Поранешното Специјално јавно обвинителство наместо како независна институција делувало како партиски штаб на СДСМ – Зоран Заев и луѓе блиски до него давале насоки и директиви кој предмет ќе биде одработуван, каде ќе биде распореден и кој треба да биде обвинет, соопшти ВМРО-ДПМНЕ.

„Поранешната обвинителка од СЈО, Лејла Кадриу тврди дека четворица адвокати на Заев вршеле притисок врз обвинители за предметот „Пуч“. Во СЈО дошле 4 адвокати на Зоран Заев да ги убедуваат обвинителите да се пуштат лица од притвор за предметот „Пуч“. Биле убедувани да дадат позитивно мислење за да може предметот да се преземе од ОЈО ГОКК и да биде работен од СЈО“, се вели во соопштението.

Истиот овој предмет, се додава, потоа бил донесен во СЈО, спакуван во кутии и заштитна фолија.

„Овој предмет требало да го работат Ленче Ристоска и Лиле Стефановска. Предметот бил оставен да фаќа прав, а обвинителките не оделе на рочишта. Според обвинителката Кадриу, тој предмет и денес, ако се најде, сè уште би бил со заштитна фолија, ниту отворен, ниту разгледан. Кадриу тврди дека предметот бил префрлан и чуван без суштинска постапка, што отвора сомнежи за неговото реално процесирање. Кадриу посочува и дека најмалку уште два предмети, меѓу кои случаите поврзани со Гордана Јанкуловска и „Нешковски“, биле политички мотивирани и користени за постигнување одредени политички цели“, соопшти ВМРО-ДПМНЕ.

Поради сериозноста на изнесените тврдења неопходно е Јавното обвинителство темелно и непристрасно да ги истражи сите наводи, со цел вистината да излезе на виделина и да се утврди евентуална одговорност, се додава во соопштението.

„Само преку транспарентна и независна постапка може да се врати довербата на граѓаните во институциите и владеењето на правото“, порача ВМРО-ДПМНЕ.

The post СЈО ГО ПРЕЗЕДЕ, ПА НАМЕРНО ГО ЗАБОШОТИ ПРЕДМЕТОТ „ПУЧ“ Адвокати на Заев вршеле притисок врз обвинителите appeared first on plusinfo.mk.

СДСМ, Зоран Заев и Оливер Спасовски преку Катица Јанева, контролирале кои предмети ќе ги обработува Специјалното јавно обвинителство, кој обвинител ќе ги води и кои лица ќе бидат опфатени, соопшти ВМРО-ДПМНЕ.

„Обвинители како Ленче Ристоска, Гаврил Бубевски, Фатиме Фетаи и Лиле Стефановска ги обработувале овие предмети, додека Јанева имала улога на координатор, бидејќи немала експертиза во материјата. СЈО работело под директна насока на Зоран Заев и СДСМ. Советник на министерот за внатрешни работи, Спасовски, за време на техничката влада пред околу 10 години, во канцелариите на СЈО ѝ рекол на обвинителката Лејла Кадриу дека треба да се прошири опфатот на лица во одреден предмет. По нејзиното одбивање, тој заминал да се жали на друго место, а Кадриу подоцна била отстранета од работа“, соопшти ВМРО-ДПМНЕ.

Заев и Спасовски, се додава во соопштението, преку Катица Јанева ја управувале работата во СЈО.

„Спасовски преку неговиот советник давал насоки за избор на предмети и кој обвинител кој предмет ќе го работи, кои лица треба да се опфатат и кој да одговара. Катица Јанева била само координатор додека предметите ги работеле Ленче Ристоска, Гаврил Бубевски, Фатиме Фетаи и Лиле Стефановска. Кривичните пријави биле доставувани на лист и незаконски пренесувани од ЈО во СЈО по политичка желба на СДСМ. Поранешната обвинителка Лејла Кадриу како што сведочи била отргната од СЈО бидејќи не сакала да учествува во криминалот на Јанева поради што и била избркана од работа“, се вели во соопштението на ВМРО-ДПМНЕ.

Прислушуваните разговори, „бомбите“, се додава, првично не можеле да бидат доказ, но со само една одлука на апелационен судија биле прифатени во судските постапки.

„Постоеле координирани врски меѓу СЈО, обвинителството и судството, за да се прифаќаат предмети по насока на СДСМ, Зоран Заев и Оливер Спасовски. Судии кои не соработувале биле изложени на притисоци и закани. Секој што не бил „ тимски играч“ со Јанева и СЈО бил под притисок, а еден поранешен судија и претседател на суд бил осуден. СЈО на Катица Јанева и Зоран Заев се најголемиот срам за правосудниот и обвинителски систем во државата кој дополнително ја поткопа недовербата во институциите“, соопшти ВМРО-ДПМНЕ.

Јавното обвинителство да го испита целиот случај и одговорноста кај инволвираните, додава партијата.

The post СЈО НА КАТИЦА ЈАНЕВА И ЗОРАН ЗАЕВ Е НАЈГОЛЕМИОТ СРАМ ЗА ПРАВОСУДСТВОТО Јавното обвинителство да истражи како работеле Ристоска, Бубевски, Фетаи, Стефановска… appeared first on plusinfo.mk.

