Компанијата „Кожувчанка“ соопшти дека во последните пет години инвестирала повеќе од 90 милиони денари, односно околу 1,5 милиони евра, преку донации и спонзорства наменети за поддршка на различни општествени области во Македонија. Средствата биле распределени за спорт, здравство, образование, култура, локални заедници и хуманитарни иницијативи.

Податоците се објавени во табеларен преглед на официјалните профили на компанијата, во кој се наведени десетици поединечни донации и спонзорства реализирани во изминатиот петгодишен период. Меѓу корисниците се јавни здравствени установи, училишта, спортски клубови, културни манифестации, здруженија на граѓани, општини и институции.

Од компанијата велат дека општествената одговорност не ја гледаат како законска или деловна обврска, туку како составен дел од корпоративните вредности. Според нив, вложувањата во заедницата се дел од долгорочната политика за поддршка на проекти што придонесуваат за подобар квалитет на живот.

Во објавениот преглед се евидентирани донации за медицинска опрема и здравствени установи, финансиска поддршка за спортски клубови и федерации, средства за културни настани, како и помош за образовни институции и локални проекти. Дел од средствата биле насочени и кон хуманитарни акции и интервенции при кризни ситуации.

„Кожувчанка“ со години развива програми за корпоративна општествена одговорност преку платформата „Капка“, во рамки на која се реализираат донации, еколошки акции и иницијативи за поддршка на локалните заедници. Компанијата наведува дека целта е, покрај деловниот развој, да придонесе и за развојот на средината во која работи.

Компанијата е основана во 1993 година во Кавадарци, а производството на природна минерална вода започнало во 1995 година. Денес располага со портфолио од повеќе брендови, околу 150 директно вработени и производи што се извезуваат на повеќе странски пазари.

Од „Кожувчанка“ порачуваат дека и во наредниот период ќе продолжат со поддршка на проекти од јавен интерес, оценувајќи дека инвестициите во луѓето и во заедницата претставуваат еден од темелите на нивното работење.

The post „КОЖУВЧАНКА“ ВО ПЕТ ГОДИНИ ДОДЕЛИЛА 1,5 МИЛИОНИ ЕВРА Компанијата објави преглед на донациите и на спонзорствата во Македонија appeared first on plusinfo.mk.

Под слоганот „Играј со најдобрите”, Видеолотарија Касинос Австрија и во 2025 година продолжи да ја гради својата стратегија за општествена одговорност, со вкупен буџет од 49.049.259 денари наменет за спонзорства и донаторски активности.

Како модерна и општествено одговорна компанија, Државна видеолотарија останува посветена на создавање еднакви услови и можности за сите граѓани. Придонесот кон заедницата е една од нејзините примарни цели, а вложувањата во 2025 година се уште еден доказ за таа определба.

Со буџет од 37.530.508 денари за спонзорства, Видеолотарија поддржа млади таленти и иницијативи од областа на спортот, образованието и културата. За донаторски активности беа издвоени 11.518.751 денари, од кои во текот на годината со вкупна донација од 6.664.361 денари беа реконструирани две мултифункционални игралишта на територијата на Македонија.

На реконструираните игралишта, во периодот од 31 мај до 28 јуни, Видеолотарија го реализираше спортскиот турнир „Биди шампион”, на кој учествуваа повеќе од 160 деца. Во рамки на турнирот беа одиграни 16 натпревари во мал фудбал и 16 натпревари во уличен баскет, за деца на возраст од 10 до 14 години. Победник во мал фудбал беше тимот од Кисела Вода, додека во уличен баскет најуспешни беа младите кошаркари од Моноспитово, Струмица.

„Видеолотарија и во иднина ќе продолжи одговорно да ја реализира својата мисија за создавање зони за спорт, забава и рекреација за најмладите низ целата земја. Преку оваа стратегија, Видеолотарија Касинос Австрија ги остварува своите општествено одговорни цели, насочени кон развој и унапредување на квалитетот на живот на граѓаните. Целта е поттикнување на спортскиот дух кај младите, градење здрави навики преку игра и забава, како и создавање подобри услови за развој на целата заедница“, порачува компанијата.

