Премиерот Вучевиќ додаде дека политичка одговорност мора да постои и дека треба да се направи на мирен и одговорен начин.

– Зборував со претседателот на Србија и таа одлука ќе ја донесеме со ладна глава, рационално, а не со твитови и објави на социјалните мрежи – изјави Вучевиќ за новинарите во Шангај, каде што учествува на кинескиот саем за увоз.

Тој посочи дека нема бегање од таа одлука и дека ќе биде резултат на одговорна политичка дискусија и објективна проценка на состојбите и дека тука не се работи за кривична, туку за политичка одговорност поврзана со менаџментот на државата, градот, ресорот или некоја фирма, и дека кривичното дело ќе го утврдуваат полицијата и обвинителството, односно судот.

– Ќе видиме каква ќе биде конечната одлука. Не се бега од тоа, не се краде време. Мислам дека најважно е да се разбере болката на семејствата на оние кои настрадаа, да се дозволи она што е дел од обичајот, дел од културата, а тоа е семејствата да можат на мир да ги погребаат и да ги испратат своите настрадани и сите да го почитуваат тоа – рече Вучевиќ.

Тој кажа и дека истрагата е во рацете на јавното обвинителство и полицијата, додавајќи дека бил информиран дека се сослушуваат и земаат изјави од сите кои се во синџирот на одлучување и носење одлуки за реконструкција или работи на железничката станица во Нови Сад.

– Многу работи се непознати во моментов и вистината мора да се каже. Никој не ги има сите податоци бидејќи навистина е многу сложено прашање дали е направено или не, ако е така кога е направено и што е направено, зборуваме за целата железничка станица, потоа како се случи несреќата, што се случи, како е можно конструкцијата да попушти, како е можно наеднаш да попушти… – рече српскиот премиер.

Тој забележа дека има спротивставени мислења од луѓето од струката и дека градежните стручњаци можат да помогнат и да кажат што се случило.

The post СЕ ИНСИСТИРА И НА ПОЛИТИЧКА ОДГОВОРНОСТ Стручњаците се со спротивставени ставови за трагедијата во Нови Сад appeared first on plusinfo.mk.

Според него, лидерите на западните земји разговарале за можноста за испраќање војници во Украина, но сè уште не е постигнат консензус.
Набргу по изјавите на Макрон, германскиот канцелар Олаф Шолц и министерот за одбрана Борис Писториус изјавија дека Германија нема да испрати свои војници во Украина, а Шолц нагласи дека земјите од НАТО како целина нема да го сторат тоа.

Дополнително, германскиот канцелар повтори дека нема планови за испраќање на крстосувачки ракети со долг дострел Таурус во Украина.

„Разликите меѓу Шолц и Макрон во однос на воената помош за Украина се развиваат во нешто како отворено непријателство“– наведува Политико.
Повикувајќи се на германски официјални претставници, медиумот истакнува дека Макрон е подготвен за „тешки разговори“ за Украина, но не презел доволно мерки во споредба со Шолц.

Според податоците од Институт за светска економија Кил, Германија обезбедила или ветила повеќе од 17 милијарди евра помош за Украина, додека Франција – само 640 милиони евра.

Политико, исто така, го споредува пристапот на двете земји за помош на Украина, забележувајќи ја големата неподготвеност на Германија да испрати одредени видови оружје, на пример, проектили Таурус. Во анализата исто така се забележува дека по самитот во Париз во понеделникот, Макрон го напаѓа Шолц поради „историската неподготвеност“ на Германија да испрати оружје во Украина.

Претходно, германскиот канцелар Олаф Шолц објави посебна видео порака во која повторно изјави дека НАТО нема да стане страна во конфликтот во Украина, а германските војници нема да бидат испратени во Украина.

The post ШОЛЦ И МАКРОН ВО ВОЈНА ПОРАДИ УКРАИНА Отворено непријателство меѓу германскиот канцелар и францускиот претседател appeared first on plusinfo.mk.