Претседателот на Европскиот совет, Антонио Кошта, во Скопје потврди дека Европската унија засега цврсто стои во одбрана на позициите на својата членка Бугарија во спорот со Македонија. Португалецот својот став го соопшти грубо, со зборовите; „Она што е договорено е договорено и нема повеќе што да се договара. Сега треба да се исполни тоа што е договорено и нема повеќе простор да се прашува што уште треба да се договара“.

Македонскиот премиер Христијан Мицкоски возврати смирено, на одлучно: „Јас сум на истиот став дека евроинтегративниот процес треба да се темели на вредности, а не на билатерални прашања. За жал, претходната влада прифати такво билатерално прашање да биде дел од нашата европска иднина. Јас тоа не можам да го прифатам и нема никогаш да го прифатам“.

Тоа беа клучните политички пораки од оваа средба. Ништо ново, ништо неочекувано. Можеби новост е само тоа што Португалецот изгледа се амбицирал да ја скрши „тврдата позиција“ на владата во Скопје и да ја натера да го прифати она што го прифатија сервилните влади на СДСМ на Зоран Заев и на Димитар Ковачевски. Тоа значи дека нашите дипломати ќе имаат уште сеанси на „виткање рака“ со Антонио Кошта.

Во врска со тоа, имам предлог како на Португалецот да му објасниме што значат атрибутите на нашиот национален идентитет и нашата национална гордост, за нас, Македонците. И зошто не можеме и не сакаме да ги прифатиме бугарските негирања, кои претседателот на Европскиот совет ги смета за „договорена“ работа. Имено, предлагам на првата наредна средба со него, да се интонира, или барем неформално да се испее, португалската химна „A Portuguesa“.

Приказната и „контроверзите“ за португалската химна

Оваа песна е создадена во 1890 година, во време кога под силен притисок и ултиматум на Велика Британија, Португалија мора да се откаже од своите територии и претензии во Африка, во Ангола и во Мозамбик. Во 1911 година, по укинувањето на монархијата во Португалија, „A Portuguesa“ станува официјална химна на републиката.

Во Португалија, посебно во некои елитистички кругови, химната постојано е изложена на критики, бидејќи таа повикува на оружје („às armas, às armas!“) и на борба против „непријателот“. Еврофанатиците сметаат дека химната не е доволно „европска“ и дека го буди духот на национализмот и на империјализмот, а наводно ја шири и идејата за „зајакнување на нацијата“ преку „отпор кон странски влијанија“.

Ова се стиховите на португалската химна:

Херои на морето, благородни луѓе,
Храбра и бесмртна нацијо,
Крени се повторно
О раскошу на Португалија!

Во маглата на спомените,
О Татковино, почувствувај го гласот
На твоите истакнати предци
кои ќе те доведат до победа!“

И „контроверзниот“ рефрен што најмногу ги нервира елитистите, поради кој тие својата химна ја сметаа за „анахрона“:

На оружје, на оружје,
преку земја, преку море,
на оружје, на оружје,
за Татковината да се бориме!
Против топовите маршираме, маршираме!

Одвреме навреме, во Португалија се појавуваат идеи за промена на текстот или за компонирање нова химна, но тие не добиваат широка поддршка. За нормалните луѓе во Португалија, „А Portuguesa“ не е химна на освојување, туку реакција на понижување. Повикот „на оружје“ е симбол на мобилизација на народната волја за одбрана на достоинството на нацијата, а не конкретен повик на агресија или на војна. Химната за Португалците е и симбол на слободата по падот на монархијата, а подоцна и на борбата против диктатурата на Салазар.

Со еден збор, „A Portuguesa“ е дел од традицијата и од идентитетот на Португалците. Огромен дел од португалскиот народ ја сака и ја пее химната со гордост, особено на спортски настани и национални празници. Критиките доаѓаат од политички или од интелектуални групи, а не од широката јавност, што го прави нивното барање елитистичко, а не народно.

Португалците и Французите маршираат, Македонците се борат за своите правдини

Јас навистина не знам во која група спаѓа политичарот Антонио Кошта и дали ќе му се допадне да ја слушне својата химна уште еднаш, како што веројатно ја слушал и ја пеел многу пати во животот. Но, сигурен сум дека едно такво внимание од наша страна ќе му помогне да сфати дека борбата за слобода и отфрлањето на уцените и на ултиматумите од силниците е дел и од традицијата на македонскиот народ.