The post ВИДЕОЛОТАРИЈА ПРОДОЛЖУВА СО СТРАТЕГИЈАТА ЗА ОПШТЕСТВЕНА ОДГОВОРНОСТ Во 2025 година издвои речиси 50 милиони денари за спонзорства и донации appeared first on plusinfo.mk.

Португалската суперѕвезда Кристијано Роналдо стана првиот фудбалер во историјата кој ја надминал границата од една милијарда евра во лична заработка, објави „Блумберг“.

Четириесетгодишниот Роналдо ја постигна оваа неверојатна бројка со последното продолжување на договорот со саудискиот клуб Ал Наср, во вредност од приближно 360 милиони евра. Според проценката на Блумберг, неговото богатство сега изнесува приближно 1,2 милијарди евра.

Блумберг го проценува богатството на Роналдо на нешто повеќе од 1,2 милијарди евра со што Португалецот стана првиот фудбалер во историјата кој ја надминал границата од една милијарда евра заработка Роналдо заработи над 470 милиони евра плата помеѓу 2002 и 2023 година. Тој, исто така, потпиша десетгодишен договор со „Најк“ за речиси 16 милиони евра годишно и други спонзорства со брендови како „Армани“ и „Кастрол“, додавајќи над 150 милиони евра на неговата нето вредност.

Неговиот трансфер во Ал-Наср во 2023 година му донесе околу 172 милиони евра годишна плата и бонуси ослободени од данок, плус привилегии, вклучувајќи бонус од нешто повеќе од 25 милиони евра.

The post РОНАЛДО Е ПРВИОТ ФУДБАЛСКИ МИЛИЈАРДЕР Платите, спонзорствата и бонусите што го направија Португалецот многу богат appeared first on plusinfo.mk.

– Согласно членот 11 од Законот за донации и спонзорства во јавните дејности е утврдено дека преку целта на донацијата треба да се утврди, оствари, промовира или поддржи дејност од јавен интерес. Па оттука прашуваме, која е дејноста од јавен интерес што АД МЕПСО ја спонзорирал преку Здружението на граѓани за промоција 22 Нентор кое во февруари годинава добило 120.000 денари. За дел од примателите на донациите, како на пример СЕСОН кое добило 300.000 денари и ОФ на Македонија кое добило 1.000.000 денари не може да се најдат подетални податоци. Понатаму, на Центарот за модерни и спортски танци „Прима данца“ биле доделени 300.000 денари во април оваа година. На Боречки клуб „Тефејуз“ Скопје биле доделени 300.000 денари – додаде Митева.

Според неа, листата на донации и спонзорства е долга и голема.

– Затоа прашуваме дали согласно член 19 од Законот за донации и спонзорства се изготвени извештаи помеѓу давателот и примателот на донацијата кои се должни тоа да го направат? Дали врз основа на тие извештаи може да се утврди целта на донацијата и импактот кој истата го имала врз јавноста? – праша таа.

The post И ЦЕНТАР ЗА МОДЕРНИ ТАНЦИ БИЛ НА СПИСОКОТ ЗА ДОНАЦИИ НА МЕПСО Каков јавен интерес имала таа донација, прашува Митева appeared first on plusinfo.mk.

Порталот пишува дека чекале повеќе од еден месец на одговорите на прашањата за критериумите на распределбата на парите за донации и спонзорства и за причината за пречекорувањето на предвидениот фонд. Одговор нема.

Според документите кои ги доби поратолот, на листата од 33 поделени донации и спонзорства, најбројни се спортските клубови, а најголем дел од парите биле доделени на затворот Идризово во Скопје (5.945.000 денари), на Здравствениот дом Скопје (2.900.000 денари) и на ЈЗУ Мајка Тереза (2.767.500 денари).

