„За содржината на платеното политичко рекламирање се одговорни нарачателите, но радиодифузерите се одговорни за законитоста на неговото емитување. Оттаму, радиодифузерите треба веднаш да престанат да ги емитуваат овие спотови, а учесниците во изборната кампања да ја усогласат содржината на нивното платено политичко рекламирање со законската регулатива“, предупредува АВМУ.

The post ВО СПОТОВИТЕ НА ПЕНДАРОВСКИ И НА ОСМАНИ УЧЕСТВУВААТ МАЛОЛЕТНИЦИ Телевизиите веднаш да престанат да ги објавуваат! appeared first on plusinfo.mk.

– Ова е таа предлог програма поднесена од Секторот за поддршка на градоначалникот за 2023-та година за активности на Град Скопје. Со овие пари, смета Данела Арсовска ќе и се подобрела транспарентноста! Данела Арсовска, како и нејзиниот секретар, коишто бегаа од новинари и од одговори за сиот хаос, сега бараат 11 милиони денари за организирање на прес конференции и промо видеа, а според предлог програмата од Данела Арсовска, за милион денари ќе правеле и информативно гласило, а после ќе го закачеле на страницата на интернет и ќе го споделеле на фејсбук! Арсовска бара 11 милиони денари за да периодично истражува приоритети за јавните претпријатија, ама и за Развој на креативен концепт и стратегија за комуникација со граѓаните! За јавните претпријатија како ЈСП кои што тонат во долгови! Данела Арсовска бара 11 милиони од буџетот за, цитирам „преку копродукција се изработуваат видео и аудио материјали во форма на кратки едукативни и информативни видеа”! Еве што е наведено за овие 11 милиони во оваа предлог програма: организирање на медиумски настани и прес конференции, објавување информации на веб порталот и социјалните мрежи, организирање на важни датуми, активности, Отворен Град 24 – вели Стоилковски.

Тој додава дека е почитувани, во Град Скопје има Сектор за поддршка на градоначалникот со одделение, за односи со јавност и комуникација со граѓаните. Таму има раководител и осум вработени значи делот со информации, прес конференции, информирање и анализи е покриен!

– Ако веќе има деветмина вработени на плата, зошто за истата работа, би се давало речиси еден милион месечно на приватна продукција или фирма? Единствено што посакува Данела Арсовска е 11 милиони за приватна продукција да и снима спотчиња, чиста пропаганда! А, за што да снимаат спотови? За Скопје што празнично изгледа како Кабул под Талибанците, за долгот од милион ипол евра за превозниците, за сообраќајниот хаос, хаосот со бездомните животни или еколошката бомба? Само за потсетување, пред само три месеци, под притисок на јавноста, на Данела Арсовска и беше раскинат договор од над 90 илјади евра за истата намера, за промоции и кампањи, рекламирања и прес конференции – вели Стоилковски.

The post ШТО ЌЕ СНИМА ДАНЕЛА ВО „СПОТЧИЊАТА“ ОД 11 МИЛИОНИ? Стоилковски ја обвини Арсовска дека среде кризи бара пари од буџетот за пресови и рекламирање appeared first on plusinfo.mk.

Иако можеме да се пофалиме со артисти и изведувачи со големи преслушувања на овие платформи, тие заработуваат „ситни трошки“ во споредба со музичари преку океанот, смета Васко Спасоски. Спасоски е познат по јавноста како менаџер на познатиот пејач Влатко Лозаноски чии спотови се доста вртени по Јутјуб. Сепак, дури и на македонските мегаѕвезди не им е лесно кога станува збор за онлјан-заработката.

– Што значи тоа? На една рака може да се избројат ѕвездите кај нас на кои нешто им капе од платформиве. Еве, да имате некаква перцепција, со парите што ќе ги заработат од Јутјуб, ТикТок, Спотифај во рок од една година, тие може да снимат еден до два саглам спотови – открива Спасоски.

