Годинава таа полни 30 и веќе ја нарекуваат „најубавата македонска спортистка“, иако нејзината биографија освен титулите во карате, ја испишуваат и победа на државен натпревар по математика, признание за првенец на генерација и жестока посветеност на спортот.

Моника Стефановска за Плусинфо вели дека вистинската убавина е во работата на себе и во смиреноста на луѓето кои се задоволни од својот животен пат. Младата тетовчанка своеволно решила да вежба карате на само шест години, откако гледала демонстрација по часовите на гимнастика. Нејзината самодоверба била толку голема, што родителите немале избор освен да ја поддржат и да ѝ станат најголема потпора.

Сепак, според неа нејзино најголемо богатство се патувањата кои ја учат да ги почитува различностите во светот. Таа нашла време и да магистрира на спортски менаџмент, а на европското првенство одвоила шест денови да ги гледа двата натпревари со Украина и со Австрија и да ја слуша химната на земјата која не размислува да ја напушти, иако условите за спортистите што таа земја ги нуди не се баш најсјајни во моментов.

Во јавноста сте позната како најубавата македонска спортистка. Како ви се допаѓа таа одредница и дали чувствувате притисок поради тоа?

Убаво е да се слушне таков комплимент и секако, тоа ми импонира, пријатно е чувството кога те препознаваат како убавица. Можеби ќе звучи како клише, но моето искрено мислење е дека убавината доаѓа однатре, па според мене убав човек е секој човек којшто е задоволен со себе, има убави и позитивни мисли, го негува духот и телото и се стреми секој ден да е подобар од претходниот.

Колку од приватниот живот жртвувате за да му се посветите на каратето?

Секој спорт бара максимална посветеност и жртвување. Доколку спортистот се стреми да гради професионална спортска кариера тоа значи намален социјален живот, откажување од некое хоби. Во текот на изминатите години најтежок беше периодот кога требаше да најдам баланс помеѓу спортот и факултетот, но со силна желба и труд успевав да го постигнам истото.

Каратето ви овозможува да патувате во светот и да ги проширите видиците. Какот тоа ве менува како личност?

Патувањето е единственото нешто што го плаќаме, а нè прави побогати. Запознавањето на различни култури и посетувањето на многу земји ми даде шанса да создадам многу пријателства, а со тоа да се изградам во личност која е толерантна, комуникативна и ги разбира различностите.

Вашите родители отпрвин се противеле заедно со сестра ви да тренирате карате, а потоа тајно сте се запишале за еден ден да освоите медали на европски и светски првенства. Колку е битна самодовербата да направиш нешто кое околината го осудува?

Самодовербата има многу голема и важна улога во нашите животи, а особено во животите на професионалните спортисти. Некои од нив вродено ја поседуваат оваа карактеристика, но вистинската самодоверба доаѓа со многу напорна работа, труд и посветеност. Иако родителите на почетокот се противеа на нашиот избор, подоцна сфатија дека нашата желба за тренирање е огромна и дека нема да се откажеме по никоја цена, па ни станаа најголема поддршка и потпора.

Македонските спортисти се соочени со тешки услови и не секогаш стојат добро со финансиите. Сепак, во едно интервју велите дека никогаш не би ја напуштиле Македонија, а во Букурешт гордо го виоревте нашето знаме за поддршка на македонските фудбалери на Европското првенство. Што е тоа што му фали на македонскиот спорт?

Финансиите се многу важен фактор и се нешто што многу често недостасува. Тие се правопропорционални со популарноста на самиот спорт, па сметам дека фудбалот, кошарката па и ракометот не се соочуваат со истите проблеми со кои се соочува каратето. Но, тука е Агенцијата за млади и спорт која дава голема помош на македонскиот спорт и се грижи за спортистите.

The post УБАВИНАТА ДОАЃА ОДНАТРЕ, ОД ЗАДОВОЛСТВОТО СО СЕБЕ И ОД ПОЗИТИВНИТЕ МИСЛИ Разговор со нашата најубава спортистка appeared first on plusinfo.mk.

– Бил Козби оди слободно, но тоа не го менува фактот дека луѓето поверуваа во моето сведочење – рекла таа за Ен-би-си и додала дека е шокирана и разочарана од одлуката и дека американскиот правосуден систем е погрешен.

Да потсетиме, Андреа го запознала Козби на Универзитетот Темпл во Филаделфија, каде што таа работела при кошаркарската програма, а актерот бил популарен дипломец и член на одборот.

Во своите мемоари „Моментот“ таа го опишала нивното пријателство и како една вечер во јануари 2004 година земала таблети кои тој ѝ ги понудил, верувајќи дека станува збор за билни медикаменти. Тогаш телото ѝ се вкочанило.

„Мојата неспособност да го контролирам своето тело беше застрашувачка. Со моите 182 сантиметри јас не сум ситна… Никогаш претходно, дури ниту како дете, не сум била толку физички исплашена од некој или од нешто. Но, сега немав контрола над екстремитетите“, напишала Констанд.

Козби тврдел дека се вљубил во Андреа, а адвокатите рекле дека станува збор спогодбена врска.

По полициската истрага локалниот обвинител одбил да го уапси Козби, а една година подоцна таа потпишала договор за тајност на податоците, кога поднела граѓанска тужба од 3,4 милиони долари.

Поранешната спортистка живеела во Торонто мирно сè додека обвиненијата за сексуално напаствување од повеќе од 60 жени против Козби не ја исфрлија во центар на внимание.

Андреа во 2017 година сведочела на првото судење на Козби, но и на второто во 2018 година кога поротата го осудила за насилство над жените и нивно дрогирање.

Осуден бил на 10 години затвор, а тоа било драматичен пад на комичарот кој бил познат како „американски татко“ поради угледот во јавноста.

Но, прославениот 84-годишен актер овој јуни бил ослободен откако судот во Пенсилванија ја укинал неговата пресуда.

Обвинителите во Филаделфија овој месец мора да одлучат дали ќе се жалат на Врховен суд во САД.

Андреа изјавила дека „отишла предалеку за да се врати на таа точка од својот живот“.

„Вредеше. Но, вредеше поради тоа што чувствував дека не сум сама. Цела заедница, цела армија на жени кои поминале низ истото, странци, семејства, пријатели, беа тука со мене“, додала таа.

Акцентирала дека и славењето на Козби и неговите пријатели поради излегувањето од затвор е одвратно.

„Но, не ме изненади со оглед на нивото на ароганција и недостаток на каење додека беше во затвор. Апсолутно не се кае за тоа што ми го направи. Тој е сексуален предатор кој е пуштен од затвор“, заклучила таа.

 

View this post on Instagram

 

A post shared by Hollywood Mask (@hollywoodmask.official)

Фото: Инстаграм/Твитер

The post БИЛ КОЗБИ ЈА СИЛУВАЛ ВО 2004 ГОДИНА Спортистката првпат проговори за неговото ослободување од затвор appeared first on plusinfo.mk.