Сепак, останува нејасно според кои критериуми МЕПСО доделил 400 илјади денари, на пример на Здружението за слобода на говор и професионално известување Брианион од Демир Хисар. Ова здружение се јавува како издавач на порталите sportm.mk, 4news.mk, sofra.mk и onix.mk.

На листата е и Здружението на граѓани за промоција 22 Нентор кое во февруари годинава добило 120.000 денари. 22 Ноември е Ден на азбуката на албанскиот јазик.

За дел од примателите на донациите, како на пример СЕСОН и ОФ на Македонија на интернет не може да се најдат никакви податоци.

The post ДАВАЛЕ ДОНАЦИИ НА ФИТНЕС КЛУБ, ШКОЛА ЗА ТАНЦ… За повеќе од 10 милиони денари МЕПСО го има надминато планираниот фонд appeared first on plusinfo.mk.

– Активно учествуваме во поддршката на спортот и развојот на општеството, особено на иницијативите од локален карактер и хуманитарните акции, бидејќи афирмацијата на спортот е потребна на сите нивоа – велат од компанијата.

Ова се дел од преземените активности: спонзорство за набавка на спортска опрема за сезона 2023/2024 за Ракометен клуб „Партизан“ – Гевгелија, донација за потребите за сезона 2023/2024 за Ракометен клуб „Охрид“, повеќегодишна соработка и поддршка на Меморијалниот турнир во мал фудбал „Оливер Соколов-Сокол“, поддршка на хуманитарниот турнир во кошарка „Мирослав Статиев Миро“ 3х3 во општина Ѓорче Петров, турнир во табла во Галичник…

Од проектите со хуманитарен карактер, оваа година реализирана е донација за потребите на Здружението за хумано-општествен развој „Проект среќа“ за настанот „Шарено лето 2023 – Запознај ја Македонија“ преку кој децата од социјално ранливите категории и децата без родители од целата држава имаа можност за прв пат да отидат на летен одмор и да ги посетат убавите туристички места во Македонија.

Остварена е соработка со општините Кочани и Македонски Брод преку донација за поддршка на традиционалните манифестации – „Оризијада“ во Кочани и „Костенијада“ во Македонски Брод.

– Ова се само дел од проектите. Стратегијата за корпоративна и општествена одговорност ни овозможува како компанија да креираме и поддржуваме и подолгорочни проекти од општествен и хуманитарен карактер, на кои им се посветуваме и со кои традиционално соработуваме – додаваат од „Спортлајф“.

The post СПОРТСКИ И ХУМАНИТАРНИ ПРОЕКТИ ПОДДРЖАНИ ОД „СПОРТ ЛАЈФ“ Афирмација на спортот на сите нивоа appeared first on plusinfo.mk.

„Во првата половина од 2023, од нашиот буџет одвоивме фонд за донации и спонзорства во вкупен износ од 36.020.865 денари. И овој пат без исклучок, сакавме да дадеме свој придонес во спортот, образованието, културата. За таа цел, во текот на оваа година обезбедивме 18.522.615,00,00 денари за спортисти и спортски клубови за фудбал, кошарка, бокс и тркачки спортови, како и 17 543 250,00 денари, средства за донации од јавен интерес.

Видеолотарија Касинос Австрија во склоп на своите заложби за општествена одговорност, ќе продолжи со реализација на амбициозниот проект за изградба на повеќенаменски и спортски игралишта низ целата земја.

Со реализацијата на буџетот за донации, Видеолотарија Касинос Австрија ги реализира општествено одговорните компаниски цели, значајни за развој и унапредување на животот на граѓаните, кои ќе продолжиме да ги негуваме и надградуваме и во иднина“ – се вели во соопштението на ВКА.

The post ЗА ПОЛОВИНА ГОДИНА 36 МИЛИОНИ ДЕНАРИ! Донации и спонзорства на Видеолотарија Касинос Австрија appeared first on plusinfo.mk.