Министерот за здравство Азир Алиу денеска ја посети Клиничката болница во Тетово по повод доделување решенија за вработување доктори-специјализанти од повеќе области.

– Со големо задоволство присуствувам на доделувањето решенија за вработување на 28 доктори специјализанти. Станува збор за приватни специјализанти од повеќе различни области, со што сериозно се унапредува специјалистичката здравствена заштита во оваа установа. Приватните специјализанти се вработуваат по објавен конкурс, спроведени тестирања, интервјуа, односно по завршување на сите законски процедури. Во рамки на заложбите за регионализација на здравствените услуги и зајакнување на регионалните клинички и општи болници низ државата, токму Клиничката болница во Тетово е еден од примарните фокуси на Министерството за здравство – посочи Алиу.

Тој потсети дека во рамки на заложбите за регионализација, во оваа установа се работи и на дисперзирање на онколошките услуги, со цел овие пациенти да ги добиваат потребните здравствени услуги поблиску до местото на живеење.

The post 28 ДОКТОРИ-СПЕЦИЈАЛИЗАНТИ СЕ ВРАБОТИЈА ВО ТЕТОВСКАТА БОЛНИЦА Министерот Алиу им врачи решенија appeared first on plusinfo.mk.

Со функционирањето на Медицинскиот симулациски центар во кој се обучуваат специјализанти, студенти по медицина, тимови на брза помош, персонал од интензивна нега, гинекологија, неонатологија, се создаваат капацитети кои одговараат на највисоките европски критериуми и каде подготвеноста на кадарот произлегува од стратешки поставен модел на постојана едукација и работа, велат од Министерството за здравство.

Со нови 600 специјализанти и над 1.250 вработувања низ здравствените установи во последните 45 дена, додаваат, се проектира здравството според реалните потреби на граѓаните.

Симулаторите во МСЦ, потенцираат оттаму, се врвна технологија, на кои може да се симулираат речиси сите патолошки појави и состојби на човекот. Тоа е средина каде што знаењето се претвора во искуство, а искуството станува сигурност за секој живот што зависи од здравствениот систем.

„Нашиот пристап е јасен – инвестираме во луѓето“, велат од министерството и потенцираат дека таа визија се претвора во практика преку успешното функционирање на Медицинскиот симулациски центар.

The post 📽️ МЕДИЦИНСКИОТ СИМУЛАЦИСКИ ЦЕНТАР СОЗДАВА ВРВНИ КАДРИ Во последните 45 дена има нови 600 специјализанти и 1.250 вработувања appeared first on plusinfo.mk.

Клиничка болница – Штип склучи договори за вработување со 18 приватни специјализанти кои во наредниот период треба да помагаат во работните единици согласно својата специјалност. Како што информира директорот на Болницата, Владко Захариев, на неопределено време ќе се вработат уште 18 лица.

– Заврши тој процес на прием на специјализанти, во моментот е склучен договор со 18 специјализанти од кои поголем дел се во втора половина на специјализација и се надеваме дека за 6 месеци, 5 до 6 колеги веќе ќе бидат специјалисти кои ќе можат да помагаат во работните единици на дадената специјалност – изјави Захариев.

Според него, на неопределено време ќе се вработат уште 18 лица – општи лекари, медицински сестри и фармацевти. Огласот завршил деновиве, а се прават напори за да се објави и нов оглас за вработување технички персонал зашто недостасува на речиси сите оддели.

– Тоа е за 18 вработувања, од кои 7 се за лекари по општа медицина, двајца фармацевти и 9 медицински сестри. Во план ни е во координација со Владата и со Министерствтото за финасии, ако се во можност да има и друг оглас кој ќе има поголем број на помошен медицински персонал – рече Захариев.

Проблемот со недостиг на перонал во болницата се провлекува со години, но се прават напори тој недостиг да се намали и да се вработат нови лица.

