Илон Маск стана првиот човек во историјата чие богатство надмина билион долари, откако неговата компанија СпејсИкс (SpaceX) собра рекордни 75 милијарди долара во иницијалната јавна понуда на акции (ИПО).

Според пресметките засновани на документите на компанијата, најголемиот дел од богатството на Маск сега се наоѓа во СпејсИкс, каде што поседува удел вреден околу 866 милијарди долари, а заедно со Тесла и останатиот имот, неговото богатство ќе надмине 1,1 билион долари по почетокот на тргувањето со акциите на СпејсИкс на берзата.

Инвеститорите сметаат дека вредноста на СпејсИкс делумно се занова на таканаречената „Илон Маск премија“, односно на довербата во неговата способност да развива нови технологии и компании.

– Исто како и Тесла, СпејсИкс е облог на Илон Маск. Пазарната капитализација од 1,5 до два билиони долари сигурно би ги направила бесмислени сите традиционални методи за проценка на вредноста и најдобро може да се опише како ’Илон Маск премија‘ – рече Мет Кенеди од компанијата „Ренесанс Капитал“, која се занимава со истражување на ИПО пазарот и ЕТФ фондовите.

Побарувачката на инвеститорите за иницијалната јавна понуда на акции (ИПО) на компанијата СпејсИкс достигна ниво од околу четири пати поголем интерес во однос на понудениот обем на емисијата. Големиот интерес, пред сè на институционалните инвеститори, доаѓа во пресрет на очекуваното излегување на СпејсИкс на берзата, кое, според оценките на пазарните учесници, би можело да стане најголемата јавна понуда на акции досега.

Претходно, магазинот Форбс го процени богатството на Маск на околу 780 милијарди долара, што беше значително повеќе од богатството на второпласираниот на листата на најбогати луѓе во светот, соосновачот на компанијата Алфабет (Alphabet), Лари Пејџ.

Маск (54) е роден во Преторија, Јужна Африка, а на пошироката јавност ѝ стана познат како извршен директор на Тесла и основач на СпејсИкс. Покрај Тесла и СпејсИкс, Маск е коосновач на повеќе компании, меѓу кои се Боринг Компани (Boring Company), која се занимава со изградба на тунели, и Неуралинк (Neuralink), компанија за развој на мозочни импланти.

The post ИЛОН МАСК СТАНА ПРВИОТ БИЛИОНЕР ВО СВЕТОТ Голем интерес за акциите на неговата СпејсИкс на берзата appeared first on plusinfo.mk.

Лавиринт од мејлови, пријателства и покани повторно ја отвори сенката на аферата со Џефри Епстин. Овојпат во фокусот се најде Кимбал Маск, брат на познатиот милијардер Илон Маск и долгогодишен директор во Тесла.

Министерството за правда на САД објави нов сет документи на 30 јануари. Меѓу нив се и електронски пораки од периодот 2012–2015 година. Во дел од нив се спомнува Маск. Некои пораки упатуваат на контакт со жени поврзани со Епстин.
Во мејл од октомври 2012 година, Кимбал Маск им напишал на Епстин и на неговиот соработник Борис Николиќ:

„Одлично што се дружевме денес. Ви благодарам што ме поврзавте со Џенифер. Верувам дека двајцата одигравте улога“, напишал Маск.

Николиќ возвратил со предупредување:

„Подобро да бидеш љубезен. Џефри полудува кога некој се однесува лошо кон неговите девојки“, се вели во пораката.

Размената покажува опуштен тон. Се споменуваат забави. Се споменува и можноста за посета на островот на Епстин. Кон крајот на јануари 2013 година, Епстин го поканил Маск „на островот неколку дена“. Не е јасно дали Маск ја прифатил поканата.

Епстин во 2008 година се изјаснил за виновен во Флорида за две обвиненија поврзани со сексуални престапи. Во 2019 година почина во затвор во Њујорк. Властите соопштија дека станува збор за самоубиство.

Во 2026 година повторно се објавуваат милиони страници од неговите преписки. Дел од извештаите ги пренесе и „Блумберг“.

„Мојата единствена средба со демонот“

Кимбал Маск се огласи преку соопштение на Икс. Тој навел дека во 2012 година започнал врска со 30-годишна жена. Тврди дека ја запознал преку пријател. Нагласил дека „Епстин не нè запознал“.