ПлусИнфо претходно пишуваше како и колку би чинело да се направи добар спот во Македонија. Во моментов, големите издавачки куќи се „изедени“ од мали домашни студија и агенции, кои ги промовираат овие артисти и тоа прилично успешно. Понекогаш, пост-продукцијата, па и снимањето, музичарите го прават и сами на компјутери, или со пријатели.

Добрата вест? Јутјуб и другите платформи ги креваат стандардите, па спотот кој ќе го постираат нашите артисти треба да соодветствува со она што се нуди во светот: иновативно кадрирање, скапи сценски ефекти, јака и уверлива сценографија, постмодерна приказна – елементи кои ќе го заинтригираат младиот гледач на Јутјуб кој веќе прелистал странски видеа и инстинктивно ги очекува.

– Следејќи ги промените, така и македонските изведувачи сè повеќе фокусот го насочуваат кон овие платформи. За разлика од светските ѕвезди, па еве и ѕвезди од соседството кои заработуваат одлични суми од овие платформи, кај нас ситуацијата е поразлична. Кај нас од овие платформи може да се заработат „ситни пари или пак трошки“ – вели Спасоски.

Во моментов Јутјуб плаќа 3 до 5 долари за 1.000 прегледи на едно видео, а ТикТок само 2 до 4 центи за истиот број посетители. Математиката ги вклучува и парите кои ќе ги вложите во платформата, дали ќе ставите реклами во вашето видео … Исто така, ТикТок е во подем и без разлика што плаќа помалку, умно би било да се инвестира во нови платформи. Спотифај плаќа 1 долар на 250 стримувања, што е слично со Јутјуб, иако Спотифај не работи со видеа.

Наизглед малку, во реалност малку повеќе, а сепак недоволно. Македонските музичари немаат избор освен да ги следат новите трендови, бил пазарот мал или не. ПлусИнфо пишуваше за нашите млади артисти Срна, Стефан Лазаров, Антониа Гиговска и многу, многу други кои добиваат коментари на Јутјуб за своите песни од луѓе од Балканот – небаре се вмрежени во заедничка сцена. Многу од слушателите не го разбираат во целост македонскиот јазик, но и те како им се допаѓа музиката која извира оттука.

– Мал пазар, малку луѓе во светов слушаат македонска музика, а овие платформи ти даваат пари во зависност од тоа колку те слушаат. Но, факт е дека и нашите изведувачи мора да ги следат овие нови трендови. Тие немаат друг избор освен нивната музика да ја презентираат преку нив, бидејќи ако чекаат на медиумите, богами ќе се изначекаат – дециден е Спасоски.

The post НЕДОВОЛНО ПАРИ КАПАТ ОД ЈУТЈУБ ВО МАКЕДОНИЈА Васко Спасоски зборува за предизвиците на естрадата appeared first on plusinfo.mk.

Додека медиумите молчат и не пуштаат домашна музика, тивко, преку ноќ, покроце, или можеби баш бучно, со сите сили, нашите млади артисти од новата генерација најдоа и уште изнаоѓаат начини да допрат до публиката – дома, но и во глобалниот простор. На платформите како Јутјуб, ТикТок, Спотифај, Бендкемп, Саундклауд нема бариери за македонската музика, па дури и за пеењето на наш јазик. Рап, трап, даб-степ, хард-стајл …

Македонската артистка Срна веќе подолго време опстојува на сцената, а нејзините песни имаат и до 200.000 видувања на Јутјуб. Луѓе од регионот, а не само од кај нас, ѝ пишуваат во коментари, а спотовите изгледаат прилично професионално, осмислено.

2020 година навистина беше година кога жените-раперки го освоија светот, од Карди Б и Ники Минаж, до поандерграунд девојките како БИА. Се чини дека сè е на своето место и дигиталната револуција може да ги замени телевизиите. Каде сме тука ние?