The post ШТИПСКАТА БОЛНИЦА АНГАЖИРА 18 СПЕЦИЈАЛИЗАНТИ Следуваат нови вработувања на лекари, сестри и на фармацевти appeared first on plusinfo.mk.

Набргу ќе бидат отворени нови 300 слободни места за кадри од редот на приватните специјализанти, најави денеска министерот за здравство, Азир Алиу, одговарајќи на новинарски прашања на прес-конференцијата во Министерството за здравство.

– Болницата во Куманово нема да остане без операции, тој предизвик не е само за таа болница, туку и за цела Македонија, но и внатре во Клиничкиот центар ,,Мајка Тереза”. И тука, од една во друга клиника, во овој кампус, исто така, правиме таков тип на хоризонтална мобилност на профилите. Тоа се случува бидејќи досега, за жал, креираните политики во здравството биле само врз основа на семејни или на другарски односи, а не врз основа на реални потреби што Министерството ги има за стручен кадар – рече тој.

Тој рече дека набргу ќе се отворат нови места според потребите.

– Ние набргу ќе отвориме уште 300 слободни места за специјализанти, во профили од кои навистина имаме потреба. Немаме радиолози во државата, па затоа и таму се случува пациенти да чекаат со денови за резултати за читање на слики. Тристотини веќе беа објавени и се завршени, а 300 ќе се објават од наредната недела – додаде Алиу.

Тој истакна оти е важно профилот да биде компатибилен со потребите на здравствениот систем.

– Ќе инсистираме на тоа – истакна министерот Алиу.

ОТВОРЕН Е „ОТВОРЕНИОТ КАБИНЕТ“ ЗА ДИРЕКТНИ СРЕДБИ СО МИНИСТЕРОТ ЗА ЗДРАВСТВО Голем интерес за иницијативата на Алиу, првите 15 средби се веќе закажани

The post АЛИУ НАЈАВИ 300 НОВИ СЛОБОДНИ МЕСТА ЗА ПРИВАТНИТЕ СПЕЦИЈАЛИЗАНТИ Крај на уписите со врски, ќе се бара кадар по потреба appeared first on plusinfo.mk.

Го решаваме проблемот со недостигот од човечки ресурси во болниците, изјави Сашо Клековски, директор на Фондот за здравствено осигурување, посакувајќи успех на 34 специјализанти, кои денеска во Битола полагаа тест за вработување во Клиничка болница-Битола и општите болници во Прилеп, Охрид и Кичево.

Според Клековски, со денешната активност на долг рок се очекува покривање на специјалност кои недостигаат во здравствените установи во југозападниот регион на државата.

– Денешната активност е почеток и придонес за решавање на недостигот од човечки ресурси во болниците во овој дел од земјата и се надеваме дека ќе продолжиме со следната група специјализанти. Знаеме дека најголем дел од болниците во овој регион функционираат со намален број на лекари и ова е првиот чекор за решавање на проблемот. На долг рок очекуваме покривање на дел од специјалности кои ги нема затоа што во моментов нема доволно специјалисти. Со новите ресурси ќе се зголеми бројот во оддели каде што состојбата е критична во однос на потребни специјалисти за задржување на дејноста – истакна Клековски.

На прес конференција во Битола, проф. д-р Игор Николов, советник за здравство во Владата потврди дека вработувањето на млади специјализанти во здравствениот систем е државен императив.

– Вработување на приватните специјализанти е приоритет за нас. Со овие вработувања ние ги задржуваме младите лекари во земјава, но и во системот бидејќи нашата намера е да бидат задржани во јавното здравство и да работат во системот. На младите лекари, на младите здравствени работници е иднината на целиот здравствени систем. Без здрави млади здравствени работници, особено специјализанти кои што сакаат да се едуцираат и сами се финансираат, не можеме да градиме сериозен и планиран здравствен систем – истакна Николов.

Тестирањето на приватни специјализанти се одвиваше на Техничкиот факултет во Битола.