„Мојата единствена средба со тој демон беше во неговата канцеларија во Њујорк во текот на денот. Никогаш не отидов на неговиот остров“, напишал Маск.

Според него, честото споменување на неговото име во документите било резултат на билтен што го испраќал до илјадници луѓе.

Семејни врски и деловни империи

Кимбал Маск ја градел својата кариера и надвор од технолошкиот свет. Во 2004 година ја коосновал „Kitchen Restaurant Group“. Бил член на одборот на „Chipotle Mexican Grill“. Ја основал и непрофитната организација „Big Green“.

Браќата Маск се меѓу најдолгогодишните членови на одборот на Тесла. Кимбал поседува околу 1,4 милиони акции. Според податоци на „Блумберг“, уделот вреди повеќе од 500 милиони долари. Од 2010 година продал акции во вредност од 346 милиони долари.

Бил член и на одборот на Спејс Икс до 2022 година.

„Сега си назад со полно работно време“

Во април 2013 година, односот меѓу Маск и жената по име Џенифер се влошил. Во порака тој ѝ напишал дека „не е во можност да воспостави вистинска врска“. Таа ја препратила пораката до Епстин. Тој одговорил:

„Добри вести, сега повторно те имам назад, со полно работно време“, напишал Епстин.

Во јуни 2015 година, Епстин во порака до трето лице напишал дека „му дал уште една девојка на Кимбал“.

Нема докази во објавените документи дека Маск бил обвинет за кривично дело. Нема ниту официјална истрага против него. Документите, сепак, ја отворија дебатата за кругот на луѓе со кои Епстин одржувал контакт и по неговото прво осудување.

The post ЕПСТИН МУ „МЕСТЕЛ“ ДЕВОЈКИ НА БРАТОТ НА МАСК? „Се сретнав со демонот, но не отидов на островот“ appeared first on plusinfo.mk.

Сопственикот на „Тесла“ и на „Спејс икс“, Илон Маск, изјави дека приоритетот на компанијата се променил и дека целта сега е да се насели Месечината, а не Марс.

Во објава на социјалната мрежа „X“, тој рече дека ова би можело да се случи за помалку од 10 години, пренесува Си-Ен-Ен.

„Најважниот приоритет е да се обезбеди иднината на цивилизацијата, во оваа смисла Месечината е побрза. Патувањето до Марс е можно само кога планетите се порамнуваат на секои 26 месеци (време на патување од шест месеци), додека ние можеме да летаме до Месечината на секои 10 дена (време на патување од два дена)“, напиша Маск.

Тој исто така нагласи дека компанијата останува посветена на изградба на град на Марс и дека ова ќе започне за приближно пет до седум години, и дека ова е водечка цел на компанијата „Спејс икс“ уште од нејзиното основање во 2002 година.

The post ИЛОН МАСК ЌЕ ЈА НАСЕЛУВА МЕСЕЧИНАТА!? Марс ќе биде ставен на чекање appeared first on plusinfo.mk.

Иран ја повлече дигиталната завеса. Од четврток, најголемиот дел од земјата е отсечен од интернет — најстрогата блокада во последните години. На улиците се слушаат повици против режимот, а под мракот на дигиталното молчење, сè уште светат неколку илјади сателитски точки – тајно шверцувани терминали „Старлинк“ на компанијата Спејс Икс на милијардерот Илон Маск.

Во Техеран, Кахризак и Исфахан, видеа од демонстранти сепак излегуваат во светот. Каналот Vahid Online на Телеграм објавил снимки од тела на улица, испратени преку шифрирани мрежи и „цензурообиколувачки“ технологии како Ceno и прокси-сервери. Амир Рашиди, експерт за дигитални права, предупредил дека државата користи воена опрема за електронско блокирање на сигналите, а дронови пребаруваат покриви во потрага по сателитски антени.

Во Иран се шверцувани меѓу 50.000 и 100.000 терминали. Се проценува дека неколку стотици илјади луѓе имаат пристап до нив. Тоа  е последната врска на земјата со надворешниот свет. Но државата реагира со казни кои можат да достигнат до 10 години затвор.

