Еден од приоритетните проекти во програмата на кандидатот за градоначалник Дејан Митески од ВМРО-ДПМНЕ во Општина Аеродром е изградба на нов модерен спортски центар, соопшти партијата.

Според написот, локацијата каде што е предвидена изградбата е покрај реката Вардар, на потегот од паркот „Авионче“ до „Рајскиот парк“.

„Површината на новиот спортски центар е 100.000 м2, и истиот ќе биде наменет за сите спортови, каде што секој ќе најде свое место, од професионалци, аматери, до семејства.

Вложување во спортот е вложување во физичкото и метално здравје на граѓаните. Наша примарна цел е да обезбедиме соодветни услови каде што ќе можат да спортуваат идните млади спортисти, но и докажани врвни шампиони.

Македонија има огромен потенцијал да создава идни спортисти кои ќе носат врвни резултати и успеси.

Затоа ги повикуваме граѓаните од Општина Аеродром на 19 октомври да излезат и да го поддржат Дејан Митески и советничката листа на ВМРО-ДПМНЕ.

За Аеродром да биде урбана и модерна општина. Твојот човек! Твоето место! За твојата иднина! Направете го вистинскиот избор! Заокружете 9“, порачуваат од ВМРО-ДПМНЕ.

The post „АЕРОДРОМ ЌЕ ДОБИЕ СПОРТСКИ ЦЕНТАР ОД 100.000 КВАДРАТНИ МЕТРИ“ Ова е еден од приоритетите на Митески од ВМРО-ДПМНЕ appeared first on plusinfo.mk.

Министерот за спорт, Борко Ристовски, заедно со градоначалникот на Кавадарци, Митко Јанчев, денеска свечено го отворија новиот спортски центар во Средното општинско училиште „Киро Спанџов – Брко“.

Овој нов спортски комплекс ќе им овозможи на младите подобри услови за спортување, развој на нивните таленти и промоција на здравиот начин на живот.

Во рамки на спортски центар во Кавадарци изградено е фудбалско игралиште со вештачка трева, кошаркарско игралиште со полипропиленски под и просторот е опремен со урбана опрема за спорт и рекреација.

– Продолжуваме со реализација на проектите што ни се зацртани како приоритетни цели со инвестиции во спортот и во спортската инфраструктура. Ова е уште еден проект кој Министерството за спорт го реализира со цел да се подобри спортската инфраструктура низ целата држава. Вложувањето во спортот е вложување во иднината на нашите млади генерации. Нашата цел и заложба на младите да им обезбедиме услови за да се посветат на спортот, да го развиваат својот талент и да негуваат вистински спортски вредности- истакна министерот Ристовски.

The post КАВАДАРЦИ ДОБИ МОДЕРНИ ИГРАЛИШТА Отворен е нов спортски центар appeared first on plusinfo.mk.

Две лица загинаа, а три лица се повредени утрово во експлозија на бомба во Цетиње, во близина на Спортскиот центар, јавуваат црногорските медиуми.

Полициската управа соопшти дека сите расположливи полициски екипи се на терен и дека истрагата е во тек, јави подгоричкиот портал Вијести. Според неофицијални информации, на самото место е убиен П.К., член на криминалниот Шкаљарски клан, додека уште едно лице потоа им подлегнало на повредите.

„Антена М“ јавува дека три лица се повредени и се пренесени во болницата во Цетиње, меѓу кои и една постара жена.

Затворени се улиците околу Спортскиот центар, а на местото на настанот е и градоначалникот Никола Ѓурашковиќ.

Цетињски лист пишува дека силна експлозија одекнала по девет часот пред влезот во Спортскиот центар. Од силината на експлозијата искршени се стаклата на зградата на Спортскиот центар и откорнато дрво.

The post 📽️ ХАОС ВО ЦЕТИЊЕ, УБИЕН ЧЛЕН НА ШКАЉАРСКИ КЛАН? Две лица загинаа во бомбашки напад близу Спортскиот центар appeared first on plusinfo.mk.

Како што соопшти владината прес-служба, со заклучок по оваа точка Владата го задолжи СЦ „Борис Трајковски“ да ги отстапи своите простории на Министерството за здравство за спроведување на масовната вакцинација согласно Национален план за вакцинација против ковид-19 во Македонија.

The post Владата донесе одлука „Борис Трајковски“ да биде вакцинален центар appeared first on plusinfo.mk.

Антикорупциската комисија деновиве не потсети повторно на скандалот, во кој советникот за спорт на премиерот, речиси „сам на себе” си го издаде просторот на СЦ Кале за следните 30 години.

