Пред Специјалниот суд за извршени воени злосторства на припадниците на Ослободителната војска на Косово (ОВК) денеска почнува судењето на поранешниот командант на ОВК и поранешниот косовски претседател Хашим Тачи и на уште тројца соучесници.

Специјалниот суд за воени злосторства на Косово со седиште во Хаг го обвини Тачи во ноември 2020 година за воени злосторства и злосторства против човештвото, вклучително и прогон, убиства, тортура, присилно исчезнување и други злосторства извршени.

На првиот ден од судењето воведниот говор ќе го одржат обвинителите. Потоа, во текот на неделата, воведниот говор ќе го има правниот застапник на повеќе од 140 жртви, на кои судот им одобри да учествуваат во судењето.

Тачи (54) поранешен претседател и поранешен лидер на ОВК поднесе оставка од функцијата шеф на државата веднаш по подигнувањето на обвинението и е во притворската единица на судот во Хаг.

Тројца од неговите најблиски соработници, вклучително и двајца поранешни претседатели на Парламентот, се соочуваат со истото обвинение како и поранешните припадници на ОВК.

Покрај Тачи, за извршени злосторства врз Албанци, Срби и Роми во Косово и во Албанија во 1998 – 99 година обвинети се и членови на Главниот штаб на ОВК, Кадри Весели, Јакуп Красниќи и Реџеп Селими.

Обвинението ги товари Тачи (54), Весељи (55), Селими (52) и Красниќи (72) за злосторства извршени во 42 нелегални притворни центри на ОВК во Косово и во Албанија против околу 407 притвореници, од кои најмалку 98 биле убиени во периодот од март 1998 до септември 1999 година.

The post НА ДУША МУ СЕ СТАВААТ НАЈМАЛКУ 98 УБИСТВА Почнува судењето на Хашим Тачи пред Хашкиот трибунал   appeared first on plusinfo.mk.

– Што се однесува до обидите да се формира некаков суд, тие нема да имаат легитимитет, нема да прифатиме и ќе го осудиме тоа – изјави портпаролот на Кремљ, Дмитриј Песков.

Западот и Киев се залагаат за формирање на специјален суд за кривично гонење на руските воени и политички лидери кои ги смета одговорни за војната, како и за сторителите на воени злосторства.

Русија негира дека извршила воени злосторства и ги обвини украинските сили за кршење на меѓународното право и Женевските конвенции за време на, како што Москва ја нарекува својата „специјална воена операција”.

The post ГО ОСУДУВАМЕ СПЕЦИЈАЛНИОТ СУД Песков вели дека Кремљ не прифаќа трибунал за руските воени злосторства appeared first on plusinfo.mk.

– За секој кој некогаш се обидел да добие информации од Специјализираните совети на судот, ова е неверојатен развој на настаните – објаснува дописникот на Би-Би-Си од Балканот, Гај де Лони.

Во својата анализа тој проценува дека од фактот дека е поднесено обвинение против Хашим Тачи повеќе изненадува како е тоа сторено.

Според него, од основањето во 2016 година, судот не открил буквално ништо за неговата работа. Дури и кога поранешниот косовски премиер Рамуш Харадинај минатата година кажа дека бил сослушан како осомничен,  судот не го потврди тоа.

Се потсетува дека судот е основан да ги испита наводите од извештајот на Советот на Европа во 2011 година во кој Тачи беше назначен за водач на криминална група на ОВК, вклучена во трговија со дрога, оружје и човечки органи.

Во тоа време, Тачи изјави дека извештајот на Советот на Европа соддржи „неосновани обвиненија“ и се закани дека ќе го тужи  авторот на извештајот , швајцарскиот сенатор Дик Марти.

The post Би-Би-Си: Специјалниот суд за Косово го прекина молкот на најдраматичниот можен начин appeared first on plusinfo.mk.