Нашата химна можеби нема толку „милитантни“ метафори како „А Portguesa“ или како „Марсејезата“, на пример (во која, пак, се спомнуваат оружје, баталјони, марширање, леење нечиста крв итн), но и „Македонците се борат за своите правдини“ во својата химна (по стихови на Владо Малески).

Соочени со топовите на силеџиското вето, како и храбрите Португалци некогаш со топовите на моќната Британска империја, Македонците денес ја избираат единствената достоинствена опција – верба во слободарскиот дух на европските нации и во идејата за обединување на Европа, но и отпор и истрајност во борбата против неправдата.

Што има тука неевропско?

Против топовите маршираме, маршираме!

Маршираме против топовите на европското лицемерие, сењор Кошта!

Оваа власт така е договорена со народот. Заев, Ковачевски и Ахмети се договориле со Софијанците, ама не со својот народ.

А тогаш кога ќе се договориш со својот народ, е дури тогаш – она што е договорено, договорено е!

Еста кларо, сењор президенте?

The post Маршираме против топовите на европското лицемерие, сењор Кошта! appeared first on plusinfo.mk.

Тој, пред средбата со потпретседателот на Европската комисија и висок претставник за надворешна и безбедносна политика на ЕУ, Жозеп Борел, ја истакна важноста од интеграцијата на Северна Македонија и Западен Балкан во Европската Унија.

–  Задоволство е да се биде вечерва тука заедно со моите колеги и потпретседателот Борел. Се соочуваме со досега невидена состојба во историјата на нашиот континент. Овие состојби нè натераа да бидеме обединети како никогаш досега и да ги усогласиме нашите политики. Вечерва со потпретседателот Борел и другите колеги дискутираме за итни прашања, но и прашања кои се однесуваат на среден и долг рок, прашања кои потекнуваат од кризата и нашата улога кон Русија, а во врска со нејзината инвазија врз Украина – посочи премиерот.

Ковачевски додаде дека исто така ќе дискутираат  и за енергетската безбедност, како и за економските и финансиски импликации што ги носи кризата за нашата земја и за регионот.

– Покрај тоа, ќе дискутираме за начинот и активностите што ќе ги спроведеме заедно за да ја зацврстиме и подобриме поддршката на ЕУ за регионот на Западен Балкан, како регион што е изложен на кризата што доаѓа од војната во Украина – наведе Ковачевски.

Тој претходно оствари средба со белгискиот премиер Алексаданр Де Кро, со кого, како што соопшти владината прес-служба, се согласиле дека е неопходно  брзо изнаоѓање на решение меѓу Северна Македонија и Бугарија за да се овозможи старт на преговорите за членство во ЕУ како стратешка одлука за Брисел од аспект на безбедносните ризици предизвикани од војната во Украина.

Шефот на дипломатијата на ЕУ, Жозеп Борел, пред денешната неформалната вечера со лидерите од Западен Балкан во Брисел, изјави дека поголемиот број партнери на ЕУ во регионот се целосно усогласени со одговорот на Унијата на руската агресија од првиот ден на војната во Украина. Тој наведе дека Западен Балкан останува стратешки приоритет за ЕУ, истакнувајќи ја потребата ЕУ и регионот „да останат обединети“ и „да ги преземат неопходните чекори заедно за да обезбедат безбедна, стабилна и просперитетна Европа“.

На традиционалната неформална вечера на лидерите од Западен Балкан со шефот на европската дипломатија ќе бидат премиерите на Северна Македонија и на Албанија, Димитар Ковачевски и Еди Рама, претседателите на Србија и Црна Гора, Александар Вучиќ и Мило Ѓукановиќ, косовската министерка за надворешни работи Доника Гервала  и српскиот член во Претседателството на БиХ, Милорад Додик.

Ковачевски – Борел: Потребно е достоинствено европско решение за спорот и деблокирање на преговорите

The post КОВАЧЕВСКИ ОД БРИСЕЛ Итно отворање на преговорите за Северна Македонија appeared first on plusinfo.mk.