The post 34 НОВИ СПЕЦИЈАЛИЗАНТИ ТРЕБА ДА ГО ПОКРИЈАТ НЕДОСТИГОТ НА КАДАР ВО БОЛНИЦИТЕ Клековски очекува решавање на проблемот на долг рок appeared first on plusinfo.mk.

Министерот за здравство, Арбен Таравари, денеска во Гостивар изјави дека нема информација за недостиг на лекови во медицинските установи, ниту, пак, дека нема лекови во Клиниката за радиотерапија и онкологија. На утринскиот брифинг, како што потенцираше, не бил пријавен проблем.

– Јас моментално немам информација дека има недостиг на некаков лек на Онкологија, генерално ги имаме сите лекови. Инсулин недостасуваше 2 дена, меѓутоа потпишавме анекс со компанијата што снабдува и тоа е решено. Во моментов, јас колку што знам, немаше проблем и колку што сум информиран на утринскиот брифинг, кој го имавме со тимот во Министерството за здравство, немаше ваков проблем – изјави министерот Таравари, по работната посета на општа болница „Ферид Мурад“ во Гостивар.

На прашањето на новинарите околу постапката за прием на нови специјализанти, тој кажа дека процедурата малку доцни заради ситуацијата што настана со трагичниот настан во Кочани.

– Во некои болници течат и огласите за специјализација. Во Гостивар се 12. Идната недела ќе тестираме околу 250 специјализанти. Распишани се стотина огласи во здравството и за сестри, болничари и за специјализанти. Малку задоцнивме, требаше порано, но случајот во Кочани малку го пролонгираше и се надевам до крај на месецот да заврши – рече Таравари по посетата на општата болница во Гостивар.

The post ТАРАВАРИ НЕ Е ИНФОРМИРАН ДЕКА НЕМА ЛЕКОВИ НА ОНКОЛОГИЈА Министерот тврди дека трагедијата во Кочани ја пролонгираше процедурата за прием на нови специјализанти appeared first on plusinfo.mk.

По посетата на реновираниот педијатриски пункт на поликлиниката Бит-пазар, Таравари, одговарајќи на новинарски прашања, соопшти дека само во скопските јавни здравствени установи ќе бидат вработени околу 30 специјализанти гинеколози.

Според министерот, вработувања ќе има континуирано, но засега тоа што е сигурно се 1.180 средномедицински персонал и 300 специјализанти во почетокот на годината и уште толку специјализанти до крајот од годината.

– Во здравството ќе има точно 1.800 вработувања, а во меѓувреме ќе бидеме принудени да имаме и нови договорци зашто насекаде посебно ни недостасува средномедицински кадар – истакна Таравари.

Во однос на вработувањето на приватните специјализанти, информира дека на 30 декември завршиле сите процедури во министерствата за здравство и за финансии.

– Ова не беше предвидено и во систематизациите на јавните здравстени установи. На пример, на Здравственот дом му требаат седум или десет лекари кои не беа предвидени. Инаку, од вкупно 108 јавни здравстени установи кои подготвуваа нови систематизации, 20 веќе се подготвени и можат веднаш да почнат да ги вработуваат првите 300 специјализанти. Останатите ги чекаат новите систематизации од Министерството за администрација – истакна Таравари.

The post 300 СПЕЦИЈАЛИЗАНТИ МОЖЕ ВЕДНАШ ДА СЕ ВРАБОТАТ Вработување ќе има и за 1.180 медицински сестри appeared first on plusinfo.mk.

За младите во Македонија не е привлечна професијата матичен лекар. По завршувањето на Медицинскиот факултет, повеќето веднаш бараат специјализација, со надеж дека ќе работат во специјализираните болници и клиники во градовите. Руралните средини и помалите градови во последниве години се соочуваат со недостиг на кадар во примарната здравствена заштита.