– Во новиот закон дури се вели дека користењето Старлинк е рамно на шпионажа за Израел или ЦИА – изјавил Рашиди.
Даг Мадори од Kentik потврдил дека блокирачката технологија што се користи е „од воен калибар“, скапа и со висока потрошувачка на енергија, но делумно неефикасна во оддалечените подрачја.

Во потег што многумина го нарекоа „дигитален хуманитарен чин“, компанијата Спејс Икс на Илон Маск ја отвори услугата бесплатно за Иранците. „Блумберг њуз“ објави дека претплатничките трошоци се укинати.

The post СВЕТОТ ДОЗНАВА ЗА ПРОТЕСТИТЕ ВО ИРАН ПРЕКУ САТЕЛИТИТЕ НА ИЛОН МАСК Шверцуваните терминали ја одржуваат врската appeared first on plusinfo.mk.

Илон Маск испиша нова страница во светската бизнис-историја, станувајќи првата личност чија проценета нето вредност ја надмина границата од 600 милијарди американски долари, покажуваат најновите пресметки на списанието Форбс.

Експлозивниот раст на неговото богатство доаѓа по серија интерни продажби на акции во Спејс-Икс, вселенската компанија што Маск ја основа и ја води, при што дел од вработените и инвеститорите ги продале своите удели по значително повисока цена. Токму таа цена Форбс ја зема како основа за новата проценка на вредноста на компанијата, што директно влијаеше и врз богатството на Маск.

Само неколку часа претходно, Форбс ја проценуваше нето вредноста на Маск на околу 500 милијарди долари, но новите податоци ја поместија границата далеку повисоко.

Најголемиот дел од богатството на Маск е поврзан со неговите удели во Тесла и Спејс-Икс. За разлика од производителот на електрични возила, Спејс-Икс е приватна компанија, што значи дека нејзината вредност не се утврдува преку берза, туку преку интерни трансакции и инвестициски рунди.

Врз основа на последните продажби на акции од страна на вработените, Форбс ја процени вредноста на Спејс-Икс на околу 800 милијарди долари, двојно повеќе од претходната проценка од 400 милијарди. Со оглед на тоа што Маск поседува околу 40 отсто од компанијата, оваа ревизија драматично ја зголеми и неговата лична нето вредност, која според најновите бројки достигнува дури 677 милијарди долари.

Со ова достигнување, Маск не само што ја зацврсти позицијата како најбогат човек на планетата, туку постави и нов, досега незамислив финансиски рекорд.

The post ОД ТЕСЛА ДО ВСЕЛЕНАТА, МАСК ГО НАПРАВИ НЕВОЗМОЖНОТО Прв човек кој има богатство од над 600 милијарди долари appeared first on plusinfo.mk.

Технолошкиот визионер и еден од најбогатите луѓе на планетата Илон Маск изјави дека светот влегува во најрадикалната промена во човечката историја – ера кога луѓето повеќе нема да мора да работат.

Говорејќи на американско-саудискиот форум во Вашингтон, тој предвиде дека во рок од 10 до 20 години, вештачката интелигенција и хуманоидните роботи целосно ќе ја елиминираат сиромаштијата.

– Вештачката интелигенција и хуманоидните роботи всушност ќе ја елиминираат сиромаштијата – изјави Маск, додавајќи дека човештвото мора да се подготви за „структурни промени“ кои ќе го преобликуваат општеството.

Elon Musk says in “10-20 years, work will be optional,” due to the rise of AI.

“Money will stop being relevant at some point in the future.” pic.twitter.com/ILeL8XGBXJ

— Breaking911 (@Breaking911) November 19, 2025

Маск, кој управува со „Тесла“, „Спејс-Икс“ и „xAI“, истакна дека цивилизацијата се движи кон свет во кој традиционалната работа ќе стане избор, а не потреба.

– Моето предвидување е дека работата ќе биде опционална. Ќе биде како занимавање со спорт или играње видеоигри. Може да купите зеленчук во продавница, а можете и да го одгледувате дома. Многу е потешко, но некои луѓе тоа го прават затоа што сакаат. Така ќе биде и со работата – избор, а не обврска – нагласи тој.

Притоа Маск подвлече дека технолошката револуција ќе создаде нови вредности и дека креативноста, а не продуктивноста, ќе стане најважната човечка способност.

