Општина Центар распиша повик за доделување на стипендии на учениците од општинските основни училишта, во три категории: спорт, култура и науки, техника и посебни вештини. Стипендиите ќе се доделуваат во текот на учебната 2025/2026 година, а ќе изнесуваат од 2.500 до 3.500 денари месечно, зависно од категоријата за која се аплицира.

– Општина Центар и годинава инвестира во младите, во нивната креативност, знаење и спортски дух. Нивните постигнувања се афирмација не само за нашата локална самоуправа туку и за целата држава – изјави градоначалникот Горан Герасимовски.

Секој ученик има право да аплицира само во една категорија. За пријавувањето потребно е да се достават потврда за редовно школување или доказ за живеалиште, кратка биографија, контакт на родител или старател, фотокопии од свидетелства, добиени признанија и награди, како и потврди од надлежни федерации или организации – таму каде што е применливо.

Документите се поднесуваат во Архивата на Општина Центар или по пошта на ул. Михаил Цоков бр. 1, со соодветна назнака за категоријата. Рокот за пријавување е 23 септември 2025 година, а ќе се разгледуваат само комплетни и навремено доставени пријави.

Повеќе информации се достапни на официјалната веб-страница на општината: ЛИНК.
.

The post ПО 3.500 ДЕНАРИ МЕСЕЧНО ЗА МЛАДИТЕ ТАЛЕНТИ Центар инвестира во успешните ученици во спорт, култура и во науки appeared first on plusinfo.mk.