ВЕЖБААТ, БЕЛГРАД РЕАГИРА Албанија, Косово и Хрватска состанчеле во Скадар

The post ПРОДОЛЖУВА КАВГАТА ЗА „ВОЕНИОТ СОЈУЗ“ НА БАЛКАНОТ Хрватска да внимава што прави, вели Вучиќ appeared first on plusinfo.mk.

Премиерот на Хрватска Андреј Пленковиќ предупреди дека новото оружје на српската армија претставува прашање за НАТО. Тој зборуваше за кинеската балистичка ракета CM-400, која, според изјавите на српскиот претседател, веќе е дел од српскиот воен арсенал.

– Такво оружје никогаш не е видено на европска територија – изјави Пленковиќ во Загреб.

Тој најави дека Хрватска ќе ги информира партнерите во НАТО за новото оружје што се појавува во регионот.

– Ќе разговараме со нашите партнери во НАТО алијансата и ќе ги предупредиме за ваквото оружје, кое е ново во арсеналот на српските вооружени сили – рече хрватскиот премиер.

Хрватски Индекс пишува дека Пленковиќ рекол дека го известил генсекот на НАТО за најавите дека Србија го поседува оружјето.

Сепак, освен изјавите на српскиот лидер Александар Вучиќ и објави на воени блогери нема официјална потврда дека ракетите се дел од српскиот арсенал.

[TANGO SIX POST] RV i PVO Vojske Srbije danas prikazalo da poseduje nove kineske rakete vazduh-zemlja.

Reč je o (kvazi) balističkoj raketi vazduh-zemlja pet puta bržoj od zvuka, koja po nekim podacima može imati domet i do 400 kilometara. https://t.co/yvpHLpBumh

— Petar Vojinović (@petarV) March 9, 2026

„Загреб нема да одлучува  што Србија смее да има“

Српскиот претседател Александар Вучиќ веднаш реагираше на изјавите од Пленковиќ.

– Загреб нема да одлучува што Србија смее да има – изјави Вучиќ.

Според него, Србија нема намера да нападне земји од НАТО.

– Не можеме да ги нападнеме земјите од НАТО, а Албанија и Хрватска се дел од таа алијанса. Ниту сакаме да го направиме тоа – нагласи Вучиќ.

Вучиќ вели дека во Хрватска се кренала хистерија околу една ракета, „а не ги виделе ниту останатите ракети на Србија“.

– Не ги виделе другите ракети. Пленковиќ не мора да го информира НАТО, јас ќе ги информирам затоа што сум горд на она што го заработиле српските раце. Нема да го топам српското оружје, туку ја зајакнувам Србија. Не дека напаѓаме некого, можете мирно да спиете. Немојте да мислите дека некој ќе ја освои Србија.

„Добивме мал попуст од Кинезите“

Вучиќ потврди дека Србија купила балистички ракети CM-400 од Кина. Тој изјави дека ракетите веќе се интегрирани во српските борбени авиони МиГ-29.

– Имаме значителен број ракети и ќе имаме уште повеќе – рече Вучиќ за Радио-телевизија Србија.

Фотографии од српски борбени авиони со овие ракети неодамна се појавија на специјализирани воени форуми.

Вучиќ тврди дека снимките се направени случајно.

– Ракетите се ужасно скапи. Добивме мал попуст – додаде српскиот претседател.

Воен сојуз Хрватска, Албанија, Косово

Политичката реторика се заостри по Декларацијата за соработка во одбраната, потпишана во март 2025 година меѓу Хрватска, Албанија и Косово. Практично беа договорени заеднички воени вежби меѓу трите армии со прва локација во Албанија.

Српските власти ја опишаа таа иницијатива како закана за безбедноста на Србија.

Белград најави дека ќе продолжи со модернизацијата на вооружените сили и со набавка на нови ракети и оружје.

Министерот за одбрана на Косово, Ејуп Маќедонци, изјави дека тврдењата на српските власти дека се вооружуваат за одбрана од соседните земји не се основани и дека со купувањето кинеско оружје Србија покажува хегемонистички тенденции кон нив.

– Ниту една соседна држава на Србија во ниту еден случај не покажала агресивна или напаѓачка намера – изјави Маќедонци, додавајќи дека токму Србија покажува територијални претензии кон Косово.

The post „НИКОЈ ВО ЕВРОПА НЕМА ТАКВО ОРУЖЈЕ КАКО СРБИЈА“ Пленковиќ алармира, Вучиќ вели „ќе купам повеќе“ appeared first on plusinfo.mk.