The post 📽️ РОБОТИТЕ ЌЕ НÈ ОСЛОБОДАТ ОД РАБОТА За 10 години работењето ќе биде хоби?! appeared first on plusinfo.mk.

Тимот на вселенската компанија Спејс Икс во САД сè уште не нашол начин како би го дополнил „Старшип“ со гориво во ниска орбита, јави „Спејс њуз“. Американскиот месечев модул, кој треба да однесе луѓе на површината на Месечината до 2027 година, се соочува со задоцнета мисија, што би можело да ѝ ја отвори вратата на Кина за историско слетување.

Распоредот на ХЛС се соочува со значителни предизвици, а според нашата проценка, мисијата „Артемис 3“ би можела значително да се одложи – изјави Пол Хил, советник за безбедност во НАСА, по обиколката на базата „Старбејз“.

„ХЛС“ (Human Landing System), е специјално модифицирана верзија на „Старшип“, наменета за транспорт на астронаути од орбитата до површината на Месечината. Проблемот? Горивото. Техничкиот тим сè уште нема усовршено начин за пренос на криогено гориво на орбита, а тоа е клучниот чекор пред вселенскиот брод да може да се упати кон Месечината.

„Нема рок кога овие предизвици ќе бидат решени“, стои во заклучокот од најновиот извештај на НАСА, цитирано од „Спејс њуз“.

Американската мисија „Артемис 2“, која треба да носи четири астронаути на пат околу Месечината, останува закажана за 2026 година. Но, ако „Артемис 3“ касни, се зголемува шансата Кина да го зграпчи историскиот момент.

Нејзиниот проект „Ланјуе“, месечево летало развиено од Кинеската вселенска агенција, се спрема за слетување до 2030 година. Ваквиот пресврт сериозно ја менува геополитичката битка за новата вселенска доминација.

– Проектот нема да биде толку тежок како што некои инженери мислат – увери претседателката на „Спејс-Икс“, Гвин Шотвел, оставајќи простор за оптимизам.

Американските астронаути последен пат ја допреле површината на Месечината во 1972 година. Од тогаш поминаа повеќе од 50 години.

The post ПРОБЛЕМ ЗА СПЕЈС ИКС, КИНЕЗИТЕ ПРВИ ЌЕ ОДНЕСАТ ЛУЃЕ НА МЕСЕЧИНАТА? Бродот на Маск не може да дополнува гориво за долги мисии appeared first on plusinfo.mk.

Русија му нуди нуклеарна централа на Илон Маск за мисијата на Марс, објави Ројтерс.

Според агенцијата, специјалниот претставник на претседателот на Русија, Кирил Дмитриев, порачува дека официјална Москва е подготвена да размисли за испорака на компактна нуклеарна инсталација за програмата на Илон Маск за Марс.

Според Дмитриев, можноста за соработка може да се разговара на видео конференција со шефот на компанијата „Спејс Икс“.

The post РУСИЈА МУ НУДИ НУКЛЕАРНА ЦЕНТРАЛА НА ИЛОН МАСК ЗА МИСИЈАТА НА МАРС Москва е спремна да соработува со „Спејс икс“ appeared first on plusinfo.mk.

Американските астронаути Суни Вилијамс и Буч Вилмор веројатно со недели ќе одат на физикална терапија и ќе се опоравуваат откако се вратија на Земјата по повеќе од девет месеци во вселената. Но, откако ќе се вратат во форма, може да очекуваат дека ќе се сретнат со американскиот претседател Доналд Трамп во Белата куќа.

Астронаутите ќе ги поминат следните неколку дена на проценка од лекарите во вселенскиот центар Џонсон на НАСА во Хјустон, каде што беа донесени со хеликоптер откако нивната капсула Спејс Икс безбедно се распрсна кај брегот на заливот на Флорида во вторникот вечерта.

Ако сè e во ред со проценката за нивното здравје, ќе им биде дозволено да се вратат дома, Вилмор во Тенеси и Вилијамс во Масачусетс. Дома ќе започнат 45-дневна програма за рехабилитација. Освен физикалната терапија тие ќе работат на својот баланс – долго не ја почувствувале земјината гравитација.

