Федералната служба за безбедност на Русија тврди дека спречила обид за атентат врз висок државен функционер, јавија руските медиуми. Според новите информации, цел на нападот бил Сергеј Шојгу, главен советник за безбедност на рускиот претседател и поранешен министер за одбрана.

Времето било намерно избрано да биде 12 ноември 2025 година, годишнината од смртта на мајката на Шојгу, Александра.

Наводно, експлозивот требало да биде поставен во видеокамера скриена во вазна со цвеќе на гробот на неговите роднини, на московските гробишта Троекуровски. ФСБ соопшти дека нападот бил „планиран од украинските специјални служби“ и дека е спречен непосредно пред извршување.

ФСБ информирала дека се уапсени три лица – брачен пар од Русија и мигрант од Централна Азија.

Vereitelter Anschlag auf Schojgu

Der russische Inlandsgeheimdienst FSB hat einen geplanten Terroranschlag auf den ehemaligen Verteidigungsminister Sergej Schojgu vereitelt. Der Angriff sollte auf dem Trojekurowskij-Friedhof in Moskau durch eine Sprengfalle stattfinden –… pic.twitter.com/J0TbMAiaxv

— Verschwörungstheorien (@GGosebrecht) November 18, 2025

Осомничените, според агенцијата, имале упатства од Шамса Јалолидин Курбанович, државјанка на Украина родена во 1979 година, која е веќе барана во Русија за убиство и нелегална трговија со оружје.

Понатаму, безбедносните служби тврдат дека во мобилните уреди на уапсените била пронајдена преписка преку апликациите „Ватс ап“ и „Сигнал“ со лице идентификувано како службеник на украинските специјални служби.

ФСБ исто така покажала докази за видеокамера сместена во вазна, опремена со далечински управувач и експлозивен механизам. Таа, според службата, требало да се активира во моментот кога Шојгу ќе пристапел кон гробот.

Од украинските власти засега нема реакција на тврдењата на Москва. Но, руските медиуми веќе го користат случајот како доказ за, како што велат, „терористички активности поддржани од Киев“.

The post 📽️ САКАЛЕ ДА МУ ПРЕСУДАТ НА ШОЈГУ НА ДЕНОТ НА СМРТТА НА НЕГОВАТА МАЈКА Украински агенти ставиле експлозив во вазна appeared first on plusinfo.mk.

Истрагата на полската агенција за внатрешна безбедност покажува дека групата дејствувала од јануари до март оваа година во градовите ширум земјата, соопшти Националното обвинителство во Варшава.

– Обвинетите извршиле активности, вклучително и идентификување на критичната инфраструктура, воени објекти и поморски пристаништа. Тие ги информирале своите клиенти за резултатите од извидувањето, за што добиле надомест – се вели во соопштението.

Обвинителството објави дека 16 лица биле дел од „шпионска мрежа“ која „соработувала со руската специјална служба“.

Се тврди дека тие „вршеле разузнавачки и пропагандни активности против Полска и подготвувале саботажни акти во име на руското разузнавање“.

Во јавноста има малку информации за идентитетот на обвинетите, освен дека се работи за странски државјани.

The post ОБВИНЕТИ СЕ 16 ШПИОНИ ВО ПОЛСКА Подготвувале саботажи во име на руски разузнавачи appeared first on plusinfo.mk.

Бугарскиот претседател Румен Радев на средбата со шефовите на бугарските специјални служби побара да се преземат навремени мерки за адекватна заштита на правата на бугарските граѓани надвор од Бугарија, кои се изложени на напади само поради нивната национална самосвест, јави дописникот на МИА од Софија.

На средбата, како што соопштија од кабинетот на Радев, присуствувала и заменичката на претседателот, Илијана Јотова.

Повод за средбата е писмото кое бугарскиот Кабинет на претседателот го добило од Културниот центар „Иван Михајлов“ – Битола и од други граѓани на Северна Македонија кои се определуваат како локални Бугари и поради, како што се наведува во соопштението, зачестените појави на повреда на нивните права само поради фактот што се определуваат како етнички Бугари.

На средбата, се додава во соопштението, бил разгледан и случајот во Струмица, со нападнатите граѓани кои се определуваат како Бугари.

Во меѓувреме, Министерството за надворешни работи на Софија, соопшти дека бугарскиот амбасадор во Скопје Ангел Ангелов и специјалниот претставник на Владата на С. Македонија за Бугарија Владо Бучковски разговарале за актуелната соработка меѓу Софија и Скопје.

При разговорот најголем акцент бил ставен на врските во областа на медиумите, образованието, културата, здравствената заштита и инфраструктурните проекти.

Особено внимание било посветено на подготвеноста на двете земји за изградба на граничниот контролен пункт „Клепало“ меѓу општините Струмјани и Берово.

Како што претходно јави дописникот на МИА од Софија, бугарскиот заменик-министер за регионален развој Деница Николова изјави дека Бугарија планира да бидат насочени околу девет милиони евра за изградба на граничниот премин „Клепало“ меѓу Струмјани и Берово, што е назначен за стратешки проект на Софија и Скопје и оти со неговата изградба ќе се подобри поврзаноста меѓу двете држави и ќе се олесни трговијата и туризмот во двете насоки.

The post Радев се сретна со шефовите на специјалните служби: Да се заштитат правата на Бугарите во С. Македонија appeared first on plusinfo.mk.