Претпоставувам дека заради корона кризата, но и заради праксата во Македонија секоја афера да живее по 2-3 дена и без завршница, оваа тема не беше доволно истражена. Може некој и сака и прави таа брзо да биде ставена под тепих? Влогот е голем – СЦ Кале е распослан на атрактивна локација – мерак за градежните фраери и нивните компањони во секоја власт.

Затоа во овој случај погрешно е гледиштето дека ова е само спортски коруптивен скандал. Позадината е поголема и покомплексна. А за да можам поедноставно да го објаснам ќе направам кратка сторија од 5 слики.

Како вовед првин ќе ја погледнеме сегашноста преку Третата слика:

СЛИКА 3: ПУКНА СКАНДАЛ. Во јавноста се обзнанини дека советникот на премиерот за спорт го добил СЦ Кале на 30 годишно рентање со спорен договор. Нереално, неморално и ако сакате нечесно е функционер – прв човек на Премиерот за спорт да остварува корист за себе, преку злоупотреба на позицијата. Дури Договорот да е и максимално коректен, тоа не е во ред. Но, договорот не само што не е коректен, туку е и спорен по неколку основи и имплицира дека Советникот не си го подарил тој спортски простор заради развивање на спортски активности, туку за други цели. Ова се гледа од одредбата дека Државата е согласна Советникот „сите запуштени и руинирани содржини да се пренаменат во други содржини кои се во согласност на ДУП на Град Скопје”. Понатаму, Државата е согласна, Советникот да вклучи коинвеститори за изградба на нови содржини, па дури и да му помогне да обезбеди градежни дозволи, а да му даде и предност за купување на просторот доколку одлучи да го продаде. Најспорно е од се е ставката дека евентуално изградените објекти од траен карактер по истекот на договорот Државата му признава на Советникот 80 отсто сопственост.

СЛИКА 2: И ЛИЗГАЛИШТЕТО СЕ ЛИЗНА. Она што во целата приказна е симптоматично е што еден месец пред „сам на себе” да си го издаде просторот во СЦ Кале, истиот Советник им го даде Лизгалиштето Кале на Лизгачката федерација. Овој договор не го виде јавноста, но голема е веројатноста дека има слични ставки како и договорот опишан во Слика 3. Со овие два договора се комплетира една голема и атрактивна парцела – како по мерка за градежните компании.

СЛИКА 1: А КАКО СЕ ЗАПОЧНА? Пред 5-6 години поранешната власт на ВМРО преку Министерството за транспорт и локалната скопска власт го бендиса овој простор и ги почнаа подготовките за промена на ДУП-овите во делот кај СРЦ Кале. Инвестицијата во новата луксузна населба требаше да биде од Русија. Но реакциите од Амбасадата сместена на Кале и останатите проблеми кои почнаа да и се јавуваат на власта на ВМРО, која почна да се распаѓа, ги спречија да ја довршат идејата: спортските содржини на Кале да ги срамнат со динамит и да изградат згради.

СЛИКА 4: ЧЕКАЊЕ ДА СЕ СТИША БУРАТА. Логиката кажува дека, оние кои сега му се имаат намерачено на СЦ Кале, ќе почекаат некое време да се подзаборави аферата, во меѓувреме ќе си ги подготват сите договори и дозволи, ќе отидат на „бацирака” кај што треба и ќе ги пуштат багерите да играат по спортските објекти, уништувајќи ја спортската традиција на Кале.

СЛИКА 5: КАДЕ БИЛ НЕКОГАШ СЦ КАЛЕ? За десетина години веќе никој нема да се сеќава дека на тоа место имало лизгалиште, базен, место за прошетка, спортски содржини… Таму ќе „живеат” висококатници, луксузни објекти, деловни центри…

И воопшто не е битно во оваа приказна дали главниот јунак на оваа афера се вика Марјан, Даниел или Перо, затоа што тој и не е главниот играч што стои зад оваа афера. Многу бргу ќе се активираат ставките од договорот за коинвеститори и за пренамена на содржините…
Битно е да се знае дека она што го испланира и започна ВМРО на пат е да го доврши СДСМ.

Јас петтата слика не ја посакувам на тој простор. Уште има време да се стопира подлата намера. Скопје не треба да биде претворено во бетон, а за сметка на тоа да изгуби спортот, рекреативците, традицијата…

The post Во СЦ Кале ќе играат багери наместо спортисти appeared first on plusinfo.mk.

Се преземаат, како што се посочува, сите неопходни процедури за подигнување на нивото на хигиената, се спроведува чистење, како и целосна дезинфекција на целиот спортски центар.

Со дезинфекција, како и превентивни мерки за заштита на здравјето на сите корисници на центарот, секојдневно ќе се продолжи и по отворањето кое се очекува да биде наскоро, стои во соопштението

The post СЦ „Борис Трајковски“ се подготвува за повторно отворање appeared first on plusinfo.mk.