Нивните мускули и коски со месеци лебделе на нулта гравитација на Меѓународната вселенска станица. Тоа е причината зошто астронаутите беа однесени со инвалидски колички од капсулата. Тоа е стандардна пракса за вакви случаи.

Во следните недели, астронаутите најверојатно ќе се борат со вртоглавица и лоша рамнотежа кога ќе почнат повторно да одат. Дури и нивните срца ќе бидат ослабени по неколку месеци лесно пумпање крв без отпор на гравитацијата, па тие ќе треба бавно да закрепнат за да не си наштетат себеси.

Shocking health effects of 286 days in space that returning NASA astronauts could face. pic.twitter.com/qmw9orLb6B

— Daily Mail Online (@MailOnline) March 20, 2025

Губењето на густината на коските е уште еден несакан ефект од патувањата во вселената. Тоа може да ги мачи до крајот на нивниот живот, ако не си ја вратат мускулната маса.

Исто така, додека биле во вселената, астронаутите послабо гледале поради тоа што ниската гравитација предизвикува промени во циркулацијата и се акумулира течност во главата. Ова предизвикува човечкото око да ја промени формата.

Астронаутите ќе треба да се навикнат и да носат секојдневна облека. Носењето униформа која со месеци лебди на нулта гравитација направило нивната кожа да биде чувствителна како бебешката.

Истражувачите можат да одлучат да ги следат астронаутите до крајот на нивниот живот бидејќи сè уште малку се знае за ефектите на престојувањето во вселената.

Една интересна терорија е дека радијацијата која постои во вселената може да влијае на човечкото тело и да предизвика рак.

Едно од позитивните искуства кое ќе го имаат астронаутите кои се вратија на Земјата се мирисите и сетилните сензации кои ги немале во вселената и кои може да ги чувствуваат интензивно на почетокот. Тука се и основните мириси како оној на храната или на тревата.

– Привлекувањето од силата на гравитацијата може да се чувствува чудно и непријатно, природната сончева светлина може да изгледа премногу сјајна, па дури и секојдневните мириси на трева или храна може да се доживеат интензивно на почетокот – изјави за Ју-Ес-Еј Тудеј психологот од Кливленд, Сузан Алберс.

The post ШТО ГИ ЧЕКА АСТРОНАУТИТЕ КОИ ПО 288 ДЕНА СЕ ВРАТИЈА ДОМА? Терапија, проблеми со баланс и многу прилагодување appeared first on plusinfo.mk.

Санита – Сани Вилијамс и Бери – Буч Вилмор официјално се дома. Американските астронаути безбедно се вратија на Земјата, сношти – на 18 март, по продолжениот 9-месечен престој во Вселената.

Нивното патување назад се случува откако заедничка екипа на НАСА и на „Спејс икс“ однесе четворица нови астронаути – 2 жени од САД, и по еден космонаут од Јапонија и од Русија, на Меѓународната вселенска станица на 16 март, за да ги заменат двајцата што заминуваа.

Сани (59) и Буч (62) се качија на капсулата „Драгон“ (Dragon) и на ракетата „Кру-10“ (Crew Dragon) на „Спејс икс“ (SpaceX), заедно со другиот астронаут на НАСА, Ник Хејг, и рускиот космонаут, Александар Горбунов, и слетаа во водата блиску до брегот на Флорида, по нивното 17-часовно патување.

Вилмор и Вилијамс отидоа на МВС лани во јуни – како прв екипаж на вселенското летало „Боинг старлајнер“, и како дел од првично предвидената осумдневна пробна мисија. Но, поради технички проблеми со нивното вселенско летало, нивната мисија на МВС беше продолжена и тие останаа таму 9 месеци. Следат медицински прегледи пред да им биде дозвоолено на космонаутите да се вратат кај своите семејства.

Во мигов, на МВС се на должност Американецот Дон Петит, Русите Алексеј Овчанин и Иван Вагнер, како и новодојдените со „Кру-10“ – Ен Мекклејн, Никол Ејерс, Кирил Песков и Такуја Ониши.

The post 📽 АМЕРИКАНСКИТЕ АСТРОНАУТИ СЕ ВРАТИЈА НА ЗЕМЈАТА Приказна за пробна мисија што се претвори во 9-месечен престој appeared first on plusinfo.mk.