Постоечките матични ординации се затвораат поради пензионирање на лекарите, а нови ординации не се отвораат. Тие што продолжуваат да работат стануваат преоптоварени со пациенти. Оваа ситуација создава сериозни проблеми и за пациентите и за лекарите, но и за државата. Пациентите треба да патуваат далеку за обичен преглед, лекарите се оптоварени, а државата нема начин како да најде соодветен кадар за да ги задоволи потребите на сите граѓани.

Неопходна е стратегија за тоа каков кадар е потребен 

Претседателката на Здружението на приватни лекари Лилија Чолакова Дервишова вели дека главниот проблем е во недоволната мотивација на младите лекари да се вклучат како матични лекари, особено во руралните средини.

– Од 1.800 матични лекари, денес бројката се намали на 1.436. Мора итно да се преземат мерки за да се спречи понатамошниот пад и да се обезбеди иднина за примарното здравство. Секој млад лекар сака специјализација, а речиси никој не сака да работи во руралните средини. Голем број прекрасни ординации во овие места денес се оставени на забот на времето и пропаѓаат – вели таа.

Здружението предлага секој млад лекар да работи три години во руралните средини под државна капа, по што би добил право да избере специјализација.

– Мора да има национална стратегија која ќе планира кој оди во пензија, каде се потребни специјалисти и слично. Не може сите да одат во Скопје, а другите делови од земјата да остануваат без здравствени услуги. Секоја година се лиценцираат по 300 до 400 млади лекари, но најголем дел од нив учат германски со цел да заминат во странство. Во моментов миграцијата е малку стопирана откако се зголемија платите на специјалистите и надоместокот за дежурства – вели Чолакова Дервишова.

Таа го поздрави најавеното вработување на 300 специјализанти од министерот за здравство, Арбен Таравари. Но, додава дека е потребно планирање со помош на ГИС-програми за рамномерна распределба на кадарот.

– ФЗОМ плаќа за да има здравствени услуги насекаде, но тоа бара стратегиски пристап – потенцира претседателката на Здружението.

Чолакова Дервишова нагласи дека примарното здравство има капацитет да преземе дел од обврските на секундарното и терцијарното здравство.

– Континуирано бараме режимот за лекови да се олесни за да избегнеме непотребни упати кај специјалисти. Секој лекар по завршување на Медицинскиот факултет има право да препише лекови, но правилниците на ФЗОМ се многу застарени и мора да се менуваат – истакна таа.

Дополнителен проблем е недостигот од медицински сестри, кој го чувствуваат и градските и руралните средини.

– Во осум амбуланти не можеше да се најдат медицински сестри, што ќе доведеше до нивно затворање. Благодарение на нашите апели, ФЗОМ дозволи тие ординации да продолжат да работат 24 месеци без медицинска сестра – нагласи Чолакова Дервишова.

Таа укажа дека е неопходно да се подобри финансиската состојба во примарното здравство за да стане конкурентно на пазарот на трудот.

– Овие мали ординации се вистинско богатство за населението во руралните места и нивното функционирање мора да се заштити. Сега е моментот да направиме промени што ќе гарантираат подобро здравје за сите – порача таа.

Лекарската комора побарала поедноставна администрација за матичните  

Матичните лекари, како главни даватели на здравствени услуги во примарната здравствена заштита, се носители на првиот и основен столб на здравствениот систем. Тие играат клучна улога во обезбедувањето стабилност и ефикасност на системот, што подразбира стратешко и развојно позиционирање за да одговорат на современите потреби на пациентите, велат од Лекарската комора на Македонија.

– Матичните лекари се првата линија на контакт со пациентите. Нивната улога е да спречат непотребно прелевање на пациентите кон другите нивоа на здравствениот систем и да обезбедат ефикасна здравствена заштита. Затоа, нивните потреби и барања секогаш се на врвот на агендата на Комората – истакнуваат од Лекарската комора.

