Сите одлуки, посочи Арсовски, Владата ги донесеува врз основа на став на Комисијата за заразни болести, кој се разгледува на главниот Координативен кризен штаб, од каде заклучоците одат на седница на Влада.

– Апсолутно ќе се следат препораките на Комисијата за заразни болести, како и за многу други случаи во однос на безбедносни ризици. Во овој момент сите сили се насочени кон тоа да се почитуваат протоколите и да се реализира пописот – изјави Арсовски.

Прашан дали Владата размислува за нов Закон со кој би се одложил Пописот, доколку од  која било причина дојде до таква потреба, Арсовски, повторно нагласи дека сите капацитети се насочени кон спроведување на пописот и дека неговиот успех го гарантира методологијата и здравствените протоколи.

– Граѓаните и попишувачите ќе бидат заштитени. Целиот фокус на Владата е во таа насока – изјави Арсовски.

За можноста за одложување на пописот поради растот на бројот на новозаразени, Јасмина Ѓоргиева од Државниот завод за статистика, укажа дека ДЗС не е тој што може да побара или да даде препорака за тоа и дека работи по утврден план и протоколи донесени од Владата.

– Се додека не се донесе  некоја поинаква одлука ние ќе ги почитуваме постоечките рокови, кои ни се зададени. ДЗС не е тој кој треба да побара одложување, сепак има надлежни инстанци кои ја оценуваат генерално состојбата во државата – изјави Ѓоргиева.

The post Влада: Пописот ќе се спроведе, гаранција се строгите протоколи appeared first on plusinfo.mk.

Претставувајќи го истражувањето на ОЕЦД за Словенија на виртуелна конференција, генералниот секретар на организацијата, Анхел Гурија, кажа дека малата алпска земја, исто така, треба да го зголеми растот на продуктивноста, пренесуваат британските медиуми.

Според него, Словенија добро се справува со пандемијата на коронавирусот, но потребни се економски реформи кога ќе се надмине кризата со Ковид-19.

-Сега од суштинско значење е да останеме на вистинскиот пат, да бидеме подготвени да обезбедиме дополнителна поддршка таму каде што е потребно за да се продолжи со растот, а потоа да се продолжи со мерки за решавање на долгорочниот економски предизвик на стареење на населението, рече Гурија.

ОЕЦД препорача Словенија да ја крене возраста за пензионирање на 67 години и евентуалните идни зголемувања да ги поврзе со очекуваниот животен век. Словенците моментално можат да заминат во пензија на 60-годишна возраст.

ОЕЦД, исто така, соопшти  дека Словенија треба да ја подобри ефикасноста на јавниот здравствен систем и да ја зголеми флексибилноста на пазарот на трудот.

Истовремено ОЕЦД препорача да се намалат даноците на трудот и да се зголемат даноците на имот и повика на зајакнување на корпоративното управување во државните компании.

ОЕЦД ја потврди својата јунска прогноза за годинашен пад словенечкиот БДП за 7,8 отсто и раст од 4,5 проценти следната година, под услов да нема голем втор бран на Ковид-19.

The post ОЕЦД: Словенија да спроведе пензиски и реформи на трудовото законодавство appeared first on plusinfo.mk.