Дел од предметите кои се актуелизираат денес се застарени и никогаш не требаше да бидат предмет на кривично гонење доколку надлежните институции се придржуваа до законот, правдата и правото, наместо да постапуваат по политички диктати, вели поранешната министерка за внатрешни работи, Горана Јанкулоска, во остра јавна реакција, коментирајќи го предметот „Талир“ на некогашното Специјално јавно обвинителство.

„СЈО и сите таму, беа „црпнати“ за да дадат одговор кој, кого и зошто незаконски прислушкувал со години. Се занимаваа со сè освен со тоа за што беа формирани. Водеа кадровска политика во
политичките партии преку политички прогон, билдаа партиски рејтинзи за изборни цели, преку
закани и притисоци одбираа владини партнери не според освоени гласови, туку според дневно
политички потреби, и сега проблем бил Кривичниот законик од 2023 (кој сам по себе е тема за
посебна дебата). Не е ниту до тој ниту до било кој друг закон. До правниците е, кои во сè гледаа математика и тераа политика, си кркаа незаконски бонуси и 10 години парадираа во судовите како холивудски ѕвезди и градеа метеорски кариери, ама не поради резултати или квалитет, туку заради сервилност кон претходната власт“, напиша Јанкулоска на социјалните мрежи.

Според Јанкулоска, ваквиот пристап остави длабоки последици врз правниот систем и довербата на граѓаните во правдата.

Случајот „Талир 1“, за незаконското финансирање на ВМРО-ДПМНЕ, следната недела ќе почне од
почеток по 6. пат. Вчерашното рочиште се одложи, а во меѓувреме застаре кривичното дело Злоупотреба на службената положба и овластување, за кое се гонеа експремиерот Никола Груевски и Кирил Божиновски, а остана само кривичното дело за перење пари. Во случајот, освен Груевски и Божиновски, обвинети се и Илија Димовски, Леко Ристовски и поранешниот
министерот за транспорт, Миле Јанакиески.

The post ВО СЈО БЕА ЦРПНАТИ ЗА ДА ОДГОВОРАТ КОЈ ПРИСЛУШУВАШЕ, АМА ВРШЕА ПАРТИСКИ ПРОГОН Си кркаа незаконски бонуси и парадираа како холивудски ѕвезди appeared first on plusinfo.mk.

Израдбата на Музејот на ВМРО започнала пред да биде склучен договор за градба со изведувачот, рече денеска во Кривичниот суд градежниот инженер Небојша Арсовски кој го изработил вештиот наод и мислење во 2017 година по налог на поранешното Специјално Јавно Обвинителство (СЈО) во предметот „Тендери“.

На прашање на обвинителот Стевчо Донев, вештакот рече дека тоа што е дадено во мислењето во стручниот наод, од анализирано може да се заклучи дека се работи за комплексна градба и дека истата е почната со реализација со основен договор во процес, каде покрај носителот на договорот се вклучени поголем број подизведувачи и дека континуитетот на градбата го пратат повеќе договори како резултат на повеќе непредвидени работи.

– Фокусот на анализата е во документацијата од Договорот од 5 октомври 2011 година. Континуитетот на градбата и решавањето на проблемите во од за работи кои не се предвидени во договорот можеби е добра за динамиката на самата градба, на мислење сме дека јавната набавка со денот на воведување на работа на изведувачот дел од нив биле изведени во фаза на изведба, пред изведувачот да биде воведен во работа – појасни Арсовски.

Вештакот рече дека од воведувањето на работата на изведувачот до ситуирање на работите е невозможно во тој кус период да бидат реализирани сите работи кои веќе биле изградени.

– На барање на ЈО за утврдување на градежните работи за Музејот на ВМРО од 18 август 2011, врз основа на градежната документација која не е водена во целост, на мислење сме дека од временскиот период на воведување на работа до ситуирање на работите, од анализираната документација, факт е дека технички и технолошки е невозможно да биде реализиран овој обем на работа, посебно во првата времена ситуација, дел се реализирани по ситуирање на истите, но има ситуирани позиции кои делумно биле сработени претходно и позиции кои се работени покасно со оглед на краткиот временски период – истакна вештакот.

Одбраната во вкрстено испрашување на Арсовски праша дали неговата лиценца е од 2012 година која има важност пет години, односно до 2017 година, вештакот потврди но појасни дека во тој период кога го почнал вештачењето, веќе имал поднесено барање за продолжување на лиценцата. Вештакот рече дека не е само тој на кој не му била продолжена лиценцата.

Обвинителот Донев рече дека кога вештакот ја добил наредбата, тој имал важечка лиценца, но и на судот му посочи дека праксата на Апелциониот суд дозволува ако на вештакот му е истечена лиценцата, а да не е избришан од регистарот на вештаци да вештачи.

Во „Тендери“ првообвинета е поранешната министерка за култура Елизабета Канческа Милевска за тендерот за извршување градежни работи во Музејот на македонската борба за државност и самостојност, од проектот „Скопје 2014“. Обвинети се уште двајца членови на Комисијата за јавни набавки.

The post Вештак тврди дека Музејот на ВМРО почнал со изградба пред да биде склучен договор appeared first on plusinfo.mk.