На иницијатива на Лекарската комора беа донесени измени на Законот за здравствена заштита, кои значително ја олеснуваат процедурата за продолжување на концесиите за работа на матичните лекари. Претходно, лекарите се соочуваа со административни пречки, особено при пензионирање, кога ординацијата мораше да се затвори.

– Сега, другиот доктор кој најмалку една година работи во здравствената установа, може да продолжи да работи како концесионер без да ја поминува целата постапка од почеток. Ова решение гарантира континуитет во здравствената заштита и го намалува административниот товар – објаснуваат од Комората.

На средба со министерот за здравство, д-р Арбен Таравари, од Лекарската комора побарале целокупната медицинска документација да се води електронски.

– Матичните лекари треба да водат само електронски картон. Употребата на хартиени картони, како и печатењето упати, специјалистички мислења и други документи од системот Мој термин, треба да биде укината – потенцираат од Комората.

Во октомври минатата година, на средба со директорите на Фондот за здравствено осигурување, Сашо Клековски и Бранко Аџигогов, Лекарската комора ги изнела приоритетните реформи за примарната здравствена заштита.

– Една од клучните промени што ги бараме е укинување на дестимулативната скала која предвидува намалување на капитацијата со зголемување на бројот на пациенти. Во сегашните услови, кога недостасува здравствен кадар, оваа мерка е контрапродуктивна – изјавуваат од Комората.

Исто така, тие нагласиле дека е неопходно прилагодување на превентивните програми за да одговараат на современите трендови на болести, како и воспоставување систем за одржливост на руралните амбуланти.

– Потребен е модел што ќе гарантира усогласување на капитацискиот бод со трошоците за живот, инфлацијата и минималната плата. Ова е единствениот начин да се обезбеди достоинствен приход за матичните лекари и да се привлечат млади лекари во овој сегмент – додаваат од Комората.

Од Лекарската комора истакнуваат дека професионалниот развој на младите лекари е од суштинско значење.

– Неопходно е да се создадат услови за стручно усовршување на младите лекари, бидејќи тоа е клучно за обезбедување квалитетна здравствена заштита во иднина – завршуваат од Комората.

Фондот прави напори за привлекување нови кадри

Од Фондот за здравствено осигурување (ФЗО) велат дека распределбата на ординациите по градови и населени места е уредена преку Мрежата на здравствени установи, која ја формира Министерството за здравство. ФЗО склучува договори со матичните лекари само по добиено одобрение од Министерството, кое го проверува исполнувањето на критериумите за простор, опрема и кадар.

Фондот сподели податоци за пензионираните лекари и новите договори во последните три години. Во периодот од 2022 до 2024 година, бројките покажуваат зголемување на склучените договори со нови лекари наспроти бројот на пензионирања:

Во Фондот нагласуваат дека овие бројки се доказ за континуираните напори да се обезбеди адекватна примарна здравствена заштита, особено во руралните и недостапните подрачја.

– Со зголемување на бројот на договори со нови лекари, успеваме да го намалиме притисокот врз здравствениот систем. Ова е приоритет за нас како институција – велат од Фондот.

ФЗО планира да воведе реформи во примарната здравствена заштита, со кои матичните лекари ќе добијат можност да издаваат упати за специјалистичко-консултативна и болничка здравствена заштита само за оние услуги кои се неопходни за пациентите.

– Со тоа би се зголемила достапноста на услугите на примарно ниво и би се намалил товарот врз секундарното и терцијарното здравство – посочуваат од Фондот.

За да се привлечат повеќе лекари во примарното здравство, ФЗО веќе имплементира низа активности. Според Фондот, преземени се мерки за стимулација на млади лекари – финансиски поволности за оние кои почнуваат работа во рурални и недостапни подрачја; замена за подолготрајно отсуство – обезбедување континуитет на услугите дури и во отсуство на матичниот лекар; зголемување на капитациониот бод – повеќе пари за ординациите во руралните средини; преговори со здруженијата на приватни лекари за да се подобрат условите за работа; дигитализација на системот, со што ќе се воведе е-рецепт и ќе се намали административниот товар за лекарите.