– Кај нас е факт дека најмногу се користи Јутјуб за промоција на музика, што не е случај со европските земји, каде што Спотифај е многу поразвиена алатка за стриминг и за заработка. Често е случајот артистите од другите земји да имаат повеќе стримови на Спотифај отколку на Јутјуб, а заработката е релативна работа. Таа зависи од многу аспекти. Секако, ние во тој поглед не можеме да се рамниме со другите земјио – вели Срна на нашето прашање.

Но, дали и колку може да се заработи на овој начин?

Во моментов Јутјуб плаќа 3 до 5 долари за 1.000 прегледи на едно видео, а ТикТок само 2 до 4 центи за истиот број посетители. Математиката вклучува и тоа колку ќе вложите во платформата, дали ќе ставите реклами во вашето видео… Исто така, ТикТок е во подем и без разлика што плаќа помалку, умно би било да се инвестира во нови платформи. Спотифај плаќа 1 долар на 250 стримувања, што е слично со Јутјуб, иако Спотифај не работи со видеа.

Малите студија ги „изедоа“ големите продукции

Згора на тоа, големите издавачки куќи сега се „изедени“ од мали домашни студија и агенции, кои ги промовираат овие артисти и тоа прилично успешно. Понекогаш, пост-продукцијата, па и снимањето, музичарите го прават и сами на компјутери, или со пријатели.

Колку чини да се направи еден добар спот за Јутјуб, имајќи ги предвид конкуренцијата и стандардите кои ги поставува оваа платформа?

– Спотовите и нивната вредност зависат од тоа што има во сценариото, какви кадри и реквизити се потребни. До сега, сите мои спотови се режирани од мене, всушност јас би требало да знам каква видео приказна најмногу ќе соодветствува на мојот текст во песната. Соработката со Ненад Смиљковиќ, којшто ги снима, а и ги едитира моите спотови, е доказ дека може да изгледа еден проект како на него да работел цел тим, а всушност креативноста и професионалноста на двајца е доволна – вели пејачката.

Артистите од Балканот не ги чекаат политичарите – тие веќе се вмрежија

Јутјуб и Спотифај се поврзани платформи. Гледаноста од едното се прелева во другото, а тоа влијае на парите кои може да се заработат. Повеќето јутјубери се одлучуваат за англиски јазик, за да можат да направат пари и да живеат од тоа. Но, за Срна, јазичната бариера не е проблем. Според неа, македонскиот јазик функционира одлично во регионот и артитистите од Балканот веќе се вмрежени, комуницираат, се договараат. Јутјуб ја има магичната моќ да ја изедначи гледаноста на еден артист дома и во странство, што е за поздравување.

– Во момен тов снимам спот којшто ќе биде објавен на српски канал, со кој веќе имав соработка за претходната песна „Pit Stop“. Нашиот стил и звук се издвојува од останатите и би рекла дека оваа музика е слушана на Балканот без разлика на јазикот на којшто се изведува. Популарноста на нашите артисти надвор од нашите граници е приближно иста како и популарноста дома. Се надевам дека како најталентирана нација за музика ќе дојде период кога ние ќе бидеме лидери во аудио и во видео светот, а и артистите ќе бидат повеќе експонирани во нашите медиуми – вели Срна.

The post НАШИ МУЗИЧАРИ „ГАЗАТ“ НА ЈУТЈУБ, СПОТИФАЈ, ТИКТОК… Срна вели дека Македонија може да биде музички лидер во регионот (ВИДЕО) appeared first on plusinfo.mk.

Содржината од овој доказ предложен од тужителот Вилма Рускоска, шеф на Обвинителството за борба против корупција и организиран криминал, како што наведе судот се употребени зборовите „имам претчувство дека Вилма ќе те викне за да одбереш зашто ќе ти поднесе обвинение”.

Додека во тв спотот „Штаб на лагите”, како што посочи судијата  е извршена употреба на ликот на тужителката Вилма Рускоска, во контекст на еден гласач, кој бара чисто и функционално судство, односно наводниот активист на СДСМ, понуди два лика од правосудниот систем на РМ, држејќи две паноа во кој се испечатени ликови на судија од кривичен суд и обвинителката Вилма Рускоска, обраќајки со зборовите: А што ако ти ги давам нив?.