Помеѓу овие две реченици, првата на пратеникот на Велика Британија Робин Онил, а втората на самиот Петков, е период од триесет години. Но, логиката на политиката не се променила ни за влакно. Тоа е борба да се освои и да се остане на власт. Ние имаме наши црвени линии а и тие имаат свои црвени линии вели новиот бугарски премиер, збориви со призвук на на олеснување дека нема што да се брза.Црвените линии, имено, се такви што исклучуваат секаков брз компромис. А мирот, соработката, безбедноста, пријателството? Се сеќавам дека, како министер за надворешни работи,  на сите мои демократски тиради за европски Балкан, за мир и соработка, Британецот одговараше: Мицотакис е на власт благодарејќи на тројца пратеници кои ги контролира Андонис Самарас. Ако тој ја повлече поддршката, Мицотакис ќе ја загуби власта, а нема политичар во светот кој сака да ја загуби власта. Приказната се повторува. Петков отворено вели дека веднаш ќе падне неговата влада ако веднаш потпише договор со Македонија. Конечно, владата на Бугарија има други приоритети, а не македонскиот влез во ЕУ, додека бугарската јавност смета дека токму тие приоритети а не нашиот проблем треба да бидат главната преокупација на новата извршна власт. Во светлината на „политичката математика“, кој стои а кој паѓа, иницијативата со шестмесечен период за работа на петте комисии, за економија, за култура, за историја и не се сеќавам на другите две, може лесно да стане обид за купување време, па шестте месеци, во комплицираниот демократски процес, може да станат шест или шеснаесет години. Логиката на младиот премиер образован на Харвард дека треба да се усогласат интересите на двете суверени држави  и да пресуди заедничкиот интерес за економски подем и просперитет е европска но и веќе еднаш испробан на Балканот пред триесет години.  Тоа беше кога Европската заедница на Југославија и понуди милијарди во замена за мир. На крајот, место милијардите, југословенските народи го избраа национализмот, второто име на војната. Кога двете држави, Бугарија и РС Македонија,ќе ја разберат вредноста од економската соработка, смета Петков, полесно ќе се разреши спорот околу историјата. Но, за тоа да се случи шест месеци не се доволни а веројатно ни шест години.

Со резолуцијата на парламентот и со објаснувачкиот меморандум на владата, бугарскиот национал-популистички бран ја заглави државната политика на Бугарија во однос на Македонија и го предизвика македонскиот национл-популистички одговор со резолуцијата во нашиот парламент. Иако на прв поглед се чинеше дека политиката на новата влада на Бугарија сака исто што и ние, брзо решение, брзо решение нема да има. Дури се чини , раководен од приоритетите на сопствената држава (ковид пандемија, економија, корупција…), како новиот премиер да не сака веднаш да се заглави во македонското прашање па го турка подалеку од себе, во работни комисии. Слично како што направија македонските политичари кои бегајќи од гневот на јавното мислење, или обидувајќи се да го придобијат за себе, се засолнија зад црвени линии. Но,тука простор за дипломатија нема а без дипломатија нема решение на проблемот. Да, комисиите ќе направат попис на она што е најдобро за двете земји. Тоа е најлесниот дел од политичкиот процес зашто сите знаат што е најдобро. Проблемот е како до главната цел, отпочнување преговори на нашата држава со ЕУ. Не антиципирајќи ги настаните, бегајќи од проблемите  и не одејќи им во пресрет со анализи и решенија, влезени сме веќе длабоко во она што го нарекуваме „грчко сценарио“: спор на кој крајот не му се гледа.

The post Бугарско „грчко сценарио“ appeared first on plusinfo.mk.

– Ние сме сто проценти за политиката на НАТО и ЕУ. Ќе предложиме нов пристап за Северна Македонија и тоа треба да се направи брзо, за краток временски период, не повеќе од шест месеци, изјави Петков во интервју за „Фајненшел тајмс“ дадено пред гласањето во бугарскиот Парламент во понеделникот, јави дописникот на МИА од Софија.

„Фајненшел тајмс“ коментира дека пресвртот доаѓа откако Бугарија стави вето на преговорите за пристапување на нејзиниот сосед во ЕУ, минатата година, поради спорови околу историјата и идентитетот. Критичарите тогаш го обвинија Бојко Борисов дека прибегнува кон национализам за да го одвлече вниманието од повеќемесечните протести против организираниот криминал и корупцијата во земјата.

Петков за американско економско издание изјави дека новата влада ќе постави нова основа за разговори со Северна Македонија. – Ќе користиме работни групи со цел да се најдат решенија за прашања како што се заедничката економска активност, инфраструктурата, културата и историјата, рече Петков.

„Фајненшл тајмс“ ја наведува кризата со коронавирус во земјата како најголем предизвик за новата влада. Изданието потсетува дека Бугарија е меѓу земјите со највисока стапка на смртност во светот и во исто време меѓу земјите со најниска стапка на вакцинација.

The post НОВ ПРИСТАП НА СОФИЈА ВО ОДНОСОТ СО СКОПЈЕ „Фајненшел тајмс“ гледа надеж во ставовите на новиот бугарски премиер appeared first on plusinfo.mk.