Во рамки на реформите, ФЗО веќе ги прави првите чекори за воведување електронски рецепти. Оваа иницијатива има за цел да ја олесни работата на матичните лекари и да им овозможи повеќе време да посветат на пациентите.

The post 📊 СИТЕ САКААТ ДА БИДАТ СПЕЦИЈАЛИСТИ, А НЕ МАТИЧНИ ЛЕКАРИ Како да се мотивираат младите да работат како лекари во помалите места? appeared first on plusinfo.mk.

– Наскоро преку „Мој термин“ ќе овозможиме специјализантите кои што специјализираат во сите наши универзитети на медицинските факултети, да имаат пристап и тие да можат да пдоготват извештај со нивно име и презиме. Очекуваме тоа наскоро да го направиме заедно со Лекарската комора – рече Таравари на денешната прес-конференција во одговор на новинарско прашање.

Директорот на Клиника за детски болести Реџеп Мемеди изјави дека на оваа Клиника има дежурни лекари специјализанти кои работат во тим, но напомена дека постои недостиг на кадар.

-На Клиниката за детски болести имаме дежурни лекари 24 часа, кои работат во тим, како во сите други специјални здравствени институции. Недостатокот на кадар постои и на нашата клиника, како и на сите други клиники. Министерството прави напори да се ублажи недостатокот на лекари, со новите вработувања. Во однос на зголемување на бројот на лекари специјалисти на дежурства, тоа е системски проблем кој треба да се решава. Специјализантите се лекари со лиценца и тие се компетенти да лекуваат пациенти, додаде Мемеди.

The post ТАРАВАРИ НАЈАВУВА ПРОМЕНИ Специјализантите ќе можат да издаваат извештаи преку „Мој термин“ appeared first on plusinfo.mk.

– Клиничката болница на Штип е од особено значење за Министерството за здравство и за Владата. Заинтересирани сме за многу болници, особено за клиничката болница во Штип. Денеска со директорот зборувавме што недостасува од кадар, доктори, од апаратура… Зградата, за жал, воопшто не е сменета од 2017 година кога првпат бев министер. Се надевам дека големиот дефицит на кадар, особено на доктори, ќе го надоместиме со приватните специјализанти. Одредени доктори покажуваат интерес, се надевам дека повеќе од 10 ќе ангажираме во Штип – изјави Таравари.

Министерот говореше и за вработените со договор на дело.

– За жал, 2.500 луѓе се ангажирани, средно медицински кадар, договорци. На повеќе од 1.000 ќе им дадеме решенија до крајот на годината, а со тоа ќе отвориме можност за нови договори оти навистина има дефицит. Има недостиг на доктори, да, но има дефицит и на среден медицински кадар, болничари, хигиеничари и на медицински сестри – објасни министерот.

Тетово и Штип се особено важни за Владата и за Министерството за здравство, вели министерот, бидејќи штипјани се повеќе од 300.000 жители. Таравари изрази надеж дека идната година ќе почне изградбата на нова клиничка болница во Штип.

Таравари извести и дека во Клиничката болница во Штип има нов апарат, вреден 200.000 евра.

– Денес имаме нов апарат од Министерството за здравство, вреден 200.000 евра. Ендоскоп и лапараскоп, исто така и цистоуретроскоп, што се користат и за дигестивна хирургија и за урологија. Апаратот се користи и докторите се задоволни од користењето на апаратот – додаде министерот за здравство.

The post ТАРАВАРИ ОЧЕКУВА ПОВЕЌЕ ОД 10 ДОКТОРИ ДА СЕ ВРАБОТАТ ВО ШТИП Темелите за новата болница се најавуваат за в година appeared first on plusinfo.mk.