Вербални докази сведоциза овој случај не се предложени од страна на тужителот.

Завршните зборови и објавување на пресудата за случајот Рускоска против ВМРО-ДПМНЕ, ќе бидат презентирани на 13 октомври. Во рок од пет дена странките со судот во писмена форма треба да ги достават завршни зборови.

The post Спотовите на ВМРО-ДПМНЕ со Вилма Русковска се гледаа во судот, пресудата на 13-ти октомври appeared first on plusinfo.mk.

– Во текот на вчерашниот ден, 30 јуни 2020 година, Првата детска амбасада во светот Меѓаши до Основното јавно обвинителство (ОЈО) достави информација за инволвирање на децата во политички кампањи и неколкукратно прекршување на нивните права. Во доставената информација дадени се линкови, на конкретни примери на злоупотреба на деца во политичката кампања, на увид на ОЈО. Со искрена верба во компетентноста на оваа институција очекуваме соодветна реакција. Апелиравме и до Државната изборна комисија (ДИК) упатувајќи ги нашите согледувања за прекршување на правата на децата во кампањите на политичките партии, како и злоупотребана децата и детскиот свет. Како институција што е одговорна за обезбедување услови за демократско и слободно спроведување на целиот процес на предвремените парламентарни избори – од предизборната кампања, се до денот на изборите, очекуваме дека ДИК ќе преземе соодветни мерки кон политичките партии во насока на заштита на правата на детето и најдобриот негов интерес, соопшти Меѓаши.

Од таму велат дека  од медиумите очекуваат да бидат главни актери во подигнување на свеста за заштита на правата на детето,  да отвораат теми и дебати од едукативен и информативен карактер со цел подобро разбирање на тоа што значи злоупотреба на правата на децата во политички кампањи. Ги потсетуваме дека е забрането емитување на политички рекламни спотови во кои се вклучени деца!

– И на крај, но не помалку важно, апелираме по третпат до сите политички партии што учествуваат во изборниот процес, да ги повлечат сите рекламни спотови во кои на кој било начин ги злоупотребуваат децата со цел постигнување политички поени. Во ова ги вклучуваме и политичките спотови во кои на експлицитен начин се злоупотребени лични податоци на малолетници – нивни ликови, и политичките спотови во кои е засегнат животот и светот на децата иако отсуствуваат слики и ликови на деца. Без разлика дали децата се појавуваат со свој лик во спотот или само се злоупотребува контекстот на детскиот свет, злоупотребата е еднакво иста и се искористува истата манипулативна техника, а тоа е емоционалната манипулација со чувствата на гласачите кон децата, симбол на иднината на едно општество. И повторно ги повикуваме: со истиот ентузијазам и енергија да пристапувате кон прашањата поврзани со децата и заштита на нивните права во текот на вашите мандати на кое било ниво на власт – велат од Меѓаши.

The post Меѓаши: Обвинителството да постапи, партиите да ги повлечат спотовите со деца appeared first on plusinfo.mk.

– Имајќи предвид дека радиодифузерите се одговорни за законитоста на содржините кои ги емитуваат, Агенцијата предупредува дека, од утре, секое емитување на ППР во кое има малолетници ќе биде предмет на прекршочна постапка – се вели во соопштението на АВМУ

За да се избегнат ваквите случаи, апелираме радиодифузерите внимателно да ги прегледуваат сите содржини, а оние кои не се во согласност со Изборниот законик и Законот за аудио и аудиовизуелни медиумски услуги да одбијат да ги емитуваат.

The post АВМУ: Казни за радиодифузерите кои ќе пуштаат политички спотови во кои има деца appeared first on plusinfo.mk.

The post Агенција за медиуми: Забрането е користење малолетници во платеното политичко рекламирање appeared first on plusinfo.mk.