– За нас, секој еден член, претставник од нашата Специјална олимпијада – Македонија е победник. Заедно покажавме како со посветеност, вложен труд и многу работа резултатите се загарантирани. Освоивме пет медали, но уште поважно – ги освоивме срцата на присутните во Берлин, а верувам и во Македонија. Навистина се гордееме со сите наши атлети, партнери, помагатели и директни учесници на Специјалната олимпијада во Берлин. Честитки и до тренерите кои беа во секој миг до нашите атлети, поддржувајќи ги неуморно – изјави Моника Бошкоска, Претседател на Специјална олимпијада – Македонија.

Но, ниту еден успех не е лесен и секогаш е потешко да се направи нешто сам, а полесно е кога се има поддршка, некој кој безулсовно верува во тебе и кој несебично те поддржува. Огромна благодарност до НЛБ Банка, без нивната безрезервна поддршка годинава немаше да ни се случи Светската Специјална oлимпијада. Тие години наназад стојат зад нас, потврдувајќи ја својата општествена одговорност, посветеноста кон инклузивно општество и еднакви можности за сите – додава Бошкоска.

Спортот може да има трансформативно влијание врз сите поединци, а компаниите со својата поддршка можат да бидат инспирација за градење значајни општествени вредности. Она што ја издвојува НЛБ е токму вклученоста на Банката во иницијативи што промовираат вредности, беше истакнато на настанот.

– Среќни сме за нашите олимпијци кои успеаа годинава да го дадат максимумот за време на натпреварувањата во Берлин и со петте освоени медали ја докажаа силната посветеност и мотив да се надминат бариерите и да се прошират спортските капацитети и вештини. Тие покажаа дека можат да се носат рамо до рамо со најголемите светски спортски сили и да ја позиционираат својата земја на мапата на светската спортска сцена – подвлекува Бошкоска.

– Нè направивте горди и ја претставивте Македонија во најдобро можно светло. Ви благодариме за ентузијазмот и успесите! Ја делиме со вас страста за спортот, кој за нас претставува универзален јазик кој ги надминува културните, јазичните и физичките бариери. Вие навистина сте наша инспирација – изјави Бранко Грегановиќ, Претседател на Управниот одбор на НЛБ Банка и додаде дека е вистинска чест и привилегија да се биде поддржувач на организација со ваква благородна мисија.

Инаку годинава, на Светските специјални олимписки игри македонската делегација ја преставуваа 13 атлети. Од настапите во пет дисциплини: кошарка, пливање, бадминтон, атлетика и пинг-понг македонските репрезентативци освоија вкупно пет медали – еден златен, два сребрени и два бронзени медали.

The post (ГАЛЕРИЈА) НЛБ БАНКА ИМ ОДДАДЕ ПРИЗНАНИЕ НА СПОРТИСТИТЕ ОД СПЕЦИЈАЛНАТА ОЛИМПИЈАДА Македонската репрезентација се врати со пет освоени медали! appeared first on plusinfo.mk.

Имено, кога не е на пливање, на танц, на логопед или на прошетка по кеј, Марио најмногу сака да пие кафе во некое кафуле или да се чести ручек во некое кафанче. Друштво секогаш му прави неговата мајка Јамболка за која вели дека многу ја сака, па затоа понекогаш знае и да ѝ помогне. На пример, да ги „заплакне“ садовите, да направи салата од краставици или од зелка, инаку, неговите омилени, или пак да ѝ го направи најубавото кафе.

Целиот текст и видеото за Марио Мицковски побарајте ги на порталот „Мајка и дете“.

The post ЗГОДНОТО МОМЧЕ ОД СКОПСКИ БУТЕЛ ОСВОЈУВА СРЦА, АМА И МЕДАЛИ Иако со Даунов синдром, Марио е релативно самостоен, а на Македонија ѝ донел медали од три олимпијади (ВИДЕО) appeared first on plusinfo.mk.

Европската фудбалска недела 2022 е иницијатива на Специјална олимпијада, која по две години пауза поради пандемијата од ковид, повторно ги врати атлетите на терен, во својот традиционален термин во мај, со цел да го искусат задоволството на фудбалот и инклузивното спортување.

– Подавање на фудбалската топка, голови, гласно навивање и радост на терен ја карактеризираат оваа Европска фудбалска недела на Специјална олимпијада Македонија. По две години пауза, успеавме да ги вратиме нашите атлети на активен спорт, и со нив и фудбалерите на ФК Вардар да ја прикажеме моќта на Јунифајд фудбалот и спортувањето. Благодарност до сите поддржувачи кои ни овозможуваат да ги реализираме активностите на Специјална олимпијада Македонија во континуитет – вели Драган Караџовски, национален директор на Специјална олимпијада Македонија.

Покрај полигонот и фудбалските мечеви меѓу атлетите на фудбалерите на ФК Вардар, во рамки на Европската фудбалска недела беше одржана и работилница за Јунифајд концепт на спортување кој е една од алатките за социјалната инклузија.

Според истражувањето кое беше спроведено меѓу присутните на работилницата, во организациите и клубовите каде тие работат може да се спроведе Јунифајд спорт, во кошарка, фудбал, пливање и атлетика.

Реализацијата на активностите на Специјална олимпијада Макеоднија е поддржана со институционален грант на Цивика Мобилитас.

Специјална олимпијада Македoнија во земјава е формирана во 2003 година под акредитација на Специјална олимпијада, која е основана од Јунис Кенеди Шрајвер во 1968 година и денес брои 6 милиони атлети и јунифајд партнери во 190 земји ширум светот. Под мотото „Дозволи ми да победам, а ако не можам, дозволи ми да бидам храбар во обидот“ организацијата во земјата ја остварува својата мисија, а тоа е да овозможи спортски натпревари и тренинзи во различни олимписки спортови за деца и возрасни со интелектуална попреченост, давајќи им постојани можности да ја развијат физичката кондиција, да покажат храброст, искусат радост и да учествуваат во споделување на вештини, знаења и пријателства со нивните семејства и останатите атлети на Специјална олимпијада и заедницата.

The post ЕВРОПСКА ФУДБАЛСКА НЕДЕЛА НА СПЕЦИЈАЛНАТА ОЛИМПИЈАДА Се учеше подавање со топка, гласно навивање и радост на терен appeared first on plusinfo.mk.