Полициски службеници од СВР Тетово денеска спасија млада девојка која сакала да скокне од прозорец на мотел во Тетово и да си го одземе животот, соопшти МВР.

Драмата се случувала во еден  мотел во Тетово. Мажот Л.К. пријавил во полиција дека девојката, по недоразбирање со него, не сака да го напушти мотелот. Полицајците кога стигнале таму, ја затекле девојката како стои на прозорец, со закана дека ќе се фрли.

Откако влегле во собата, која морале да ја разбијат, ја спречиле во намерата да се убие, а мажот Л.К. го уапсиле за посредување при проституција.

Девојката е во болница.

„Денеска, во 14.35 часот по претходна пријава од Л.К., дека по недоразбирање со женско лице кое не сака да го напушти мотелот, од страна на полициските службеници од СВР Тетово на лице место било констатирано дека женско лице стоело на работ на прозорот од собата на хотелот со закана дека ќе скокне или ќе се самоповреди со остар предмет кој го држела во раката. По наредба на јавен обвинител полициските службеници насилно ја отвориле вратата на собата и ја спречиле девојката во својата намера. Таа е пренесеа во Клиничката болница во Тетово за укажување лекарска помош. Во меѓувреме полицијата го лиши од слобода Л.К. под сомнение за посредување на проституција. Во акцијата еден полициски службеник е полесно повреден“, соопшти полицијата.

По завршување на истрагата, ќе бидат поднесени соодветни поднесоци, се додава во соопштението.

The post 🎥 ПОЛИЦИЈАТА СПРЕЧИ МЛАДА ДЕВОЈКА ДА СЕ САМОУБИЕ Мажот што бил со неа уапсен за посредување при проституција appeared first on plusinfo.mk.